After You Dessert Café

營業中

休息中

啱啱喺樓上食飽飽 臨走之前諗住睇吓有咩甜品或者嘢飲可以食吓飲吓 行到落樓下見到呢一間after you感覺好似唔錯 就入咗去睇吓個Menu 我哋叫咗個香濃朱古力特飲 同埋兩杯雪糕抹茶味同椰子味 特飲大概等咗10至15分鐘左右就有啦 都唔算太耐 之後再等多10分鐘杯雪糕都仲未有我哋就走去問啦 點知原來佢漏咗雪糕係即刻拎出嚟就有㗎啦 就真係服務態度有待改善囉 我哋唔問佢都唔記得留咗我哋兩杯雪糕 飲係幾好飲嘅 雪糕都唔差 好濃味 係真係可以一試

🧋泰式奶茶冰😋成日見人哋食，已經想食好耐！今日去到Airside 見唔使排隊！即刻要試一下。試咗朋友極力推薦嘅太奶茶，真係冇介紹錯！超級濃郁，根本上就好似飲奶茶一樣，完全只係食緊冰，同坊間所謂嘅溜冰完全兩回事！而且佢裏面嘅蛋糕吸收咗奶茶，唔係成嚿冰咁寡！蘭桂坊咁多人，後悔咗叫細嘅！

我等了20分鐘芒果糯米冰，另一個奶茶冰都未到，問服務員又話整緊，再等多15分鐘都無嚟，我就唔等埋單走，明顯流單都唔會問一問廚房，服務業因為有你們，所以無人想係香港消費。 。

早排天氣熱辣辣,忍唔住去食刨冰消暑解渴😋✨Baby Thai Tea Kakigori $99首先刨冰係好細膩同軟綿綿質地，唔會好甜既泰式奶茶味刨冰再加上杏仁片同奶蓋忌廉，清爽又帶有豐富嘅口感既刨冰真係好消暑，想再甜啲都可以淋上跟配既泰式奶茶醬🤩不過食到最底有仙草啫喱同多士粒，小星星覺得仙草啫喱配搭甜品係幾夾，但係濕漉漉既多士粒小星星就真係唔識欣賞啦😮星星推薦度：⭐️⭐️⭐️⭐️/5✨Baby Milo Volcano Kakigori $90刨冰都係好細膩同軟綿綿質地，喺奶蓋忌廉表面灑上美祿粉，配合牛奶刨冰，對比泰式奶茶味就冇咁甜既，但係！食到最尾入面有啲好似麥提莎既朱古力，淋左少少美祿奶醬，一齊食落口都覺得太甜膩啦星星推薦度：⭐️⭐️⭐️/5🍀可以喺商場室內涼住冷氣排隊，對比另一間銅鑼灣分店要室外排隊既真係好好多。不過要起碼半個鐘啲刨冰先到齊就有啲美中不足😥

夜晚8點9坐低點完嘢食 點左一個大一個細size嘅冰，之後等等等 等到9點25分先有得食 ，明明間舖冇full到，又已經9點就last order，之後見到原來係漏咗單，只此一次差嘅體驗👎又貴又等得耐。8點9落完單 等到9點半先有得食 又貴又等得耐 一肚火

今次食左個細版既美祿火山刨冰，加咗個椰子雪糕。整體來講完全滿足到甜品既胃💯之後仲要咗杯凍飲抹茶鮮奶，加埋cream，口感豐富。在環境方面，餐廳舒適，適合同朋友家庭聚會。

好掛住喺泰國食到嘅味道，因此雖然比泰國貴好多，但係都要食餐廳開一點，但係一點入到去其實好多嘢都未準備好～而且店員嘅態度有點欠佳Mango Sticky Rice Flavour: 裏面嘅糯米，黐埋咗一舊，但係芒果好甜還原到芒果糯米飯嘅精髓，椰奶打到Creamy狀態好配搭，綿綿冰嘅狀態入口即溶，還原泰國味道神髓！的確係過到口癮。HK$148下次都係去返泰國食… 因為價錢真係貴好多，而且仲要受氣不過唔試一次都唔知嘅

放假去Airside行，今次雖然係第二次去，但係今日先知原來有after you😈三月頭去咗布吉冇去到食after you ，而香港銅鑼灣分店，每一次都人山人海排隊😢今天星期六傍晚時間，唔使等位。芒果糯米飯刨冰🥭🍧baby size:$99和杯髒髒咖啡☕️ : $42泰式奶茶🥤:45(叫少甜)意想不到好味😋好綿，入口即溶化，唔似其他綿綿冰，入口不單止沒有溶化，仲可以咬到一啖啖冰😝咖啡☕️好一般。

