Amour Cafe (已搬遷) 新店位置

平民都可以食西餐。亦唔代表平野無好野"Amour Cafe"已經在佐敦開左好多年啦我幾年前已經食過~而朋友第一次食,佢比較少出黎食,所以同佢再食依間餐廳沒有華麗既包裝不太著重名觀但有內涵著仔忌廉湯好香著仔味,應該用薯仔煮淋,再Blend米蘭雞扒配香蒜芝士忌廉長通粉 ($72)雞扒好香脆, 香蒜芝士忌廉長通粉一流唔係好淋身, 個Sauce又唔太濕, 適中剛剛好香蒜味都幾重,好惹味一食就唔停口~奶油蘑菇煙鴨胸意粉 ($61)口感唔錯,味道唔係好濃但好食~芝士餅(下) 吉士蛋(上)CP值好高, 60-70蚊有一個套餐有湯,主食,甜品,飲品~芝士餅比想像中大件,好食,濃郁既NY芝士餅吉士蛋似egg pudding好滑!

話說MEAN肚抵受唔住生蠔既侵略導致急性腸胃炎 休息左一會 又係時候出山食野啦～我覺得AMOUR CAFE係性價比幾高既小店雖然小店簡陋 服務態度又冇乜但意粉好食過好多地方  食物質素真心不錯叫咗一個SET包餐湯、主食、甜品同飲品餐湯係薯仔湯，調味略咸。因為人多，主菜要等陣。廚師多數一次過煮同一款食物，有時真係會等耐少少在所難免。當然佢地都快快手煮，始終人多～　米蘭豬排配奶油磨菇長通粉豬排炸得香脆，炸粉漿加入香草，面頭灑上芝士粉白汁好香濃唔咸 長通粉彈牙仍然KEEP住水準冇失手CHEESE CAKE 以前來AMOUR 最期待就係佢芝士味夠 實得來又軟熟可惜而家唔夠芝士味　剩餘甜味真係爭少少唔夠完滿既懷舊餐～

茶記式西餐好想食意粉 諗到黎呢間食個又平又快既意粉餐香辣煙肉意粉 $30 茄汁底 辣辣地 好夠熱顧名思義真係只有煙肉😅味道似屋企整咁 不過呢個價錢食到意粉都已經好抵！呢度好得意 會用杯載湯見到隔離位話將飲品轉湯 下次我都試下先！PS. 雖然佢叫cafe 但其實係似茶記多啲🤗座位都有啲迫 因為當時都幾full

見食評話白汁出色下午茶時段又好抵意粉加嘢飲約$30點左白汁雞翼意粉 意粉嘅質感都唔錯 唔會太林有點咬口調味方面做到剛剛好裏面只有香草和洋蔥如果有其他配料更好隻雞全翼係新鮮炸起熱辣辣脆卜卜好吸引脆得黎又唔會油淋淋性價比相當唔錯另外叫左雞肉意粉 $32個汁唔係白汁 洋蔥汁？不過白汁真係好食點 唔夠味仲可以加芝士粉咖啡係即磨 味道都可以唔係好香濃 或帶酸味既整體淡淡地 奶味比較重 見有人點豬扒都幾大塊環境麻麻地但可以再試 如果佢可以裝修下就好

阿摩是第一次跟男友約會的餐廳，裝修得不算漂亮，門面也很茶餐廳，不是男友引路經過跟本不會想內進。店子是看得出的陳舊，早年牆上有好幾幅掛畫，不知是掉下來了或是畫作壞了，今天去只剩下兩幅。阿摩的套餐很抵食，大多五六十蚊就有餐湯、意粉、餐飲、甜品。每日餐湯大多是雜菜湯/薯仔忌廉湯交替著，因為雜菜湯味道很像我從前喝到吐的減肥湯，我很不喜歡，今天難得是我最愛的薯仔忌廉湯，內心拍了一下手掌。忌廉湯沒有太重的奶油感，湯中的奶白色主要是靠薯仔打碎而成，吃得到薯蓉的沙沙感，絕對喝不胖，加點胡椒粉更滋味。第一次試的芭瑪芝士水牛芝士雞肉意粉，去了數十次都未見過這個口味，未知是否新製品？平時我看見米蘭豬扒/雞扒便會叫，今日有點喉嚨痛就先放棄了煎炸食物，試一試這個新品！阿摩的白汁是永恆的必殺，基本上都很好味，今次這碟芝士雞肉意粉混和了兩種芝士，巴瑪芝士香，水牛芝士黏滑，味道更加濃郁，醬汁分佈得很均勻，每條意粉都掛著醬汁。雞肉煎過不鞋口，都有好幾塊，建議女孩子還是先偷偷把肉掉去男友碟上以免不小心吃多了。跟餐芝士餅也很有誠意，焗得金黃，入口不太黏稠，是清爽一點的蛋糕，作為餐後甜品很合適，但我更愛另一個甜品－吉士蛋。吉

