Amour Cafe

營業中

休息中

眼科前同事特登whatsapp通知搵食肥華，話此間餐廳個，牛歡喜四人套餐，抵食得唻又好味， 叮囑肥華一定要去食。盛情難卻11月22日，肥華就聯同靚媽及大細仔仔 ，一家四口，到此餐廳食晚飯，及柯打咗呢個，牛歡喜套餐。最先上枱喺是日餐湯，味道0K。跟住喺水牛城雞中翼，個味道肥華唔啱食，所以同靚媽分享一隻雞中翼，細仔仔就獨享一隻，大仔仔就嚟個比翼雙飛。再嚟嘅甜橙沙律焗三文魚，就喺呢個四人套餐中嘅，最佳食品，味道比，此餐主角更勝一筹而今餐主菜味道喺，肥華食過最好味嘅同類食品，份量亦交足貨。而跟餐嗰兩碟意粉，檸檬雞意粉，味道遠勝過，焗煙蠔意粉。總結此店呢個，確喺抵食，在此肥華真喺要，多謝前同事，玲姐，嘅好介紹。此餐值👍👍👍👍😘😘😘

我去親佐敦都一定會幫襯呢間餐廳。Amour Cafe 是一間經營多年嘅老店，老闆一直監督廚房嘅食物品質，所以咁多年來仍然保持食物水準係中上。佢嘅套餐係超抵，包括餐湯、主菜、餐飲及甜品。我今次食米蘭豬扒黑松露蘑菇長通粉。豬扒揀得靚，剪得好香保持肉汁美味。每碟都是即叫即制。佢嘅餐湯都唔馬虎。識煮西餐都知其實要用好多材料去做個湯底。甜品亦都係好出色，我今日食嘅甜品係焦糖燉蛋。有蛋香，但係又唔係太甜。總體來說水準中上。值得推薦👍

自中學開始已經光顧Amour Café, 從舊舖到新舖，環境或許變了，但一直很欣賞的食物質素始終如一。這次特地光顧期間限定的牛歡喜套餐，同樣沒有讓我們失望。餐湯是招牌的薯仔忌廉湯，媽媽特別喜歡，說很有薯仔的原味道之餘也很濃滑，是她少數願意且非常喜歡喝的西湯。前菜的水牛城雞翼煮的剛好，仍保持著雞翼的肉汁完全不會嚡口，配以水牛城的醬汁帶出一點點辣味，讓人很開胃，作為前菜恰到好處。意粉類還是一貫的出色。這次的套餐配套的是蘑菇烟蠔意粉和雞肉檸檬意粉。兩者都不算太邪惡的選擇，檸檬意粉帶有一點點的酸，我比較少會吃帶酸的意粉，但這個意粉入口的感覺很清爽，帶點夏日風。至於烟蠔意粉，一開始對烟蠔的既定印象覺得和意粉不大配搭，但在廚師的烹調下，兩者完美融合，不會有違和感。套餐的主菜是牛斧頭扒及芝士焗龍蝦尾，作為既喜歡牛又愛龍蝦的我們來說，是非常讓人期待的配搭。我們點的牛斧頭扒只要了3成熟，肉質鮮嫩而且稍稍的調味剛好，充分帶出牛原有的肉味。店主也很細心的先上未切件的原隻牛斧頭扒，讓我們先滿足打卡的願望，之後再回到廚房替我們切件。芝士焗龍蝦尾也是毫不遜色，一上桌已經傳來很濃的芝士混雜著淡淡的龍蝦香氣。龍蝦尾的

今日試左一個新套餐非常感謝抵食 有湯、牛、龍蝦🦞尾、雞翼沙律有甜品、飲品 竟然都係$150/位斧頭扒好大、肉質軟熟好啱影相龍蝦新鮮，芝士惹味水牛雞翼唔漏好脆配埋custard 同cheese cake 開心哂係佐敦已經20年，希望一直做落去繼續食好野

