Amazing

營業中

休息中

酒店大堂餐廳環境非常闊落，OpenRice 優惠買咗兩個二人餐，四人食都好飽，fusion泰國菜，前菜個鮑魚幾爽口主菜揀六個餸味道不錯，，適合啲唔係太食得辣嘅。價錢都抵食，食物擺設幾靚，味道不錯👍。

本來打算靜靜地同朋友邊吹水邊食。成1/3 碟未食，d 侍應行過問：同你收左佢啦！好幾次，總之一行過就問你 d 野收得未，湯未飲完，行過講同你收左佢，我都未尼得切反應就攞走，真係吹漲。朋友問佢地借匙去洗手間 態度都唔係幾好。野食一般般，咖哩唔辣，好唔好食真係見人見智，叫做港式咖哩咁，泰國風味真係冇乜。到個三文魚扒沙律，portion 細，不過不失咁，但完全唔泰式。好少寫食評，今次真係勁趕客，尤其短髮戴眼鏡嗰個阿姐，應該冇乜下次。唔怪之得節日都咁少人。酒店餐廳咁嘅服務態度不如執左佢。

超差服務網上評論都有提過佢服務差，又有「隱籲」提過穩陣啲都係叫海南雞飯算數。我中伏，自己蠢。兩個人去，叫一個海南雞飯一個煎魚午市套餐。海南雞飯合理時間上，水準普通。成個餐食完，煎魚都唔見影。催過，侍應話煎緊。又再過一大輪，侍應埋嚟收雞飯碗碟，盆上其實仲有甜品。如果之前侍應冇講大話舊魚煎緊，而家應該變咗炭。我起火，埋雞飯張單走人，$150大元加一。酒店餐廳喎！午飯時間半個場冇人。油麻地周街美食，我蠢。

位處油麻地東方街城景國際入面嘅東南亞餐廳Amazing，食過之後真係覺得幾amazing！首先講講環境，餐廳採用日光透入嘅設計風格，俾人一種既自然又清爽嘅感覺，令鍾意光猛嘅我頓時對呢間餐廳產生咗一份好感；另外，餐廳亦加入咗唔少綠色元素，雖然未必係真植物，但係喺石屎森林入面搵到一絲森林元素都唔容易！食物方面，我嗌咗一份午市套餐：大蝦冬蔭功配海南雞飯，味道相當唔錯，個冬蔭功湯有辣味有鮮味，最得意係佢個大頭蝦浸入湯身，蝦頭連蝦腳外露，令個湯嘅賣相生色不少！！而個海南雞飯嘅雞肉都好嫩滑，份量亦唔少，加埋個「擸擸令」嘅油飯同甜品仔(應該係泰式糕點)，成個lunch真係令人好滿足！Juicy！不過亦有美中不足嘅地方：服務效率奇劣，上次嚟食嘅時候埋單時間等太耐，要催幾次先成功埋到單；而今次就係催佢上菜，又係催咗2次先嚟到，因此溫馨提示：如果趕時間就唔好嚟食，因為你預咗會等到燥底。