又有一段時間無黎過, 入去既時候擔心會唔會轉左手,同以前唔同。喺印象中呢間幾年前喺openrice已經好多好評,之前食過白汁龍脷柳都幾正。睇左陣,最後揀左奶油磨菇鴨胸意大利粉+熱檸茶+芝士餅,呢個係套餐,會有埋餐湯。等左5分鐘個意粉就黎,比以前快左好多, 黎到見到個賣相幾好, 都放心左, 食落去個汁真係調教得好好, 會帶少少甜,夠香濃但唔會太濟太膩,煙鴨胸調味都剛剛好,唔會過咸,喺出而食煙鴨胸好多都會過咸。意粉質地就正常無特別,軟硬適中。因為個汁好正,基本上好快就清晒啲意粉。甜品有吉士蛋或芝士餅,我揀左芝士餅,啱我口味,唔會過甜唔會膩,好味,會食唔停。店細細無裝修,喺度做到咁耐,原因係食物質素好

早前家人外遊沒飯開的同事，說為報陪飯之恩，請小人吃晚餐喎，卻之不恭啦。同事一早在Openrice搜尋，找到一家叫做阿摩的餐廳，下班後一同道往。餐廳門面可說是簡陋，毫不起眼，試過之後喜覺不凡。蘑菇煙肉意粉，比起連鎖店必X客的更加入味更有嚼勁，必吃之選。白汁雞柳長通粉的通粉亦是烚得恰當，坑紋剛好藏著白汁，掛汁一流，每口都有。雞肉亦嫩亦滑，好豐富好味美嘅呢。套餐的甜品不外乎兩款：要不就芝士蛋糕；要不就吉士蛋，我們當然兩款要齊。芝士蛋糕確然美式，很漏很滯很正，無法不完成它。相對地吉士蛋就輕盈多了，港式的Caramel Custard，好鬆好滑好香，絕不失禮。阿摩是個好選擇。

幾年前上網search都知道有呢間店，但一直冇機會試。直到而家成日要去佐敦上堂，終於有機會放學去買宵夜外賣。間餐廳嘅舖面一啲都唔吸引，好似一間冇咩裝修嘅茶餐廳，我去到睇完菜牌叫左個白汁蘑菇煙肉意轉長通粉，同個鴨胸蘑菇意轉長通粉。前者個餐$45蚊包熱飲！後者$63包熱飲、餐湯同埋芝士餅/吉士蛋！未食已經覺得性價比極高！等左大概15-20分鐘左右，拎完後即刻返屋企開餐！返到屋企仲係熱辣辣，雜菜湯冇特別，味道偏淡。至於主菜，雖然面層白汁乾乾地，但撈番勻底嘅白汁，個汁一樣豐盈好味。配料唔算多，但勝在個汁夠掛，好夠味！同埋焗左咁耐個粉都唔會話淋bat bat，非常好！一人一盒食到好飽，仲有個芝士餅跟尾！今時今日，$63蚊個晚餐，有湯有意粉有餐飲有芝士餅，仲要外賣都keep到水準，夫復何求！

瑜珈堂後嘅晚餐大約6:30到唔洗等位，不過一個人食飯預咗要搭枱，我揀咗蕃茄乾煙鴨胸意粉，冇耐店員放低餐具同杯，我以為係水望真D原來係餐湯嚟㗎咁得意用杯上餐湯，試吓先好淡味同只係微溫。主菜即叫即整所以要等一陣嘩！賣相好得喎！意粉煮得啱啱好，煙鴨胸唔咸但食到煙薰味（我減肥冇食皮，所以唔知味道如何），食完主菜落埋飲品同甜品咖啡同吉士蛋，好香蛋味好正呀！我見隔離枱嗰碟米蘭豬扒奶油磨菇意粉都好正，豬扒係炸嘅都好大塊，聽到食客話好味𠻹下次要試吓其他先

