影片
港鐵銅鑼灣站 B 出口, 步行約4分鐘
繼續閱讀
電話號碼
93300396
開飯介紹
於大廈頂層的西餐廳，以藍、白色為主調，更特設熱氣球造型的卡位；而天台則為粉紅Flamingo熱帶雨林主題的酒吧，是閨密聚會的好選擇。
繼續閱讀
營業時間
今日營業
15:00 - 03:00
星期一至四
15:00 - 03:00
星期五至六
15:00 - 04:00
星期日
15:00 - 03:00
公眾假期
15:00 - 03:00
公眾假期前夕
15:00 - 04:00
以上資料只供參考, 請與餐廳確認詳情
有關獎賞計劃
相關文章
為咗慶祝我哋嘅紀念日，我做咗啲功課，揀咗位於銅鑼灣嘅Arcadia餐廳。餐廳以酒吧風格開始，燈光非常有情調，，上一層嘅天台可以望到維港嘅美景，幾浪漫！最吸引嘅係有張心形椅，好適合打卡。前菜揀咗個日本海膽流心忌廉餅，外面炸到脆卜卜，裡面系入口即化海膽流心忌廉，海膽嘅鮮味配上忌廉，味道好滑順，幾好食。法式龍蝦汁意大利飯，米飯煮得剛好，濃郁嘅龍蝦汁令每一啖都好有層次感，仲有一啲海鮮嘅香氣。烤龍蝦尾蝦肉彈牙，搭配意大利飯食真係一流。而澳洲M3和牛肉眼扒幾驚喜！肉質鮮嫩，油花分佈均勻，煎得剛好，輕輕一切就可以見到肉汁流出，配些少胡椒，肉味更加突出。我哋仲試咗兩款特色Mocktail，banananana同sun of the peach。banananana帶有淡淡的香蕉香味，清新又唔甜膩，而sun of the peach就有桃子嘅甜味，飲落去好舒服，完美配上呢晚嘅氣氛。我哋點咗個火焰雪山，餐廳仲喺碟邊寫上「happy anniversary」，滿滿儀式感。蛋糕配合火焰效果，真係好浪漫！Arcadia食物質素不錯，環境幾好，服務亦貼心。如果你想搵個地方慶祝特別日子，呢度可以一試！
繼續閱讀
呢間真係bookmark咗好耐，終於係個朋友生日嘅時候帶佢上去食。呢到勁多打卡位，壽星都表示好鍾意個環境。落緊單嘅時候已經有兜雜錦果仁擺喺枱面，我就係咁食係咁食。因為主要都係我落order，杯酒上到枱面嘅時候佢真係勁驚喜，即刻同我一齊拎部手機出嚟打卡。有啲可惜嘅係我平日嚟食，如果唔係因為係平日，我真係想嗌晒佢啲酒嚟飲，每一杯都勁吸引。‣ One Thousand & One Night $158‼️超級推薦‼️飲落去嘅時候覺得好有層次感，你飲到淡淡接骨木花嘅花香，然後仲有百香果帶嚟嘅酸酸甜甜，搭配清酒所以成杯酒口感相當輕盈。入口相當甘甜順滑，唔會話是但一種味道好搶風頭，又唔會過於濃烈，作為開胃酒真係相當適合。而佢嘅神燈造型真係令佢攞足二百分，成個少女心都出晒嚟。‣ Beauty & The Beast $158‼️一樣咁推薦‼️其實第一啖就已經飲到好重嘅荔枝味，之後就感受到草莓琴酒帶嚟嘅果香，我覺得蔓越莓味唔算好出，但係大家配合得相當之好，令到個口感好立體。作為一個喜好甜酒嘅人，對呢一杯真係超級滿意，嗰種果味同埋酒精嘅交織就係會令到人欲罷不能。‣ 香烤西班牙八爪魚腳伴加泰隆尼亞紅椒堅果醬 $188‼️值得一試‼️我覺得餐廳喺醬汁調配方面相當出色，佢嘅堅果醬真係令到我相當難忘，唔單止突顯到八爪魚腳嘅鮮味，嗰種微辣嘅紅椒味真係畫龍點睛，成個口感更加有層次。而本身八爪魚烤得超級香，但係仍然保留到柔軟嘅質感，所以先話佢一流。