666泰船麵 (仁愛街) (已結業)

本身這間食肆位置已經係幾隱蔽，但間食肆居然連一張基本嘅餐紙也都沒有提供，店員告知紙巾另行收費$3一包！午餐轉熱飲要加$5、反而凍飲唔使加，無奈下叫咗凍飲走冰，上枱忘了走冰！另外店員收拾枱面的餐具時，同一快報抹枱面、也同時抹椅子，那麼枱面的衛生情況自行想像！今次係第一次到來，也是最後一次、沒有下次了！如要到來幫襯的食客，首先要考慮以下嘅問題⋯⋯緊記得自己帶備紙巾抹筷子、匙羹！我擔心問佢攞杯水來洗筷子匙羹也會收費！

約朋友吃飯, 但又唔知去邊食好,  周圍行下行下就去左新浦崗, 行過門口見個餐廳名幾得意 - 666, 唔通有魔鬼既, 哈哈 ! 睇下門口個餐牌, 見個價錢幾經濟, 地方又幾乾淨, 雖然泰國菜旁邊九龍城都有大把啦, 咁既然來到又覺得邊區食泰菜都無問題既開門即刻有靚女招呼, 非常有禮貌, 第一個感覺良好, 再睇下個餐牌見到個花膠椰子燉雞湯 $26 咁平, 心諗唔會好大碗, 咪住, 呢間唔係泰國餐廳咩, 點解有中湯既, 咁就要試下喇, 另外再叫個生菜包, 柚子沙律, 扎肉雞絲金邊粉, 冬蔭公海鮮粉絲首先來左個花膠湯, 講真 $26 無咩要求, 但估唔到完全好入味, 好正, 絕對唔係味精湯, 有兩小塊花膠, 當然唔好要求會係好靚花膠先啦, 起碼做到足, 無欺場, 讚呀 !跟住個柚子沙律, 真係成碗都係柚子, 100 分 ! 泰式生菜包唔會太辣, 個人覺得岩岩好, 用生菜包住來食, 好野味 ! 扎肉雞絲金邊粉就好正常, 無咩驚喜 ! 反而敗筆既係冬蔭公海鮮粉絲, 唔應該叫粉絲做底, 因為粉絲真係太索 ......... 湯, 而且仲會一直發大, 呢個係我自己既錯誤, 又或者將粉絲同湯分開上會好

今日去新蒲崗做嘢，個客介紹我去食佢公司附近嘅泰國舖，佢話依間係佢食堂！牛肉船金邊粉 $47我由金邊粉轉左做河粉，佢哋用左泰式河粉，比較煙韌同厚身，加上十分濃郁呈黑色的秘製湯底，都幾入味，碗內除左有牛肉，仲有牛腩，牛肚，有好脆嘅泰式豬皮，九層榙，通菜同非常入味嘅蘿蔔。芝士炸蝦餅 $46泰式酸辣鳳爪 $39蝦餅很juicy, 彈牙,咬落都幾鬆化，炸完都唔會太油，上層鋪左半溶芝士,有少少被燒過嘅味道。泰式無骨鳳爪，酸酸辣辣，無骨厚肉好鬼爽，而且每隻都好入味，$39有成十幾隻，好鬼抵！青檸梳打 $20唔好睇佢平平凡凡，其實好有心思，個底係有一啲新鮮青檸汁加幾粒切角嘅青樽，再連玻璃樽裝梳打， 梳化夠曬氣泡之餘，鮮青檸味好夠，依杯嘢係一向麻煩友嘅我會俾10分！

朋友話響佢公司附近有間食船麵好正，乘機叫我接佢收工一齊去食,係位於新蒲崗嘅666泰船麵。泰式雞絲扎肉船麵（金邊粉） $45 鍾意依間店嘅粉麵飯大多都有細份同正常size, 因為for d 靚靚食唔曬，終於唔洗浪費食物了，我點嘅船河簡直一百分，個湯好濃郁而唔係一味死咸，每條粉拈滿湯底嘅味道，配料也十足，除咗有不少雞絲同扎肉之外，仲有大量通菜，芽菜，白蘿蔔同最重要嘅炸豬皮，十分豐富！椰青咖喱牛腩飯 （細 $37）真係好重椰汁味嘅黄咖喱， 好好送飯，所以加左$8加左塊千層薄餅，好惹味之餘仲有飽肚感 牛腩有咬口之餘仲夠淋！ 咸檸樂（$15）$15 真係好抵！已切好的咸檸容易啲桔，出曬味，其實係第一次飲咸檸樂，估唔到出奇地夾，咸咸酸酸解滯一流！

