666泰船麵 (仁愛街) (已結業)

同友人來食lunch，覺得店員好友善好有禮貌first impression好好。店舖用QR code自己落單好方便。我嗌左：⭐️雞翼金邊粉 (轉冬陰功湯)：呢個冬陰功好飲，好夠辣好惹味！雞翼都幾大隻好有肉。湯底上面有蒜粒、脆脆、木耳絲等，口感好豐富。我加9蚊要左塊薄餅，偏厚，但都好食的。⭐️自家製泰式檸檬茶：好飲，個茶exactly係泰式奶茶底！糖水都係自己加，幾好。友人果啲我冇食，佢嗌左雞肉船金邊粉，但佢就覺得好一般。碗粉有啲好似鴨腎口感既野，但勁硬好難咬。整體來講，以呢個價錢我地覺得性價比幾高，應該會再來食！

今日突然間俾人派嚟新蒲崗附近做嘢，人生路不熟真係唔知有咩好食，本身諗住食呢一間嘢隔離嘅鍋貼大王，但朋友今日唔係好想食油膩野，所以就揀咗嚟呢一間度食好老實講，呢一間嘢喺出邊睇平平無奇，但原來呢邊都幾多人食緊雖然呢一間野主打係船麵，我今日唔係好想食麵，所以我嗌左一個海南雞飯再配一杯凍檸茶。海南雞飯佢嘅雞係幾滑，同埋去咗骨嘅，我覺得幾好食再配合埋佢嘅泰式醬，正到爆炸！至於佢嘅凍檸茶，我飲落茶底好似同普通嘅茶餐廳嘅茶好唔同，再望一望個Menu先發現原來佢係標榜泰式茶底，真係好有心思呀！

勁鍾意佢嘅冬蔭功湯底😛夠酸夠辣夠晒刺激，唯一美中不足係我地傻豬豬叫左細碗，冇諗過細碗真係咁細，同個煎蛋一樣size🥲但幾鍾意佢嘅河粉，比平時食開嘅河粉闊，所以特別有咬口。豬肉船麵我地簡左配金邊粉，湯底濃郁唔會太甜，入面配料都幾多，除左平時常見嘅丸同肉片之外仲有魚肚！但可惜啲炸豬皮唔夠脆，食落韌左啲蝦餅就必食～熱辣辣新鮮炸起見到佢話椰青唔甜收錢，所以就叫咗個試吓。都算清甜嘅但又未去到超甜，收貨啦～說到凍冰冰咁飲都幾正

同朋友行吓舊區， 先發現原來呢道有好多食肆。見呢間個menu平平地，個decor又幾唔錯坐得都幾舒服，就試下佢。叫左4樣野，兩個人先一百蚊多啲，平到以為自己去左泰國。🔸豬肉船金邊粉（遊泰國）有超多料！有豬肉片、丸、豬肚，通菜、豬皮。重點係個湯底！好濃但一d都唔油膩，甜甜地又唔會確喉。轉過頭就飲晒啲湯！🔸椰青咖喱豬扒黃麵叫左細份都仲有3塊豬扒，仲有啲薯仔同蕃茄，一d都唔hea! 個黃麪都有驚喜，有啲似中式麵，但又好香蛋味！質地係qq地，好得意。細份都好多咖喱汁，強烈建議要加個餅點晒d汁。🔸炸魚皮配冬陰功湯$28蚊有勁多魚皮！第一次試炸魚皮配冬陰功湯，原來好過癮。湯底好重蕃茄味，非常惹味。🔸豬肉串燒豬肉串燒又一超高CP值之作，$40蚊就有3串。肉質好有咬口，而個醬加埋d花生超級香口。十分滿意！

見好評多所以試下，食完好懷疑佢d 好評係點黎外賣自取點左：1) 牛柳串燒3串，$442) 酸辣鳳爪，$393) 豬肉生菜包，$46首先牛柳串燒份量少到嚇親人，個牛柳串3串加埋應該得50g 肉，為起15蚊一串，真心勁貴，味道只係正常，唔突出酸辣鳳瓜，個汁好淡，又唔酸又唔辣，d 鳳爪唔爽既，份量又係好少，得6~7隻豬肉生菜包，d 豬肉得3湯匙左右，味道就得個鹹字，完全冇平日係泰國餐廳食到果d 香料味，仲要加d 冬菇粒落去d 肉度，我真心唔識欣賞咁樣要$129, 伏味濃全部野份量都勁少，價錢又唔係平一次過，唔會有下次，希望多d 人睇到唔好去試呢個價錢去九龍城食泰國菜都點到兩個菜，質素一定好過佢，份量又多好多

