7E咖喱王

營業中

休息中

上去7 E 咖喱王，環境普通，但係都幾好。叫咗咖喱牛肉，咖喱魚，洋蔥圈，白飯，兩個薄餅。洋蔥圈先上來，但不太脆，咖喱牛肉OK，咖喱魚太鹹，但係白飯唔係用印度米，薄餅OK但係不太脆。

要入到去餐廳要經過重重關卡，因為門口大家都好熱情推銷自己間餐廳🤣今次揀左呢間咖喱王，嗌左幾款印度特色菜試下～🍽️特色脆薄餅（4/10）呢個真係好鹹，同埋愈食愈辣，加上洋蔥夾埋啲香料有啲澀同草青味，唔係太中意，而下面塊餅皮因為上面啲配料太濕，食到後面變淋左🥲🍽️咖喱牛腩（6.5/10）咖喱偏濃味，反而無預想中印度咖喱既椰奶或者騷味，味道合格唔錯👌🏻牛肉夠腍但係偏碎，扣左少少分🙈🍽️特色香料雞（6/10）因為呢款咖喱加左蕃茄汁，所以食落比起牛個款清新，啱啲唔係好食得辣既朋友仔👍🏻但敗筆既位係啲雞肉好難好硬🙈雖然咖喱係主角，但啲肉雞既處理真係差啲😔🍽️印度咖喱角（7.5/10）呢款係印度特色小食，外皮炸到脆身，入面就好酥帶少少粉，味道同我地下午茶食到既咖喱角差唔多，但包左滿滿既薯蓉，幾特別同埋都幾好食😋🍽️牛油、蒜蓉烤餅 （7/10）Naan應該係印度菜必食🤣熱辣辣上枱，煙煙韌韌既口感，用黎蘸咖喱啱啱好🤤但兩個味食落差唔多，都唔係好食得出有牛油或者蒜味🫢—˗ˏˋ 𝓜𝓮𝓶𝓸✍︎ ˎˊ˗整體黎講，唔算特別突出，試過其他間印度菜都做到呢個質素，未必會再特別encore了🙈✨推薦指數：6/10

咖哩味道正常，唔係好食唔係難食。形住唔新鮮。好多連鎖快餐店茶餐廳都好食過佢。咖哩角，細隻又唔香口，我估重慶大廈地舖嗰啲檔口仔整得好食過佢，洋蔥圈難食，油立立。杯masala tea一啲香料味都冇，lipton即溶奶茶仲好味過佢。八折之後以今時今日嘅物價唔算貴，不過都係嗰句算吧啦。

當晚我同幾個朋友去咗呢間叫7E咖喱王嘅餐廳，因為聽人講好食就嚟試下。味道一般，冇咩特別之處，而且咖喱唔夠熱。有個朋友唔食得羊肉，本來就叫咗咖喱牛肉，但無啦啦嚟咗咖喱羊肉比佢。一開始我哋以為係搞錯咗，我哋問佢，佢話呢個係牛肉，但一睇就知係羊肉，我哋再問多佢一次，佢先去問廚房，佢地先話牛賣曬，就轉咗羊比我哋。我覺得佢地唔應該無啦啦轉，點都提前通知返我哋先，嚴重既，點估會唔會呃咗個素食食肉架。最後，我朋友真係唔食得羊肉，所以佢地又轉咗雞肉。不過最嚴重嘅係，我哋第二日全部都肚痛肚柯，我哋幾個朋友夜晚出嚟一齊食既野就只係得呢間7E咖喱王，都真係一定關佢事，我哋最嚴重果個一日柯咗七次。最後真係迫住要睇醫生，醫生話可能係大腸桿菌。不過都係果句每個人體質唔同，可能係我哋四個人差囉！有膽量，身子好既人，可以去食，去挑戰！

同事帶隊重慶大廈食印度咖哩，我跟住去第一次，除咗無落手落腳之外，相信係我最認真嘅一次。今次試咗 Madras 、Masala、Vindaloo 三款不同辣度嘅咖哩，分別配蝦鷄牛羊加地道香料，拌飯同薄餅一樣出色，個人喜歡淺辣、鷄、芝士薄餅，三餸互換，追加咗幾次單，我就要咗兩杯芒果乳酸 Lassi 解辣，仲有佢嘅印度點心咖哩角、燒鷄，非常惹味，可惜糖水甜煎堆是日售罄，埋單人均消費唔算昂貴。話說原來重慶大廈比我想像中先進，今次除咗一個好好嘅體驗，仲多咗個唔錯嘅話題。

