A.P.Cafe

營業中

休息中

九號風球之後的一個下午，雨仍下得厲害，打去麥麥送佢話要兩個鐘先送到，即係叫我唔好叫啦﹗唔想行得太遠就來AP Cafe買野食醫醫肚﹗星期日都幾多人下午來打保齡，全場爆滿，要了炒烏冬同埋湯烏冬拎走﹗牛扒炒烏冬加多杯熱奶茶$38偏貴點，牛扒當然是平價貨色一塊切五六件，烏冬色水就夠可惜味道淡得很，可幸的是牛扒煎得未算老，份量不多也收貨吧﹗湯烏冬加野飲就$30，呢個正常點起碼有個鹹鹹地既味精雞湯底，都叫有0的味道，雞蛋火腿不用評價了吧﹗下次再有機會還是叫湯烏冬穩陣﹗還有，買外賣拎走時見到個男老闆面色唔係太好睇，無咩禮貌似的﹗不知是不是那收錢的外傭做錯事了﹗點都好，要近又要快餐，這一帶只有AP Cafe﹗

呢日幫朋友搬完屋，飯都未食既情況下，路經此地竟然仲未關門，當然入去醫肚餓。11:00pm都仲咩都有得食，要左個牛扒炒烏冬，再加多個麥樂雞回家做晚飯﹗麥樂雞當然係超市雪藏貨，炸得金黃香脆，比起麥記有時食到腍的還要好﹗烏冬就比較差了，同工友吃下烏冬一來不入味，淡得很﹔二來0的牛扒真係仲韌過牛皮，過火得很，呢盒野真係唔多合格﹗不過11:00pm呢頭都仲有野食賣，對於餓過鬼的我來說已是喜訊，不用遠行到河畔才有得食，算係咁了﹗

呢日在富豪花園對面的天橋花槽有工程，要醫肚想食外賣就來左呢度喇﹗富豪花園得間中國會，上次試完去飲茶難吃得不得了，反而呢度保齡球場簡簡單單有間小茶水檔可以叫個麵食。其實都食過好幾次，不過寫就第一次，要左個蛋腸烏冬配奶茶。先試奶茶，以茶包開出來的當然未必茶記的香滑水準，不過在呢頭個花園有杯熱野飲都算係咁了﹗烏冬即叫即淥即做，全店得個老闆0係度，生意一腳踢，大路味道，無大驚喜不差，合格﹗