Ann Mamma Thai kitchen by 張秀玲

營業中

休息中

這間泰菜餐廳，每次經過，總會被它的門面所吸引而望兩眼。因為它那手寫字體招牌、整排鑲嵌玻璃木門，以及那高低有致的植物，散發出自然與放鬆氣息。入到裡面，環境較狹小，樓底矮，不及外面所想般舒適。餐牌選擇不多不少，基本泰菜選擇。每碟食物份量都幾大份。‖ 大蝦柚子沙律 ($108) ‖蝦和柚子都好大件，兩者都好鮮爽。味道都幾辣，特別如果咬到辣椒粒。‖ 冬蔭公湯 ($118) ‖大大一盤，都好足料。湯頭滿滿冬蔭公味，酸辣平衡，帶點香料蔬菜清新味。蝦好大隻，蝦頭甚至有蝦膏😍，好味。湯裡面有好多菇菇🍄。‖ 大蝦炒金邊粉 ($118) ‖沒錯，又是蝦！🦐🤣 是個偏辣的pad thai，鑊氣一般。有一兩啖的金邊粉未煮開，黏成一塊，硬的😓。‖ 椰子開心果沙冰 ($48) ‖‖ 凍椰青 ($48) ‖沙冰椰子味香甜，不過就不太喝到開心果味，就只有面頭兩三粒裝飾。椰青，朋友說都不錯。

1,黃咖喱雞是一道色香味俱佳的美食，讓人一試成主顧。這道菜的特點包括： **香氣撲鼻**：黃咖喱的香料混合了薑、蒜、洋蔥、香菜等，散發出濃郁的香氣，令人垂涎欲滴。 **濃郁的口感**：咖喱醬汁厚實，與雞肉相互融合，每一口都充滿了豐富的風味，滑嫩的雞肉在口中化開，讓人感受到滿滿的幸福感。**微辣的刺激**：黃咖喱通常帶有一點微辣，搭配椰漿的甘甜，平衡了整體的味道，讓人感受到層次分明的味覺享受。配搭薄餅或或者蒜蓉包，無論怎麼搭配都能提升整體的餐飲體驗總的來說，黃咖喱雞是一道讓人難以抗拒的美味😋2,生菜包清新可口的小食 將鮮嫩的生菜葉包裹著豐富既肉碎餡料口感爽脆3,鳳爪沙律的美味可以從幾個方面來形容：### 口感- **彈牙**：鳳爪的質地彈牙- **清脆**：搭配的新鮮蔬菜，如青瓜和紅蘿蔔，口感清脆，增加了整道菜的層次感。### 味道- **酸甜可口**：沙律通常會使用酸甜的醬汁，讓鳳爪的味道更加突出，令人感到開胃。- **香氣撲鼻**：加入的香料和調味料，如蒜蓉、香菜等，為沙律增添了誘人的香氣，讓人食欲大開。4,西柚特飲西柚特有的酸味和適度的甜味達到完美平衡，讓人感受到水果的自然風味👍🏻

位於荃灣的Ann Mamma Thai Kitchen 是一家專注於提供正宗泰國菜的餐廳，通常以其新鮮的食材和豐富的味道而聞名。餐廳氛圍和服務上也力求提供客人愉快的用餐體驗，通常會有親切的服務和舒適的用餐環境。許多客人喜愛這裡的家庭式烹飪風格，讓人感受到泰國的熱情與文化。💙沙爹(四串)沙爹串燒的風味令人有驚喜，兩串雞肉和兩串豬肉各具特色。雞肉串外焦內嫩，醃製得恰到好處，搭配香濃的花生醬，更添風味。豬肉串則口感多汁，微微的甜味與香料融合，讓人一口接一口。整體呈現出泰式燒烤的獨特魅力，讓人忍不住讚歎，絕對值得一試！💙泰式燒豬頸肉豬頸肉肉質嫩滑，外焦內嫩，帶著微妙的香氣。搭配的泰式醬汁酸酸辣辣，完美平衡了豬肉的油膩感，讓人食慾大開。每一口都充滿層次感，香料與醬汁的融合讓人一試成主顧。這道菜無疑是喜愛泰國風味的食客的必點之選。💙黃咖哩(牛腩)黃咖哩牛腩的咖哩醬汁香氣四溢，味道濃郁卻不辣，讓人感到舒適。牛腩經過長時間炆煮，口感軟嫩，充分吸收了醬汁的精華，入味十足。搭配的薯仔則恰到好處，吸收了咖哩的風味，增添了口感層次。這道菜無疑是暖心的美味選擇，令人食指大動，回味無窮。💙烤薄餅烤薄餅散發著濃郁的

