Amuse (已結業)

上星期諗住再去同屋企人慶祝生日，點知所以野都唔同晒，先發覺樓面唔同左，再睇埋d 食物質素，一上枱，我都打個突，唔知以為去左茶餐廳，同我六月去既時候差好多。。我諗餐廳應該轉左手。。。

成日黎荔枝角都見到依間餐廳好靚終於有機會帶埋女朋友黎試啦粟米忌廉配煎北海道帶子 $75濃郁好有質感Creamy，把原粒粟米打成蓉隔渣後加入鮮忌廉再煮。法國生蠔都幾新鮮幾大隻，好有海水嘅味道香煎挪威三文魚柳配荷蘭汁都超正啊，肉質係嫩滑。西班牙尹比利亞豬鞍釀荔枝肉質係嫩滑，扒中間讓左荔枝係入面，食落有淡淡的荔枝鮮甜味道，好特別。 燒法國春雞加左麵包糠同香草上面，好香囗好惹味，肉質鮮嫩多汁。香桃酥皮撻賣相非常吸引，酥皮脆皮香口，再配香桃加雪糕一齊食，口感豐富。

小妹今次來到荔枝角一間FUSION法國餐廳「AMUSE」。 這是間餐廳營業已經六年了，位置亦很方便在荔枝角地鐡站A出口直行3-5mins就到。其實之前都食過，一直都覺得佢既環境同食物質素都唔錯。價錢屬於中，價格大概每人200-400左右，適合朋友聚餐，紀念日，節日，結婚註冊餐廳，公司PARTY。餐廳的主廚Peter Fong星曾經任職五星級酒店擔任總統，有三十年西餐經驗，他會親自挑選食材，食材都是每天新鮮運到，做出五星級的水準。 French Onion Soup洋蔥湯 $75 這個是跟套餐的湯，單點分量會更大。法式洋蔥湯，有大量洋蔥，湯底用豬骨牛骨湯熬製，味道濃郁，湯味道帶有洋蔥甜味，色香味俱全，非常傳統法式味道。 Heirloom Tomato Salad with ltalian Buffalo Cheese 有機蕃茄沙律配水牛芝士有幾種不同有機蕃茄，食落感覺好新鮮，配合沙律汁醒胃。Crab Cake 特式焗蟹餅 係大廚得獎菜式，焗得外脆內軟，切開有一絲絲蟹肉，𥚃面加入了麵包糠，令口感更加豐富，有幾款醬料提供，有燈籠椒，Mustard，千島醬。Whole 1.5Lb Maine

剛剛學完跳舞之後同朋友嚟到附近嘅呢一間法國餐廳短聚，原來呢間餐廳已經六周年，位置都算方便就係喺地鐵站行過少少，環境係真係好靚，喺呢附近少有的高級餐廳。跳完舞之後食嘢唔夠膽食太多，我同朋友都各自各點左一個前菜同一個主菜。賣單每位都係＄300左右。點左呢一個鵝肝，鵝肝嘅做法獨特首先呢就係煎香至半熟，再之後再焗，能夠令油脂鎖好，食落去口感更順滑，配上帶點香脆口感嘅蘋果以及port wine 醬汁，一百多元兩大件，比起其他嘅高級餐廳抵食。主菜點左炭燒美國頂級肉眼扒，肉係先slow cook，將肉汁封鎖係牛扒內，然後再用上炭火燒，將牛肉嘅味道更加提升，半生熟嘅口感，配合slow cook ， 令肉嘅味道更加突出。值得欣賞配菜用上薯仔片配忌廉芝士牛油等等焗香，現在已經越來越少店願意在配菜都如此下工夫。薯仔質感帶點爽配上牛油香味，佳。細問之下原來呢一位主廚係攞過不少大奬，一位廚師對食物嘅熱誠係其中一個成功的要訣，有機會要在來品嚐一下其他王牌食物。

住了荔枝角有十年時間，記得由當初食都冇都食的沙漠，在這幾年發展到成為一個四小龍乜都，D2越開越強的地方，我想感受在荔枝角冇嗒好食的人一定有過這樣的刻骨感受。 這天放假，在上機前和媽媽來了個快樂的午餐。 在openrice 看了又看，發現了這間非常清秀的餐廳，風格感覺調子和荔枝角都非常不同，以為坐落在D2裡，原來不是，就是在商業大樓裡面。 一間叫amuse的法國餐廳，你看名字以為是在尖沙咀那格調，誰知，原來是一間非常親民的餐廳。 當然，媽媽很少去這種西餐廳，帶她感受下此種感覺才去深一層有dress code 的餐廳。 這裡夜晚是應該也高格調的，但下午就舒服都隨意，價錢也是配合這區的生活水平，我覺得甚至對比四小龍的餐廳為平。 是日餐湯為蕃茄湯，湯已經告訴你呢度質素做得不錯，濃濃的蕃茄就是載滿了營養。 媽媽話麵包不錯，不過我就毫不興趣，佢就吃埋我個份。 我點了一個蕃茄海鮮墨汁意粉，海鮮種類多，魷魚，蜆，蝦肉，配合了蕃茄汁沾上在條條墨汁意粉裡，而墨汁意粉煮得不錯，可惜和蕃茄汁未能夠打成一片。 同埋我覺得呢份意粉較為細份，唯一弱點。 炭燒美國頂級西冷牛扒就是媽媽的選擇，最精警的是那

