616牛肉火鍋專門店 (皇后大道西)

營業中

休息中

牛控來吧西環這間火鍋點主打就是牛有不同的牛部位，也有外面比較稀有的牛款選擇相對既然主打牛肉這裡基本上清一色都是牛類食品跟蔬菜幾乎沒有豬雞魚既然來到牛肉專門店湯底一定要選少有的牛雜湯底這裡都是用平板點菜的而且店採用了首單20分鐘送到的保證會給你一個計時器若未能送到，剩餘的會免費湯底牛味極濃內裡的牛雜很多基本上不用額外點很多也能吃得很飽有一碟蜜瓜供人清一清味蕾餐紙有寫各部位建議煮食時間很貼心牛滑很軟，煮出來味道類似漢堡唯牛滑吸收到湯汁使其味道更鮮甜牛舌比較薄身灼幾秒即可彈性足，牛味較淡匙柄我們都在亂點因為實在不知道各部位的味道這個很棒！油脂分佈不算多但是依然滑溜不粗牛味相對重因為是日聖誕節餐廳附送了一個聖誕樹小蛋糕不過味道普通在離開時還有一份小禮盒內有一些懷舊玩具非常有心思這裡沒有加一服務費結帳時二人400多cp值高留意因店的座位不多加上冬天季節，先訂座會比較好

同媽咪試新野，打邊爐，係西營盤地鐵站行大概十分鍾就到，店舖既裝潢好復古，懷舊，好有心思!用IPAD點餐，方便快捷，第一次食全牛餐，感覺好誇張醬料自己揀，佢地有個自家製牛肉汁一坐底就送左碟蜜瓜俾我地食，叫左個牛骨清湯底，湯入面有粟米，豬骨頭，蘿蔔牛肉肥瘦岩岩好，好新解，細分左不同部位牛肉餃，其實有六粒，但心急碌左兩粒，好飽肚多汁響鈴幾脆口~不得不讚佢既烏冬，勁滑，同平時食既好唔同!試左手工啤，易入口，不錯

好少去西環食，所以今次特登揀咗呢間嘅616試吓佢哋啲牛肉火鍋。不過間野都幾難搵，因為佢唔很啲大街嗰度我哋係亂咁行先無啦啦搵到。 一入到去已經俾佢啲裝修吸引到！真係好靚，好有香港懷舊風情！服務都好好！一坐低已經有位姐姐介紹我哋牛肉啲部位俾我哋，又送咗一碟蜜瓜俾我哋食住揀嘢食。呢間野特別之處係醬料係自己調教，特別推介佢哋既自製牛肉汁！嘢食係自己攞iPad點既所以好方便。Order 完即刻有人俾咗個漏斗我哋，話俾我哋知啲嘢食一定會20分鐘內俾到我地，佢哋又真講得出做得到！我特別會推介佢哋嘅牛雜，封門柳同埋牛柳！超正！而且我唔係太鍾意牛肉都好鍾意食！P.S. 老細好好人!

寫住12點營業，等佐半個鐘門都未開，跟住話要可能13點先開？營業時間都可以隨時改？仲開咩鋪？ 未食已經失望 ，原本離屋企近都唸住做常客，真心難！如果覺得營業12點做唔到點解唔改13點算數啦

好少去西環食，所以今次特登揀咗呢間嘅616試吓佢哋啲牛肉火鍋。不過間野都幾難搵，因為佢唔很啲大街嗰度我哋係亂咁行先無啦啦搵到。 一入到去已經俾佢啲裝修吸引到！真係好靚，好有香港懷舊風情！服務都好好！一坐低已經有位姐姐介紹我哋牛肉啲部位俾我哋，又送咗一碟蜜瓜俾我哋食住揀嘢食。呢間野特別之處係醬料係自己調教，特別推介佢哋既自製牛肉汁！嘢食係自己攞iPad點既所以好方便。Order 完即刻有人俾咗個漏斗我哋，話俾我哋知啲嘢食一定會20分鐘內俾到我地，佢哋又真講得出做得到！我特別會推介佢哋嘅牛雜，封門柳同埋牛柳！超正！而且我唔係太鍾意牛肉都好鍾意食！

