5% Cafe

營業中

休息中

今日嚟到旺角依間Cafe，到去有不同種類的棋牌遊戲等可以任意拎嚟玩😆環境闊落聽聞依家餐廳最出名係食窩夫，於是我就挑選晚市套餐▶️炭燒雞扒窩夫漢堡配薯條 $148窩夫焗得好脆，而且入邊勁多芝士，揭開上嚟真係好拉絲，而且雞扒亦都好Juicy，外脆內軟，唔怪之得咁出名😍值得一提係啲薯條都好好好好食▶️日式天婦蝦羅卡邦尼煙肉意粉 $128卡邦尼汁非常之濃郁，而且天婦羅蝦炸得非常之好😆🍸飲品方面▶️honey butterfly (餐+23）飲品非常之靚，分咗唔同顏色，而且飲落去，亦都非常好味🤗▶️凍cappuccino (餐+6）奶泡打得非常好，外貌亦非常靚😆🧉甜品方面▶️鮮雜莓雪糕窩夫 $88窩夫上到枱，亦都暖，而且配上面頭兩款雪糕，亦有好多雜莓，不大外型非常之靚，而且食落去嘅窩夫都好有蛋汁味，而且鬆脆，一食落去就知即叫即整，真材實料😁😁整體嚟講，依一間朋友聚會餐廳都好適合，不但有好多遊戲可以喺度玩，而且食物質素都高，特別一提即係窩夫真係必食，好好味，而且員工禮貌亦非常好👍🏻

今日下午放假，同老公食個悠閒午餐，然後再去逛逛。呢幢大廈有好多樓上café，咁不如去睇睇。5% Café在二樓，地方幾大。門口位有擺左好多broad game，另外窗口位有好多公仔擺設。一大班人黎傾計、食嘢、打卡同玩遊戲，絕對唔會覺得悶。餐牌選擇都可以，我哋就揀左窩夫漢堡、意粉、兩杯特飲同甜品。5%黑椒手打牛肉窩夫漢堡配薯條：黑椒手打牛肉有牛味，軟熟唔易散。配料有生菜、蕃茄同芝士等，窩夫代替麵包皮幾特別，甜甜脆脆，味道好夾。旁邊薯條亦炸得夠熱，好脆，整體好好味。焗刁草芝士汁煙三文魚珍珠帶子意粉：剛剛焗起，非常之熱。煙三文魚幾大塊，珍珠帶子又多，芝士汁濃，調味剛好，幾好食。Chocolate Smoothie (Snow Style)：賣相好靚，杯邊有朱古力碎做點綴，朱古力味濃，口感滑，每啖都飲到朱古力碎，仲有棉花糖，夠甜好飲。Strawberry Milkshake：粉紅色一層一層夠搶眼，口感smooth，有層次感，淡淡士多啤梨味道，唔太甜，幾好。抹茶雪糕窩夫：份量大，好吸引。窩夫即叫即做，咬落好脆，熱熱地，甜甜地。cream唔會太甜，抹茶雪糕好重抹茶味，同窩夫一齊食，冷熱交溶，好好食

Fafafoodblog為食花太郎 5% Cafe 🍴chocolate smoothie snow style 68 蚊🍫出面個cream加埋 朱古力豆 好有口感 smoothie好夠凍 甜度適中 正🍴hot matcha mocha 62 蚊🍵中西fusion, 用綠茶溝奶茶 好夠香滑 茶味同咖啡味比例好好 . 大家唔會嗆到大家陣未 🍴炭燒雞扒窩夫漢堡配薯條 148 蚊🐥🍴焗刁草芝士汁煙三文魚珍珠帶子意粉128 蚊🍜意粉好爽口 刁草好香 芝士足料 半溶連埋意粉同三文魚帶子食 正#意粉 #三文魚 #帶子 #芝士 #綠茶 #雞扒 #窩夫 #朱古力 #薯條Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#5%cafe旺角彌敦道577 號 高氏大廈2 樓bc鋪~~~~~~~~~#fafafoodblog #為食花太郎 #fafafoodblog油麻地==

