影片
電話號碼
96606396
62566045
91835715
營業時間
今日營業
19:00 - 03:00
星期一至六
19:00 - 03:00
星期日
20:00 - 03:00
以上資料只供參考, 請與餐廳確認詳情
-
網上訂座服務暫停
晚上七點喺荃灣福來邨附近做完嘢想食晚餐，經open rice查到有一小時串燒任食，雖然喺爵悅庭嗰邊，距離都好遠，但我係食肉獸，都想去試吓。網上優惠只係寫$50任食串燒一小時，冇註明消費要求。去到餐廳都差唔多八點，見到原來係酒吧，我仲係第一個客，都諗到會要叫嘢飲。果然係咁，佢吔俾個iPad點嘢飲，其實我只想食嘢，所以只叫杯冇酒精飲品，同埋想叫嘢食；點知個職員話冇得自己揀，佢哋係豬牛羊鷄四款一套，會陸續送嚟，而我點嘅冇酒精嗰兩款都冇，惟有叫咗杯得小小酒嘅鷄尾酒，個職員原來就係調酒師，佢好好人話幫我落少啲酒。跟住有個女職員擺低一籃蝦片。當時開始有幾枱客入坐，到蝦片差唔多食晒，杯雞尾酒至到，可能因唔係原本調法，結果杯飲品冇乜味道。期間個女職員好忙咁落單，個調酒師好忙咁調酒，我就好肚餓咁玩住手機係咁等。望勻全場只係得隔籬嗰枱有嘢食，我估會唔會個靚女太忙送錯枱呢？咁就問吓個靚女，佢梗係話冇送錯，係人吔叫咗先。但明明我係第一個客，而隔離嗰枱係第三四左右到。問完冇幾耐終於等到第一碟四串嘅串燒-睇到有人由門口送入嚟，佢哋轉碟送埋嚟。真係啱啱燒好，啲串燒好熱，好好食。不過食完又係咁等，等咗好耐都冇第二輪食，惟有再問吓個靚女，佢話啲串燒唔係佢吔整，係喺隔離舖頭燒好送嚟，佢吔都控制唔到。咁我問都差唔多一個鐘，我只係食得4串肉，咁點算任食呀？佢就答到夠鐘會盡量安排俾啲嘢我食，平均都會食到三套。到九點佢哋終於又送來一碟共八串肉，啲串燒熱辣辣，好好味。不過擺低碟肉，跟住佢吔就擺低張單叫結帳。飲品$88，蝦片$28，一小時任食串燒$50，連加一$172。坐咗個幾鐘，飲咗一杯嘢，食咗一籃蝦片，十二串肉，同我諗嘅任食差好遠。之前試過open rice訂枱，同區另有差唔多嘅舖，話食兩個鐘，但冇趕客，坐咗三個鐘，真係任飲（有汽水，啤酒，清酒）任食（有串燒肉，有燒蔬菜，有火鍋）。啲串燒味道係好，但我可以去隔離舖食唧，唔使喺呢間搭酒搭蝦片，所以試過就算喇。
繼續閱讀
最近疫情影響，好多餐廳酒吧娛樂場所都受到影響生意大跌。佢地都推出咗好多唔同嘅優惠吸引食客，呢一間喺荃灣嘅酒吧就令我大開眼界，居然$38就可以食到雞牛豬嘅任食串燒，係咪真係咁抵食呢？同朋友幾個人經過荃灣呢間舖頭唔係太顯眼，位置就係肉餅歌同埋一間回收廠隔離，有點偏遠，但裝修比較年青化，未必太多人知道，是私人聚會的好地方。原來呢度每人叫一杯嘢飲之後加$38就可以任食呢3款串燒，有得揀辣同唔辣，另外喺部iPad上面仲可以揀其他小食拼盤，有花枝丸、蟹餅薯蓉、炸鮑魚菇等等，款式都比較多元化。我最鍾意飲我個杯Pina Colada，感覺好Smoothie，綿綿的細冰充滿菠蘿椰汁味道，少少酒精成份，格外涼透心。朋友就叫咗杯1664，夠凍，一啖酒一啖串燒，人生一大享受。