天氣突然轉冷，最適合就係打個邊爐啦😌 今晚嚟到西營盤嘅616💁🏻💁🏻🤤全間舖主要都係食牛嘅 🙊 湯底要左牛雜嘅，唔太多牛雜，但都有d牛腸，牛肺咁⭐️ 仲有唔少蘿蔔添肉方面揀左牛舌，匙柄，牛朴肉同牛駝峰🐂🐄第一次全牛餐真係好誇張🐄 牛舌好有咬口，推薦！而牛朴肉就比較肥嘅，幾香！牛肉餃好好食！重茜味，皮薄肉汁多！又唔騷🐃🐃 菜方面嗌左羽衣甘藍，原來火鍋食幾特別，冇左個陣草青味同鞋口感覺☘️☘️ 仲要左娃娃菜，吸哂湯汁好甜🤗 響鈴都幾脆口，放牛雜湯食好特別😘

西環越黎越多特色小店，616出左名靚牛肉又抵食(靜靜地話你知，每款牛都係48/68咋！)，係西環插旗就梗係有所唔同啦！有咩？！去片！首先係門口一入去就見到牛牛不同既部位如果唔記得都無問題，座位有檯紙行入d就有更多有特色既懷舊裝修山珍海味，士多等等仲有小小的裝置同雜誌係陸壹陸店內又會有咩呢登登！就係調味啦！冇分坐係間隔好既懷舊商店內？唔緊要！有大廳，同樣充滿風味。入正題：牛牛牛牛！先黎牛雜湯底：有牛肺，牛肚，牛膀同牛大腸，當然唔少得蔥同白蘿蔔啦牛肚可惜唔係金錢肚)): 不過有大量蔥，好香喔！呢個鍋都係＄78，有成份牛雜（＄48)，好抵丫！三花腱，有咬口，皆因多筋，少脂肪，口感十足。匙柄既油花分佈平均，令牛肉唔會鞋，少少既油脂已經做到提鮮既作用。牛板筋，本身已經熟左，只要輕輕一滾就食得，鍾意較軟身既朋友可以滾到尾。日尾龍，少之又少既脂肪，但肉味香濃。牛朴心姐係韓燒時大家為之動容既牛胸腹，有適當既脂肪但食落0油膩！牛腩心又稱挽手腩，脂肪包住腩肉，咬落去軟淋淋又香口，入口即溶既感動，完全係一種說不出既幸福。

上次同M佬喺元朗食完616牛肉火鍋專門店，驚喜滿分。今日，我A姐做乖乖女，接有牛魔王之稱嘅A爸去新開張嘅西環分店，帶佢試吓唔同部位嘅牛肉風味！餐廳設計以懷舊為題，A爸話啱晒佢嘅feel，而門口仲有大大張嘅牛不同部位分佈表，食之前記住要睇清楚呀。餐廳入面仲有呢個牌陣，話晒你知今日有咩新鮮供應！吊龍伴係牛嘅腰腰脊肉，少少肥，但肥而不膩，香滑可口，食落又無渣。金花趾呢個係牛後腿嘅部位，筋同紋路明顯較多，所以好彈牙有咬口。匙柄係牛嘅下肩胛肉，入口柔軟，牛味香濃。滑尾龍上面打左隻生雞蛋，要撈勻先再碌，牛味重又唔韌，好滑架！牛朴肉係牛嘅頸嘅部位，最大賣點係肥嫩有嚼口，脂肪雪花均勻，味道甘香。呢間店鋪最大賣點係不設加一，但有每位$20嘅醬料費。整體嘅質素相當唔錯，唯一嘅問題係牛骨清湯相對淡口，香口味嘅人仕，包括A爸就略嫌唔夠味喇。

同事聚餐，一起去了這間網上評價很不錯的店。一進到店裡，感覺很親切，裝修很有懷舊風格。店員態度很禮貌，並且推薦的東西都很好吃。食物及飲品質量好，價格也公道。我們一行八人，要了一間房，叫了兩種湯底，各種牛肉就點了十幾盤，加上各種蔬菜和飲品，前後食咗兩個多小時，都沒人催我們埋單離場。比起有的要求在指定時間食完的店，這間真是太滿意了。埋單平均每人兩百元多少少。大家一致同意下次再來食。

