666泰船麵 (仁愛街) (已結業)

💁🏻‍♀️ 666泰船麵 (仁愛街) (新蒲崗) 🍽-超抵食泰式小店👍🏻經濟實惠又好味🥰牛肉船金邊粉（小）（$25）就算超細份但份量都幾多，女仔食係夠曬，牛肉好入味但唔un, 而且肥瘦平均，加埋金邊粉食好滿足黑松露海南雞飯（$65）海南雞加黑松露呢個配搭真心估佢唔到，但食落勁match! 雞肉夠嫩仲要連飯都有黑松露，推介啊喂！花膠椰子🥥燉雞湯 （$25）好足料，食到大大舊花膠補充骨膠原🤪加左椰子極之清甜，養生必叫📍 666泰船麵 (仁愛街) (新蒲崗)#新蒲崗 仁愛街48號地舖#小丸子搵食記 #小丸子新蒲崗-

今日黎新蒲崗上堂，見到呢頭有泰國野就黎試下，都好耐無食泰國野～開頭見舖名寫住船麵，以為係一種泰國獨有既粉麵，原來係解泰國水上市場啲人賣既麵🤣未食過就叫碗黎試下先🍜豬肉船金邊粉一碗麵有勁多料，好豐富，有豬肉片、豬肉丸、豬肚絲，仲有好入味既蘿蔔、通菜等等。個湯麵好深色，一睇就知勁濃👍🏻🍢泰式炸魚餅炸魚餅勁香，入面有落蔥同少少辣椒，正😆🍗雞串燒個汁有啲酸酸meimei，仲有啲花生碎碎👅🥥椰青個menu寫住唔甜唔收錢🤣就叫左黎試下，又真係幾甜，好鮮甜整體黎講，價錢算幾平，質素都唔錯👍🏻🙆🏻‍♀️黎開呢頭既話，都可以去試下！！

啲間 真係要介紹位於新蒲崗 仁愛街666泰船麵 鋪面乾乾淨淨 職員態度良好 價錢親民船麵係主打 當然要點雙丸金邊粉 細$28係 碗船麵只有手掌大細先飲啖湯 嘩 我覺得自己去咗泰國湯濃郁 除咗有雙丸五粒 炸豬皮蘿蔔 金邊粉吸收湯味道三扒兩撥其實已經食晒真係要大讚 下次可以食碗大既海南雞飯點少得 細$32一碗雞油飯 上面排得整齊 雞皮薄而且又嫩滑雞沾上水門醬汁 真係停唔到口泰式手工炸蝦餅$38每一件雖則不算大件勝在即叫即炸蝦餅 外脆內爽口 好正泰式腐乳通菜$20先講價錢 20蚊一碟菜 通菜量都唔算細 夠兩個人食 個人鍾意多腐乳 不過咁嘅價錢 仲可以要求啲咩？！鹹檸七$15懷舊金屬有耳仔杯多冰 加入7 up作為今晚結尾總括 又係一間平靚正之選經過一定要試吓**我又開始懷念船麵

聽住喺新蒲崗既朋友講附近有間味道幾正宗既泰國船麵，咁啱今日去新蒲崗，於是乎就嗌個外賣番office試下😋🐥雞肉船金邊粉 （雞絲，雞腎，鳳爪)🐥$45（6.5/10）船麵既湯底真係好濃郁，味道都頗正宗，同泰國街頭食過既有d相似。湯底仲有幾嚿蘿蔔，蘿蔔煮得好琳好入味👍🏻麵同餸既份量都幾多，其中雞腎又大又入味。但係鳳爪就唔合格，煮得太耐搞到啲皮綿綿地。最後可能係個湯底太濃嘅關係，食到後面會覺得太膩😣。薄餅 +$8 （5/10）薄餅嘅size都算ok大，但就偏多油同無乜味。口感小小煙韌，無乜特別。🙈———————😋味道：6/10🤵🏻服務：7/10💰抵食：6.5/10⏳排隊時間：0分鐘