今次餐廳推出一個四人泰滋味套餐, 睇過套餐菜單非常吸引,而且價錢相當大眾化,($800)所以今晚約同兄弟 一同品嚐😋套餐包括有：芭堤雅小食拼盆軟殼蟹鮮蝦金不換芒果水晶卷 炸蝦餅 素菜春卷 花生西瓜球 糯米釀雞翼, 我推介就係花生西瓜球 居然兩個食材配合入口有一種清新嘅感覺,湯有大頭蝦冬蔭功湯或泰式蟹肉魚肚羹, 湯類可以每人揀一款(因是逐碗上的) 我個人覺得冬蔭功湯比較出色 ,因為湯底比較濃烈及帶少少辣味,反而肚羹就感覺比較淡口一些😕。主菜我地四人都揀咗星州香辣汁炒波士頓龍蝦, 所以嚟咗一整隻龍蝦, 龍蝦肉質尚算爽口彈牙,但我覺得主角應該就是佢嗰個醬汁,其實如果大家係大胃王可以再order 個白飯或者蒜蓉包點嚟食更加一絕👍其次有個泰式明爐青檸辣椒銀鰽魚, 魚肉嫩滑,配上微酸的醬汁十分開胃,,還有西貢黑椒牛柳粒, 肉質柔嫩又是值得推介😋,主菜還有芭堤雅香草燒春雞, 不過我個人覺得個雞肉比較一般,如果想有肉嫩的感情嘅就可能有點失望。套餐尾聲有菠蘿海鮮炒飯,馬拉盞炒通菜,最後嚟個甜品拼盆,有芒果糯米飯、香蘭珍多椰汁糕、榴槤班撠卷。總括嚟講以$800左右既價錢響酒店有咁多款嘢食,真係超值,

因為做嘢嘅關係，所以又要嚟呢度食午餐，知道呢間評價麻麻地，以前都食過，所以到食飯最保守嘅海南雞飯質素唔錯醬料幾好味，不過佢個雞本身林咗少少汁就咁食都OK，我叫咗餐廳將黃油雞飯變咗白飯瘦啲呀嘛蟹肉炒飯同我諗嘅差不多，雖然好大盒飯，不過材料極少，亦都唔係太香，配芒果好似怪怪地，不敢揀！佢嘅前菜有柚子泰式沙律，幾好味開懷！亦都唔會肥你，但係嗰個甜品勁難食，應該係椰汁西米糕，我食咗一啖已經不想吃，朋友亦都唔試了因為好少人而且腿枱之間好寬闊，空間感十足！侍應服務態度OK

今日去吃午餐，食物好一般， 唔好食都算啦，最差勁嘅就係招呼問題， 全場得三個侍應， 人手不足都會體諒；但有一個穿西裝嘅男職員，我諗佢係經理， 呢個經理好冇禮貌， 我埋單畀咗卡之後，等咗十五分鐘有多，都未畀返張卡我，見佢地咁忙，咪自己走咗去counter問碌好卡未，在水吧枱面見倒我張信用卡同單據放在埋單個fold內打開咗,冇人理會😨， 呢個已經係好大問題，萬一比有心人順手牽羊取走信用卡，咁邊個負責呢？？ 之後我就在單上面簽名，呢個經理就好唔客氣咁問我👉你仲乜簽名😡 又問乜你唔係住客嚟㗎咩 ？ 👈真係好想問你門口有冇大字標題寫住衹招待酒店客人 👊👊👊簽好後佢就好晦氣咁比番張卡和單據畀我，頭也不回行咗去， 一句多謝都冇😡另外後面枱女客人係有個侍應叫佢坐個張枱，但係呢個經理叫女客人起身畀番張枱佢，佢話已經留咗嗰張枱畀六位客人用， 所以佢唔坐得， 佢態度係好差好差， 由於我哋已經食完，所以就擰轉面同女客人講不如你坐我哋呢張啦，我哋已經埋緊單， 女客人就問經理可唔坐我哋嗰張枱， 經理又好冇禮貌咁答佢👉你鍾意啦👈， 竟然一啲歉意都冇， 畢竟係佢啲侍應叫個女客人坐嗰張枱， 既然你的下屬搞錯，你係咪應