上次同完朋友係銅鑼灣食完616，非常滿意火鍋材料。今次，就同男朋友，去新開張嘅西環分店，再食616。訂了9時，由於太滿座關係，坐了一會。環顧佈置，70年代店鋪士多格局，食盡風味。以ipad 自助形式點餐。從湯底、牛、配菜、飲品，逐層選擇便好了。有牛骨清湯、麻辣湯，四種湯底。選了牛骨清湯作湯底，避一避熱氣之餘，牛的原汁原味亦不會被湯底遮蓋，反而相輔相成，味道更突出呢。616 一共有十幾款唔同部位嘅牛，最後揀左四款牛。分別有匙柄、牛腩心、牛朴肉同埋牛坑爪。除左匙柄係無肥之外，其餘3款都係小小肥。碟碟都有十幾片架，色澤都好好。配菜點了牛丸，蘿蔔、娃娃菜同稻庭烏冬。點完單，不出10分鐘，店員已經上左個鍋，材料都先後迅速送上。20分鐘內的上菜保證沙流，講得出，做得到。616 的電磁爐最高的熱度，不會令湯面滾至狂彈水花。適當的滾熱度，亦令整個淥一淥的過程，不至急速，慢慢享受。呢到d 牛肉真係好好食，好多牛都俾男友食晒XD。食下又望下，牆身充滿古玩，就好似入左博物館咁。連洗手間取名也很有趣。打左一個鐘多小小就食完。2人都係400幾，抵食好味！616 火鍋材料如下。

同兩個朋友黎左試下呢到嘅邊爐！佢有幾間分店，因為我地比較遲book嘅關係，所以最後揀左西環分店！ 係坐得幾舒服，店內裝修都幾得別，行懷舊路線。原本訂格枱時話限時1個鐘40分鐘，但最後我地食左成2個幾鐘都無人趕我地走，好好呢個餐廳主打食牛，亦有好多特色部位，但係食物選擇唔多，我朋友想食午餐肉都無我地叫左黑柏葉，滑尾龍，牛心椗，牛筋， 牛舌，牛朴肉，封門柳。蔬菜我地就嗌左油麥菜同金菇。 滑尾龍係比較特別，上面打左隻生雞蛋，要撈勻先再碌，比較有牛味同唔太韌牛舌都比以前食過嘅好味 牛朴肉都好好食！ 不過要注意碌嘅時間，碌得太耐會變得好韌之後我地再碌烏冬配合湯底都好好食，我地仲嗌左兩碟烏冬埋單我地三個人每日200蚊到計埋飲品，所以其實幾抵！

入到門口覺得呢度嘅間隔非常懷舊 店主話如果佢哋係20分鐘內比唔到First order嘅嘢食我哋嘅話就會有免費生菜 到最後我哋真係有免費生菜食成間火鍋都係主打牛肉 基本上除咗牛肉之外就係菜粟米菇等等 冇乜話好似傳統火鍋咁有好多肉丸呢度服務都好好！每種有肉都會同我地講話六幾多秒先係最好食嘅質感 我哋食落去唔會話好難咬或者好生非常之鍾意呢度嘅金花趾！口感一流 大家去到一定要食！ ！！不過美中不足嘅係 呢度嘅網絡有啲慢 冇得一路食一路Up相

天氣轉涼，當然係打邊爐啦，剛好同友人係上環完了event，佢又是食肉獸。就搵到間專食牛肉嘅火鍋，仲要係不同部位，有啲聽都未聽過，有啲仲限量提供添，幸好我們6點多到了。家人之前去了大圍店食過評價不錯，今次就試西環分店，一入到去好似經過時光隧道返到30年代，裝修佈置懷舊味十足，仲見到當年我婆婆用嘅水壺，嬤嬤用嘅水杯。雖然係懷舊風格，但落單就好現代化，用ipad落單😂如果唔知係牛邊到部位，只要㩒入圖片仲有詳細解釋，非常清晰👍🏻餐紙上有不同部落煮食時間，非常貼心，只要跟足一定唔會煮到過熟。聽職員推介後就叫咗胸口膀、黑百葉、牛扑肉、吊龍伴同牛心椗。湯底當然係麻辣啦，我至愛落完order就拎咗沙漏⏳話沙漏漏完沙前一定會準時上曬菜，如果唔係沙流完爭啲咩送比你🤩友人好衰話翻轉沙漏咪得囉🤣出去自助醬料區自己DIY，推介【秘製牛肉汁】甜甜地，幾得意隔一陣就上菜，上湯底時已經幾嗅到麻香味。可能我食得太辣了所以湯底對我說變得清淡。碟碟牛肉鮮紅色，非常新鮮。呢度連啲可樂都係懷舊版，埋單時發現免收加一添， 只係收醬料錢$10/位，唔要醬料只要同職員講聲就可以取消