Aroma Thai Food

營業中

休息中

太子嘅Aroma Thai Food，主打地道嘅泰北料理，以傳統嘅口味同埋優質嘅食材吸引食客！餐廳定價合理，而且不設加一服務費，真係好味又抵食！泰北烤雞金麵 $108壓碎炸麵球，加埋底下嘅全蛋麵，雙重口感都幾正！金醬辣度溫和，以香為主，十分可口！泰式清湯牛米粉 $88清湯底口味溫醇帶肉香，配搭安格斯牛肉、牛丸、牛肚、牛柏葉，原味已經好正！亦可配搭調味架嘅醬料，添加風味！泰式生蝦8隻 快閃85折 $83蝦肉新鮮，醬汁惹味，值回票價！仲要撞啱有快閃優惠，更抵食！泰式烤豬頸肉 $58豬頸肉入晒味，香郁可口！泰式凍奶茶 $28同金麵係絕配，必點！泰象啤 $35

自從去完清萊就愛上金麵了， 最近知道呢間位於太子既泰國菜唔錯，就嚟一試！ 🦐泰式生蝦食泰國菜必點生蝦，蝦身飽滿晶瑩肉滑，蝦肉面拌小蒜片、紅椒絲，再添上酸辣口感魚露醬，強勁味覺衝擊力之中，蝦肉鮮味輕易突出。🥢小食拼盤一次嚐盡五款食材，條狀炸豬皮係泰菜獨有，金黃酥脆！魚餅紅咖喱味辛香，質感軟滑；炸蝦餅有濃郁蝦味，薄脆香口；泰北香腸油潤脆彈；炸雞好有香葉氣味🥢泰式烤豬五花肉醃製過既豬五花肉外焦內嫩，肉質鮮嫩，以檸檬草、蒜和魚露作調味帶有濃郁既泰式風味。搭配新鮮的香菜和青檸，口感更加清新。🥢泰北滷水牛金麵金麵係泰北名菜，店方將小束麵條炸成脆球，其餘蛋麵放入特調泰式風味咖哩醬、乾蔥、酸菜拌食，一碗食到乾濕口感。醬汁雖濃厚，味道卻不偏重辣，配方著重天然香草味，以椰奶椰漿調和咖哩煮汁，香氣口感豐富，食後不口乾。配菜分別有牛肋條、牛筋、牛肚， 滷得軟淋入味，將港式食材與泰北金醬蛋麵完美地結合。🥢泰北清湯生菜伴馬拉盞醬清爽脆嫩既生菜，加入馬拉盞醬香辣醇厚🥤檸檬草南姜飲結合左檸檬草香氣、南姜既微辣，味道爽口，口感清新獨特。🧋泰式奶茶口感香甜滑順，茶、奶香味平均。

太子，除左人氣餃子、芝麻雪糕，亦有吾少值得支持既小店，今次就同大家介紹一間主打傳統泰北金麵既泰式小店 一 Aroma Thai Food金麵，源於泰北以色澤金黃既全蛋炸麵，搭配泰北既秘製金醬而命名。Aroma Thai Food既靈魂，全蛋麵選用選用香港本土肆拾年老字號鍾華記麵廠出品，取其麵質蛋香重兼爽口，搭配老闆每日以香草、泰北香料手工研磨，加入椰糖、椰漿、椰奶、魚露所烹煮而成既秘製泰北金醬。「我地Aroma Thai Food既宗旨，同日本餐一樣，就算系一碗麵都可以做到極致」🌟泰北安格斯牛肋條金麵 $128秘製泰北金醬，味道的確有別於坊間咖哩醬，濃郁之餘帶椰香，香中帶辣，辣中帶甜，食得出層次金麵球壓碎後加入泰北金醬、炆得軟腍既牛肋拌住食，麵質帶蛋香之餘，口感爽口，亦非常掛汁🤤👍🏻👍🏻🌟小食拼盤 $118小食拼盤會有齊：炸魚餅、炸豬皮、薄脆蝦餅、泰北香腸、泰式炸雞件件都炸得金黃，而其中我覺得泰北香腸、炸魚餅都屬於香料味比較重🤤👍🏻薄脆蝦餅：口感彈牙之餘食得出蝦味🤤👍🏻👍🏻泰式炸雞：炸得金黃之餘，入面既雞肉依然嫩滑保有肉汁🤤👍🏻👍🏻📍Aroma Thai Food地址：汝州街37-41