泰式烤魚（每日限量)💰59 有得簡黃花定鯧魚🐟今次我哋就簡左鯧魚魚🐟既分量唔係好多，兩個女仔食岩岩好表皮幾脆，有少少碳香味個醬酸甜好開胃，配烤魚幾好，值得一試泰式生菜包 💰46可以選擇辣度，我哋今次就揀咗小辣，小辣其實唔辣😂重口味朋友可以叫辣啲🤣分量大約兩個人左右，肉碎味道還好，性價比一般花膠椰子燉雞湯 💰26湯用一個雞公碗裝住，適合一個人飲真材實料，湯裡面有椰青，椰子香味撲鼻而來，仲有一塊好大既花膠，味道清香🤤細牛肉船金邊粉 💰33冬陰公湯底，味道酸酸哋小辣，面偏軟，配料有肥牛，牛腩，牛丸～牛丸好好食，可以一試🙈

今日去到新蒲崗食一間泰國野，有我最鐘意既船麵，仲要係街坊價，抵！🔹牛魔王船麵🔹呢碗船麵特別推介比一班鐘意食牛既牛魔王。肥牛、牛丸、牛腩一次過滿足晒你三個願望，料左多到睇唔到麵。金邊粉經濃湯煮後，依然保持彈牙、爽口，仲掛汁添。至於湯底亦非常濃厚，牛味突出，令人想一飲再飲。🔹海南雞飯🔹雞大概有6-7件，每件雞唔單止多肉厚實，亦同時口感軟滑，再點上餐廳特製既辣醬汁，非常惹味。一口油飯，一口雞肉好似去左泰國咁。🔹泰式薄餅配咖哩汁🔹個人係好鐘意食薄餅，所以叫左泰式薄餅配咖哩汁。薄餅外脆內軟，撕開一少塊點上帶有微辣既黃咖哩汁，正！整體黎講，餐廳性價比唔錯，不過地店就唔算太就腳。

夏日炎炎，口淡淡又係時候食酸酸辣辣野，惹味野泰菜不二之選啦～打開app search附近有咩泰菜，揀左666泰船麵,見佢價位由二十幾至四五十左右試下係咪真係咁抵食叫左椰青$35係幾甜，清涼一下泰式酸辣鳳爪＄39爽彈，微酸，夠辣惹味，再酸d仲好甘筍絲唔夠入味，食唔到帶酸辣效果無諗過花膠椰子雞湯只係$26碗飲到椰青甜，都有一舊花膠仔，唔油膩，好清甜的雞湯，唔錯主食，我叫左椰青咖哩蝦餅，可以揀撈黄麵or飯呢度有分正常Size or細份幾好吖，可以試多幾樣野不過我揀正常，今日夠皮啦～咖哩汁好香濃，帶椰青的甜，撈飯仲夾我撈麵都掛到，好正，炸蝦餅正常發揮，都重蝦，唔係多粉果隻

香港人愛吃泰菜，去到泰國旅遊，搭船仔時，會出現一艘艘船賣麵，即叫即整即食，體會當地文化。回到香港，暫時不能外遊，唯有到新蒲崗一嚐船麵。🛶🛶🛶船麵起源於泰國水上市場，因為有啲船家係船上賣麵，「船麵」喱個名稱就咁誕生了。666泰船麵位於越秀廣場附近，並不難找～鋪內裝潢什有🇹🇭風味，讓人感覺置身當地XD（見到有勁辣魷魚挑戰，愛辣者可以試吓XD)(枱面都擺放了很多醬汁）豬肉船金邊粉真材實料，有分迷你和正常size，豬全部都係豬（有肉片、肉丸、豬肚）再加上新鮮熬製濃郁豬骨湯底和獨特的麵底，令人食指大動😋炸魚餅每啖咬落去，魚肉味超重，細心地把魚餅預先一分為二，方便分享😍花膠椰子燉雞湯老火靚湯，仲要無味精好養生有一大片花膠， 椰子 match嘅組合如果自己係屋企煲，只係處理食材都要用上三數小時❗而家只係唔洗30蚊就可以品嚐到，超值泰國蝶豆花特調（凍）近年新興飲品， 有降低血壓，補腦護目功效更可以提高免疫力，直接成為飲品界新寵兒😜👍推薦比九龍嘅朋友仔，6月尾開始可以搭沙中線去食好西！

