360鮮迴轉壽司 (已結業)

今日經過旺角，想去食壽司，於是就去左呢間，入去叫左個set lunch，唔係好貴，未加一$48，入面包左5件壽司、一件手卷同埋一碟沙律，壽司唔差，飯一夾無散開，三文魚唔算太冰，係幾好食既，主要既係三文魚手卷係好好味，重點係D紫菜夠脆，三文魚一D都唔冰，亦都有魚味，配合起來很好食，絕對係值得一試之選。最後的沙律，不過不失，沙律的菜略嫌淡味，可能是缺少醬料的配合，但整體而言，性格比十分高，喜歡食又平又靚的人請勿錯過。

早幾日朋友生日就搵左呢間近朋友上班既地方壽司多數是大路款式很大件三文，帶子壽司都好新鮮，醋飯酸度剛好軍艦壽司都唔錯!好食!蟹籽壽司咬落口啪啪聲而刺身都好新鮮，三文鮮腩好肥美呀食物唔錯9蚊壽司價錢係非常抵!有時間會再去

剛剛食果間燒烤店食到一肚氣，而且覺得無咩落肚，行下街再去食過，有人派傳單話壽司好平$10一碟，當然去試下啦!舖位唔算大，不過都整到迴轉壽司，座位唔算寬敞，去到都差不多滿座，一共食左16碟，包括三文魚、甜蝦、帶子、魷魚等等，三文魚、帶子、魷魚等壽司一般新鮮，老實講咁平就無咩太大要求，當然入口無新鮮到彈起，起碼食左無肚痛，各款新鮮程度一般，不過$10既款式都算多選擇!部份壽司放左係迴轉，放左都好耐咁，硬左凍冰冰，所以order壽司師傅整會好d! 依頭order，壽司師傅就做，做得都算快!

今日亞仔考試，提早放學，便想到附近食午餐。來到這餐廳，還未開門，原來要12點先開門，等到開門，成為第一檯的客人。亞仔喜歡食壽司，便order了一大堆各式的壽司，雖然不是很肥美和新鮮，但這個價錢（大部份都是$10一碟），尚算可以接受。我自己order了豬排拉麵，熱騰騰的吉列豬排和麵分開上，香脆可口，但麵和湯底不行，總的來說，可以接受，可以再好些。

正在煩惱晚餐吃什麼時，撘車經過呢間鮮壽司，門口大大個牌寫住碟碟九蚊，想諗咁嘅價錢試下亦無妨，於是就落車去食一下。好好彩啱啱有人走唔使等位，睇睇餐牌都幾多款揀，而且真係好平。不過感覺麻麻，枱面用具未至於話垃塌，但唔叫得上乾淨囉。先來一碟三文魚壽司，色水唔靚，唔太新鮮但還可以，唔難食，且飯重醋味我like。面豉湯，order左好耐都唔黎，一黎到竟然係凍嘅，好失望。唔知點解係甜嘅，有啲懷疑係咪糖鹽調轉左？失敗作。八爪魚壽司，賣相唔好沒吃。螺片，魷魚壽司，鮮甜有口感，唔錯。炸蠔卷，凍左過左氣，不好吃。一系列嘅軍艦，又係等左超耐，耐到老闆自動幫我地追壽司師仔。無乜特別印象，不難吃也不稱得上叫好吃，紫菜沒有剪短，轉了一圈後多出來的紫菜就係咁飛下飛下。整體上是ok的，這個價錢我收貨了，但還有進步嘅空間，如自助的斟水位滾水唔夠熱，酸薑只有酸味同糖精味，用具可再清潔點啦。

多數都係落黎食Lunch, 基本上黎講食物都ok, 幾十蚊想點喎有時一個set lunch 加幾個壽司已經滿足而去, 但有啲唔滿意係明明講左3set lunch送 1 set 叫左埋單竟然係分開計 ... 唔知係唔小心定扮豬 .... 唉隔左幾日check單先知雖然我冇即時check單係我問題, 但下下都防人真係幾辛苦間鋪又唔係大,又要叫d客自己出去埋單 .... 而且走火通道咁細夾人喺最窄的位置埋單實在有啲那個 ... 所以各位兄弟姊妹食開尼間就計清楚數先起身埋單吧 !