來到啟德Airside Mall ，被這間新式泰式甜點店的落地玻璃窗所吸引，於周四的黃昏時段到訪，可以即時入坐。店鋪的裝潢清新，以簡潔的木系為主，空間寬敞，令人感覺溫暖，坐得舒服。店內有自助伯爵茶凍飲提供，職員態度親切友善。這裡有相當多款式的泰式甜點及一系列咖啡和非咖啡飲料。叫了鹹蛋黃吐司和奶茶刨冰。Original size約售130元，可選擇較便宜的Baby size，比原裝細小一些。鹹蛋黃吐司是香港分店獨有的，吐司新鮮出爐，份量很大，還配有兩球冰淇淋和鮮奶油，是適合兩人分享的甜點。雪糕相對上不是太甜，反而吸收了的牛油和鹹蛋的吐司，食落好香口，有一種入口即化的黃油味，鬆軟程度恰到好處，烘焗乾度適中香脆。非常濃郁的鹹蛋香味，每一口都是非常香甜的。而這間ᴄᴀғᴇ最具代表性的刨冰，表層淋有鹹甜的奶蓋，另配有一小杯泰式奶茶給我們自己倒落去，非常特別。刨冰質感扎實，但食落去有種軟棉棉既感覺，容易入口，加埋鮮奶油和朱古力一齊食，有複雜的質地和口味，口感非常豐富。而且刨冰不會有一直在融化的感覺，口感綿密。吃到底更有面包丁以及涼粉，帶來驚喜！雖然價錢較貴，但質素幾高，好有泰國特色，是值得一來的泰式

在平日的晚上，用膳後，來到週末假期必要排隊的After You Dessert Cafe食甜品，今趟不用等侯便可以入坐，今次點選了Baby Thai Tea Kakigori加Organic Bangkok 和 Iced Matcha Latte...各款食品都沒有令人失望，質感十分細绵的刨冰內还有浸了泰茶的麵包和仙草，好食到停唔到口。Organic Bangkok 有淡淡茶香，Macha Latte 的抹茶也很棒。最令人估唔到的是那自助式且免費的Berry Earl Grey凍茶，都係好好飲，大家記得試吓。期待下次再試其他口味的刨冰😆

假期一家大細去行下商場，諗住搵個地方坐低食少少野，下午3點幾去排隊，等咗差不多成個鐘終於可以安排入座。但去到喺門口要再企多10分鐘先有職員過嚟帶位。臨入去嘅時候，職員先同你講原來佢地人手不足，坐低落單要等1個鐘以上先有得食，反問返你仲食唔食😂真係多謝哂。你人手少要人等無問題，但叫得人排隊點解唔先同客人講聲？叫對方有個心理準備都好，時間唔啱人地可以即時轉第二間，而唔係浪費個客成粒鐘先嚟講，收得咁嘅價錢俾咁嘅服務真係祝你生意興隆。

間舖頭收10點，晚上8:45去到門口，女侍應行出嚟話冇晒，我問係冇晒刨冰定係冇晒嘢食？女侍應話9:00 last order ，所以冇得食啦，跟住我話而家係8:45 ，然後女侍應堅持話已經last order，所以冇得食啦行返出去同朋友講話冇得食，朋友話冇理由㗎，都未到9pm，朋友行埋去問，今次係男侍應走出嚟，男侍應話刨冰要等一個鐘，朋友問咁即係有刨冰定係冇刨冰，男侍應木無表情，唔直接答問題，只係重複:「刨冰要等一個鐘」，言下之意，即係「當時已經8:50啦，舖頭收10點，刨冰嚟到9:50 ，你食定唔食？」其實簡單啲講，兩位侍應都唔想你入去…一句講晒，根本就係趕客囉

第一次嚟到啟德呢個商場，求其搵咗間舖坐低食少少嘢。呢間甜品店都幾多人幫襯，排咗三四個字終於有位，求其點咗個甜品，叫咗杯泰式奶，雪糕融埋係麵包磚到食好好味，麵包有蜜糖，加埋cream 食好得。泰式奶茶反而麻麻，唔特別。不過整體價錢偏貴。

食完飯想食啲甜品，選擇左新開Airside 既依間甜品店，之前喺另一間分店都試咗其他味道，今次我揀咗芒果糯米飯刨冰😁芒果糯米飯刨冰(小)一開始食嘅時候見到面層我諗過淨係椰子汁，點知食落去真係有淡淡的糯米飯味我都唔知點解🤣好香🥴食到入邊嘅時候真係估佢唔到，竟然真係有糯米飯喺入邊，我真係好有驚喜🤭雖然份量真係有啲少，但係呢啲應該就係重質不重量，呢個份量我同朋友兩個人食都足夠，純粹為咗試吓味道同埋食少少甜品😋

终于不用去湾仔吃了，after you开到启德了。之前在湾仔一去就是排长龙。这次我们一群人去吃，点了好多东西，真的太棒了！听说这家的食材包括冰是泰国运过来的，每款冰都是有不同味道，甜甜的与平时的冰不同，吃起来很绵密，入口即化！而每款刨冰里面都内有乾坤！芒果牛奶冰：不仅仅有芒果粒，里面还有芒果糯米饭！真的好特别。焙茶牛奶冰：这款真的好喜欢，茶味很浓郁，里面的焦糖啫喱和焙茶珍珠QQ弹弹！太好吃了。士多啤梨牛奶冰：居然里面还有牛奶酱芝士蛋糕，真的很有惊喜。咸蛋黄吐司雪糕：喜欢咸甜口味的一定要试一下！每块吐司都浸透了雪糕，入口很软糯香甜。冬日限定黑松露吐司：香港独家！它把黑松露雪糕和新鲜原只黑松露切成薄片，再搭配上香脆的吐司，切一小块放进嘴里，咸咸甜甜的！嘴里充斥着浓浓的黑松露香气！超赞！