Aroma Thai九龍太子汝州街37-41號廣勝大廈地下B舖一間深水埗專門食泰北美食嘅地方仲有一種叫『金麵 』 的東西相信好多人聽都冇聽過。 係一種經油炸出嚟嘅蛋麵零舍香脆可口 由於喉嚨痛，今次唔食住平時喺香港食得太多泰國菜 分別真係唔大如果想食泰國菜之餘有點不同 呢間幫到你慢煮水門雞泰式冬蔭湯金邊粉水門雞慢煮至極致鮮嫩 搭配酸辣的冬蔭湯，湯頭以柑橘和香料為基調，帶有豐富香氣傣式椒麻手撕雞香料運用得非常豐富 味蕾多重刺激 麻而不辣惹味獨特 洋蔥 花生粒 香菜 青花椒如果需要加拿同店員講聲 佢哋歡迎你挑戰泰式生蝦苦瓜蒜蓉片辣椒粒 仲有秘製泰式生蝦青汁肉質鮮甜 強烈的酸辣風味苦瓜用嚟調節辣到與酸度

舖頭係賣特色北泰國菜一定要食嘅就係金麵意思即係全蛋麵，上面仲有個壓碎球形炸麵口感脆卜卜好正然後再將秘制辣椒🌶️、乾蔥、酸菜同全蛋麵搞埋一齊，再唧啲青檸汁於麵上，存有混合既香氣令人食指大動！！大大啖品嚐掛滿金醬既麵條聞到新鮮香草既味道👅仲有啲牛肉好腍甜 仲有牛筋另外再叫咗一碗全豬既面湯底酸酸地，但又冇平時冬陰功咁濃烈跟住仲嗌咗豬頸肉 好有口感脆卜卜仲有手撕雞 呢個手撕雞嘅調味幾特別有少少酸少少辣符合返泰國嘅風味賣碟生菜，夠晒健康同埋叫咗杯鹹檸七同埋香滑嘅泰式奶茶

Weekday Dinner 主打泰北金麵的太子新餐廳，晚上有不少捧場客。🐮 泰北安格斯牛肋條金麵 $128金麵採用鍾華記麵廠的全蛋粗麵，爽口彈牙，配上餐廳手工研磨的金醬，除了咖喱香氣，更加入不少香草香氣。加上辣椒油味道更濃郁惹味。吃的時候，先把炸蛋麵壓碎，撈勻食用，口感豐富。安格斯牛肋條牛味十足，配金麵很美味。🐔 泰北烤雞冬陰乾撈麵 $88啖啖肉的烤雞肉質嫩滑，乾撈麵酸中帶點微辣，很開胃，味道比金麵更清爽。配料有溏心蛋、香口炸豬皮、豬肉碎及青瓜絲等等，店員建議豬肉碎配薄脆片一起吃，果然不錯。✨小食拼盤 $118可以一次試到不同的泰式小食：炸魚餅、薄脆蝦餅、泰北香腸、炸豬皮及泰式炸雞，即叫即炸，款款香口惹味。🦐 泰式生蝦（8隻） 特價$83泰式生蝦肉質爽口，一定要配與蒜片、辣椒及開胃的酸辣汁一起吃，是常常想要點的項目😆🥬 泰北清湯生菜伴馬拉盞醬 $25生菜有了泰北清湯及馬拉盞醬，味道不會單調，多了一股香氣。🍓 泰式粉紅梳打 $28泰式粉紅梳打是士多啤梨牛奶梳打，上層灑上玫瑰花瓣，賣相吸引又香甜，很解辣！🍋‍🟩青檸梳打 $28清新的青檸梳打，清爽解膩。