差唔多年年都要去一次泰國既我，忍唔住要係香港搵返間令我可以回味下泰國的餐廳。餐廳佈置有少少似泰國night market的食肆，裝修係有少少賣懷舊玩具嗰種感覺。牆上面水有好多遊戲放晒係度做裝飾，雖然唔知玩唔玩得，但相信疫情前呢度夜晚會係有好多人嚟飲返杯食下小食chill下。船麵賣相同泰國食既有9成相似，其實分分鐘仲靚過泰國😂見到湯底好深色再加埋泰國炸豬皮都知應該無黎錯😌我地為左可以食多幾款野，所以2款船麵都叫左細size，不過都好足料架！雙丸金邊粉（牛丸，豬肉丸）各種丸有2粒，去開泰國的朋友仔應該都知佢地肉丸好爽口好好味。仲有蘿蔔，通菜，炸豬皮，真係睇唔出同泰國食的有咩分別，一句講晒好回味！另一碗係牛肉金邊粉，入面有肥牛，牛腩，牛丸。牛腩好腍，出色過好多牛腩鋪。食食下仲發現枱面貼左張紙寫住秘製醬料空運黎架👏🏻👏🏻👏🏻 海南雞飯泰式海南雞飯本身會配一個辣汁，我地加左$5要配埋個水門醬。全部野加埋一齊食，盲測的話真係會以為自己去左泰國，味道一流，可惜只係叫左細碗唔夠喉。椰青（唔甜唔收錢）佢門口+餐牌都寫到明椰青唔甜唔收錢架，令人非常期待有幾甜。係泰國我都係飲椰皇多過椰青因為怕唔甜，店員一

今日我要大推呢間666泰船麵~~ 感覺好似終於搵到屬於自己嘅食堂！主要原因係好•抵•食！勁鍾意佢嘅飯有大同細嘅size揀，細飯都係$3x, 而大飯係3x-$5x，大食嘅人可以叫多幾樣，細食嘅人唔使食唔哂怕浪費，而且捱貴飯；啱啱好我就係細胃的人，份量啱啱好，唔使成日食剩有罪惡感。去到大家最關心嘅味道？可以同大家講唔使擔心！絕對唔係劣食，亦都唔係hea，以海南雞飯黎講，雞油飯真係有雞油味！唔似其他連鎖快餐店美x/大x樂...細碗飯都有六七條雞，對得住個價錢啦。另外椰青咖哩呢，雖然咖哩唔係好重椰汁味，都唔錯架，幾真材實料，咖哩醬裏面有好多“蓉”；佢哋嘅咖哩唔係辣個種，比較適合鍾意食甜咖哩嘅人~ 咖哩梗係要配薄餅啦，點啲醬很適合~ 然後再試咗兩個小食：泰式餃子同埋串燒。串燒嘅沙爹醬香濃又多花生粒！唔錯唔錯，我將剩返嘅醬用嚟點餃子，哈哈，我覺得都幾夾呀。餃子的確同中式唔同，值得一試。鋪頭嘅裝修幾有個性，雖然睇唔出係泰式餐廳，反而似有情調嘅西餐廳，行新式路線都差唔多啦，今時今日仲有呢個價錢，堅係抵食，係可以共渡糧尾時期的餐廳T_T

