Animojo (已結業)

我book左位食，所以有折嘅以我係一個學生來講呢 有折扣嚟食lunch係OK嘅 值既。首先都好多動物睇啦 啲蛇啊蜥蝪啊甲蟲啊全部都好有趣，我都真係睇咗好耐好鍾意睇。咁呢間鋪都唔係真係得呢d gimmick ，我食嘅壽喜燒意粉都好好食！不過我比較大食就唔係食得好飽朋友飲嘅可可茶(?)唔係幾記得個名幾特別 咖啡都OK。整體都好好又有gimmick又好食

早前，我得知中環蘇豪荷李活道有間野生動物主題餐廳 Animojo，一直都未幫襯過！一找之下，才知位於中環荷李活道大館對面，我提早以 Openrice app book 位，原來週末中午只限散叫餐牌才可享用9折優惠！早午餐則不適用！真奇怪！🙄🙄另外！自從我經 Openrice app book 位，貴網及餐廳雙方也有我的 email address，每當店方有最新消息或 promotion，也會 email 給我，很煩擾呢！為配合這間主題餐廳，以森林常見的木，作餐桌椅！ 環境舒適寧靜！並不時會擺放不同的野生動物讓人觀賞！ 食客絕對可能近距離見到，當我走進去，先見到身形闊如龜，圖案獨特的鬆獅蜥！ 牠動作緩慢！店員安排我入座後，我慢慢細心觀賞及捕捉牠們的動態，當日的野生動物有兩隻蜥蜴及 4 條蛇！ 細心觀察，蜥蜴動作緩慢！相反，蛇的行動迅速！捐來捐去！ 加上有保護色作掩飾！令我大開眼界！Dry Deciduous Forest 有3條粟米蛇，終於俾我見識到什麼叫死蛇懶鱔嘞！ 3條粟米蛇各有不同獨特又的花紋，幼身的蛇最生猛！起初，我以為只得兩條蛇，影相期間才發現草堆隱藏了另一條白色併粉紅色的蛇

星期五晚👵🏼👨🏼‍🦳拍拖食飯。揀咗呢間係蘇豪區有主題嘅餐廳食晚飯。餐廳面積唔算大，裏面嘅店員全部都係年輕有禮貌，而且會跟你介紹箱入面唔同爬行品種動物。店內選擇播放嘅音樂亦都非常令人舒服。食物方面，呢間餐廳主打有機健康同冇激素嘅食材。我地點左一個番茄壽喜鍋意粉，非洲雞配薯角加甜品。兩個人食剛剛好意粉有屋企嘅感覺，酸酸的非常容易入口同開胃。非洲雞嘅調味好特別，唔係普通喺出面食到嘅味道，薯角食落去亦都感受到薯仔嘅新鮮總體來講係非常滿意嘅一張餐飯。

樓上cafe用主題性吸客，而家連街舖都要，真係世界難撈。你間餐廳已非洲菜及爬蟲類動物做主題，原本冇咩問題，怪就怪在非洲菜有免治和牛? 有蟹肉? 有龍蝦?Anyway， 我哋點了凱撒沙律、 蟹肉多士及甜品。呢到既沙律用料真係好新鮮，而且冇草青味。 蟹肉嘅份量亦都比預期嘅多，可以話係真材實料。如果ignor佢既主題，呢間cafe都食得過。

地點唔錯，店舖環境都算乾淨同乾淨，起初以為有另類爬蟲類嘅店舖食物麻麻，但今日去餐廳，食物質素比預期好，餐廳店員都好有禮貌，唯獨有點差就係太早收舖！其他事項都唔錯、值得推介再去！

一聽到中環開左間保育餐廳，即刻book左lunch黎試下。餐廳係大館對面，位置方便又易搵，lunch set包沙律或湯，一個main course同dessert, 仲可以用半價叫嘢飲，唔錯。嘢食好味，職員友善，服務周到。又有奇珍異獸陪我食飯，感覺好新奇。下次會再黎。

