ABC BAKERY (海天晉滙)

營業中

休息中

💛ABC Bakery💛閒逛時被這個可愛又巨形的麵包吸引到！三色辮子大包！🟤朱古力味⚫️黑芝麻味🟢綠茶味$38一大條包，抱住佢返屋企既過程好開心🙈味道、質地都冇得彈！下次試下佢啲cake~~😝分店：元朗 上水 屯門 將軍澳x2

上星期六去咗將軍澳開會，午餐時諗起要買早餐俾小朋友，經過呢間麵包舖，俾佢大大個麵包吸引住。望落去已經好吸引，分別買咗一個4色飽，一袋黑芝麻包，一袋芝士包同埋一包脆脆芝士條。越買越開心，當中最好味嘅都係最最芝士條同黑芝麻飽，落足份量！可惜expiry date隔1日就過,真係要食快啲！

我太鍾意食包，所以基本上將軍澳嘅麵包店我都有食過，見佢新開我緊係試試佢先😝通常試新店，我偏向試食啲冇乜夾餡料嘅包，因為會容易啲試到佢地既質素，我揀左個意式洋蔥酸種包，同芝士火腿包（呢個for我呀哥既）一返到屋企打開，好香洋蔥味，完全冇諗過咁香😦麵包口感鬆軟帶有少少濕潤，又有咬口，真係好食😳芝士火腿包我自己就冇食，但聽返屋企人嘅回應，係佢都覺得好食👍🏻偷偷同大家講，其實今日過後幾日，我又去咗去坑口分店買麵包🤤🤤

將軍澳開咗間ABC Bakery, 據聞係來自半島酒店嘅師傅開。平時勁鍾意食鬆餅嘅我哋，趁放假走去買來試吓先。地點位於將軍澳海天晉商場，門面都幾靚喎。鬆餅一共有兩款，原味同提子味。$15一個，而家做緊試食價，$20有三個，好抵食！於是乎我哋每款味要咗三個，一共六個，埋單都係$40。試食覺得唔錯，對比起半島酒店嘅鬆餅，我覺得佢light 少少，感覺冇咁漏。呢個價錢，呢個食物質素，值得推介！

岩岩係坑口分店買左 3個原味scones$20; 2個葡撻$24; 2個原味牛角包，總共$74比錢後無比單客人，即場夾比我既店員係收銀機睇我既order就幫手夾比我，咁我見佢即夾我就無專登問佢拎返單，店員葡撻放底，放卡紙係係葡撻上面，再放上牛角包同scones當時我就發現我落單要原味scones 佢夾錯左提子味比我，我即時通知店員。佢回覆我：我見你落單要左提子味。真係好奇怪因為當時負責收錢既店員有提醒我呢個order"全部都要原味"我唔明點解都係出錯，拎既時候我無留意，當我上車離開後發現比小左1個牛角包，我上網搵到既電話係無人接聽既。你地既銷售程序真係好有進步空間。味道；環境；抵食；衛生 以上我都無意見不過服務肯定唔合格