今日經過新蒲崗，就上網睇吓有啲咩好食，見到有間泰國嘢好似幾好咁就去咗試！一入到去冷氣足！所以熱辣辣都夠膽叫船麵！今次我叫咗個細嘅牛肉船麵，因為想試多啲唔同嘅食物！以為細就會好小？結果10分足料！有炸豬皮，牛腩，肥牛，牛丸，蘿蔔！蘿蔔好淋好入味，肥牛亦都唔係街市好肥嗰啲貨色，唔係低價嘢，炸豬皮都唔係好多地方見到有！食到中途嘅時候店員見到我碗麵冇乜湯，仲主動話俾多一碗湯我，好細心呀！所以最後我都飲晒佢，因為牛肉味好濃好好味，嗰晚返到屋企竟然冇口渴，證明唔係味精而令到個湯好味！小食方面我叫咗泰式生蝦，同埋泰式酸辣鳳爪，生蝦好爽口食得出係新鮮野，鳳爪係無骨，硽得好入味！正！最後就叫咗杯酒精飲品，叫做華欣網紅特調toffee apple！又真係幾打卡嫁！甜甜地好易入口！其實仲有一啲小食例如黑松露蝦餅好想試！不過真係好飽啦！下次會再去！

夏天一到就諗起泰國野，天氣甘熱飲返個椰青，真係好爽黎呢間泰船麵就岩哂，野食份量可以揀細份量，岩哂熱到無胃口既時候食，而且環境舒適播緊mv，可以慢慢坐低傾計朋友要補身就真係要飲呢個花膠雞湯原全無味精，有淡淡既藥材味，花膠好大塊，好滋潤，湯底好好飲，所以叫埋都係雞湯底既餃子金邊粉，吾好以為細份量就好小，有三隻大餃子絕對夠飽海南雞飯 雞好滑吾鞋口重點係無碎骨，雞份量亦足夠，調配既水門醬夠開胃牛柳串燒好淋身，夠香口好惹味總括平價實惠份量夠飽肚超值得再去

雖然放寛返晚市堂食，但係仲未有得去旅行，唯有食餐泰國菜當係去咗泰國旅行啦😭今次嚟咗新蒲崗呢間好出名嘅泰國餐廳，門口仲有車位可以泊車勁方便👍🏻一入到去已經見到裝修好靚好有feel，而且入面仲有部唱K嗰啲機比你點歌🤩餐廳播嘅歌都係啲熱門歌曲，聽到我同同行朋友都好想去唱K呀😙野食方面我地首先叫咗個海南雞飯，雖然我地叫咗正常份量不過就覺得佢好細份🤢之後仲叫咗啲串燒，全部都燒得好香，真係好似喺泰國街頭食緊飯咁😋野飲方面我地就叫咗兩個唔甜唔收錢嘅椰青，真係好正㗎🤣最後因為唔係太夠食，所以我地叫多咗咗豬扒金邊粉🥴豬扒份量好足夠，而且都好脆，個人覺得呢個掋食過海南雞咁🧐地址：新蒲崗仁愛街48號地舖

復活節假期開始了！加上天氣又好悶熱，收工去搵下有咩泰國餐廳啦，估唔到新蒲崗都有好野食！呢間餐廳的裝潢設計好似芭堤雅小店，燈光都幾舒服，播住歐美歌手MV，啤一啤都幾chill! 最推薦①海南雞飯$33: 雞有雞味，鮮嫩香滑！一定要試，細細碗食哂唔罪惡，十分過癮！②烤黃花魚$59: 魚皮酥脆，魚肉很juicy，冇乜骨，下次會再encore!③椰青$36: 店主話唔甜唔收錢，緊係要試下啦，好大個好正呀！非常解渴消暑！整體呢間出品算高分的，味道正宗，環境舒適，價格相宜，兩位食飽飽都只係$249。抵食過九龍城。下次要再試佢個燒魷魚，睇到好正。