位於旺角的酒店Cityview Hong Kong 竟然推出咁正嘅二人套餐，地理位置超方便之外，餐廳內環境－流，同朋友食飯靜靜哋可以傾吓偈。鮮鮑魚配泰式辣汁 / 泰式炸蝦餅 / 糯米釀雞翼 / 柚子大蝦沙柚子沙律🥗啲蝦新鮮，沙律酸酸哋，好醒胃；其他炸物炸得香脆之餘，配上甜酸汁，食落特別嘢味。大頭蝦冬蔭功湯大頭蝦新鮮大隻，蕃茄、草菇、香茅….材料豐富，味道鮮美，唔係太辣，容易入口。黃咖哩軟殼蟹好香咖哩味上湯金邊粉椰汁紅咖喱烤鱈魚個紅咖喱用蔬菜和椰汁烹煮，加入烤鱈魚。鱈魚扒個面剛好烤到金黃色，大大件，真係食唔停口。炭燒薄牛扒伴香辣汁炭燒牛扒七成熟，配埋個泰式香辣汁，突顯了牛肉味。香蘭珍多椰汁糕食泰國菜，椰汁糕都唔少得，食完咁多辣辣地嘅嘢，食返個甜品中和番口腔的辣味剛剛好。

咁啱經過呢間舖頭，發現佢做緊優惠，二人餐$400，發現自己好耐都冇食過泰國菜，於是行入去試下本身諗住都係$400，份量應該唔多，但係冇諗過擺到一枱都係餸😨頭盤四個都齊晒架跟住有個冬陰功湯主菜就揀三樣，我同朋友就揀咗炭燒薄牛扒伴香辣汁、黃咖喱軟殼蟹，同埋椰汁紅咖喱烤鱈魚味道方面，我覺得對得住呢個價錢有餘😍之後佢仲有個甜品添，甜品我覺得中規中矩啦！其實今時今日，兩個人$400可以食到咁多嘢嘅舖頭真係唔多，大家係附近嘅話不妨入去試吓，絕對有驚喜！

星期六中午出席完朋友的婚禮後大顆兒一起找個地方吃午飯聚聚舊剛好對面有酒店餐廳可以容納我們十一人地方安靜很適合談天Amazing是酒店的餐飲服務以泰國菜為主晚上則提供泰式自助餐酒店樓上亦有中菜廳今次朋友們點的午餐都不一樣差不多可以讓大家看到Menu上所有的菜式😂前菜可以選泰式鳳爪或雪梨蘋果湯朋友說蘋果湯很清甜泰式鳳爪都很不錯不算很辣主菜有差不多10款可以選我點的是椰皇花膠燉雞湯🥥椰皇原個上又有椰肉吃味道很好亦十分足料有兩至三塊厚厚的花膠😚我顧着談天忘了讓朋友點評一下食物只是選泰式Pizza的朋友說好像Pizza有很濃的花生醬味?🍕其餘的賣相不錯味道應該不會太差…?大家就看相片自己感覺一下吧🤣有個Minor地方要挑剔一下就是那個Menu的中英文資料不太一樣英文資訊較為齊備就像我點的那個中文只寫了湯而英文集提及炒雜菜和白飯這樣可能會影響英文不太好的食客的點餐決定🧐

食西式下午茶就多，今次轉口味食泰式下午茶。這餐廳位於酒店大堂，佈置簡約，透光的天花令用餐區很開揚，又有假樹的佈置，營造田園感覺。約朋友食嘢兼傾計就最啱。今日雖然是週末，但客人不多，我和友人選了卡座，卡位闊落，邊吃邊傾輕鬆度過了三小時的午後時光。泰式下午茶內有五件鹹點，五件甜點。一個大木碟上以蕉葉鋪底，各款點心就放在其上，排列整齊有序。鹹點:酥炸軟殼蟹，芒果水晶卷，用米紙包裹著所有食材，一口咬下去，沙律菜的爽口和芒果的甜滲入味蕾，清新，然後再嚐到軟殼蟹的鬆脆口感，這個卷做得好食。泰式牛肉沙嗲串，牛肉帶點硬，不過沙嗲醬味道濃郁。金不換鮮蝦蛋網包，小小一個蛋球，內裏藏著細碎的肉，花生和蝦，金不換很香，蛋皮薄而好吃。酥炸花枝餅，以青瓜薄片包裹著炸得香脆的花枝餅，賣相佳，口感爽爽的。香蘭葉包雞，雞皮泛著點點油光，雞肉不嫩滑，不過味道還可以。甜點:芒果糯米飯，小小一碟，糯米軟熟，芒果香甜，配合椰醬送口內，香軟好吃。彩虹千層糕，夠煙韌，甜度適中。椰皇奶布甸，椰汁味濃，不會過度稠密，香滑足。面層椰果可咀嚼，紅莓也是甜甜的。蘭香子楊枝金露，粒粒西米增加層次感，金露清甜好喝。薑味巧克力伴乳酪脆脆，薑味中卻