今日老婆放假，於是我哋決定去太子行街。聽朋友講有一間泰國餐廳非常好食，於是我們就去試試。餐廳的裝潢充滿泰國特色，牆上掛著色彩鮮豔的食材畫作，桌上擺放著可愛的泰國小飾品，讓人一進去就感受到濃厚的異國氛圍。店員熱情地接待我們，並介紹這裡最出名的菜式就是泰北金麵。這道菜因其金黃色的麵條而得名，是泰北菜中最具代表性的麵品之一。聽到這裡，我和老婆都不約而同地決定要試試。我點了泰北安格斯牛肋條金麵，這道菜的麵條看起來金光閃閃，加上厚切的牛肋條，令人垂涎欲滴。為了搭配這道美食，我還點了店鋪特色的凍檸檬草姜飲，這飲品清新可口，正好中和了金麵的濃郁。還有香茅炸雞翼，外脆內嫩，香氣四溢，讓人一口接一口。老婆則選擇了泰北烤雞金麵，搭配咸檸七和炸魚餅。她的金麵上撒著香菜和花生，味道鮮美，烤雞更是肉質鮮嫩，讓她吃得不亦樂乎。吃完後，老婆還想再試些其他的泰國美食。於是我們決定再點兩道，她選了泰式椒麻手撕雞和泰式生蝦。聽店員說，最近有推廣活動，泰式生蝦只要85折，非常划算！整體用餐體驗令人滿意，每道菜都充滿了獨特的風味和色彩，讓我們感受到泰國的美食文化，絕對會再來光顧！

最近試咗間位於太子嘅泰式餐廳 Aroma Thai Food，一入門口已經感受到濃厚嘅泰式氣息，啲裝修擺設都好有心機，啲燈光同擺設都營造到舒適嘅用餐環境。今次我哋試咗幾款招牌菜式，首先係泰式生蝦，啲蝦新鮮彈牙，個醬汁酸辣開胃，辣度啱啱好，唔會蓋過蝦嘅鮮味。醬汁用青檸同辣椒調製，食落真係好開胃！主菜方面，必試嘅係佢哋嘅泰式清湯米粉。用料十足，啲安格斯牛肉嫩滑無渣，牛丸彈牙爽口，牛肚同牛柏葉都煮得好腍，唔會韌。最正係個湯底，清而不淡，香料味香但唔會太濃郁，飲完都唔會覺得漏。傣式椒麻手撕雞就係另一個驚喜，雞肉嫩滑多汁，淋上椒麻醬汁，微微麻辣，食落香辣過癮！泰北烤雞金麵個蛋麵麵煮得啱啱好，唔會太軟，個烤雞醃得入味，配埋特製醬汁，食落層次感豐富。咖喱麵係清邁好出名嘅米芝蓮名物，香港都唔係好多餐廳有得食，喺度見到都覺得好驚喜最後嘅泰式粉紅梳打都幾特別，粉紅色嘅梳打水加入泰式香料，清甜解膩，飲落好清新舒服。

最近發現原來太子汝洲街有好多特色美食小店。其中有間泰北麵專門店見門口貼左好多介紹佢哋啲粉麵 ，其中最吸引係招牌泰北金醬撈麵。靈魂醬汁係自家制用上大量新鮮香草及香料手工研磨而成，有別於一般咖喱醬，再配上全蛋麵好特別。店鋪雖細小，但企理乾淨，有啲小擺設充滿著泰國風味。用QR Code點餐好方便，好多選擇，淨係粉麵都好多款，仲有其他小食。招牌金麵必試，點左個泰北安格斯牛肋條金麵有一隻🌶️應該唔會好辣。金麵食法有步驟，要先壓碎球形炸麵，再將秘製辣椒油，乾蔥，酸菜等配料加埋兩種口感麵撈埋一齊，軟脆麵掛滿晒醬汁好豐富，而且辣道適中。牛肋骨亦好腍身。泰式烤豬頸肉簿切爽脆，點埋魚露夠惹味小食拼盤有炸魚餅、簿脆蝦餅、泰北香腸、炸豬皮、仲有泰式炸雞。其中最鍾意係泰北香腸香茅味濃郁，仲有炸豬皮脆口到食唔停。