今日同朋友去了旺角行街，行完便去了這間cafe吃晚餐。這碟芝士汁煙三文魚珍珠帶子意粉真是美味無比！意粉的口感非常細緻，搭配濃郁的芝士汁和煙三文魚的鹹香味道，味道相得益彰。珍珠帶子的鮮甜更增添了整道菜的層次感。份量十足，是個很值得推薦的意粉菜式！另外點了炭燒雞扒窩夫漢堡配薯條，整體感覺非常美味！漢堡的炭燒雞扒肉質鮮嫩多汁，配上特製的醬汁和蔬菜，口感豐富且清爽。窩夫的鬆軟和濕潤，完美地襯托了雞扒的風味。薯條則炸得酥脆金黃，外皮酥脆內裡軟綿，非常好吃。整體來說，這道炭燒雞扒窩夫漢堡配薯條給人的味蕾享受非常高，是一道非常值得推薦的美食。如果你喜歡吃漢堡和薯條，這絕對是一個不錯的選擇！Chocolate smoothie: 唔會太甜，朱古力味好夠香。Hot matcha mocha: 抹茶味幾香，好好飲。

🍴有一班朋友好鐘意搞讀好書分享會📖，就係嚟呢間樓上Cafe聚會，今日終於有機會可以試吓。🍴餐廳嘅環境真係好浪漫，仲有好多打卡位，卡位又擺咗好多毛公仔任人影相，仲坐得舒服添😌🍴千島海鮮窩夫薄餅🧇（8吋）$128 ：用窩夫底來做Pizza真係好特別，上碟時仲係有少少熱熱地，Pizza有蝦、帆立貝、芝士碎，配千島醬甜甜真係好夾，好有海鮮味。🍴 5%手打牛肉芝士漢堡配薯條🍔🍟$158：真係值得一讚嘅手打牛肉，肉質好鬆軟，牛味十足，入面仲落咗洋蔥粒，令到成件手打牛肉好Juicy👍🏼另外薯條都係炸到啱啱好，上碟時仲係微熱。餐飲：🍹 Chocolate Smoothie (Snow style) (跟餐補差價)：朱古力控嘅至愛，上面有一球雪糕，下面就係綿綿嘅朱古力奶。🍹 Strawberry milkshake (跟餐衰補差價):清新嘅Strawberry味，甜度適中，成杯都係粉紅色好有情調。

平日午餐去左食樓上cafe，今次去左高氏大廈2樓嘅5%cafe.餐廳有唔同board game, 坐位都好舒服，啱哂一班朋友食野傾計，玩下board game。12月頭餐廳已經準備緊聖誕裝飾，播緊聖誕歌。我試左餐廳嘅窩夫漢堡， 5%黑椒手打牛肉窩夫漢堡配薯條，加配黑松露醬。份量都幾大份，薯條新鮮炸起，入口非常香脆，配上香濃嘅黑松露醬，食落更香。牛肉窩夫漢堡，窩夫上碟仲暖暖地，外脆內軟，味道唔算太甜，微微嘅甜味，同牛肉漢堡扒都幾夾。牛肉漢堡扒幾厚身，食到淡香牛肉味，鎖到肉汁同食到有洋蔥碎，口感同味道都唔錯。配上生菜，蕃茄。飲品叫左熱latte味道正常，咖啡味香濃，飲落幼滑。店員有禮，位置就腳，食飯傾計都幾適合~

上到樓上，發現應該係一間boardgame cafe嘅概念，有好多桌上遊戲可以借，幾適合週末同朋友一齊嚟消遣。呢到唔似其他boardgame cafe得好少嘢食嘢飲嘅選擇，但都以窩夫為主。我哋叫咗一個套餐，套餐價可以包一杯42蚊樓下嘅飲品，我哋加錢叫咗最受歡迎嘅雪梨桂花茶，清香淡雅，有淡淡嘅甜味，微酸，可以解膩，同時非常之refreshing同清新。最開心係叫呢啲花茶可能無限refill，可以飲完再飲🤭又可以坐得耐啲。跟餐叫咗個焗刁草芝士汁煙三文魚珍珠帶子意粉，份量十足，好多粒珍珠帶子，真係做到啖啖都有。芝士汁口感creamy，每啖都有汁，唔會太乾，煙三文魚都毫不吝嗇，咸度適宜。黑松露野菌窩夫薄餅，口感幾特別，鬆化得嚟唔會𠝹口，有厚實嘅口感，黑松露味亦都好出好濃郁，窩夫底比冇平時嘅格仔餅咁甜，所以都好適合黑松露醬嘅咸味，同時帶出少少蛋香。

