影片
以上資料只供參考, 請與餐廳確認詳情
招牌菜
自己一向都較少刻意去某一間餐間搵食，事事隨遇而安啦，就好似今次咁，有食友叫到，就嚟到IFC嘅agnès b. CAFÉ L.P.G.嘆杯咖啡食件餅，閒聊一下寫食評嘅心得。講真，所謂「殿堂」食家，虛銜啫，達到指定要求就升級架啦，況且，小弟當寫食評喺種興趣，只喺想跟別人分享一啲飲食上嘅經歷，所以，講唔上咩心得啦，哈哈！其實，依間分店喺一門三傑，順路往前行喺一連3個舖位作唔同嘅店舖：agnès b. CAFÉ L.P.G.、agnès b. DÉLICES、agnès b. le pain grillé，簡單嚟分，第1間喺主打賣咖啡、蛋糕、輕食；第2間喺專賣朱古力產品；而第3間喺提供法式餐點，如前菜、全日早餐、主菜……等等。今次嘆啡食餅當然喺幫襯CAFÉ L.P.G.啦，而鋪面對出嘅走廊就喺用餐位置。要不是傍邊挨住商場內嘅玻璃圍欄，碎花地磚，雲石枱配木椅，倒有幾分法國街頭小茶座。雖然時近傍晚，凍櫃內嘅法式蛋糕仍有好多選擇，而且，客人數目亦唔多，歸根究底，依間店個位置有少少避，IFC本身人流已經唔算多（返放工除外），仲要間店晌3/F，二樓已覺得少人行，更何況三樓。Danielle $38之後晌另一篇agnès b.嘅食評都已經講過，佢哋啲蛋糕每件都有自己個名，所指嘅「名」唔喺話芒果慕絲，藍莓芝士、焦糖軟心……等等，而真喺有個名字俾佢，例如：Amelie、Carla、Marthe、Paris、Vanille……，仲要個個都喺女生名字，也許女生特別愛甜。先試嘅喺danielle，名牌介紹時成份分別有：French cream liqueur、chocolate、chocolate sponge cake、feuilletine。由上而下，一層隔一層，清晰可見。最面層喺一朕薄薄咖啡甜酒漿，跟住兩層黃色喺柔滑非常嘅百利甜酒慕絲，再夾在中間喺鬆軟嘅朱古力海綿蛋糕，底下以朱古力脆片做成酥脆嘅餅底。「danielle小姐」有別一向法式蛋糕嘅重甜，算喺恰到好處。chloé $38半球形嘅chloé嬌小輕巧，唔切開你都唔知佢喺點，不過，名牌所標示嘅成份：hazelnut、chocolate、feuilletine、sponge cake，已多少露出端倪。表面裝飾所做嘅朱古力水線及榛子果仁，唔算好特別，不過，榛子仁鬆脆喺一個事實。垂直往中間切開，同樣一層疊一層，榛子慕絲內混入榛子碎，濃香可口，加埋海綿蛋糕、朱古力脆片餅底，既軟綿，又鬆脆，口感不俗。榛子鮮奶咖啡 $40鮮奶咖啡始終喺個人最心水，加入榛子糖漿，令咖啡中滲出榛子香味，雖然無咩拉花、畫圖，但味道要緊嘛，奶泡跟咖啡比例恰好，味道醇香口感柔順，對小弟而言，夠晒滿意啦。朋友都喺飲咖啡，不過，無影相就唔多講喇。閒談中都分享到人生，小弟做人「符符碌碌」，對人生無太多要求，凡事隨遇而安，一早起身無病無痛，就要感恩啦！隨時行得走得，你估真喺必然架咩！人生要怨嘅嘢可以大把，輕生何解？咪就喺過一個輕鬆人生，樣樣計住計住，又點輕鬆到呢？所以，我成日都覺得自己喺擁有半杯水嘅人，而唔喺無咗半杯水囉！
繼續閱讀
今日訂了下午Tea set, 雖然我們遲了15分鐘, 仍然可坐窗口位, 能欣賞中環海傍的景色 我們兩人叫了Tea set, 第一層是scone, 頗脆雖已凍了，但牛油味很香，有兩種醬料。分別是士多啤梨醬及奶油。士多啤梨醬有很多士多啤梨果肉，味道清甜。而奶油則很香滑。第二層是甜點，當中我最喜愛藍莓cupcake 和蕪花果糕。藍莓cupcake很鬆軟，不會太甜。而蕪花果糕裡的果肉很清甜。第三層是咸點, 最好吃的是吞拿魚牛油果沙律及燒蝦芒果醬沙律。吞拿魚牛油果沙律的味道濃郁，而燒蝦芒果沙律的燒蝦弹牙，芒果味道清甜。這裡環境挺好，每個侍應的服務也很誠懇及專業！
繼續閱讀
今天不用上班，與舊同事悠閒逛遊 IFC，其他咖啡店都坐滿人，所以走遠一點來到 agnès b. Café ，買了杯棉花糖熱朱古力，非常香濃美味！再加一份菠菜 Quiche，舊同事選了三文魚 Quiche，店員立刻給我們焗熱，那 Quiche 是有水準的，香噴噴，而且很飽肚，但味道沒有太大驚喜。還在鄰店 agnès b. DÉLICES 買了包雜果仁碎朱古力，坐下慢慢享受！醫飽肚後再去 Shopping，最理想的濶太生活呀！哈哈！
繼續閱讀
除夕下午, ifc 到處也是人流, 跟好友好不容易才找到空位坐下來談心.環境優美怡人, 令人能暫時忘記身處於生活步伐急速的大都會, 有鬆弛神經之用點了 latte & lucie . 蛋糕其實是cheesecake 來的. 味道不算太特出好友則 order 了 mocha and chocolate cakes.
繼續閱讀
第一次同小妹妹食飯, 但工作又很忙, 就在這裡吃午飯好了, 比較方便的地點嘛~我點了一份牛肉PANINI, 也要了一杯EARL GREY, 小妹妹要了一份雞沙律, 再加一杯咖啡, 看她的SALAD, 好像是不錯, 雞應該是CHICKEN BREAST 薄切, 配了大量的ROMAINE LETTUCE, 是個不錯的輕宜午餐.我的牛肉PANINI, 有加熱的, 夾得包的外層很脆, 牛肉的肉, 我不太喜歡, 因為很硬, 有點難以咀嚼, 而且餡料就只有一點點的牛肉加一點醬料, 不太豐富....EARL GREY這杯茶, 很濃, 其實可以再加水多泡一杯....茶包好像是用布料製成的, 有點特別啊~兩個人的午餐, 差不多200元, 品牌效應吧~ 飲品不錯, 食物則可以做得更好~
繼續閱讀