自從有巴士乘車App ，香港人每每都是分秒必爭，今日較好時間坐巴士，殊不知時間夾得太準確，巴士早到一分鐘，錯過那班車🚌，從前的我一定氣憤，現在人大了，反而覺得隨遇而安，下一班車15分鐘後⋯⋯反正還有時間，又未食Lunch ，食完午餐才繼續吧！打開OpenRice app 搜尋，見人氣餐廳在附近，於是就走進去探索一下了。餐廳名稱很有趣，Thai Kitchen 張秀玲，相信是食店老闆的名字。記憶中此店晚上是很多人在門外等位的。1:30pm 中午飯市繁忙時段，但一支公，很快就可以入座。坐在門口位置有點熱，看著上面天花板位置加了一大塊透明膠布，相信也是防止冷氣漏走吧！冇法啦！香港天氣真的超來越熱⋯⋯午餐有很多選擇，還可以追加小食，但一個人，單吃主菜及餐飲已經足夠。至於餐飲也很多選擇，特飲一般加$8豬頸肉撈檬及餐飲$73~除豬頸肉外，還有三小塊扎肉，賣相已相當吸引份量一個人吃很滿足，豬頸肉有炭香味，炎炎夏日的一個好選擇。青檸梳打夠大杯，所以就算吃辣也不用怕，還可選擇少甜。細心的是，他們用上义形的攪攪棒，方便”吉” 那半個青檸，這細心位一讚。下次會孖住朋友過來再試。

📍荃灣見到餐廳張餐枱上放住塊紙coaster, 上面寫住’only good vibe’, 同朋友食好食嘅嘢，又真係可以帶出好嘅氛圍😋首先講咗唔好嘅地方先: 餐廳有限時, max 1hr 45 mins, 想食慢少少或者試多幾道菜時間都有啲趕; 其次地點比較偏遠，無論喺荃灣或荃灣西地鐵站行過去都起碼要十幾分鐘；另外餐廳座位比較逼夾，其他客人坐喺旁邊回音會比較大；好彩我哋坐門口角落位，冇咁受兩邊騷擾講返食物質素: 沙嗲串燒，兩串雞兩串豬，味道還可；泰式燒豬頸肉，燒得好香，夠入味辣椒膏炒藍青口，青口份量幾多，加埋泰式配料，夠哂鮮嫩惹味至於兩杯泰式特飲，分別係凍泰式奶茶同芒果百香果沙冰；可能行咗幾遠路，所以覺得特別好飲😅最後甜品方面，掙扎咗好耐想要椰汁芒果糯米飯，但最後揀咗泰國街頭椰子味雪糕🥳🤭並不太甜；椰子味好出，同埋有兩片海底椰同花生點綴，作為飯後甜品，一流下次有機會再去的話，一定要試埋佢哋嘅蝦醬炒飯，豆醬炒通菜同椰汁芒果糯米飯

話說之前平日想黎食, 點知話無book位就無了, 已經full晒心諗咁勁, 平日都可以爆場. 終於今次黎時做好準備, 一早book定枱.門面比起內部更有泰式風情, 即使同一條街有另一間泰菜, 亦無損人氣**泰式豬頸肉**  $80啖啖肉, 有點厚度但又吾會太韌, 配上泰式辣汁,好食**炒泰國椰菜苗** $96比較少見, 口感較爽口, 加埋醬料 清淡之中多左份惹味**泰式無骨滷水豬手** $118  十分十分十分軟林, 真係阿婆都咬得郁.**大蝦炒金邊粉**  $118大蝦彈牙, 金邊粉炒得較濕身,都OKEncore 指數: ⭐️⭐️