✨️今日我地想介紹這間咖啡店是「5% Cafe」，我們已經來過好多次🤣每次黎到都可以玩下board game 和同朋友傾下計，當時不用排隊等候，直接入座坐卡位，Cafe店在繁忙時間用餐時間限時90分鐘，非繁忙時間就不限時，咁我地多數在非繁忙時段來食和玩。✨️今天我們分享以下美食，下次大家可以一試吧:✨小食方面: 必食推薦😍1️⃣脆脆薯條 (+$5另加黑松露醬)👍黑松露醬配搭埋脆薯條最好食，記得要加$5蚊‼️主食方面:1️⃣ 金沙鹹蛋肉鬆窩夫薄 $128🫶窩夫薄餅是這店特色，窩夫薄餅有8寸，今次都係第一次食衣隻口味，幾特別呀。因為，出面好少見餐廳做窩夫薄餅。2️⃣日式天婦羅蝦卡邦尼煙肉意粉 $128✨一般般不過賣相又幾吸引，個人覺得天婦羅蝦兩件比較少左少少甘，如果有4件就好，起碼每人食到兩件。不過味口不錯既。🍸飲品方面: 1️⃣Chocolate Smoothie (Snow Style) $68✨️賣相十分吸引，有朱古力Oero餅係面👍沙冰底都甜嘅，朱古力味都重。唔錯。2️⃣Hot Matcha Mocha $68🫰我朋友評價話好飲都OK😍✨加上餐廳廁所算乾淨和Board games 也算多，適合同朋友玩番一晚。

我養左好多年嘅寵物去左彩虹橋，系旺角行下行下搵到呢間Café，去左坐下、食下野、打發下時間入到間Café就見到門口放左好多board games比人玩，如果同埋朋友一齊黎，有得食下野，仲有得玩埋到位窗邊仲有好多公仔，真係好可愛！！我叫左：1. 黑松露醬野菌忌廉長通粉2. 香草牛油蒜茸焗白蜆3. 凍綠茶1. 黑松露醬野菌忌廉長通粉長通粉賣相好精美、用心，每條通粉都包滿忌廉汁，咬落去 通粉內嘅忌廉汁爆入口腔，真係中意食意粉嘅人就會明白幾開心2. 香草牛油蒜茸焗白蜆我真係好中竟食蜆，無論去到邊都會叫黎食，未上菜就已經聞到，碟焗蜆嘅蒜茸牛油香味。上菜時，老闆仲好細心甘提我隻碟好熱！啲蜆好鮮甜，而且無沙。碟嘅蜆汁，其實可以點麵或煮意粉！3. 凍綠茶可以揀唔甜或者加蜜糖，我就揀加少少蜜糖，綠茶好濃味，加埋蜜糖，好潤喉，好適合依家乾燥啊天氣老闆見我好唔開心，仲特登安慰我，真係好多謝佢🩵

呢間係旺角的樓上cafe，上到去有好多應援佈置，都預左食物包含打卡價，但今次真係伏伏伏，事後睇負評發現全部都係我的心聲。主菜全部收過百元，卡邦尼意粉(連加一$119)味道正正常常，不過幾啖食曬。海鮮窩夫(連加一$152)非常細份，配料只有少少肉絲+蝦仔。落街廿蚊食件格仔餅無咁嬲🙃。凍朱古力(連加一$62)普通過唔普通，餐廳毫不吝嗇地加冰，溝到質地偏稀。幫襯連鎖茶記加幾蚊就有杯特濃朱古力會開心d。再講下環境，窗邊擺滿好多毛公仔，睇落黑蚊蚊。我容易鼻敏感，就費時坐近個邊了。總結，食物質素非常一般，完全唔符合個價錢。如果我之後做應援，都唔會考慮呢間餐廳。

位於高氏大廈2樓的5%Cafe, 環境舒適，店員親切友善，食物也很不錯，就在信和中心斜對面！❤️星期一至五中午12時至下午4時，套餐有6折❤️🌸 5%黑松露手打牛肉漢堡配薯條$168牛肉好有咬口，肉質彈牙，薯條更是亮點，脆香，食到停唔到口，果然是招牌，非常出色🥳🌸焗刁草芝士汁煙三文魚珍珠帶子意粉$128味道剛好，好多汁，熱辣辣的🌸 Honey Butterfly $58 ~~好靚的賣相，寓意蝴蝶慢慢融入於紫色的晚霞，飄然遠去，甜甜的，不錯🌸 Blue Hawaii $58 ~~ 好清新，在炎炎夏日喚醒了我，好清爽的特飲，正👍🏻