經OpenRice 訂座，假日晚餐時段單點餐牌六折。（優惠不適用於套餐，如白蛇晚餐）^啤酒是瓶裝^炸法式軟芝士 Fried Camembert Bites ^ 好大陣油膉味，如果有醬可以蓋過陣味^非洲雞配薯條 Piri Piri Chicken with fries Menu有辣椒🌶️標籤又非洲以為好重口味，食落幾淡，半隻雞份量^伊比利亞豚肉蛋16穀炒飯Iberico Nagano pork &egg fried 16-grain beans and rice 用煲仔連蓋上菜唔怕凍，三款中最好食豬肉和豆放得好多^裝住小動物的四個大玻璃櫃^當日有 蛇 蛙 蜥蝪 蠍子 最值得稱讚是服務員態度非常友善，主動向客人介紹各種動物習性最後埋單二人$400都唔使

每次一提到動物 café，相信大家第一時間一定會想起以貓狗為主題嘅咖啡店，不過最近友人就推介了一間另類嘅動物咖啡室給我。原來店裡的主角不再是常見嘅喵星人或狗狗，而係一眾爬蟲類寵物，例如蜥蜴、蛇、刺蝟、樹蛙等，極具觀賞性，所以趁周五下班後，就約埋老公來見識下。餐廳位於中環蘇豪荷李活道15-19號歐士大廈UG層A舖，門口沒有很明顯的招牌，不過梯級就鑲有「Café Animojo」店名同 Logo。店面地方不大，屈指一數，只有約 20 餘個座位，不過場內就設有多個動物展示櫃，當中有綠鬣蜥、鬆獅蜥、粟米蛇、蛇蜥等。翻查過網上資料，原來 Café 是由保育達人 Toni Kingston 開設，每個展櫃的環境都由 Toni  及其團隊親身為動物設計，以求重塑出最接近牠們同類野外居所的舒適狀態，此外餐廳亦希望為港人帶出愛護動物的訊息，極富教育意義！至於菜單方面，餐廳晚市有兩款套餐供應，套餐包前菜、主菜、是日甜品及無酒精飲品，如果唔想食 Dinner Set，當然亦可以散點，有前菜、輕食、沙律、意粉及飯、主菜、非洲菜及飲品等，全部以健康的家庭風味菜式為主。點了兩個晚市套餐，分別為「青蛙晚餐」($29

之前聽聞呢間餐廳嘅健康餐單同有爬蟲類動物可以觀看，覺得好得意揾一揾原來喺中環！即刻約埋朋友收工去試餐牌上嘅選擇基本上都好健康清新而且價錢唔貴，可以放開肚皮叫食物熱朱古力真材實料，好濃重嘅朱古力味本地農場青菜沙律好新鮮，蕃茄仔大粒又結實，蔬菜鮮甜勁fresh😍鴛鴦薯條，估唔到咁普通嘅小食都咁好食食材靚真係好重要on side有辣肉醬同酸忌廉點，惹味牙買加辣雞翼落單時已同店員確認過辣度係一般人可接受果然唔會好辣雞翼開邊方便食用，而且有好多菜，不失健康🤪彩虹森林沙律色彩繽紛好食，有纖維亦有蛋白質雞蛋好新鮮又大隻，好味nachos 牛油果蓉份量充足，粟米片輕輕燒過，有誠意第二層匿埋左喺辣味肉醬同鷹嘴豆，感覺好正宗超級驚喜，無諗過呢個包咁好食法包外脆內軟，麵粉味好香磨菇新鮮大片好好食，加埋滑溜嘅芝士我一個人食左半個又唔貴，同有好多菜伴碟，真係食過返尋味呢個肯亞咖哩和牛都幾辣，但牛肉真係好靚，煮得好腍但仲係好嫩蘿蔔同薯仔都好入味，16穀米都好食，唔會有陣日頭味店內嘅動物，好得意店員仲會親切介紹動物們，普及關於佢地嘅一啲小知識整體黎講好滿意，價格經濟，環境都幾安靜同坐得舒服食物質素高，店員服務周到有

