Apinara

營業中

休息中

去完泰國返黎都係要繼續食泰國野😂 最近去左位於金鐘嘅Apinara餐廳,想試吓佢哋嘅特色泰國菜!環境寬敞明亮,裝修以淺色木系為主,食物選擇多, 價錢亦合理🔹Coconut Chicken Soup 泰式椰子雞湯 ($128)首先登場嘅就係泰式椰子雞湯, 加入香濃泰式香料, 味道酸酸辣辣, 椰奶味湯頭濃郁香濃, 入口即感到椰香撲鼻,有泰國地道嘅味道。雞肉嫩滑多汁, 加埋幾粒新鮮菇菌, 提升咗湯頭嘅鮮味, 簡直係暖胃又開胃嘅完美組合!🔸Grilled Pork Neck 燒豬頸肉配青木瓜沙律 ($158)豬頸肉配青木瓜沙律, 豬頸肉肥瘦相間, 外表焦脆, 加上有青檸香味嘅酸辣汁, 好食！搭配青脆爽口嘅青木瓜沙律, 酸甜滋味恰到好處, 清新解膩, 完全中和咗豬頸肉嘅肥膩。🔹Papaya Salad Soft Shell Crab 黃咖哩軟殼蟹 ($258)軟殼蟹大大隻, 外酥內嫩, 蟹肉鮮甜彈牙, 加埋濃郁醇厚嘅黃咖哩醬汁, 香味四溢!😋📍Apinara - 地址：金鐘金鐘道88號太古廣場L2樓205號舖

原來Apinara 是泰國米芝連評為泰國最佳食府Nara的姊妹店，同一團隊主理，難怪水準不錯。主打正宗泰國菜。✩Beef Shin Massaman Curry馬莎文咖喱牛腱 $138半筋半肉的牛腱厚切 咬落軟Ｑ韌性適中. 肉香醇厚咖喱入味. 好好食而香濃的咖喱中還有花生薯仔香材等口感豐富之餘亦顯用料心思香味的馬莎文咖喱絕對需要配些澱粉質(*^‿^*)油雞飯香而不油膩糯米飯煙韌香糯下次要試埋印度薄餅ت☆Thai Wagyu Beef Boat Noodles泰式和牛船麵 $168第一次食到如此香濃湯底的船麵濃郁的湯汁掛滿粉麵除了美味厚切牛腱還有彈牙牛丸、和牛片、脆脆炸豬皮是物有所值的🜸怕船麵湯底腥的朋友記得要加辣❣︎✩Banana Roti with Nutella & Condensed Milk 香蕉薄餅配榛子醬及煉奶 $98狠喜歡泰式甜品香蕉薄餅酥脆厚身淋上榛子醬及煉奶香甜酥脆的口感很不錯本yo食咗2塊後又飽又滿足\(^ヮ^)/

今日趕時間， 30分鐘食咗個lunch🥘是但入一間，揀咗最想食都係泰式和牛船麵 🇹🇭 確實係湯濃，和牛腍，份量足，符合預期👍🏻Lunch set有冬陰功湯，甜品，飲品，一定夠飽🧡地方寬敞，不過啲枱都幾密👥二百幾蚊，坐得30分鐘，好似有啲唔抵，下次嚟坐耐啲😄🌟食評指數：7.5/10💁🏻‍♀️人均消費～HKD250 （lunch)🗺️ 地址：shop205, 2/f pacific place

Apinara 係Nara集團係金鐘既分店 專門供應各式泰式雞尾酒 雖然有吧台 但環境清靜 適合同三五好友一聚$168泰北小食拼盤拼盤有生菜包、炸茄子、香草豬肉炸丸子同香草腸我最鍾意係泰北香腸，味道酸酸辣辣，香腸加左紅咖哩醬、香茅、檸檬葉、南薑、紅蔥頭等香料所以好味道好豐富$128 椰汁雞湯超多雞柳同草菇，椰汁好重手，可以選擇唔辣食出清甜既湯頭$158 豬頸肉青木瓜沙律豬頸肉同沙律分開上，確保豬頸肉保持燒完之後既焦脆口感可惜係青木瓜出曬水唔夠爽口$138 大蝦蝦頭膏炒河惹味十足、河粉質地非常煙靱，有驚喜喔$ 118 泰式奶茶雪糕拼椰奶窩夫窩夫配上椰子汁、香脆果仁及自家製既泰色奶茶雪糕，慶祝朋友生日更會插看生日牌

呢個蝦球炒河真係一流！🍤首先，蝦球夠大隻又彈牙，每一啖都充滿鮮味。河粉炒得恰到好處，唔會過腍，亦唔會太乾，仲有陣陣鍋氣。配料方面，青椒同蔥段增加咗啲爽口嘅口感，令成個炒河更加豐富。🤤調味方面，鹹甜適中，再加少少辣椒絲，令味道更加突出。整體嚟講，呢個蝦球炒河真係值得一試，無論係午餐定晚餐都好啱😍😍🍛

