影片
食家推介
今日天氣好，便去西貢行吓，順便飲杯咖啡。見ARM Coffee 雖然開張了一段時間，也未曾光顧，一於試吓。店舖裝修以木系為主，配以書籍及咖啡有關的物品，簡潔舒服。除咗店內，店外也有2個位，如帶有毛孩，可坐出面。我叫了Flat White ，老公叫了薄荷青檸梳打，及一個英式鬆餅（Scone)。青檸梳打味道清爽，除咗有檸檬的香及酸，還有陣陣的薄荷味，炎炎夏日，絕對是一個消暑的好選擇。😀我的Flat White很有驚喜，咖啡味香濃，奶亦柔滑。因曾經在其他咖啡店飲過太淡的咖啡，不敢有高期望。呢杯Flat White值得一讃。👍🏻鬆餅一上枱，未食已知不及格。鬆餅面竟然有一層鬆開的表皮🤔，食落質地比較似疍糕。果醬同樣不香甜，下次一定不會叫這個。
繼續閱讀
周末喺西貢行完山就會喺西貢食午餐，自從食過一次呢間嘅冬蔭公大蝦意粉就欲罷不能，次次來西貢都想再來食，對於喜歡嘗試新餐廳，品嘗各式各樣美食嘅另一半來說真是欲哭無淚。冬蔭公大蝦意粉🍝意粉一上枱就聞到好香嘅冬蔭公味，整個意粉望落無多餘嘅醬汁，我會形容為乾淨利落，但冬蔭公嘅味係完美地滲入在每一條意粉裏面😍 兩隻大蝦啖啖肉🦐 菇都好好味。成個意粉份量仲要好足，食得大滿足啊！ 煙鴨胸蟹肉蕃茄忌廉意粉🍝呢碟就差咁啲，成個意粉較濕，令到意粉冧咗，好明顯無冬蔭公意粉咁彈牙咁有嚼勁。蕃茄醬汁亦較平平無其，少少失望喇。係個煙鴨胸煮得好味加返少少分。下次希望試下更多唔同嘅dish, 都有好多選擇。另外一提，店員都好有禮貌，好有耐性，見到佢地遇到要求多多嘅客人都好有耐心回應👍🏻
繼續閱讀
入西貢遊船河 去玩之前決定食個早餐先係西貢行下逛下見到有間嘅乾淨舒舒服服嘅Cafe 估唔到質素都幾OKCafe環境好舒服 較自然風格成個感覺都好chill今次試咗佢牛油果蛋Toast 牛油果都算好足料 有沙律配搭 加配一杯咖啡 好精神 好refreshing 啱晒啱啱起身無耐食
繼續閱讀
西貢真係好多間CAFE，要試哂都需要一段時間，平時多數都係去海傍附近既CAFE，今天就去間未試過既，朋友仔推介既 ARM CAFE，又真係好岩我wo。😍首先鐘意靜靜地可以嘆番杯咖啡☕，好鐘意門口有個趟門既位置，岩哂帶埋寵物既朋友🐶🐱，打卡一流，好有田園感覺，下次帶埋朋友仔一齊黎。再來係需要冷氣充足，畢竟出面三十幾度🥵，行完真係好熱，🌞 我要涼住冷氣先可以嘆到熱啡☕。佢既黑松露意大利粉 (可惜太肚餓，唔記得左影相) 同明太子意大利粉，兩款味道都好香濃，鐘意黑松露既朋友一定唔好錯過。唔覺意睇到隔離台既 ALL DAY BREAKFAST 都唔錯，下次再黎要試下。想讚一讚店員服務好好，真係會同客人溝通同埋問客人所需或者意見，過左一個愉快既下午，值得回頭。
繼續閱讀
香脆炸雞牛油果吐司配薯條 睇張相同聽個名我都已經覺得勁吸引 又炸雞又薯條 傻咗😇🤣呢個等嘅時間有啲長 可能係即炸 亦可能係咁 所有野都新鮮熱辣卜卜脆 邪悪指數100%😆😛炸雞髀肉外脆內滑嫩嫩又juicy🥹咁正得唔得架😆🫶🏻出面啲醬係佢地自家製嘅微辣蛋黃醬 同伴唔食得辣 表示真係有啲辣🐒我食得辣就覺得ok幾惹味😆同伴話個吐司偏硬身但吸哂上面啲醬又係勁juicy😗🤓薯條就冇咩特別嘅 不過過足口癮同份量好夠😝.雞胸牛油果沙律 食咗咁邪惡嘅嘢食返個健康嘅中和少少😝無諗過個雞胸煎得幾好食😳個味道好好食又唔會好鞋🥹牛油果份量又係幾足料 以$88嚟講值過好多其他打卡用cafe🤫🤣.孜然炸雞 哈哈又係炸雞🤣上面仲扮晒野嗌咗個雞胸😂😂不過呢個好食 啲肉又係炸到好脆但又不失juicy🥹孜然味十足！一份有6-7件share幾好！😆.牛油果沙冰 呢杯牛油果好足料又唔甜！中意牛油果嘅朋友 推介啊🥰.PS 呢間cafe係pet friendly!!😆我入去食之前係門口玩咗一陣狗先入去 好cute cute🥰😆
繼續閱讀