616客香邨

營業中

休息中

試咗四樣嘢食，鳳爪排骨飯 ： 排骨用過鬆肉粉，有啲霉螺片棉花雞 ：螺片是罐頭貨、魚肚還可以唔會嚼落似香口膠、雞是一般滑雞不過不失鮮蝦菜苗餃 ：餃皮有點厚，蝦尚算彈牙不過蝦味一般，入面所謂菜苗不是菜苗⋯⋯是粗鞋的小棠菜黑椒大腸 ：整體是最好食的一個點心，黑超有黑椒味，大腸有大腸味...........整體而言，全部都不過不失，沒有驚喜但唔會難食最大問題係，點心師傅全程沒有戴上口罩，疫情之下，覺得衛生程度太差⋯⋯616越來越開得多分店，絕對值得檢討衛生問題

屋企人想食點心，搭巴士經過大圍順便幫襯下 店員哥哥好好，見我電話收得唔清，主動提議改用WhatsApp send菜單俾我幫我落單 本身到夜晚九點先有夜茶食點心，店員哥哥都破例幫我蒸啲簡單嘅點心🤭 （利申，我去拎外賣果陣，店員叔叔都reject左幾個客，話未有點心住，所以我應該係好彩😂） 外賣返到屋企都45分鐘之後，點心都仲好好食 佢啲點心幾足料，屋企人最鍾意佢啲燒賣 以外賣黎講，佢啲乳鴿都算幾好食 不過黑椒牛仔骨就普通左啲 另外牛柏葉太爽口啦，老人家嫌佢有少少韌 整體都幾好，如果早d有點心賣就更好啦

以前喺呢度附近返學其中一樣必做嘅就係去大圍飲夜茶～前身係客香邨酒家而家見到比616收購咗 應該係變咗黃酒樓？-今次同朋友比較早嚟到 大約8點幾左右侍應話要去到九點先有夜茶飲見佢啲小菜好似都幾吸引就嗌咗幾碟試吓先 再留肚等九點嗌點心🧆-首先就嗌左椒鹽魷魚酥炸得好香脆 椒鹽味好香 拍得住大排檔嘅仲有鼓椒炒鵝腸都係非常推介 鵝腸好爽脆好惹味 送飯一流～最後就係油麥菜+胡椒豬肚花甲 個湯好鮮甜整體嚟講呢三樣小菜都好出色！之後我哋九點嗌嘅點心質素就麻麻哋蘿蔔糕太淋身 腸粉個皮太厚冇咩餡一心想嚟呢度飲夜茶但最後我同朋友都一致認為呢間嘅小菜比夜茶更好食 更吸引～

616火鍋店我諗唔少人聽過，而集團較早前就頂手左大圍哩間酒家，有見疫情大幅影響食肆生意，我就梗係去支持一下哩啲良心店舖。晚市六點幾，仍然門可羅雀🈳，店舖做緊特點點心減五蚊，即係$25就食到特點，其他小點到優點就$16〜$25。我就買左兩款點心返去同屋企人分享👩‍👩‍👧‍👧。蝦餃 $25（原價︰$30）一共有四粒，粒粒都好飽滿。皮唔薄都唔算好厚，正正常常。🦐蝦肉好足料又算彈牙，整體都唔錯。糯米雞 $25（原價︰$30）比一個拳頭👊🏻大啲，但漲卜卜好似好足料。我就無份食，屋企人話料好足，應有既都有，🍚糯米保持煙韌感唔會蒸到好軟爛，味道幾好。其實限聚令當前，大家都減少外出，非常明白，但希望偶爾支持下良心食肆，等佢地都一齊渡過難關😣。

因為本身like開616個fb page見到佢話大圍呢間茶樓頂咗手～今朝就決定去試下去到其實除咗個招牌有616入到去咩都冇XD間酒樓嘅間隔冇變過，我諗伙記都係舊嘅。期待616會執執佢，等佢睇落光猛d冇咁舊。本身冇抱着太大期望去食，因為都只係想支持下黃色經濟圈。不過真係好平，兩個人食每人連茶位$70都唔洗我覺得呢個價錢食呢個食物嘅質素都OK係如果餐廳再乾淨啲就會比較好，始終呢啲時候比較敏感～希望下次再嚟嘅時候會乾淨啲啦