呢一間位於重慶大廈嘅餐廳真係好值得大家一試，首先佢位置一啲都唔難搵。其次係入邊有一個員工識得講廣東話可以好詳細咁同你介紹唔同咖喱嘅分別。而我每一次去都嗌咗唔同咖喱。每一次都好有驚喜。大家一定要去食

重慶門口通常都有兩間舖會派單張，之前試過珍珠皇宮，所以今次想試下第二間，7E咖喱王，可能係因為舖係7樓E,裝修都係簡簡單單，問左現場哥哥有咩介紹，今次叫左蒜蓉同芝士naan,見到隔離個鐵板炸炸聲咁勁，我地都叫左個雜錦，咖喱角主打野唔係唔叫掛，仲有香料雞同馬沙拉羊芝士naan 入面好厚芝士，就咁食都好正，鐵板雜錦入面有魚，雞，仲有條肉肉，我地懷疑佢係羊，好抵食，香料雞少少辣跟naan食好正！馬沙拉羊都好入味唔騷，細細兜但勁多，最後係咖喱角即炸，皮唔厚，又多料，我鐘意宜間多過珍珠皇宮

其實一直想來尼間7E試咖哩，不過次次都錯過，今次係附近做嘢，係OpenRice 訂位之後過黎。真係名不虛傳，服務友好，咖哩好味，烤餅🥞搭配咖哩正到不得了。今次試左三款咖哩，巴辣羊肉，咖哩牛腩，仲有一款堅果味嘅咖哩羊肉。最鍾意係巴辣咖哩，香料十足，辣到好舒服，食到全身出汗，但係都停唔到口。第二個就咖哩牛腩，有少少甜味，一般人應該都鍾意。烤餅試左兩款，蒜味係最好食，有蒜蓉，脆同埋比較香。第二款係芝士烤餅，都出名，搭配辣咖哩就最正。原本仲想試青花瓜酸奶，不過實在太飽，下次再黎啦！

整體唔錯！ 大愛羊肉咖喱，本來以為會有啲羊臊味，點知一啲都唔臊，香料味俾咖喱牛腩更突出👍🏻 食完相中美食之後覺得唔夠後再嗌多咗個炒飯（好似係青豆炒飯）唔知係咪有啲酸菜喺裏面，有啲酸酸地幾好食，辣度仲辣嗰啲咖喱😂Mango lassi 正常普通未試過嘅人可以一試今次食咗兩款Naan，原味同羊肉，加埋芝士薄餅，全部都ok

諗住入重慶大廈睇吓有咩食 比一位重慶大哥一路推銷我食呢間7E咖喱王 見佢咁鍥而不捨跟咗我10分鐘 決定試吓呢間Menu佢喺重慶大廈7樓要搭lift 高層反而冇咁恐怖😂本身定價已經唔貴 訂咗位仲有九折 好抵食咖喱幾好味 正宗得來就到香港人口味不過最好食一定係naan!!!一定要嗌naan dip咖喱 好正又抵食

去重慶大廈食咖哩好幾次，一般都會食到咁上下就食滯，印度咖哩大部份都係張香料蔬菜奶油等等煮到好濃縮，個薄餅又會好油；今次係完全冇咁既問題，廚師整得恰度好處。馬沙拿羊（Mutton Masala/燒羊肉咖哩）香料味唔算好重，食落好溫和，唔重辣味，汁既質感掛羹，羊肉已煮到骨肉分離非常之軟淋，整體味濃又唔會好咸，唔錯。牛油雞（特式香料雞）侍應推介牛油雞，佢係咁叫，我睇餐牌應該係特色香料雞，味道冇馬沙拿羊咁濃/辣味更輕，食落去比較輕，味道都唔錯，尾中不足既係佢用淨雞肉，如果用有骨既雞件應該會更好食。原味烤餅/蒜蓉烤餅NAAN一d都冇油膩感，食過好幾間都係偏油，呢度烤得幾乾身而唔會硬，略嚴蒜蓉味不足，點馬沙拿或者牛油雞個汁食岩岩好。牛肉 samosa饀料足，炸得好乾唔油，味道適中。下次有機會試下咖哩角，我相信一樣係做得咁好。Mango Lassi芒果乳酸飲落微甜有質感，食咖哩飲番杯零舍開胃。7E咖哩王唔係我食過最好食既印度餐廳，而係性價比最高既印度餐廳，家庭式小店，合理食物質素，經過openrice訂坐有7折，每人都係百幾蚊，值得推介比大家。可能今日係閒日，得幾枱客，有小情侶，有幾位女仕聚會又有印