之前係Facebook見到呢間餐廳話有好多特別啲既小動物同係食非洲菜已經好想去一試，今次終於約到朋友仔食，大家都係鐘意動物既人，所以好期待。嚟到門口已經見到好多唔同既動物，坐底咗之後店員仲會帶你遊一圈，介紹返每隻動物，呢度有蜥蝪、蛇、變色龍、蠍子等等，店員話啲展示出嚟既動物係會成日換，所以下次再嚟可能見到既動物又會有唔同。又講返野食先，我地四個人叫咗兩個餐，再散叫咗啲嘢食。白蛇晚餐既前菜就揀咗呢個牙買加辣雞翼，係單骨雞翼嚟，唔會話真係太辣，幾香脆幾好食。主菜就叫咗個肯亞咖喱和牛16穀飯，飯係用紅米飯做，感覺幾健康，呢個咖喱就真係有啲辣，要慢慢食，和牛好淋好好食。另外青蛙晚餐既前菜我地就叫咗墨西哥粟米片，醬料味道好濃郁，加埋粟米片好好食。而主菜我地就叫咗香煎澳洲大蝦意粉，意粉係扁意粉，醬料好香，蝦好大隻，呢個都真係好好食。朋友們鐘意食菜，佢地揀咗呢個彩虹森林沙律($118)，菜係用我都好鐘意食既羽衣甘藍，另外都有雞用肉、蕃茄、蛋同洋蔥，加埋感覺幾特別。朋友再叫咗本地農場青菜沙律($88)，朋友們都話唔錯。小食再叫咗呢個黑森林磨菇鮮芝士三文治($68)，呢個包真好驚艷，諗唔到咁好食。包係用

前排經過蘇豪區見到Animojo， 看見門外 玻璃窗養了一隻很可愛的蜥蜴，對於我這很喜愛珍禽異獸和動物的人嚟講，真是非常吸引，所以第二日立即訂定枱，昨晚終於畀我食到這間餐廳了。 一進餐廳已經感到很興奮，除了有幾款不同的蜥蜴之外，還有蠍子和刺蝟。 店員很細心地為我們講解這幾款爬蟲類的日常生活情況，之後再介紹餐廳的食物給我們。 這裏的菜色很特別，可以試下非洲菜，還有散叫和套餐選擇。我點了兩個套餐：青蛙晚餐$298，本地農場蔬菜配土耳其色鷹嘴豆醬， 埃塞俄比亞免治和牛鍋配十六穀飯， 熱朱古力和跟餐甜品。白蛇晚餐$378， 焗蟹肉配麵包片， 蜂蜜芥末法國春雞及澳洲大蝦，homemade lemonade和跟餐甜品。我就是為了牠們而來的真是好可愛又特別。🦎🦔熱朱古力～ 熱朱古力的賣相很特別， 襯曬這間餐廳的氣氛， 用朱古力粉做了一隻蠍子。 朱古力入口香濃好味，甜度適中。homemade lemonade～ 甜甜酸酸又開胃又清新。本地農場蔬菜配土耳其色鷹嘴豆醬～ 蔬菜類有紅蘿蔔，西芹，蕃茄，青瓜，西蘭花和椰菜花，點上土耳其色鷹嘴豆醬食用， 是一款健康又有特色的前菜。焗蟹肉配麵包片～ 麵包脆卜卜的，

地方骨子，非洲及西式fusion菜，食物份量足，屬中環區中價飽肚之選擇👍前菜時蔬配土耳其鷹嘴豆醬，蔬菜種類繁多，西芹，西蘭花，甘筍 ，番茄仔，醬汁清新中帶點鹹味，時蔬切盤精美，挑選的蔬菜新鮮，清甜。焗蟹肉配麵包片鮮甜蟹肉浸在忌廉及芝士中焗煮，忌廉滑溜中帶蟹肉口感，配搭香脆麵包片主菜肯尼亞咖喱和牛16穀飯，辣迷必點，咖喱飯上菜，香氣撲鼻，香辣刺激，再加輕輕一層芝士面美味燒香，初頭上碟，好奇飯上有一大粒炸物，切開先知係炸雞蛋。燒春雞配大蝦分量巨型，原隻燒春雞，醬汁帶有美味甜味，熟度剛剛好，雞肉不鞋口，非常嫩滑，雞皮輕微焦黑，吃落香口甜品藍莓意式布甸，不錯，最大優點係唔太甜，忌廉味好出👍餐廳員工服務, 值得嘉許，態度友善，對客人充滿耐性逐一介紹菜式, 笑面迎人😊