我。還願意等。。。。等你呀！話說約咗阿哥黎食飯，點知佢一次都遲左個半鐘。。其實我真係想發脾氣，但係係呢一個舒適咁靚嘅環境之下，仲有周邊嘅食客都係斯斯文文大大方方，我唯有繼續等。約你食飯係七點鐘最後你八點半先嚟到。。。只能夠說冇辦法啦鬼叫你係我呀哥。好彩嘅係餐廳亦都10分有耐性，不會迫交枱，不會問你幾點先上得菜。俾你舒舒服服，係呢個樓底咁高嘅餐廳裏邊慢慢等。呢個晚餐我哋點嘅食物唔算多，但係每一樣都十分之精彩。首先來的係一個洋蔥湯，一個法式洋蔥湯要做得好飲絕對唔容易，湯底要夠濃而且清唔可以有油。呢一度嘅洋蔥湯係計我之前喺一間老牌嘅法國餐廳飲過之後第二個好美味嘅。呢度用嘅洋蔥湯湯底唔係用牛骨咁簡單，為咗令到味道更加清甜口感更濃郁，佢哋係牛骨同豬骨一齊煲，先可以做到咁濃郁嘅味道，再配上大量嘅洋蔥，大家都知道傳統嘅洋蔥湯呢係會有一舊芝士，而呢一度呢為咗令到佢冇咁滯，改良咗用上芝士多士。味道同樣出色。接住就係令人驚喜嘅龍蝦汁炒波士頓龍蝦，呢個菜我覺得每一位嚟到嘅人都應該要點，呢度係呢度嘅主廚的得奬名菜，而我覺得佢係經濟實惠嘅菜式，龍蝦汁其實唔係汁，而係美味嘅龍蝦湯做湯底，配上蒜片，金不換，黑椒等等

以前想找間法國餐廳，非要去中環或尖沙咀莫屬，但現在荔枝角已有很多有水準的食肆陸續出現，包括這間法國餐廳。好友遷往這區數載，喜歡來這餐廳，甫到來，我驚歎裏裏外外都很講究，若是單看圖片，還以為去了尖沙嘴的酒店。奉上的麵包籃烘得暖暖，塗上牛油也片刻變溶。煎鵝肝可說是法國菜的代表，人們常說這食物極邪惡，然而，只要日常均衡飲食兼有做適量運動，偶爾吃一次，邪也不能勝正。我吃牛扒會吃四成熟，而我吃煎鵝肝也喜歡吃四成熟，但並不是每一個人都可以接受淌血的鵝肝，就像我朋友，是個黃皮樹了哥唔熟唔食的人，所以送來的煎鵝肝配砵酒汁是八九成熟的，這麼熟的鵝肝好吃嗎？ 又不是我吃，管他！對於飲食，我絕對尊重別人的選擇，西洋諺語有云：One man's meat is another man's poison. 只要你喜歡，想怎樣吃便怎樣吃，不能將自己的喜惡強加在別人身上。其實除口感略遜外，煎香的鵝肝亦很甘香，配甜的砵酒汁算是紅袖添香！另一款頭盤是加州蟹肉沙律，賣相實而不華，用了阿拉斯加長腳蟹拆肉，與牛油果和番茄層層疊疊成圓餅狀，上面放了些千島醬，牛油果與蟹肉是食材中的郭靖與黃蓉，十分協調，和諧，登對，鮮甜的蟹肉味道

這是一間讓我充滿期待的餐廳， 每次乘車經過時，總會忍不住要往餐廳處張望。今晚是時候進入這 ... 與荔枝角完全不搭的時空。整個餐廳的裝修沒有採用過於華麗的裝飾，簡單地使用精緻水晶吊燈搭配木餐桌及仿皮質的座椅，華貴優雅得既大方又有溫馨。這個時候點一杯利口的雞尾酒， Cherry Bomb $ 55 Rum，Soda Water，Lime Juice，Cherry 清新及酒味不強的味道，實與下面的頭盤很搭。香煎鵝肝 $ 135 碟上盛著兩厚塊煎得外層焦脆的鵝肝，切開來看，鵝肝下面墊著的多士並沒有吸收太多的油份，要把鵝肝煎得合適是非常考驗廚師的功夫；這兩片看似平平無奇的香煎鵝肝，入口是外層有薄薄的脆，咀嚼間能嚐出鵝肝的油潤與肥腴但是一點也不油膩，鵝肝的肝甜味道隨即泛出，喜歡的話是可以蘸上旁邊的黑醋及蘋果蓉來吃。粟米忌廉湯配煎北海道帶子 $ 75 從滑稠的濃湯中是看不見半粒粟米的影蹤，它們已融入忌廉的當中，湯味是有洋蔥及粟米味道；只要從濃湯裏一舀，一隻煎北海道帶子便會出現，它的本身是帶有濃濃的海水鹹鮮，當把帶子放回湯裏並把帶子切開，它的鮮甜味道會自然的散在粟米忌廉湯裏，這時候的湯味會比之前帶