好耐冇黎過呢間野啦,今日同男朋友黎食下~今次叫左呢d~三文魚:塊魚比以前8蚊果時薄左又細塊左,而且仲散散地咁-0-但味道都冇咩變甜蝦:好食~鮮甜~蟹子&蟹子沙律:賣相同味道同以前差唔多,只係比以前少左少少....><芥x八爪魚:料好似比以前少左,味道都係差唔多~玉子:幾好食~瀨尿蝦:好實肉,好好食冷烏冬:都算多,d烏冬都幾彈牙,點配埋果個汁好好食~枝豆:佢面頭灑左d鹽,所以出面有d咸,但入面正常的

我個朋友成日行過太子都話想一試呢間壽司，加上佢家姐話食過都覺得不過不失，咪一試囉！可能係平日嘅三點幾啦，完全唔使等位。入到去都係得幾枱客，好靜局！亦唔知係咪咁嘅關係，回轉帶冇開，咁你就自己tick order紙，另外佢有lunch set，到五點半前仲有得食！價錢絕對唔貴（我覺得囉），而且睇落都幾多款呀！叫咗幾碟壽司，都好快嚟，但個size就比較細，我諗大食少少嘅人一定要叫多幾碟得夠 最普通嘅三文魚，不過不失花之戀，唔錯，但好細粒花．．．天婦羅蝦，好熱，但隻蝦大過粒飯好多（可能係粒飯太細），搞到好似成日想反轉咁總結：如果只係想一過口癮，呢間係一個唔錯選擇！想醫肚，如果你唔介意食物普通同細size兼好大可能要叫多幾份，可以選擇！我會再嚟嘅，如果我想搵嘢咬的話．．．．．．．．．　

很久沒認真的食過壽司了, 在太子附近走了一會. 見到這間傳統的迥轉壽司店, 雖然未曾試過, 但總覺得壽司差不到去那. 入內後坐在迥轉位, 看到迥轉帶的壽司都沒什麼款. 有數件還有點不太新鮮的樣子, 所以思量良久才拿了一碟. 食後感覺醋飯沒問題, 但魚生太薄了, 有點透明的感覺!!! 之後, 拿壽司單點了數碟來食, 來後的魚生類都薄得很, 感覺沒什麼口感. 雖說九元一碟是便宜點, 但做不出水準即使再便宜都不能令我再回頭. 旺角近來開了間$3的外帶壽司店, 感覺比這間$9一碟的來得可靠. 可能是那間外帶壽司店新開的關係, 做出來的效果都不錯, 我都光顧了數次. 另外, 我還叫了忌廉蟹肉薯餅, 吃下整件都沒有蟹肉. 是我看錯了嗎?? $25的薯餅在日式料理來說都有很多選擇. 食了數碟後, 沒有叫第二回便怱怱離去. 因為食物款式少, 壽司的魚生太薄, 味道一般. 這店的做法不是說很差, 但只能厚道地說, 我不是他的客戶~~~

今日午餐忽然想食壽司,不過想經濟啲...於是就嚟咗呢間之前幾次行過都唔見會係好多人嘅試吓!其實都唔係咁差嘅! 我意思係覺得佢嘅顧客人數應該可以多啲,定係因為我過咗一般午飯時間去呢(都係下午兩點幾之嘛 )價錢算抵啦,大部份壽司都係$9/碟,就算海膽壽司呢類貴價啲嘅都係$29/碟,仲想點吖...用料都尚算新鮮,份量同味道係可以接受嘅!如果要以較為街坊價錢食壽司嘅,呢間可能係唔錯嘅選擇...... 總好過有啲"木反X",係咪都要等一輪至有位,入到去仲要人迫人咁坐啦!!

壽司類細件左好多, 魚生根本唔新鮮前菜螺肉就大大碟, 好味, 低食不過呢度就好過爭鮮, 起碼有得落單!!整體都ok啦, 以價錢行先囉...好似蟹膏壽司都係$9有兩件,重要放滿既, 第二度又真係搵唔到! m....行過有機會都會再去食既..