野生動物多數是在電視節目看到，我們對遠在非洲或南美洲等野生動物毫無認識，除了愛惜家寵的小貓或小狗，大自然的野生動物也要保育，這樣才維持到生態平衡。在中環開設動物主題的餐廳Animojo 就是宣揚野外生態保育意識，以及打破更多人對野生動物產生的誤解。內裡已看到不少珍禽異獸，有蛇、蜥蝪等，最重要觀賞不要拍打展櫃箱及開閃光燈，避免嚇親小動物。食物款式都幾多選擇點了粟米忌廉湯，湯好夠熱，較薄身，有爆谷，味道有點淡。雜菜湯有好豐富的番茄、洋蔥等，味道酸酸地好開胃，好好飲。另外點了幫助睡眠的洋甘菊茶還有新奇的魅古力茶，嗅上去是朱古力香味，呷一口似是黑茶的味道。點了青蛙晚餐 $298套餐有小食墨西哥粟米片，份量比想像中多、又正宗，將沾有芝士的粟米片點牛油果醬、辣肉醬、紅腰豆等一起享用，相當惹味！香煎澳洲大蝦意粉大蝦煎過香口，但未算新鮮，意粉屬於粗身的那種。非洲雞配薯條 $178雞肉切開好嫩滑，就算雞胸肉都好滑，以香料調味，都幾美味，有驚喜！Set menu 送的甜品，朱古力brownie蛋糕，中間夾著朱古力粒粒 ，不太甜又濃郁，好好食。

我最鐘意見識新事物，嚮網上見到介紹這間cafe幾特別，用了很多不同gimmick作賣點---保育、教育、近距離觀賞、爬蟲動物、非洲菜...空間都幾濶落，唔會壓逼。牆身放有很多動物圖片，亦都有 "真" 動物被人觀賞。牆角則放置了非洲手工制品，幾有突色。將蝦頭拆下後用來燴汁，使整碟澳洲大蝦意粉有著陣陣強烈的鮮蝦味，真的好正!用了十多種香料制作非洲雞配薯條，我覺得主角不是肉，而是充滿地道色彩的醬汁。炸過的羽衣金蘭原來是很香的，口感方便則像即食紫菜般。

香港有不少動物主題餐廳🌳但今次去呢間D小動物好特別🤩有蛇蜥🐍粟米蛇🦎蜥蝪同蠍子等等🦂...開設於鬧市中既迷你動物園，餐廳門外牆其實已經感受到動物園既氣息🐼店內設計好似亞熱帶森林咁🦎好有氣氛* 可以邊食邊同唔同既小動物交流🐍遠望佢地又得。💰$298🐸The Happy Frog Dinner Set (For 1 person)- 前菜香港仔避風塘炸雞推介* 好好味既避風塘炸雞…直情係鬆軟既口感…絕對唔係硬脆果隻~- 主菜🍝香煎澳洲大蝦意粉初初以為佢係普通既大蝦意粉🍴見佢無太多醬汁..但意粉完全吸收哂香甜既蝦味🦐味道一流👍🏻只係大蝦好似唔係好夠大😂 - 另包是甜品🍮同無酒精飲品💰$378🐍The Hungry Snake Dinner Set (For 1 person)- 前菜🦀焗蟹肉配麵包片焗蟹肉份量多配埋脆多士🤤- 主菜肯亞咖哩和牛16殼飯🍚店員細心介紹之下..原來係非洲菜*未食過非洲菜所以試下, 肯亞咖哩都辣既(因為我平時只食到小辣😝)好辣既人士就岩哂, 🐮和牛煮到入哂味..仲好軟身* 越食越辣既感覺再食啖16殼飯🔥🔥。- 另包是甜品🍮同無酒精飲品...……………………👱‍♀肥妹