荔枝角 的酒吧食肆越開越多, 因此可發掘性是甚大 .... 早前讀到有關這家 法國餐廳 Amuse 在 OpenRice 的好評 , 於是就專程來體驗一下 ~ 餐廳的裝修是一派法國式的華麗格局, 典雅之中帶點優閒, 座位舒適, 滿有情調的, 最適合夫妻談談情 ~先點一杯 Mocktail , Raspberry Bee's Knees $ 35 酸甜甜的更有檸蜜味道, 清新之選 ~Menu ~煙鰻魚拼鵝肝凍批 $ 165 三層鵝肝夾雜著煙鰻魚肉, 鵝肝的口感不油膩, 食落有煙燻味道, 旁邊有黑炭及普通多士, 塗鵝肝凍批來吃也會好味 ~French Onion Soup $ 75 法式洋蔥湯 , 豬牛骨湯頭味道濃郁, 有很多洋蔥條煮在內而且是軟腍 , 湯的味道帶有洋蔥的甜 ,以芝士法包代替洋蔥湯必備的芝士, 喝起來有奇妙的平衡作用, 色香味俱全 , 高水準 ~ French Duckling $ 280 完全把鴨子的美妙精華食進肚子內, 一碟有厚煎鴨肝, 紅酒鴨胸, 油封鴨腿 ~ 鴨肉味道鮮美, 酒香延綿, 鴨胸肥厚, 口感柔韌 , 煎鴨肝一點都不油膩 ~ 份量大, 伴菜豐富, 自然的

當晚，為慶祝個好姊妹轉新工，她得知有間餐廳有優惠， 於是約我去荔枝角臨上天橋往美孚一間法式餐廳 Amuse 食晚餐，這裡環境好，食材上乘又有水準！原來這裡已開業６年！在晚上人流稀少而格攝的位置來說，屹立工廠區6年的確不容易！深信有其實力所在！雖然屬於 casual dining 未至於 fine dining！ 服務態度及質素已貼近 fine dining 的質素！例如：我們選擇不同的主菜，烹調需時，侍應可以同步把我們的主菜一起送上，可見廚師亦細心到一個點！相對地，這個價位而提供如此服務已做得很好！所以留給食客良好印象！由門面到餐廳內環境，看來這裡都幾講究！每一細節都花上心思！ 勝在樓底高！裝潢高貴優雅有格調，在這裡用餐，可欣賞黃昏景及夜景浪漫醉人！ 不過，被絡繹不絕的車輛大殺風景而已。供應：法式菜色~頭盤、湯、海鮮、意粉、生蠔、甜品...應有盡有！ 另有 $380 set dinner 供應，親民價便嚐到法式晚餐，相對超值！麵包籃由簡單的麵包籃都絕不馬虎，先翻熱後連同牛油送上桌子！給我們先入為主的好印象！溫熱的麵包份外芳香鬆軟！富有麥香！ 包質密度高，就算不塗上牛油，食出簡單的美味來

整日都話老公唔夠浪漫，呢晚老公竟然一早黎接我收工， 仲話俾驚喜我，神神秘秘禁帶左我黎荔枝角， 原來訂左位同我去之前一直想去的<Amuse>食法國餐，好開心! 餐廳裝潢高貴優雅，用左落地玻璃鏡、水晶吊燈， 坐位係舒適的梳發椅，濃濃的浪漫氣氛。 呢度有晚餐套餐，亦可以散點， 今次我地就決定散點~ 首先點左兩杯飲品，我點左餐廳推介的Mocktail <Shirley Temple>  有橙汁、檸檬汁，味道微酸帶甜，醒神開胃 老公就點左 Cocktail <Long Island Iced Tea>  我偷飲左幾啖，酒味都幾濃， 岩晒鍾意飲酒的朋友 之後送上熱哄哄的<餐包&牛油> 有四款餐包，仲有牛油， 餐包新鮮熱哄哄，牛油溶化入面， 呢度的餐包非常好味，同平時的西餐廳唔同， 仲可以refill添!不過我地要留返個肚食其他野~ 餐湯我地點左<洋蔥湯> & <粟米忌廉配煎北海道帶子> <洋蔥湯>  呢度的洋蔥湯係除左某間法國私房菜之外，呢度係我飲過最好飲的~ 味道濃郁又唔會太

