Applegreen - Beef & Vegetables (已結業)

點解質素差甘遠，之前食都唔系甘。Salad Bar 都冇咩選擇，真系得Salad 甘濟，有個冇味蔬菜湯，二款ham ，一款芝士，螺絲粉，南瓜，菠蘿，完。唯一可取，真系得啲Sauce 。四個人，四個dish，全部都冇味，要去salad bar 拎啲sauce 吊味。四款菜分別系三文魚柳，豬扒，蜆肉意粉，牛肉飯。但收費都唔平，我地埋單$1164 ，但貨不對版。服務質素都麻麻，岩上完菜就叫埋單，趕頭趕命甘，呢個價錢甘既服務，真系好難接受。

本來book咗樓上嗰間舖，可惜無位，太肚餓嘅情況之下就去咗呢度食⋯之前嘅食評大家講過嘅我就唔多重複啦，依間野同以前嘅applegreen到底有什麼關係?以前嗰間好好食，價錢雖然唔係平，但係唔會覺得咁值得。現在呢一間，餐單設計上面好有問題。一定要逼人每人食一個主菜再加沙律吧。其他嘢基本上係「伯母」，連單點薯條嘅選擇都冇。我哋五人，一個未嚟到，堅持唔要每人一個主菜，跟住明明兩個staff默許左我哋可以去食沙律吧，之後又迫番我地叫個主菜，好奸。主角出場啦呢隻係女仔手咁細份一啖幾十蚊的牛。靭到發癲。所謂黑松露(味)嘅薯條，有啲濃咗嘅葉係底，睇錯咗以為黑松露，原來侍應表示係用松露油，難怪一啲松露味都冇。個豬ok but all my friends said not ok龍蝦汁，好濃嘅蝦汁，亦都唔係龍蝦，海鮮不太新鮮又係幾十蚊一啖嘅漢堡扒.. ok la仲叫咗其他嘢不過已經冇心機影啦。食開好嘢嘅朋友男仔之家唔夠飽。大家決定拎沙律腐皮，但係師兄之前聽到我哋話淨係鍾意沙律腐皮，飯前攞咗1 round之後一直都冇補充過。所以遲來的朋友都冇得試食。除咗呢個包比較好之後其他野都係廢嘅。勉強可以計埋好食就係

呢間尖沙咀樓上餐廳，環境超級舒服乾淨，而且人流唔多，座位都好舒服，一個一個好似包廂仔咁。每一個餐都會包自助沙律，可以系salad bar 任食沙律！個人認為選擇都好豐富，而且好新鮮同好味！仲有芝士，福袋同周打湯！另外都有食到佢既木魚湯海蜆意粉，蜆唔錯，湯都夠味，但係意粉吸唔到湯既精華，就差小小。

熱食極難食。小朋友餐都不好食。 飯未熟，像鐵粒一樣硬😔午餐不提供飲品. 人手不足。極之需要改善另外， 沒希提供地方比小朋友換片。廁所又小的可憐。不會介紹朋友去不合格的親子餐廳

之前成日成班fd都鐘意食apple green今次打算同屋企人去食 4個人加bb 5點45分就到了雖然未開門 但店員都俾我地先入座 感覺不錯 但原來先係惡夢既開始第一次打食評就係為左佢 因為佢d野真係 好 好 好難食4個人 叫左4個餐 覺得都貴既 但覺得佢之前質數幾好 所以都覺得值落單時 店員已經唔知做乜茶餐廳落單咁趕住走 但成場其實只我我地一枱🤷🏿‍♀️同佢講我塊扒想要medium 佢話係鐵板上 黎到係4-5成好啦 黎到 一碟都係油 而後239$ 6oz既扒就好似一塊豬排咁 都算 切開 3成熟都唔知有冇 但個鐵板已經整唔熟佢好啦 退返 叫佢整返熟d 都ok 既 變返5成 但已經變成咬唔開既牛扒🤣同成個鐵板都係油 另外叫左burger 仲衰過 快餐店安格斯41蚊包餐 焗豬飯又衰過大家x🤷🏿‍♀️🤷🏿‍♀️🤷🏿‍♀️咬都咬唔開成晚唔知食左d咩 然後成千蚊埋單

今日同媽子在佐敦覆診後，想帶佢食d 平時少食的野。平時佢成日飲茶，又唔食得魚生，泰菜有蝦蟹又驚皮膚敏感。。咁就西餐吧！佐敦附近我又幾鐘意既，一諗就諗到 Applegreen! 十幾年前呢間野好hit, 但好似突然沉寂左一輪，呢一兩年又再出現。大半年前食過，任食沙律吧，菜很新鮮，很多選擇，一直念念不忘；今次媽子竟然話可以食生沙律菜，咁就再去一次喇！星期六中午，每人最低消費$150, 雖然的確有點貴，但帶媽子試新野，唔計了。12:15到，場內已有七成入座，大部分是家庭客。媽子叫左三文魚濶條麵，我就要 all day breakfast。沙律吧有七八款沙律（南瓜，蕃薯，粟米，生菜，雨衣甘藍，椰菜花，薯仔，菠蘿等），兩款 coldcut, 一款芝士，一款湯，六款 salad dressing。菜是如常地新鮮，coldcut 正常，湯就咸左少少。三文魚意粉好味，成碟都有濃郁三文魚味，三文魚粒份量不少。All day breakfast 正常野，無咩特別，味道及份量正常。飲品，甜品要另叫，我同媽子都好飽，無叫了。埋單$400, 媽子話好貴。但又唔係成日食，又見佢食得開心滿足，都是值得的。