一直沒有寫開食評，但由於唔想呢類小店買少見少，決定寫一寫呢間小店。多年前由朋友介紹，一直食到而家搬埋新舖，環境好左食物仍然保持水準！尋日再同朋友去食，都係叫左白板上面嘅Set, 有湯有主菜有甜品有野飲，每人都唔駛一百蚊，超值！首先，薯仔忌廉湯，我係唔記得影相嘅😅 主菜我揀左蕃茄酸豆香辣鴨胸意粉，拎埋黎見到個鴨胸煎得好靚，意粉亦唔乾，蕃茄味好足，酸酸辣辣好開胃。 朋友就叫左煎雞扒牛肝菌忌廉扁意粉。不過個扁意粉唔係我想像中好闊嗰種，望落似意粉，但又真係扁身嘅。 雞扒都煎得香口juicy，牛肝菌汁有點杰，但好香滑，仲有好多牛肝菌係面。甜品我就叫左吉士蛋，賣相唔算好，但食落都滑嘅。朋友個芝士餅賣相都係普通，聽佢講味道唔會太甜，味道唔錯。最後加左幾蚊轉飲Mocha, 我個人覺得奶味比較重，但朋友覺得適中。所以都係睇個人口味。

老實講，一路打呢遍review 一路都覺得好傷心我由舊舖開始幫襯到新舖，都有好幾年，帶過好多朋友嚟食但今日應該會係我最後一次嚟了，心情好不捨，一間以前一直覺得好好食嘅餐廳，今日覺得佢真係比以前難食咗好多。。先講碟意粉同埋碟長通粉，全碟都係蒜，蒜係太多，多到食完有啲辣喉嘅感覺，食完成口只有蒜味然後係甜品吉士蛋隻蛋生哂野咁，食落完全唔係以前陣味唔知咩原因啦，以前嘅吉士蛋明明係好平滑好好味總結係好失望，昔日美味不再

環境簡約，地方清潔，食物高質與朋友到佐敦飯聚，除了餐牌外，有6個晚餐選擇(包餐湯飲品)我們揀了兩個晚餐- 雞扒忌廉牛肝菌通粉- 魚柳香草番茄意粉- 燒羊架食品高質，雞扒香嫩，魚柳嫩滑唔腥，薄薄嘅炸粉，忌廉汁和番茄汁絕對有誠意還，意粉和通粉質素都唔hea燒羊架更有驚喜，外脆內嫩，生熟情度啱啱好，中意食羊嘅人唔可以錯過。我甜品揀了吉士蛋和芒果芝士蛋糕，香滑甜度識中即磨咖啡，凍華田（原來這間小店凍華田沒有加糖，足料）

光顧Amour 巳多年，皆因性價比高，食物質素好但價錢相宜，套餐包湯、主菜、甜品加餐飲才幾十元！最近知道可以預訂龍蝦套餐，專誠和朋友去試下。芝士焗龍蝦套餐 $220主角出場了！原隻龍蝦尾巳拆肉放殼上，上鋪焗至微脆的芝士，味鮮彈牙的龍蝦肉 配上 甘香濃厚的芝士，互相融合，口感豐富米蘭雞扒配香蒜蕃茄意粉套餐 $85記得初吃米蘭雞扒時完全是驚艷：芝士的咸香味芬芳撲鼻，雞肉 juicy，沒想過簡單的鷄扒原來加點小變化已可將味道提升至另一層次！蕃茄意粉蒜香味濃，越吃越開胃餐後分別點了 吉士蛋 和 藍梅芝士餅 配熱Mocha吉士蛋的甜 跟 焦糖的苦 是絕配，可惜這次焦糖汁不夠，影響了整體表現最受不了芝士餅死甜，無論什麼口味都只得糖味！但Amour的芝士餅沒犯此毛病，適中的甜度讓人有機會嘗到 藍梅味 結合 芝士味 的平衡 ; 一口咖啡一口芝士餅，人生的小確幸其實最愛的是Tiramisu, 不過要有緣才能遇上，唯有寄望下次…….

出開佐敦搵晏食，入咗去間叫Amore Cafe 試下。Lunch time 時間都好多人，果然係CP 值高。佐敦黎講雖然佢啲lunch set 價錢好抵，但食物水準好高，意粉好有咬口，下次要再黎幫襯。