係佐敦工作左一段日子同事知我鍾意收工後一條友搵好野食就強烈推薦呢間餐廳俾我佢地話黎之前有2樣野要注意：1. 你真係唔趕時間2. 兩人以上好難搵位 一個人最perfect 因為入面座位唔多星期六返半日 中午收工就黎試一試一點三去到係門外既白板已經睇啱要食咩入面比麵鋪既裝修更簡單有種十年如一日既感覺食野一定要食埋環境既人就唔啱黎喇叫左米蘭豬排蕃茄意粉飲品&甜品可以之後再落樓面得一個阿姨 好熱心架佢上菜落單好忙 所以要俾d時間佢落完單即刻送上一杯薯仔忌廉湯鹹左少少 但味道唔錯不過之後碟意粉就再等左25分鐘先到...隔離遲過我落單既兩個長通粉一早到左廚房得一個人 應該係集幾張單再出菜好彩我做好心理準備要等半個鐘等等等... 意粉終於到喇！豬排熱辣辣 炸得好鬆脆成塊面咁大 切落去仲有陣陣熱氣飄出上面灑左芝士粉 食落味道更豐富呢塊豬排值得一等！意粉係正常蕃茄意粉煮得較稠身 無多餘醬汁蕃茄酸味啱啱好吉士蛋即係焦糖布丁個樣肥嘟嘟好吸引焦糖淡淡苦味 同布丁既濃濃蛋味好match$65有個lunch set 分量大足之餘仲有咁好味既甜品真係好抵大滿足唯一要彈既係凍奶茶太甜 唔夠茶味（其實佢地強項係

佐敦平民小店只看門口你大多沒有興趣入 但想不到內藏驚喜佐敦的朋友也高度推介這間cafe呢～今次我點了兩個套餐 先來蔬菜湯 味道有點淡1)燒雞脾配牛油焗薯 配蘋果合桃沙律雞脾味道不算濃，但沙律採用青蘋果配烤過的合桃 ，好fresh!! LIKE~2)米蘭雞排配香蒜蕃茄長通粉香脆的炸雞排配香濃蕃茄汁，實在是沒可挑剔免費附上吉士蛋/芝士餅平日很怕cheese cake的膩，這裡還好，可以吃半件朋友很愛吉士蛋的滑溜質感 彈呀彈呀

夜晚返學，又想飲忌廉湯。。。叫左個餐有薯仔忌廉湯好有薯仔蓉feel，唔稀唔結。。。適中掛。因外觀唔錯，就以為好香，點知好咸尼個麻麻。。。唔記得叫咩肉醬意大利粉，等左好耐。人地遲黎反而有先，可能人地叫下午茶餐，而我叫晚餐。。。所以人地快d。當隔離枱話d意粉好酸，我就怕了。但黎到d意粉味道又幾好食同唔錯呀～之後原來我跟餐，有吉士餅或唔記得咩同1杯野飲，5x蚊幾抵喎。吉士餅算好食。整體ok，但環境有待改善。建議，如果裝修門面整得靚，我諗就算收貴d都冇問題。

那天在看戲之前還有時間，便到佐敦一趟，吃一頓早早的晚餐。叔叔很好，在下午茶快完的一刻問得我要不要點，所以很優惠地叫了一個下午茶我地叫了白汁雞翼意粉 $30 包一杯飲品味道稍淡，如果男生食，份量應不夠但蒜香蕃茄豬扒意粉就好食好多，好入味，食完好開胃，然後又要食必點的吉士旦 $10好香好滑，每次食都覺得自己可以食10個

上一次食Amour已經係2年前，話說當年在港專讀短期課程，我跟同學Heidi bb發現了此處美味又抵食的Pasta，差不多隔日便來食…2年後和Heidi bb重遊舊地，依然念念不忘它的意粉、吉士蛋和芝士餅咁啱Heidi bb要清年假無節目，她便建議我一起故地重遊，食返當年的好滋味…由於太耐無黎，我地兩個都唔記得左點行，迷路了一輪才發現只要在佐敦站B1出口出，沿彌敦道轉入南京街，左手邊便是它了，其實並不難找只是它褪色的招牌和堆滿雜物僅夠一人穿過的門口實在太破落了很容易讓人忽略它直行直過。我們是將近下午一點去到的，一如以往的其門若市，我們等了近十分鐘才有空枱…但不影響我們雀躍的心情，始終回憶中的味道太好了，等待是值得的。進去以後我們隨即點菜，因為我們在門口已決定好吃甚麼了，Heidi bb點的是米蘭香蒜雞扒茄汁長通粉，我點的是煙蠔忌廉意粉循例是意大利菜湯先來，Heidi bb話無羅宋湯咁酸，很合她的胃口十五分鐘後主菜才來，等待的期間我們便拿店內的雜誌看（好似salon咁）。煙蠔忌廉意粉正是我記憶中的好味道！個汁超creamy但係加左茄醬帶點酸酸的所以很開胃，蠔仔、煙肉和洋蔥均勻分佈在意粉裡

點了一個煙蠔意粉完全沒有吃到蠔⋯⋯我還以為那是一種調料？食完回家google了一下才发现应该有蠔肉才对😂不過伙計來落單飲品的時候竟然也沒有發現⋯⋯獻上我的第一篇食評紀錄一下今天的後知後覺😂吉士蛋還可以。