平常的工作日午飯，向來不是不是茶餐廳就是快餐店的簡便快捷的快餐，對生活就是得過且過的感覺，今天難得同事在帶我去來了這個位於荃灣的泰式餐廳，找回享受午餐的感覺。我點了份泰式咖哩蟹肉配白飯，一放上枱上，撲鼻而來的咖哩香氣早已勾起我的食慾。一口蟹肉進入口中，泰式咖哩應該使用了不同的香料混合濃郁的咖哩香氣及蟹肉的鮮甜使整道菜的口感豐富而層次分明。同事則選了泰式無骨鹵水豬手飯，我嚐了一口，無骨豬手經過長時間的鹵制，濃郁的泰式鹵汁滲透肉質，配合著香料的特殊香氣，有著入口即化的感覺。鹵汁不僅為豬手帶來了豐富的味道，還帶有一絲微微的甜味，相當搭白飯。

Ann Mamma Thai Kitchen by張秀玲價錢: $78/ $88/ +$30/ +$25服務🍴: 4.3/5環境🗾: 3.7/5性價比🥢: 3.7/5回頭率😚: 3.7/5-要講到荃灣最好食的泰菜，個人一定覺得呢間有份！！長期都係長龍店，lunch set抵食大份，仲有大大杯餐飲🥰 可以用優惠價加小食。晏啲去啲餐都會賣曬，一定要早d去。-✅✅海南雞配油飯。超大份！油飯色澤油潤而唔油膩😗加埋甜醬油同辣醬，超好撈飲。海南雞冇骨的，懶人之選！雞皮夠黃，證明隻雞油份足夠。雞肉肉質嫩滑滑溜，就算雞胸部分都唔會好鞋。皮下有小小皮凍。同埋無雪味的！！浸薑蔥水一定浸得夠。呢個又係必食🤩-✅海鮮乾炒河。河粉炒得夠散，質感煙韌，有鑊氣☺️加左雞蛋炒特別香。簡單用美極調味已經好食。蝦仁🍤大隻，仲有魷魚青口等。佢地d炒嘢唔會唔好食！-✅✅泰式鳳爪。呢個好惹味，好辣又好酸，好爽🤪鳳爪夠凍又爽，醃得好入味。仲有啲洋蔥西芹蘿蔔等配菜，開胃🤤-🆗芒果糯米飯。呢個反而最麻麻，可叫可skip。啲飯黏得來冇咩口感，但飯粒間又有啲硬，個質感麻麻地😂上面椰汁夠多既，都包到啲飯。旁邊的芒果係淡顏色個啲水仙芒，都甜同

今晚和家人食飯，我好想食泰菜，所以去荃灣張秀玲開餐，餐廳客人挺多，座無虛設，人氣好旺。大蝦柚子沙律，顏色好吸引，蝦好大隻，柚子超多，味道濃郁，辣度輕微，大人細路都合適，是一道很好的開胃菜。炒芥蘭，份量足，幾大碟，炒得幾香，加上香蒜更好味，芥蘭好新鮮，入口爽脆，有口感。大蝦炒金邊，碟頭都不小，不會像其他泰菜館那麼甜，主要是香辣，大蝦爽口，金邊粉好彈牙，拌很多小小的紅蝦仔炒，十分惹味。椰汁芒果糯米飯，色彩豐富，糯米飯是翠綠色的，加上椰奶，見到都流口水，芒果都有好多，而且幾香甜，是一道不能錯過的甜品。荔枝特飲，有淡淡的荔枝香味，還有一些青檸和香茅的味道，相當獨特，冰涼解渴。

係街市隔離，成條街呢間餐廳嘅門面係別樹一格，行過都想入去試試 。 外觀好睇，入到去就略嫌迫左少少，大家都快來快去 。lunch time黎到都幾多人，坐滿仲要排隊 。午餐同朋友一齊黎食，叫左一碟海南雞 & 泰式燒豬頸肉飯 。份量都幾多，海南雞唔差，但個燒豬頸肉就燒得耐左，有啲濃同埋鞋左啲，所以我覺得一般 。可以唔駛再黎試 。飲品叫左凍檸茶，佢係用青檸🍋‍🟩，呢杯反而幾好飲，fresh得黎唔太甜 。朋友叫左杯black coffee, 都係正常, 不過不失 。