餐廳燈光柔和，有好多唔同種類嘅玩具🪀同公仔🧸擺設，啱晒同朋友打卡。叫咗兩個套餐：5%黑松露手打牛肉漢堡配薯條🍟，熱辣辣香脆麵包皮卜卜脆，入面夾咗好多黑松露同埋好口多汁嘅手打牛肉，中間夾埋爽脆蕃茄同蔬菜🥬，薯條粗身，脆卜卜，配埋茄汁滋味。加埋特飲情人士多啤梨奶昔，士多啤梨奶昔，香香甜甜，上面鋪咗好多忌廉同埋繽紛朱古力碎。焗刁草芝士汁煙三文魚珍珠帶子意粉🍝，啱啱焗好熱辣辣，有多塊煙三文魚、彈性帶子，配埋多多白色芝士汁同埋彈牙意粉。套餐配嘅熱紅茶，深啡色透紅色澤，好有茶香。

2樓既cafe，有大量board game🤪 今日星期一又得兩個人撐枱腳就留番下次先，地方咁大board game又咁多款，下次一定帶埋friend 過黎~仲有旺角街景同公仔打卡😎✨炭燒雞扒窩夫漢堡比我想像中有驚喜，炭燒雞扒質嫩多汁，配料仲有生菜、蕃茄同芝士，口感好豐富，咸咸甜甜，用外皮脆口內裡鬆軟嘅窩夫做外層都幾獨特😋✨焗刁草芝士汁煙三文魚珍珠帶子意粉煙三文魚有淡淡煙燻風味，珍珠帶子鮮甜彈牙。意粉融合刁草芝士汁，濃郁奶香，醬汁份量好足，每啖都奶香濃烈我流哂口水越食越開胃🤤✨blue hawaii有種雜果賓治既味道，唔算好甜，整體感覺清涼怡人☺️✨champagne grapes soda清新爽口，葡萄氣泡沁人心脾，好解渴🤪

今天約了在旺角區工作的朋友晚飯。 先前有多人推薦附近有間好有特色的西式Cafe，適合與好友聚會。 它在旺角彌敦道577號高氏大樓2樓BC號舖，叫5% Cafe。 港鐵油麻地站 A1 出口, 步行約幾分鐘就到。 餐廳是樓上cafe，有些隱世感覺! 它以提供西式菜餚為主，餐廳裝修簡潔，環境不錯，可以看窗外景色。 門口都擺放棋類和紙牌遊戲，仲有很多不同類型的各式桌上遊戲。 另外門口還有佢哋嘅店長天竺鼠駐守，名字叫蘿蔔。 有人叫佢個名，係有反應，眼望望，十分可愛! 餐牌上的食物選擇都有很多。除了Set Menu，仲有特色套餐、沙律、薯蓉等等。 最是特別有：特色飲品和窩夫薄餅。我們要了Set Menu 的兩個套餐，主食和飲品。 *千島海鮮窩夫薄餅（8吋）第一次食窩夫薄餅這個組合，真的有驚喜好特別! 8吋的批有4大件! 窩夫做餡底既鬆軟又有口感。 餡料有：蝦、帶子、蟹柳和三文魚蓉等。千島醬和海鮮很配，海鮮有鮮味，超正! *香脆龍脷柳拼牛肝菌汁長通粉大大件龍脷柳煎得很香脆可口! 牛肝菌汁好有香味，長通粉煮得剛剛好，彈牙有口感，配合大量牛肝菌汁，入味和好吃! *飲品：熱榛子摩卡、熱香檳葡萄朱古力全是水

同朋友去左呢間Cafe食野傾計，hea左成個晏晝，好正🥹 呢到環境舒服，性價比不錯👍🏻 個陣去到可以坐好耐，勁好👍🏻🍝 黑松露醬野菌忌廉汁長通粉呢個意大利面好香黑松露味🤤黑松露同野菌配搭得啱啱好，忌廉汁濃郁，食落口感順滑，好滿足！🍗 炭燒雞扒窩夫漢堡配薯條雞扒多汁，炭燒味道好香，夾埋鬆軟嘅窩夫，食落口感豐富👍🏻薯條外脆內軟，食完一條又想再食一條🍟🍰 鮮雜莓雪糕窩夫呢個甜品真係唔錯！雜莓酸酸甜甜，加上雪糕嘅絲滑，配埋窩夫一齊食，口感層次好豐富😋🥤水蜜桃梳打飲品選擇都好豐富，我揀咗水蜜桃梳打，清新解渴，充滿水果香氣，係炎熱天氣嘅best choice🤤🍫 Chocolate Smoothie朱古力冰沙好濃郁，細膩香甜，邪惡但好飲🤤