門口已見到店舖裝修懷舊，內裏卻有西式情懷，不停播英式音樂，有大螢幕播歌豬船面金邊粉船面即是在船上面賣的面食湯底是黑色的，非常濃郁而且以豬骨藥材製成，但飲上口帶甜，好好飲，令我清碗配料有通菜、蝦餅、羅白、豬肉丸、豬肉片、豬肚碗上面印有店舖標誌，連店員也穿上招牌製服豬肉串燒串燒上有花生碎配上沙嗲醬魚餅魚餅內有辣椒碎、綠色的菜料，可是我分不出是那一種即使冷卻一會才吃上口，仍然熱辣辣，魚肉口感一流海南雞飯正常飯雞肉和餅分開，雞肉下有沙律飯的口感是正宗泰式的，吃上口跟港式的大有不同！

今日係新蒲崗放工，即興約左朋友去仁愛街666泰船麵食泰式晚餐🤩。呢間餐廳燈光偏暗，牆身仲有好多趣緻既裝飾，氣氛唔錯。椰青咖喱牛腩飯 $55呢款椰青咖喱可配飯或者黃麵，我揀咗配飯，覺得咖喱撈飯好正😁。米飯口感偏硬，有咬口。牛腩好多，入口軟淋，薯仔都多。咖喱🍛汁好濃郁，少少辣，撈飯一流😋。泰式海南雞飯 $45朋友嗌咗正常size嘅海南雞飯，好抵食。冇骨，雞肉好嫩滑，勁有雞味😍，個醬汁酸酸辣辣，好惹味。花膠椰子燉雞湯 $25 $25真係性價比好高，雞湯好清甜，加左好多椰子🥥，仲有一大塊花膠，好滋補🤩！自家泰式凍奶茶 $20口感幾特別，唔會好似茶餐廳d奶茶咁澀咁甜，呢度既奶茶係好細滑，甜度係啱啱好😋。

泰菜雖然好all time favourite 但好少餐廳a la carte咁嗌係平如果一個人食隨時嗌個七八十蚊嘅金邊粉就飽所以通常都係三四個人先會去食可能因為呢區唔算係旺區所以價錢比出面平一截呢間更加係比同區餐廳再平啲呢個價錢散嗌自己喜歡嘅菜式就ok了唔洗嗌set諗點搭食得最多嘢最抵椰子胡椒豬肚湯泰式鳳爪柚子雪碧好飲夠甜夠凍食幾辣都解到辣$32蚊一個海南雞飯呢個好似係廿年前嘅價錢唻個油飯都唔錯去到呢度我就飽了唔係嘅話會試佢個雪芭出面平時嗌都六十蚊佢只係$38好似幾抵

香港人都熱愛去泰國旅行，因為中意佢地既泰國菜夠重口味又有特色，今次就推介番間好味又抵食既泰式船麵比大家啦！佢地就係新蒲崗既666泰船麵啦！首先介紹下番間餐廳既裝潢先啦，一入到餐廳，已經比人有種好特別既感覺，因為餐廳的環境特別有氣氛格調和仲有埋背景音樂，燈光柔和，有適心裝飾，也適合情侶，坐低都已經有一種舒服既感覺啦！坐低又叫左幾樣野，首先唔可以唔試佢既花膠湯啦，有大大塊花膠，很滋補啊！泰菜都可以滋補下，正！再夾埋個特色薄餅食夠哂鬆化喎！之後再來個主菜冬蔭功泰船麵，雖然係細份，都夠食，我雖然唔食得太辣，都可以接受喎，仲有塊大大花膠送，真抵食。另外又叫左個燒魚，加點魚露，口味很可口，值得一試！係呢間船麵真係有齊多種推介回味，仲唔快快帶埋三五知己親友們來試試啦！