今日去到新蒲崗工廠區有啲嘢搞，搞完之後就約咗男朋友喺嗰邊食飯，本身都唔知道原來工廠區有咁多好嘢食，行到去越秀廣場嗰邊先發現原來都有好多間唔錯嘅餐廳。行行吓見到呢間泰船麵門口有好多同明星嘅合照，心諗質素應該唔錯，就決定入去一試。☺️☺️見到個Menu就已經覺得好吸引，平時泰國嘢嘅價錢都會偏貴，呢間餐廳反而就有得揀細份同大份，細份嘅價錢就比較平，所以可以試多幾款唔同嘅嘢。價錢非常親民，每份都係大概30到$40左右，細碗嘅面有啲$20幾蚊就有，真係好抵❤️所以我同我男朋友就叫咗三份細嘅主食。第一份係咖喱豬扒飯，佢嘅咖喱汁非常香，食落好惹味，豬扒估唔到細嘅份量都唔算太少，兩個人食剛剛好，😍😍呢個汁真係好適合送飯，好想叫多碗白飯再送一碗。另外一份主食係海南雞飯，佢比嘅雞肉都係雞髀嘅部份，肉質鮮嫩，配上特製嘅醬汁，真係一流。最後一份主食當然要試吓佢嘅船麵，我哋叫咗牛肉船面，配料比得非常多，食落味道正宗，個湯底味道濃厚❤️。我哋另外都叫咗一份小食，就係泰式魚餅，識落有少少香茅味，亦帶少少辣味，味道非常特色，同平時出面食嗰啲魚餅唔同。☺️嘢飲方面，我哋就試吓佢嘅碟豆花特色飲品，佢嘅賣點係有健康嘅功效—可以幫忙降

今日下午茶時間來到新蒲崗食泰國菜😊💕店舖內有特色嘅小裝飾，播放着熟悉嘅音樂。環境幾舒服餐牌嘅選擇都好多我哋決定叫咗兩個主食，一個湯，兩個飲品：☀️泰式海南雞飯☀️泰國餃子金邊粉 ☀️花膠椰子燉雞湯☀️泰式檸檬茶☀️泰式奶茶 兩個主食都是正常份量，若食量不大的，或想留肚試其他更多菜式，也有小份可以選擇雞湯非常足料，花膠好大嚿好林。雞飯味道恰到好處，加埋佢哋嘅辣醬撈飯食好好味。雞也味道唔錯第一次食泰式餃子，感覺好特別，係有啲香草味。而金邊粉感覺煙銀。泰式奶茶茶香重，甜度剛剛好。泰式檸檬茶及香港檸檬茶有些分別，佢哋本身個茶底嘅茶味唔同，值得一試。總括而言，餐廳價錢合理，味道質素唔錯，服務態度也很好。開心的下午茶餐😊

泰開心喇呢餐😍😆好掛住泰國誤打誤撞入左呢間order左船麵 好有泰國味道 好有風味 好似置身喺泰國之中冬陰公魚皮都好好食 不過係咸左dyummy yummy yummy❤️服務都良好！會再幫襯！

本人以冬蔭公湯底D湯是主题小得陰公但好味'份量很小一碗，其實可以收貴D！無必要將货就價'，什麼也小，用公雞小碗剩載，米粉很多'2小小炸魚及？2十粒魚蛋收四十八連飲品52

淨食青咖哩牛腩($53) + 蒸粉卷($33)呢度吾係一個餐，我嗌個淨食，冇諗過會係一小碗及底的咖哩，牛腩得個4-5舊，跟餐都嫌少，何况淨食！？另外33蚊嘅蒸粉卷，4條，每條手指仔咁大，雖然知道係素食，但係個餡得少少紅蘿蔔同埋木耳，夾起身甩皮甩骨，好離譜個豬扒喇沙麵($46) 份量正常，湯底無咩喇嘛味，但都算可以接受。枝裝自家製泰式凍奶茶($21), 淡貿貿，得個甜字，成枝糖水咁。 成餐飯$153 ， OpenRice外賣扣減$1.5,味道還可以但性價比極低，絕對冇下次