人生比第一個嘅食評建議大家食之前睇一睇今日同三個朋友一齊嚟食嘢，本身對食嘢唔係幾講究，朋友話試過排隊等好耐都食唔到，今日朋友特登揸車帶我過嚟食。我哋嗌咗青咖喱雞、豬頸肉、冬陰功、生菜肉碎包、小食拼盤同埋金邊粉落單後唔使3分鐘就嚟咗豬頸肉，一食落口個豬頸肉係凍嘅，以為只係個別菜式失準，點知其他食物陸續嚟到嘅時候都只係微暖，老實講咁多樣嘢得個金邊粉係正常，最不能接受嘅係侍應嘅態度，上菜係侍應嘅職責，但係佢發我哋脾氣，仲有個口係咁話我哋，我哋郁都冇郁過…青咖喱雞嘅雞好似白烚咁，然後啲汁好似水咁

經過荃灣anna mama泰國菜，一個人又唔想等位，最後買個外賣返office食。餐廳裡面裝修、擺設充滿泰國風情，好chill好適合打卡。✨烤雞青木瓜沙律配白飯烤雞某些部份烤到有少少柴，不過勝在味道搭夠。👌🏻青木瓜沙律加入醬汁伴來食酸酸甜甜好開胃。

係荃灣行街，講起想食泰國菜即刻上網睇下荃灣有咩推介。見到呢間泰國餐廳個名幾特別(唔睇英文仲以為係食台灣菜🤣)。去到7點半，按排咗樓上閣樓坐位，位置好寬敞，冷氣都夠涼爽。我地嗌咗4樣餸:香葉肉碎飯份量超超超大！應該4個人食都可以，但米飯略嫌少少硬，但撈埋肉碎有啲油撈埋食尚算OK。炒椰菜就不過不失啦，份量都比出面餐廳嘅多泰奶同西柚梳打，泰奶個人口味覺得淡咗少少，西柚梳打酸酸甜甜，飲落有果肉，不錯不錯另外仲有豬手同青芒沙律無影到，份量都係超級大份，味道都好好，性價比超高，好啱一大班人嚟食！

午市餐廳未開已在排隊，第一輪客人入座。職員安排入座時已態度差劣，指著座位對客人呼呼喝喝。知道你們顧客多，但請分清楚，沒有我們光顧，你甚麽都不是！稍後點餐，跟餐加$18點了兩杯芒果沙冰，但食物都吃完了，兩杯沙冰等了大半小時還未到。看到比我們還遲入的顧客都上了相同飲品，我們才向職員詢問。怎料職員只隨便答了一句：‘’整緊！”便走開做其他事。過了10分鐘，再向另一職員查詢，對方一樣惡劣態度地說：“一係轉其他野飲囉，快啲”，然後又走開。再過了一會我們忍無可忍再提出投訴，職員才不情願地查單，然後過了一會才說：“張單冇左喎”一點歉意都沒有。我們要求盡快做回，職員又說：“一係轉其他飲品啦快啲喎” 那請問如果我現在才轉，那為甚麼要等這麽久呢？？最後再等了5分鐘才上。飲品比一般芒果沙冰淡味，不太好喝也不算難喝，根本不值得為這種質素食物受氣...

去荃灣逛一逛，一定要同時去荃灣廣場的公園，她才滿足。而Ann Mamma Thai kitchen by 張秀玲餐廳的性價比高，每當去荃灣想不到去哪兒吃，總會想到張秀玲餐廳。泰式蟹肉炒飯$93一大碟泰式蟹肉炒飯，粒粒炒得金香分明，夠火喉鑊氣，簡單的蔥花配料，再加蟹肉已經炒得好食。份量都幾多，「飯桶」都夠飽。泰式咖喱蝦炒河粉$83泰式咖喱不算辣，河粉彈牙口感，她都食了很多。蝦隻份量都不少，爽彈可口，整體滿意。凍泰式西柚茶$0跟餐有送飲品。茶底是泰茶，頗有特色的味道。西柚淡而清新，甜度適中，解渴。西柚梳打$0同樣跟餐免費。西柚加梳打的組合，清涼感豐富。