難得這陣子可以在晩上堂食，當然要慢慢享受。這間泰國餐廳已經是第二次來，食物有分大細，適合大食小食的人。顧名思義，我倆點了兩碗船麵和一條「每日限量」的烤魚，剛好填滿肚子😂🤣牛肉船金邊粉(細)：主角有肥牛、牛腩(軟淋入味)、牛丸(爽口有牛味)，配料有大量芽菜、炸豬皮、通菜、 紅蘿蔔絲、炸蒜等，湯底濃郁。雞肉船金邊粉(細)：有鳳爪(有辣辣的感覺，酸酸甜甜，惹味)、雞腎、雞絲，細細碗其實都好足料，湯底原來是用了藥材和豬骨熬製了8小時而成的，難怪非常濃郁！泰式烤魚：當天有黄花魚和倉魚兩個選擇，應該是時令。倉魚用錫紙包著，起菜時底部還有火燒著，非常棒！😆😆 内裡有生菜墊底，不會痴肉。香脆魚皮，魚肉鮮嫩入味，很有泰國風味😋😋配有泰式醬汁，層次更豐富。暗暗的環境，有MV觀賞，有少許酒吧的感覺，可以不限時地談天說地，是個不錯的地方。

雖然新蒲崗係一個舊舊嘅小區但係原來入邊嘅小店食肆係非常之咁多因為早上嘅時候呢度係繁忙嘅工廠區所以仲有好多好特色嘅小店喺附近好慶幸香港仲有呢啲嘅小店食肆區唔會好似其他區咁開晒全部大型嘅商店入邊就全部都係形形色色相同嘅連鎖快餐店今晚就想食泰國嘢就算着咗呢間666泰國船麵餐廳朋友想食咖喱所以佢就叫咗一款椰汁咖喱豬扒飯而我就想食冬陰功所以選擇左冬陰功魚三寶金邊粉最先上海嘅係上枱嘅冬陰功魚三寶金邊粉估到佢嘅冬陰功嘅味道非常之夾可能因為材料粵語處處係用上泰國嘅關係非常之咁地道出色而且味道非常之咁濃郁而且個辣到都有一定程度所以食咗幾啖之後已經一定要叫杯嘢飲解解啦我就叫咗呢度最推介嘅泰式檸檬茶最鍾意呢度嘅就係可以自動調節嘅甜度去吹餐茶會浮上左一支糖水所以有時唔想飲太甜就非常之好可以落幾滴就已經搞掂怕輸嘅朋友又可以加多啲糖水朋友嘅咖喱飯話非常之咁出色因為龍龍嘅椰汁味道非常之咁出色再配合埋預先炸過嘅豬扒我見佢用咗兩個字就已經食晒成碗了最後我哋就加多左一款泰式生菜包肉碎再加上香葉炒成非常之咁出色但係因為我哋唔太食得辣所以我就叫咗小辣但係都已經非常之咁入嚟再加埋新式嘅生菜令人非常之咁沙灘

琴日經過見到呢間專食泰國船麵既餐廳，由於之前去過泰國食當地既船麵，湯底好濃，當地人一般都起碼食4,5碗或以上，一直覺得好好味，今次就入左去試。 一入餐廳感覺都唔太迫夾，裝修有啲似酒吧。食物方面叫做一個牛肉船嘅船麵，一個炸魚皮配冬陰公湯，海南雞飯再加雞肉串燒。首先第一個上嘅係炸魚皮配冬陰功，炸魚皮好脆而湯底都好夠濃去令炸魚皮有酸酸辣辣嘅味道。之後係牛肉船嘅船麵 ，湯底好濃味又有淡淡嘅藥材味，好味，配料有牛腩，肥牛，牛丸，總括嚟講呢碗麵嘅味道係好好，不過如果麵既份量可以多小小就完美。至於海南雞飯，佢哋嘅油飯比想像中好，有好香嘅咸雞油味又唔會好多水每到個飯好糊口，至於海南雞都唔錯，首先係色水好靚，雞肉唔鞋，而海南雞醬味道都幾好。 總括嚟講呢間餐廳性價比唔錯，可以下次再去。