雖然之前都去過好多次佐敦咖喱、屯門咖喱等，但7E 咖喱王都係第一次去，因為事源老公想出街食飯，所以經朋友介紹之下，我地選擇左出去尖沙咀食咖喱。我預先係Openrice book 位，因為Openrice book 位有七折優惠，放工後就約老公去餐廳等，餐廳是位於重慶大廈七樓，所以去到重慶大廈門口同D 派傳單朋友講去7E 咖喱，佢地就會有專人帶你去搭𨋢。當去到餐廳時，餐廳已經坐了很多食客，幸好有book 枱，所以都放心有位，餐廳地方雖然唔係好大，但佢有張枱可以給客人放一放背包都很好。這次是第一次光顧，我地問了位香港人叔叔有咩好介紹同好食，因為我地得兩個人，所以佢建議我地order 烤羊咖喱、烤雞咖喱同一份薄餅，另外我地都叫左一杯印度拉茶同一杯青檸梳打。當咖喱送上時，賣相都同其他咖喱屋的賣相差不多，唔覺有咩分別，跟住我地就開始食了，首先我拿了一塊薄餅點了烤羊咖喱汁，一食落口時就覺得味道跟之前食過D 咖哩係好唔同，味道辣中有甜，有種香味，我本身唔係好食得辣嘅朋友，但我係不停追食，另外個烤雞咖喱都好好食，食曬碟薄餅同烤羊烤雞之後我真係連汁都唔放過，但理性叫我要停了，但我老公都仲想試其他野，最後

店員有禮體貼，會主動介紹菜式比客人！因為當日有小朋友，佢哋都好細心會提出客人點餐之中有冇邊一類型可以減辣或者比較適合小朋友食。店舖相比起疫情前人流真係爭好遠，基本上成個重慶大廈嘅食肆同商戶都受到重創！希望大家多啲去重慶大廈支持下商戶同食肆！普遍咖喱角只有素食但7E有牛肉版！燒雞同咖喱羊肉高質！特別係OpenRice訂位正價有七折更加值！仲有杯芒果乳酪真係好好飲，難怪見到枱枱每人一杯。可惜只有單點嘅餐牌冇套餐供應。好彩我有經OpenRice book位

呢間真係值得返去再食，好有印度風味🇮🇳Chicken makhani👍🏻👍🏻👍🏻呢個係似butter chicken 唔辣，食到佢落咗番茄，食落有番茄嘅甜味。雞切成一口大小，唔會過熟。唔食得辣嘅可以叫呢個。Mutton masala (lamb)羊係連骨嘅，聞落有少少羊臊味，但係食落就畀咖哩冚咗淨係食到羊肉味。羊肉都好唸。咖哩就中至小辣。Beef karahi🤤🤤🤤呢個嘅咖哩就同masala好似，都係有落番茄，但係番茄味就無雞嗰個咁濃，而辣味就同masala好似。牛都係切到一口大細，好唸，完全冇渣。Fish masala✨✨✨魚就比想像中好味，魚係炸過先撈埋啲咖喱，所以啲肉唔會散晒，同埋佢用咗孜然粉醃，一食孜然粉味已經好突出。Garlic naan🤟🏻🤟🏻🤟🏻個naan 食落好軟熟，好容易搣開。點咖喱更加係一流，好夾Cheese paratha基本上係同naan 好似，只係中間加咗芝士。而個芝士食落似cheddar Pulao rice呢個係印度黃飯，啲米係長條型粒粒分明。食落偏硬少乾。

一般人可能諗起「重慶大廈」會有啲驚搵笨或嫌棄邋遢，但其實7E咖哩王同出邊一餐廳一樣，毋須怕去試。服務，環境，餸菜，都非常好食。我雖非印藉人但因以前喺海外工作，時時同IT部啲印籍同事食飯，所以對所謂正宗嘅印度菜嘅味都略知一二。我可以話咖喱王嘅咖喱算係做得非常好。尤其佢個Butter Chicken個中甜同牛油香度調得啱啱好，值得試。我唯一各得Palak Paneer唔合自己心意，美國一般唔會打得啲菠菜咁爛，會睇到啲菜，令到個sauce似羹咁，但好似香港間間都係咁做。我相信會再幫襯呢間。