‣ 澳洲M3和牛肉眼扒 $428作為和牛肉眼扒真係冇可能難食，油花分佈相當均勻，絕對唔會覺得肥膩，而我都係一貫慣性嗌medium，雖然肉眼扒唔算好厚身，但係都煎得啱啱好，相當唔錯。佢有個醬汁伴碟，但係其實就咁用鹽同埋胡椒調味已經令人好滿意，極快就清咗碟。‣ 香烤加拿大豬鞍配烤蔬菜及覆盆子醬 $328上枱嘅時候就發覺豬鞍份量相當足，絕對滿足到食肉獸，咬落去嘅時候肉質都好嫩滑。呢個時候就不得不提個醬汁，又係將味道提升咗去另一個層次，酸酸甜甜嘅味道令到入口嘅時候比較清新，一路食嘅時候都唔會覺得油膩，我覺得係豐富咗成道菜嘅味道。而啲烤蔬菜個火候都平衡得好好，啲菜唔會話燒到乾爭爭。
繼續閱讀
Arcadia 位於銅鑼灣Midtown 30樓，餐廳裝修美侖美奐，餐廳在Roof層還有一個戶外空間，相當適合包場開Party。今次點了—🦪半殼紐西蘭新鮮青口前菜的份量很豐富，青口接近20顆，顆顆飽滿。青口味道很新鮮，白酒搭配番茄與蒜片，口感清爽滿足。🐟香煎歐洲鱸魚配白松露焗薯大塊且厚實的鱸魚，外皮煎的酥脆，肉質很有彈性，味道很鮮美。一旁焗薯口感綿密，白松露香氣十足與薯仔融合得很完美。🥩澳洲MB2嫩牛柳店家推薦的菜色，形狀相當立體的牛柳，外皮微焦。輕輕切開裡面肉色粉嫩誘人，口感意外的嫩且超juicy，吃盡牛肉的原味，相當驚豔，絕對值得一試。🍸Pattaya’s Rose服務生用火焰創造了華麗的開場，這杯玫瑰風味的cocktail，帶有濃厚的玫瑰香氣，味道與外觀都十分lady，酒味很淡搭配海鮮很合適。🍹Apple Tree不飲酒的朋友可以試試這杯可愛的mocktail。貓頭鷹的容器裡裝的是香甜沁涼的飲品，基底是蘋果與芒果汁，清甜解膩。 整體而言，環境舒適，酒精非酒精飲品選擇都很多，仲適合影靚相，當日晚間女仔多過男仔，和一般酒吧很不相同！餐廳有很多打卡位，適合朋友聚會的好地方。
繼續閱讀
這家一定要介紹給大家 慶生、紀念日、約會、聚會都可以😌環境首先已經很加分 舒服闊綽 又打卡～～Spring Dinner Set $799✨7年魚子醬竹碳甜筒小小一份 而竹碳甜筒偏靭身 𥚃面的7年魚子醬一旦入口馬上擴散到舌頭👅口腔的每個角落！！（雙眼發亮✨✨芝麻吞拿魚塊配芒果莎莎醬欸～～不說也不知道𥚃面是吞拿魚 這份的比較乾身更吃到絲感一定要和莎莎醬一起吃 芒果🥭味不濃 反而更有陣油香和微酸感到底是什麼的化學🧪作用 整份更像是鹹點 太神奇了🤣✨香煎鵝肝配蘋果醬OMG！！他們家的鵝肝也太強了啦！！是因為蘋果醬的關係嗎？鵝肝 的鵝油鵝香都超香濃 再配上微酸甜的蘋果醬 解膩～～也附帶了多層咬口鵝肝人一定要來試試 會令人感動🥹幸福✨火龍果呑拿魚沙律這份好聰明！！而且用料新鮮 火龍果香甜 微嚼口 紅菜頭微香 爽口呑拿魚也具淡魚油香 軟身 口感豐富 味道鮮度夠又不嗆 真是溫柔又新奇整份沒綠色蔬菜 不愛吃菜的朋朋們也一定會吃光！！