一間位於新蒲崗相當有特色嘅泰船麵，店舖嘅裝飾擺設都好特別，每個角落都有唔同風格，睇得出店主好花心機去設計。呢度嘅船麵出名抵食夾大碗，而且都保留到泰國嘅風味，性價比真係10分高。牛肉船金邊粉咁大碗船麵都只係$47 ，配料多到差啲瀉出嚟，入面有肥牛、牛腩、牛丸、仲有脆卜卜嘅炸豬皮。湯底濃郁，金邊粉彈牙。冬陰海鮮湯米呢碗一樣都係落重料，有魚，魚蛋，魚片頭同蝦，隻蝦雖然唔係好大隻，不過都幾新鮮，湯底比較酸，幾開胃。識得泰國嘢梗係要賠返泰國飲品啦樽仔泰式奶茶青檸梳打想平平哋又食到有返咁上下質素嘅泰國料理就真係要黎依度試吓啦👍🏻👍🏻👍🏻

放工都已經非常之攰一落咗公司就即刻睇吓附近有啲咩食以下圖之前試過中午嘅時候見到呢間大排長龍所以我都冇試一試今日放工嘅時候見到佢都開始有人但係仲有位就即刻入去試一試入到去之後就聞到一陣非常之濃烈嘅泰國味道就係一啲香料味再加上魚露嘅味道見到呢度就係最出名嘅就係算面上面裏面有分大細而且個海南雞都有分大細所以今晚就試一試佢哋嘅船麵同埋海南雞飯我同同事就叫咗冇人一個細碗嘅船麵因為試吓唔同種類嘅嘢食我就叫咗牛丸船麵他們嘅船麵湯底非常之咁濃烈嘅味道原來問一問店員原來佢哋嘅湯底係有些傳統嘅泰式船麵湯底加上了牛血所以食落口非常之咁濃郁上面仲更加有啲柞樹炆得非常之入味入味嘅蘿蔔仲有沙豬皮同埋牛肉丸另外在叫咗個海南雞飯雞肉去咗骨非常之咁滑溜而家又返做得非常之咁好有晒味道之餘亦都唔會太過油淋淋另外在叫咗個小食就係泰式鳳爪泰式鳳爪出邊一碟都起碼要食$50但係呢度只係30幾蚊非常之咁抵食但係佢就唔會偷工減料足足有非常之多嘅份量

今日（22/5/2021）兩個人，路過新蒲崗，飛咗商場既食店，搵咗一間唔起眼既泰國小食店，店內只有2枱客，夠靜，再見門口放了多張食品相，唔錯，又見多張與名人既相，便一試。唔係好肚餓，只點了青檸梳打，居然用上泰國梳打水，唔用港產咸檸七，無咩特別，但隻匙羹仔就好靚牛肉船金邊粉，揀咗碗細，好足料，麵上的炸豬皮，好脆，有牛丸、牛腩及肥牛，配上蘿蔔、芽菜及韮菜既船麵，正泰式手工炸蝦餅，剛炸起，脆口埋單$107，抵食。

近排天氣熱想食泰國菜，逛完商場便選了這間泰國餐廳，鋪面外貼了很多名人相片，相信質素不錯。胡椒豬肚湯（$ 26）夏季悶熱濕氣重，來一碗胡椒豬肚湯有健脾暖胃的功效，辛辣既白胡椒配搭爽滑既豬肚，濃湯入口帶有微微辣感，湯頭清甜不會膩口泰式酸辣鳳爪（$ 38）晶瑩剔透的鳳爪脆爽有嚼勁，一啖一口大小易入口，脆彈無骨鳳爪含有豐富的鈣質及膠原蛋白，混合酸，甜，辣的味道，冰涼的口感超級棒，配上酸辣紅蘿蔔絲，令人非常開胃泰國蝶豆花特調（$ 25）蝶豆花含有豐富維他命及花⻘素，有抗氧化效果，紫色的天然色美麗又吸睛，配上冰凍的青檸梳打，既清熱又降火泰式烤倉魚（$ 59）泰式烤魚任選黃花魚或倉魚，今次試試以錫紙包裹烤的倉魚，香噴噴的烤魚，外焦里嫩，外皮醮了一層薄的酸甜醬來烤，烤到好入味，內裡的肉質Q嫩白皙，細緻有彈性，味道鮮美無比，再醮上特製的泰式酸辣汁非常惹味