一年多前来食過，個次雖然出餐速度超慢，但食物質素也是可以。今次同朋友去食午餐，每人叫一個二百元牛柳午餐，每份得四片牛肉，白飯仲只係微暖，咁嘅質素起茶餐廳都唔接受，真係諗唔明點會起酒店餐廳出現！？二百元一份午餐在很多地方應該食到一份很好的午餐，這裹冇質冇量，真諗唔到下次再来的理由。餐後想叫杯咖啡飲，揮手十多分鐘，都冇人理，人手非常不足。其實餐廳嘅環境很好，非常舒適，位置又近地鐵站，非常方便，但係如果咁樣繼續經營落去，都唔使有回頭客！

一年前去過，雖然出餐超慢但是食物質素也算係不錯。但係今日同朋友一起去食午餐，二百元一個餐，得四片牛肉，份量少不用說，白飯是微暖的，酒店價錢，茶餐厅質素也不如，我的要求也不是很高，只需要提供熱飯熱食物，真的不知所謂，絶對唔抵食！餐廳绝對唔夠人手，想叫杯咖啡，揮手揾人差不多十分鐘都冇人理，餐廳環境其實係好好，但係咁樣做落去，不如停咗佢算數！

每年都要去泰國幾次旅行嘅朋友，佢特別鍾意食泰國菜，所以我就搵下食，帶佢去咗間舒服得嚟，又帶點泰國風情餐廳，邊食泰式放題、邊傾吓計劃去泰國旅行🤪餐廳設於酒店大堂，而且樓底高，我自己幾鍾意個環境，舒舒服服嘅感覺。放題食物款式選擇多，分別有前菜、沙律、沙嗲串燒、主菜小炒、咖喱、飯麵。餐湯、甜品、雪糕、汽水、啤酒、紅白酒，屬自助形式任飲任食。至於食物質素，以價錢嚟對比，我覺得可以比佢7.5分。我同朋友都只係食到三份二嘅款式，所以呢個價錢嚟講，真係抵食、環境又好又舒服。不過甜品就稍為少，而且味道麻麻，不過$368連加一，我就覺得算唔錯。服務態度好好，原定$368任食兩小時，不過當日冇full house，待應都完全冇要求客人離坐。晚市「泰」滋味放題 每位$368 （2位起）/連加一每4位惠顧送「泰式明爐青檸辣椒烏頭魚」一客每6位惠顧送「黃咖哩炒鮮肉蟹」一客無限供應紅白餐酒、啤酒、汽水及多款Movenpick雪糕** 生日贈送蛋糕

➤用餐環境跟泰國本店採相同風格。專為女性設計大自然花園般的舒適慵懶風，運用米、白、粉幾何形狀與溫柔色調的餐具、泰國海運來台的手工籐編孔雀椅，打造別出心裁、時尚優雅的客席氛圍。（來自網站介紹）-與閨蜜點了幾樣一起分享。前菜：泰式凱薩沙拉主餐：粄炒雞&泰北咖哩雞肉蛋麵配餐：起司炸蝦餅&甜醬雞米花甜點：起司蛋糕（藍莓）飲料：泰式奶茶（熱）&鮮奶茶-環境非常舒服 位子也很多很大聚會 約會都可選擇來這裡服務態度也非常好☻