吃法國菜，講求的是浪漫與情調，假期前的一天⋯⋯帶了媽媽一同來享受一下。 數年前在荔枝角返工的我，已經好想來這裡一試，今天終於得嘗所願了。這裡，是沒有讓我失望的。 未點食物食，來了一杯Apple Soul，賣相討好之餘，酸酸地正好開胃來迎接以下的美食。 頭盤： 加洲蟹肉沙津 ($135) 十分足料，蟹肉是加洲的長腳蟹，有陣陣的海水味。蟹肉下有牛油果，加上面層的火剪菜與千島醬汁，作為第一個頭盤絕對是一流。 法國勃艮弟式焗田螺 ($95) 將田螺加滿香草醬，讓在可食用的脆餅，有趣之餘又方便進食。田螺肉質鮮嫩與香草醬混著一起吃是絕配，連底下的薯蓉也十分香滑。 湯： 粟米忌廉配煎北海道帶子 （$78） 甜甜的粟米忌廉湯看似沒有特別，但你會食到粟米蓉的。加上原粒帶子，將平平無奇的粟米忌廉湯帶入了另一個境界。 這個是媽媽的洋蔥湯（＄75)⋯⋯洋蔥不是我杯茶⋯⋯所以我沒有試呀！ 主菜： 白酒煮蜆（＄395) 依媽媽目測，這裡有也有一斤蜆。以白酒洋蔥煮成的汁，帶有蜆的鮮味，用來與麵包一起吃也很夾（這個多士有點特別，是用甜麵包做的⋯⋯）蜆煮得剛剛好也不會過熟，有少許白酒的清香。 香

據聞荔枝角區有一間隱世法國餐廳，碰巧要慶祝生日，便揀選這兒來過一個充滿浪漫情調的生辰。這所餐廳裝潢華麗，在這區實是難得，值得欣賞；侍應有禮，態度慇懃，值得稱讚。我們先點了一杯雞尾酒醒醒脾胃，然後點菜。我們點了套餐，吃著鬆脆麵包時，先送上兩隻生蠔，侍應細心指示由淡至濃的方法進食，鮮甜中略帶少許海水味；另外一款為蟹肉餅，顧名思義由蟹肉製成，絲絲蟹肉，真材實料，非常惹味。其後送上法式洋蔥湯，以透明杯盛載，湯味濃郁，洋蔥絲軟腍可口，略嫌欠缺加入少許芝士，但已令我們感受到法國味道。主菜分別是伊比利亞豬扒和美國肉眼扒，前者略嫌煮得過火，變得乾身欠嫩滑，兼且沒有肉汁，假若沒有了碟旁的少許汁料及芥末醬，相信很難咽下，實在是美中不足。至於肉眼扒則處理恰當，五成熟剛剛好，有微微的燒烤味，更覺軟腍香口，回味無窮。最後，侍應送上甜品，令這頓生日飯劃上圓滿的句號。

老婆生日想俾個驚喜，想揾間有情調食物好食價錢又合理既法國餐廳。朋友話我知荔枝角不錯，我心諗晤係玩我呀馬，荔枝角工廈地方，真係有既咩？老婆生日安排得晤好，嬲點算？但朋友拍心口話，一定無問題！第一次去同老婆係荔枝角地鐵站，步行約五分鐘便到。一到門口，裝修挺有派頭，華麗的感覺。真係眼前一亮。餐廳以灰白色為主色，再拼上灰鏡。整個感覺，營造了高雅華麗的氣氛。店員有禮，每一道菜式上枱時，都會介紹食材及煮法，令我在用餐時長知識。意點我都好喜歡。頭盤我叫了香煎鵝肝配上少許焦糖蘋果鵝肝好厚身，口感外層脆口，內裡香軟，兩種口感一流！原來烹法都好花功夫。需要先煎再後焗再曬，上枱前再輕煎。但真係同坊間不同的脆皮，口感味蕾的滿足。洋蔥湯，味道濃郁帶香甜味，多重味道豐富。用上豬骨同牛骨餚成，再係面加上芝士多士。香煎智利海鱸魚柳配上荷蘭汁味道清新，肉質扎實但非常嫩滑。荷蘭汁味道帶酸，開胃清新醒神。智利鱸魚比法國鱸魚，較大條，肉質實肉較firm。烤焗蘋果卷配雲尼拿雪糕賣相吸引，顏色鮮豔。蘋果卷非常香脆，咬下時卜卜脆的聲音。餡料不會太甜，配上雪糕一起進食，冷暖滋味一起享受，不錯。