繼續閱讀
喺網上面見到佢嘅廣告今日特登同朋友嚟食， 82係間bar & restaurant 裝修充滿現代感 位置坐得幾闊落舒服~第一round同朋友嗌完佢嘅豬牛雞串燒發現好有驚喜！ 雖然係咁平嘅價錢做飲食 但質素一啲都冇揸流灘！ 豬肉油香肉嫩 牛肉牛味香濃 雞肉多汁惹味由於食物質素唔錯 價錢又唔算貴 最後我哋決定是埋佢其他小食！炸洋蔥圈洋蔥圈好大件 炸到香酥可口 但又唔會油膩 下酒一流！炸一口芝士炸得粒粒金黃 香脆可口 一咬去芝士流心滿溢 芝味無窮！雞泡魚乾油脂清香 燒得微焦香口之餘又唔會太乾身 鹹香加埋 沙律味嘅甜 味道一絕！椒鹽黃金雞髀菇估唔到份量咁多 雞髀菇粒粒炸得香口惹味 香脆嘅外皮 調味適中唔會太鹹 而雞髀菇仲多汁充滿水份 值得推介！炸燒賣即叫即炸熱辣辣 經油淺炸後 酥香脆口 加埋椒鹽調味 更加鹹香滋味 外脆內軟 口感彈牙！
繼續閱讀
呢間酒吧推出6️⃣0️⃣分鐘無限任食豬、牛、雞串燒，價錢都係$38， 亦有其他燒物同炸物。而調酒師更會因應季節設計特色嘅cocktails🍸內設多款遊戲設施，非常適合一大班朋友聚會👫👫💗牛肉、豬肉、雞肉串雖然係任食推廣，但3款肉類都有中上級質素🍢每串即燒夠哂熱辣辣，外表焦香內𥚃充滿肉汁，而且調味十足夠哂入味。當中雞肉食落最嫩滑，同爽口且不油膩嘅雞皮相隔，添一份油香🐔；豬肉則肉味最濃，肉質唔肥較有咬口🐷；牛肉口感唔韌有彈性，食落係有牛味，唔會得鬆肉粉味🐮。點埋沙嗲汁更加惹味 ，微微辛辣增加味道層次💗82雞中翼($58/4隻)雞翼大小適中，外層炸得鬆脆唔油膩。內𥚃肉質飽滿，食落嫩口，富肉汁夠哂入味，值得讚嘅係皮下脂肪唔多🐥💗82雞翼尖 ($58)雞翼尖炸過火，食落又韌又硬又乾，最大問題係雪味重，食咗一隻就放棄咗😟💗炸雞軟骨($38)每粒炸至金黃香脆，軟骨食落脆口唔會硬，痴住嘅脂肪部份迫哂d油份出嚟，爽口帶油香，以椒鹽調味好香口🦴💗燒牛舌($68)薄切牛舌燒得香口，肉質嫩滑彈牙，易咬不會韌。不過調味過於重手蓋過哂肉味，建議落海鹽同黑胡椒已經好食👅💗82燒蠔($98/4隻)蠔肉都算幾大隻，放上蒜蓉同辣椒一齊燒，可惜蓋唔到腥味，仲要隻隻都有沙，超級唔新鮮🦪💗炸咖哩角($48)薄薄嘅春卷皮包裏住惹味且唔辣嘅咖哩醬，然後炸至脆卜卜，冇吸哂d油仲係好乾身，如果𥚃面有蔬菜粒層次會更豐富🥠💗炸燒賣($58)魚肉燒賣即使炸完後外皮都冇硬，口感仲係煙韌彈牙，而且食落有少少魚肉嘅甜味，配埋椒鹽嘅咸香真係冇得輸🐟💗Mysterious EG($88)由琴酒、伯爵茶、荔枝糖漿同青檸汁調製而成。清新嘅茶香同果香平衡酒味，相對較易入口🍋💗82 Friday($88)由冧酒、菠蘿汁、橙汁同熱情果調製而成。味道酸甜分均，果味濃郁，同時酒味亦特出🍍
繼續閱讀