幾年前已經喺佐敦食過呢一間餐廳，之後以為佢已經結業，有啲可惜。但原來佢喺附近另一條街再開，已經隔咗幾年經朋友口中先知😂一於試吓係咪水準味道同以往一樣😋米蘭雞扒配香蒜芝士忌廉長通粉🐥🍝 $88個人嚟講唔係太鍾意食長通粉所以轉左意粉，米蘭雞扒水準同以往一樣咁得，隔咗幾年終於都食返呢個味🤤雞扒外脆內軟，醃嘅味道亦都剛剛好，唔會好似出邊啲雞扒咁裏便醃得唔夠完全冇味😋燒封門牛柳配薯角伴紅酒汁🐂🥔🍷 $157封門柳外面燒得好靚，叫咗五成熟，不過第一轉有少少生，老闆幫我拎返入去再燒燒佢熟度就啱啱好，封門柳夠晒牛味得來又唔會好韌，啱晒我呢啲牛魔王🤤🤤芒果芝士餅🥭🍰呢個芝士餅雖然相貌平平，但對我個人嚟講係非常之好食，心心念念咗幾年仲要係去咗幾次先食到🙈因為佢哋嘅芒果芝士餅都係自家製作，當日賣晒就冇，所以要食都要趁早😌而且季節限定，芒果唔啱季就會整其他芝士餅而且最重點嘅係八十幾至百幾蚊一個意粉、牛扒，包埋餐湯同甜品已經係冇投訴啦，更何況係咁好味已經值回票價🤭

食左阿摩好多年了，差不多15年，見證住佢由掛滿芃高畫作的舊舖搬去新舖的歷史。我甘多年去，都必定係食米蘭雞扒/豬扒，最後一定叫返個吉士蛋。點解話恨鐵不成鋼，因為個米蘭雞扒/豬扒唔係好keep到個水準，我諗大概係因為轉左唔知幾多次廚師，做唔到原有水準。不過我都會繼續不定時去食，希望食得返個味道。

下午茶叫了煙肉意粉食咗一啖咸到洗腎級食唔到同老板反映佢當你無到淨係話唔會好咸因為佢煮嘅我話同平時唔一樣真係咸到食唔到佢話平時唔係佢煮今日廚師唔喺度所以佢親自煮不過佢話無辦法食唔到都要照收錢真係咸到一啖都食唔落Ok 幾十蚊我唔同你計較不過一定一定一定無下次！

今晚去完廟街夜市之後，就係佐敦搵飯食，無意間發現咗呢一間西餐，佢係喺舊址度搬過嚟，以前都食過幾次。封門牛柳配薯角伴紅酒汁🥩🍷牛扒生熟度剛剛好，肉質嫩滑紅酒汁甜甜地，用嚟點牛柳都幾夾蘑菇煙蠔意粉🍝都算大份同埋多餸，係我好多年前食開嘅口味，充滿着回憶嘅味道最後梗係唔少得甜品，甜品佢有兩款，有吉士蛋或者芝士餅，我全都要，一次過試晒兩款味道。個人嚟講，覺得吉士蛋淡淡地，幾香蛋味，但係略嫌啲焦糖汁唔夠甜。另外芝士蛋糕好香濃，個人意見覺得芝士蛋糕比吉士蛋好味。

去剪頭髮之前要醫飽肚仔先，就入了這間Amour Cafe; 這店搬來了現址，亦已幫襯過幾次。可是，今次真是徹底的失望。當奉上這個日式豬扒，－看様子心已經涼了一截，豪不吸引；吃一口飯，竟然是凍的！切開豬扒吃了一啖，感覺就是無味且乾，點－下所謂的神秘醬汁，亦不甚特別。心想真是被騙了…. 仲要是特意行過來食的😔還好，杯咖啡是正常的😅🫣以前的食物好食好多，感覺是用心準備 ，但今次的食物真是－般過一般，不知是換了廚還是什広原因呢😒😒

佢張相上面明明寫住自己係八點半後七折, 後來原來佢話只係加配嘅東西先有七折其他餐全部沒有七折, 做咗豬!廚房唔閂門跟住嗰啲油煙味係咁攻出嚟但係嗰啲米蘭豬扒幾好食, 佢嗰啲意粉嗰啲蒜蓉, 我上次喺度叫外賣嘅時候佢落咗勁辣嘅勁多嘅蒜蓉汁搞到好辣嘅蒜蓉味嗰個餐牌上面明明寫住番茄銀魚意粉但係佢冇魚淨係得雞髀菇.嗰啲湯好似狗糧咁嘅味道, 薯仔配搭起白湯簡直係令到嗰啲湯好唔滑好多渣, 仲要用杯裝, 好奇怪吉士蛋嘅味道好.