一間不知所謂既餐廳，一入門口有一個好大既兒童遊樂區，一個枱之隔，就係客人用餐既地方，細路發出既尖叫聲音大到聽吾到對面朋友講野，問待應可否調到最尾位置，冇咁嘈，待應態度差劣，話嗰邊吾開，任由D細路尖聲大叫，影響客人用餐而不顧，待應只會停留喺櫃枱傾計，吾會睇睇有冇客人有需要，喺一間餐廳入面設置兒童遊樂區，己經係一個錯誤既做法，會極度影響客人，向店員投訴又吾處理。我會叫身邊朋友吾好幫襱呢間餐廳，以免中伏。

環境：⭐️⭐️⭐️⭐️⭐️餐廳位於2樓，以木系素材設計，舒服明亮，有大自然感覺，以卡枱為主，二人枱亦充足，分隔寧靜，空間感充足，店內附設兒童遊樂設施，可以俾小朋友玩！食物：⭐️⭐️⭐️⭐️⭐️以半自助形式為賣點，最吸引的是餐廳提供的自助沙律吧，蔬菜選擇種類十分多，連名貴的羽衣甘藍都無限量供應，適合健康素食人士囗味！只食沙律其實已經夠飽！服務：⭐️⭐️⭐️⭐️⭐️設訂枱服務，訂位後入座超快，但眼見如無事前book枱，都幾多客即場walk in等位，餐廳亦提供飲用水予等位客人，夠貼心！註：⭐️⭐️⭐️⭐️⭐️五星為最高分，⭐️一星為最低分。

第一次寫食評，Applegreen 以前係CWB 成日都去，食物唔錯，又抵食。。。而家，食物轉哂，又唔好食！ 服務仲差！ 1.一家人去食，有老人家，同小朋友，待應逼我地每人都要要一個main course, 如果唔係要俾沙津吧價錢$1582. 飯同意粉選擇太小，主打牛肉，老人家同小朋友冇咩可以選擇。。。 只得主菜，冇任何小食！ 3. 待應態度差！ 我地5個大人，叫左4 個main course, 兩個kids meal, 待應話我地叫唔夠餐，如果見到老人家食沙津會照收錢，我地話，老人家唔係好食到沙津菜，唔會食，佢地個個待應行過就同經理講我地叫唔夠餐，睇下我地有冇拎多沙津番黎。。。 老人家食得唔多，我地叫4 個main 一齊share 差唔多， 叫多個都諗唔到。。。 由於我地坐reception 後第一張檯，所以佢地既對話，基本係完全聽到哂！ 出到去以為個沙津吧好精彩。。。點知。。。 10 隻手指數得哂🤦🏻‍♀️ 不吃也吧！ 水又唔主動refill! 唯一黎既原因係因為有個kids corner... 但呢個地方整得幾好都係假，食物同服務差。。都夠我以後唔會再黎，仲會同身邊

忍唔住第一次寫食評，之前都食過幾次覺得啲沙律幾特別，都幾好味。一段時間冇來原來轉左型，Menu主打sell牛肉同埋其他主菜，每叫一個主菜可以送沙律吧，今日我們叫左黑安格斯及甚麼北海道豬扒飯作為主菜，誰不知超過$400嘅牛扒仲差過坊間任何一間餐廳，上枱已經9成熟，加埋用鐵板上，真正等同咬橡膠，肉質更一般。另外茄汁豬扒飯可以用難食來形容，豬扒一樣咬唔開，唯一可以接受到嘅沙律吧，沙律菜尚算新鮮，總結，永無下次。

我好耐無幫襯 之前同老公拍拖記得呢間野幾好味 今日帶小朋友來食一個burger 1個意粉加兩個兒童餐一定要你一人一個餐 唔係就收你hkd 152埋單近七百 以lunch 來講算貴有個任食salad bar 無乜特別小朋友餐個brownie 袋濕左叫人 見到你但特登唔應你 重叫其他待應唔好應你我都未講有咩要求 終於叫到個待應換袋 黑口黑面 講真咁既價錢 真係有好多其他選擇 味道可以 份量不過不失價錢唔值 我以後會揀樓上間r&b 起碼人地笑住來serve 你又會提你叫得太多 食住先呢間apple green 雖然明白係有salad bar 但份份都 over hkd 160 明屈你

早幾日打算食母親節飯，叫左肉眼扒，難食都嘔，未食過咁難食既牛肉！仲要$4xx，麻煩請改善！我地叫5成熟，我估塊肉最小變左10成，好似豬肉乾咁！真係而家諗起都反胃。

同學仔好耐無見，約出黎食飯最重面搵個無限時既地方方便我地暢所欲言，呢間最好既地方係星期五晚唔會話要限時交枱。另係場內有好多小朋友，比較熱鬧，而且關門時間較早，十點要清場。百多元一個餐，仲包埋任食salad bar，初時以為無乜野揀既salad，但出去發現款式唔少而且都好吸引，味道都不錯。細食既朋友可以就咁俾salad bar價錢食就可以而我地既main course係一個係雞腿三文治，一個係牛排漢堡，同奶油檸檬三文魚闊條面，每樣都不錯，但份量都多，人多食最啱。

餐廳地點好方便，會近佐敦mtr多d, 平日嘅午餐真係平好多，要揀我寧願平日嚟食，環境好適合一家大細，小朋友，又有卡位，座下卡位，感覺好有私隱度。我地食緊，食完也可以玩吓。沙律好多款式選擇，湯就得一款。

book左位去食就最好,主菜揀左漢堡包，不過原來漢堡包同三文治也是呢一類。環境好好，員工外表好COOL,但好有禮貌。值得一讚。唯一晤好，就係等好耐，座下食咗兩轉沙律，還要等待，唯一晤好就係等到要追才有。