又到新蒲崗覓食，今次選了下午茶時間，找到食店立林的街，看到有船麵就決定嘆嘆。先來飲品，蝶豆花特飲，不錯陣陣青檸味很消暑。另椰青很清甜，椰肉滿滿，必點。主食先來豬肉船金邊粉（大），份量十足，豬肉丸好吃，豬肉片就一般，因不吃內臟，所以走豬肚。湯底濃但味道不夠深刻，也不香辣味，幸好可自行加辣椒粉調味。金邊粉煮得比較林。蘿蔔不錯，通菜是可想像的。牛肉船金邊粉（小），牛肉也是一般，其他跟豬肉的差不多，感覺整體似泰式車仔麵。炸魚餅，熱辣辣，味道就是可想像的。

上星期有一日lunch跟同事黎咗呢間666泰船麵食，見入面冇乜人，應該唔怕肺炎啦😂😂不過原來咁少人係因為味道真係唔太好食💆🏻‍♀️泰雞翼金邊粉✨估唔到係湯粉黎，上菜時都嚇一嚇，雖然我同同事都叫唔同嘅餸，但上枱全部一樣色水，差嗰兩舊餸唔同🤣湯底偏鹹，麵有少少似粉絲，口感唔錯，但吸得太多湯就鹹咗啲...雞翼都係偏鹹，所以食完好口渴，好彩有得半價叫嘢飲，有杯檸水中和返啲味道。今餐我食就啱啱好，但男同事們就嫌份量細咗啲啦🙈

book左同屋企人齊齊支持小店，食早啲啲，五點開波，大家都打算放題咁盡情叫1. 豬船麵湯底偏甜，可以再濃郁啲，餸算係多，基本既肉丸豬皮豬肉都有齊2. 椰青咖哩都係偏甜，但用椰青令到甜味清啲，效果唔錯，可惜唔夠汁3. 海南雞時間掌握得好好，肉質啱啱熟夠晒滑4. 生菜包多口嗌咗中辣，比較辣，但炒得好透5. 串燒十分推介串燒，豬頸肉串非常爽口，牛柳亦燒得好香又唔韌6. 燒魚細細條好過癮，肉身好滑，唔同平時一叫燒魚就大大條，細細地過口癮最後叫埋椰青，啤酒埋單人頭$130，值得支持

落左個 花膠雞湯 （味好怪 有隻腥味 唔知系唔新鮮定系 濃縮湯溝出泥） 泰式 碎肉飯（ 肉碎睇落似蒸多過炒 急凍肉碎 仲要炒唔夠 無味 改名做煮肉碎飯 就名副其實） 間餐廳仲要放埋啲奇異的九十年代歌曲之前食過 都無咁*特別*

附近返工經過咪試下叫外賣開頭覺得 細細個應該啱啱好夠飽啦點知我真係無諗過細到咁 食左2啖仔 發現d肉小過你係街市買10蚊！仲有炒到勁乾身！細兜得嚟仲要爛食我唔係泰國人但我都係泰國食過香葉肉碎炒飯啦！唔會再幫親囉雖然下午茶好平但食物質素真係好差$39食白飯？仲有幫2個同事叫左添因為無味 我自己加辣椒油😞

九龍城多泰國菜就係人都知，其實行遠少少，去到新蒲崗亦有泰式小店。入去前見到有好多明星相，但背景好似唔係呢間分店。坐低見到投影機上播出中國好聲音歌曲，唔知係唔係隨機播放，有時會播出一兩首紅歌，MV有陸軍果種。講返食物，船麵湯底濃郁，配料亦都好豐富，細細一碗就已經有雞絲、雞腎、雞腳、炸豬皮、蘿蔔、菜。份量多可以食多啲其他小食。另外，烤山豬肉串食落較林，味道偏甜，不過勝在肥肉唔多，成串都可以食晒。而生菜包肉碎味道好香，可惜炒得不夠乾身，部份生菜有啲爛，無法包住肉碎。整體嚟講，菜色味道尚算合格，但氣氛真係好古怪，都係返九龍城聽泰文歌好啲。