今日去咗Aprinara 食海南雞飯，真係好滿意！🍗一入到去，餐廳環境好舒適，裝修簡約，令人感到放鬆 😌。服務員好有禮貌，帶住笑容招呼，令人感覺賓至如歸 🤗。講返主角海南雞飯，賣相已經好吸引。雞肉色澤金黃，啲皮滑溜溜，肉質非常嫩滑，每一啖都充滿肉汁，真係不得了 😋。飯亦都煮得好好，粒粒分明，帶有淡淡嘅雞油香味，令人食指大動 🍚。醬汁方面，佢有提供兩款：辣椒醬同黑醬油。辣椒醬帶少少辣味，正好提升雞肉嘅味道 🌶️；而黑醬油濃郁芳香，配埋飯食一流！🥢仲有一碗清香嘅雞湯，湯底清甜，飲落去好暖胃 🥣。呢個套餐對於一個海南雞飯愛好者嚟講，真係完美！整體而言，Aprinara 嘅海南雞飯真係好正，無論係味道、質素定係服務都一流。價錢亦合理，性價比相當高 💰。下次一定會再嚟試多啲其他菜式！👍

今日我去咗Aprinara，試咗佢哋嘅菠蘿肉鬆雞肉炒飯配燒珍寶河蝦，真係值得同大家分享下！😋一坐低就俾佢哋嘅環境吸引住，裝修好有特色，令人感覺舒適放鬆。🥰 菠蘿肉鬆雞肉炒飯上枱嘅時候，香氣撲鼻而來，睇落已經好吸引。🍍🍖 雞肉炒得好嫩滑，配埋菠蘿嘅清甜同肉鬆嘅鹹香，味道層次分明。🍗 每一啖都充滿驚喜，唔會覺得單調。燒珍寶河蝦亦唔簡單，蝦肉鮮甜多汁，燒得剛剛好，保持咗原有嘅鮮味。🦐🔥 配搭炒飯一齊食，完美無瑕。🍚🔥 份量上都好足夠，食完之後感覺好滿足。👍服務方面，店員態度親切，效率高，令整體用餐體驗更加愉快。💁‍♂️💨 總結嚟講，呢餐飯真係帶畀我好大驚喜，無論係味道定係服務，都值得再次回訪。🤩

在金鐘太古廣場找晚餐.於open rice 見到好多好評.又不用等位.所以來試一試. 裝修簡潔,喜歡它柔和的燈光.坐位尚算寬敞. 用電子點餐 較方便. 上菜很快. 試咗佢頭盤1.芒果炸軟殼蟹纸米卷. 炸軟殼蟹炸得好. 材料夠新鮮.紙米卷舊薄.可惜醬汁一般冇驚喜.2. 廚師推介嘅椰汁雞湯好香椰汁味.雞肉不「鞋」但不算嫩滑. 好多雞肉.可惜偏甜了一點. 不是我最喜歡的椰汁雞湯.3.青咖哩雞雞肉算多.青咖哩味都好香.配了印度薄餅.但印度薄餅有啲令我失望.唔夠薄也少許韌. 總括而言，它在金鐘區算是ok的泰式餐廳.服務一般吧.

用餐時間，限時90分鐘，好討厭！！！幾個月前曾經幫襯過兩次都冇限時，覺得食物水準還可，地方坐得舒適。今日第三次幫襯，無諗過突然改咗要限時，食完嘢再叫多杯雞尾酒都未飲就催埋單，轉個頭又埋來催交檯。我兩個人幫趁合共三次，每次人均消費＄600至 ＄900。咁嘅消費額，都限時，我唔明而家香港啲食肆到底係用咩心態經營？！我地以後永遠唔會再幫襯！！！

金鐘太古廣場嘅Apinara，係附近番工我就決定試下佢哋嘅午餐套餐啦，包括泰式和牛船麵、前菜沙律、冬蔭公湯同芒果西米露。餐廳環境好chill，氣氛好relax，啱哂商務飯定係悠閒聚餐。服務態度好友善，真係有種被照顧嘅感覺。泰式和牛船麵有濃厚嘅泰式風味，牛肉腍腍多汁，船麵又有嚼勁。沙律新鮮又爽口。冬蔭公湯又酸又辣，唔會太猛，好正宗啊！最尾嘅芒果西米露甜而不膩，完美嘅ending。雖然價錢唔係平平，唔係每日都去得起，不過偶爾一次，係種享受啦。