本人第一次寫食評,好釆唔係彈係要讚,我本來當日係想同女朋友去食放題,但旺角果幾間都話FULLBOOKING,咁我咪係openrice睇下仲有咩好食囉,因為食完反要去旺角火車站睇9點40場,所以就想係附近搵間野食就算,又睇到人地寫食評話呢間野唔錯咁咪試下囉,我地都係walkin入去,8點去到但係都好釆唔洗等位,但反而覺得好似中左招,因為呢d時間仲要係星期六,旺角食野竟然唔洗等位:但一睇到個價錢真係好低,真係全部都9蚊蝶,雖然有d係9蚊1件,但係相對旺角黎講佢算好平,而且我地食左15款壽司度,除左辣味三文魚唔多ok之外,其他都好味而且新鮮,不過就無章紅同油甘,小食我地就食左燒三文魚鮫和奶油薯餅,魚鮫係燒定左所以唔熱同無咩juice,薯餅就食完一客女朋友話要叫多客,仲要讚既係雖然係迴轉,但招呼都唔錯,全程差唔多都係2位經理招呼我地,無影到相有d可惜,下次都會再去!

星期六，想食壽司。突然諗起旺角有間平壽司，都開左有半年，都仲捱得住，應該都唔係咁差，於是就去一試。十二點半去到，都只得小貓兩三隻。店裡有卡位亦有迴轉位。食物款式都多，有壽司、刺身、鍋物、炸物等…但就唔係碟碟＄９，有些係九蚊一碟，有些係九蚊一件。點了三文魚、帶子、赤貝、吞拿魚、玻璃蝦壽司、蟹子軍艦、芥末八爪魚軍艦、吉列蝦同天婦羅蝦壽司…仲有中華沙律同蟹子沙律。中華沙律，$9, 好抵。蟹子沙律要廿蚊就唔係好抵…帶子同赤貝都係九蚊件，價錢同元氣一樣，但質素就一般般，唔係話唔新鮮，但可以再鮮味些。三文魚抵食，唔會切得太薄，都唔錯。軍艦嘅紫菜好脆，不過個芥末八爪魚就超咸！！！兩款炸蝦壽司都係九蚊件，新鮮即炸，不過不失…

已經是第4次光顧~總括來說9元碟來說味道不錯的~服務也很好個人覺得 三文魚($9兩件) , 帆立貝 ($9一件) 和 花之戀($9一件) 最好食 鰻魚, 吞拿魚不過不失火炙三文魚則因為沒有汁燒或其他調味所以好淡味 芝士卷（炸蝦）壽司也是味道太清淡由於好奇所以特別點了海膽壽司 ($28 兩件)結果海膽很腥．．．我勉強吞下了一整件, 但男友吃了一小口海膽就立刻吐了出來...然後他好像連食慾也沒有了．．我是覺得那海膽好像是浸過“香港海水”的味道．．．最後叫了三文魚腩壽司($9一件) ，沒有魚腩應有的鮮甜味．．而且魚是冰箱的冰冷，而壽司飯卻是暖的．．　有些失望希望他們能更注意壽司飯的溫度～其他是不錯

上次光顧覺得很實惠，今次再來，價錢沒改變，但顧客多了，上菜速度慢了很多。樓面只有一位貌似經理的店員，她要負責收拾、落單、結帳，全部「一腳踢」。我們吃了～壽司：與上次的質素差不多，在此不再一一細評。整體而言，仍算價廉物美，好！三文魚石狩鍋($36)：點菜後等了極久，所有壽司都吃光後仍未出現。向侍應查詢，她馬上走到廚房跟進，我們只好繼續等待。又過了約七分鐘，侍應發現我們仍在等待中，便主動再去廚房看看，三文魚石狩鍋終於登場了！賣相不錯，份量十足，可見大大的三文魚頭，內有一些魚骨，進食時要小心，味道較清淡，另有不少豆腐和菜墊底，感覺清甜。由於360鮮迴轉壽司真的頗便宜，我仍會再去光顧，但會選擇非繁忙時段。