✨香口脆皮豬手配阿根廷奇水里丘醬他們家的豬手切成一塊塊 而不是片 有大有小 每塊都是皮脆硬 脂肪QQ 肉紮實～大家可以先吃一次直接吃不沾醬 吃吃他們家豬手的原味 再沾醬而且吃到後面的更要沾醬來吃 降低脂肪的油膩 卻不失豬手香氣～～✨香煎海艫魚配香烤椰菜花及蓮藕脆片請全部分開吃一次 才再每份加起來吃～～海艫魚 煎得洽好 不過火 能一片片魚肉出來 軟身同時還保留稍微的咬口蓮藕脆片真的單吃就足夠 而其他薯菜可以😌和海艫魚一起吃～小酸的底部蕃茄醬 幾個混合起來 更開胃～✨Between Two Lovely Heart $148愛嚐鮮的朋朋們 又不太能接受酒味/偏甜身的 就來這杯吧一到口邊就能聞到菊花的香氣 清新 易入口（另一半更說有像菊花茶笑死 真的不能這樣啦 還真的滿有創意的 也很懂女生 都能輕鬆的喝～✨Pattaya's Rose $158這真是浪漫到不行✋少女心先融化🫠燒的時候還有陣陣香茅味 非常有趣 不過喝時 卻滿滿的甜甜ROSE 感酒感也不重 女生們一定要點 男友也必須給女生點上！！肯定加分！！（還有一定要記得馬上拿起🫴手機📱拍好拍滿環境chill以外 他們食物好吃 調酒🍸打卡而且9、10點後還可以😌點歌 然後到外面唱歌 也太好玩了吧～～即便沒想上去唱的 在旁聽大家唱歌～玩～ VIBE 也滿快樂的～～下次想約會的 就來 吃完飯 想喝點酒CHILL CHILL 的也可以😌來feel 一下
繼續閱讀
銅鑼灣大廈頂層嘅西餐廳, 夜晚望到維港嘅景色🎆 成間餐廳好多打卡位, 一定啱女仔心意! 💓 小編佢嗰晚仲有live Band表演即刻將用餐體驗昇華🎤 坐低就會有一盤nuts, 包括唔同種類嘅果仁比客人食! 飲品嘅造型都好搶眼, 整體嚟講好啱特別節日嚟食晚飯😚The restaurant offers a view of Victoria Harbour at night. With many Instagram-worthy spots, it is perfect for a romantic ambiance. That evening, there was a live band performance that elevated the dining experience!🩷————————————————食物:❆ One Thousand & One Nights 一千零一夜 $158神燈造型同埋店員點火嘅一刻超級華麗😍 儀式感滿滿造型已經贏晒! 清酒、接骨木花同百香果調配而成, 好輕盈同易入口嘅Cocktail❆ Beauty & the Beast $158 令人諗起迪士尼嘅貝兒, 造型一樣咁搶眼🌹 淡淡嘅荔枝同埋草莓琴洒嘅果香❆ 香烤西班牙八爪魚腳伴 加泰羅尼亞紅 $188擺盤精美🌺 八爪魚肉質鮮嫩彈牙, 配上加泰羅尼亞紅醬汁, 帶出魚肉嘅鮮味同醬汁嘅酸甜香❆ 澳洲M3和牛肉眼扒 $428牛肉牛味濃厚, 肉質鮮嫩! 油花分布平均😋 第一眼睇以為唔係好大塊, 點知份量都好足夠兩個人分享嚟食! ❆ 脆炸軟殼蟹冬陰公海鮮意大利飯 $228意大利飯真係每一啖都有冬陰功嘅味! 軟殼蟹外脆內嫩, 海鮮汁熬煮出嘅鮮美香味散發出豐富嘅海鮮風味，加埋香料同調味料, 味道濃郁香濃🦀————————————————整體:✦ 價格: 4.2/5✦ 味道: 4.3/5✦ 服務: 4.2/5✦ 環境: 4.4/5✦ 再訪指數: 4.3/5Arcadia (銅鑼灣)@arcadia📍地址:銅鑼灣登龍街1-29號金朝陽中心二期 - Midtown 30樓⏰營業時間: 星期日至四 15:00-03:00星期五至六 15:00-04:00
繼續閱讀