Apinara 係泰國米芝蓮推介的著名食店Nara旗下嘅概念品牌店，登陸於香港，無論餐廳位置、裝修、食材等等都有一定嘅信心保證。餐廳採用暖色調系列裝潢，以白色配木系，色調自然簡樸，營造出自然悠閒的用餐體驗。天花頂掛上古典芭蕉扇造型嘅吊扇，即時顯現出泰國風味。另一邊更設有酒吧吧桌，另餐廳即時充滿時代感。 🍴Seafood Tom Yum with Fish Maw花膠海鮮冬陰公湯 冬陰公湯係食泰菜必點之選，特點係酸辣並重，非常開胃，呢度嘅味道亦好岩香港人口味，味道唔會太濃；材料有開邊大蝦、青口、帶子、魚塊、呢度仲加有黏口嘅花膠，即時另呢個冬陰公湯升格。整體海鮮非常新鮮甜美，湯放上一個迷你燒爐上，令湯久久仍保持熱度。🍴🍤Prawns Yellow Curry 黃咖喱大蝦🍤 開邊大蝦爽彈，蝦頭充滿蝦膏，味道鮮美；呢道咖喱好岩怕食辣嘅朋友，味道唔會辣，但咖喱嘅香味好強。咖喱個汁醬非常杰身，好掛汁，另每食一口大蝦都充滿咖喱香氣。🍴每次食泰式咖喱一定會配Roti Prata 手抓餅，手抓餅口感一流，用黎蘸點杰身嘅咖喱醬汁，非常夾配。🍴Morning Glory 泰式炒通菜呢個有點辣度🌶️，但非常惹味

Had farewell lunch with colleagues in this resto. .I ordered Signature Lunch Set A: Thai Wagyu Beef Boat Noodles. The set included Tom Yum Kong, a Daily Salad, a Daily Dessert and a glass of Lemon Tea. The Tom Yum Kung a hot and sour taste, which was quite appetising. The Beef Boat Noodles consisted of beef tendon, wagyu slices, beef balls and fried pork skin. The beef was truly tender, and the beef balls were firm. The noodle was a bit soggy though. .The resto was spacious and had bright lighti

金鐘apinara 原來係泰國米芝蓮推介食店Nara嘅旗下餐廳，位置係太古廣場嘅戲院上面，環境同食物都唔錯。♡ 青咖喱雞 Chicken Green Curry $148♡薄餅Roti Prata $38咖喱一定要配薄餅，雖然要額外加購，但真係好好味，煎到一大片酥皮嘅口感， 一大片手撕嘅感覺真係好味好多。雞肉份量亦好多， 青咖喱唔辣，色香味俱全。♡ 泰式和牛船麵 Thai Wagyu Beef Boat Noodles $168牛肉有2款，有一片片嘅和牛同台灣牛肉麵個種筋肉分明嘅牛展。爽彈牛丸&炸豬皮配船麵湯濃郁惹味。♡ 芒果糯米飯 Mango Sticky Rice with Coconut Milk $98最後必點芒果糯米飯作結，自行倒上椰漿。芒果超甜，份量唔小。

第二次食太古廣場呢間apinara, 環境座位好闊落企理，有個靚靚bar枱㗎，氣氛幾貴氣風😍今次嗌咗啲上次都冇嗌嘅嘢食，有芒果軟殼蟹米紙卷，紅咖喱和牛肋肉，大蝦蝦頭膏炒河粉。米子卷有六大嚿，個皮非常之晶瑩透薄，除咗面頭有大大隻炸軟殼蟹，每個米紙卷中心都有蟹肉㗎！加埋啲紅蔔蘿同菜食，好開胃！泰國嘅炒河粉零舍煙靭，濕炒得嚟又唔會黐住一pat pat, 啲蝦非常新鮮，肉質彈牙，呢碟好抵嗌！紅咖喱和牛肋肉我哋加咗兩塊印度薄餅，紅咖喱帶少少甜味，帶淡淡椰香，好好食呀！啲肉炆得好腍又超入味，塊數好多！配料仲有薯仔同花生。薄餅+紅咖喱真心絕佳配搭🤩下次要再黎又再嗌唔同野！

夏天天氣咁熱最岩食泰國菜，酸酸甜甜又辣辣地夠哂惹味開胃🤤今晚收工約左朋友試下呢間聽聞近期超具人氣嘅泰國餐廳🍴聽聞金鐘係美食沙漠冇啖好食，唔知呢間餐廳會唔會比到我意外驚喜呢？😌泰式豬肉炒河粉，河粉比較闊身，質感煙韌，豬肉份量好多，唔會乾身，加埋香料砂糖青檸伴碟，非常惹味。泰式脆春卷，外皮香脆，餡料配上雜菜，非常清新可口。雖然個名叫泰式，但個人感覺比較似中式酒樓食到嘅炸春卷😂 下次會叫蝦餅！馬莎文咖喱牛腱，咖喱味道偏甜唔會太辣，牛腱大大舊每舊都炆得非常軟腍入味，配上薯仔粒送飯食一流👍🏻 泰式薄餅香脆酥軟，用手撕開黎食再點埋咖喱汁香口惹味☺️！最後眼闊頭窄地點埋個甜品～香蕉薄餅配上榛子醬加煉奶，好似泰國街頭食到果隻香蕉薄餅！餡料有半溶嘅香蕉粒，配埋甜甜地嘅榛子醬及煉奶，呢個甜品整個晚餐作完美的總結👍 值得一試！