近排聽朋友講太子新開咗一間專食正宗泰國麵食嘅舖頭 @aromathaifood 鍾意惹味泰國菜嘅小編當然要嚟捧場吓。🥰🥰泰北烤雞金麵 $108呢度最出名就係佢哋嘅金醬麵。呢個金醬麵據說係泰北傳統嘅食譜，跟足正宗嘅做法。😳味道唔係一般嘅咖喱醬咁簡單，而係會食到新鮮香草嘅清香，非常濃郁。🙌🏻麵底選用鍾華記麵廠出品的全蛋粗麵，而且係用齊煮同炸蛋麵兩款。食嘅時候要先壓碎炸蛋麵再將佢同普通蛋麵、金醬撈勻，形成爽口彈牙、脆卜卜嘅雙重口感。🙂‍↕️至於雞扒啖啖肉，質感嫩身，但烤嘅感強唔太強烈。味道：8.3/10冬蔭功湯安格斯牛肉米粉 $88呢度有清湯或者冬陰功湯選擇，湯底據說係長時間精心熬製，香氣突出，唔會死鹹。麵嘅配料都唔少，尤其是安格斯牛肉比得非常大方，算係抵食之選。😌另外店家亦非常貼心，如果想湯底再濃味啲，可以加枱上面嘅四式調味料，更加濃味～😼味道：8/10泰式烤豬頸肉 $58豬頸肉邊邊焦脆香口，醬汁微辣過癮。但就略嫌瘦咗少少，如果再多少少肥膏位應該會更加邪惡。😉味道：7.7/10泰式椒麻手撕雞 $65佢個醬汁酸甜醒胃，又酸中帶辣，配埋唔同蔬菜好清爽。手撕雞就唔多似手撕，都係普通雞扒咁，勝在啖啖

上次食過此店嘅泰北著名金麵Khao Sai，印象深刻。今次特地嚟再嚐泰北「大餐」。嗜甜嘅我超鍾意這杯粉紅梳打，加咗類似士多啤梨奶昔味道嘅梳打記解渴又解辣，配泰國菜啱啱好🩷刺身蝦食得多，泰式生蝦🦐真係第一次試。這裡生蝦又爽又鮮甜配泰式汁醬更加惹味。係我心目中今晚嘅主菜。魚餅拼蝦餅做得比一般juicy鮮嫩值得一讚👍🏼其他仲叫咗安格斯牛肉冬蔭乾撈麵同泰式清湯牛米粉。一個比較少食到又tasty, 一個比較清淡。叫到成枱都係都唔洗$500，真係定價親民、性價比高！Aroma Thai Food太子汝州街39號廣勝大廈地下B舖@aromathaifood#泰北菜#GoongCheNamPa#泰式生蝦#ThaiShrimpCeviche#泰式粉紅梳打#泰式魚餅蝦餅#安格斯牛肉冬蔭乾撈麵#泰式清湯牛米粉#香茅炸雞翼#太子探店#ChopsticksAndForks #FoodyRuby #LifestyleInfluencer #MyFoodDiary #FoodBlogger #FoodBlog #FoodLover #Foodie #HKFoodBlogger #HKFoodBlog #Digita

泰國菜就食得多，但泰北菜係香港就比較少見啦🤭餐廳裝潢以沉實黑色為主，但卻有令人感到安靜放鬆，可以好好同朋友一邊享用美食一邊傾偈😆😆Aroma Thai Food 招牌美食係泰北金麵，金醬仲係主廚自家調配而成，絕不用現成嘅咖哩醬，睇得出係用心小店，美食絕對有質素🥰🐔泰北烤雞金麵自家製金醬香氣十足，食落就知係用心足料之作，擺盤都好講究，淨係睇都流哂口水🤤上枱時店員仲會介紹獨家食法，先將炸脆金麵球壓碎，拌入全蛋粗身金麵一齊食，雙重口感好滋味😎記得要連埋酸菜、辣椒🌶️碎、紫洋蔥🧅一齊食，烤雞扒皮脆肉嫩，仲已經切成一件件方便食用🐔泰式椒麻手撕雞哩個係必食之選🏆秘製椒麻醬好惹味，加埋爽脆嘅青瓜絲、洋蔥🧅絲、芽菜等等，手撕雞肉質嫩滑，份量仲好多添，酸酸辣辣好清爽開胃😍🦐薄脆蝦餅平時嘅蝦餅都係厚切，第一次食薄脆款，薄身蝦餅口感會更加脆身而且真係食唔停口🤭一客有5件，兩個人分享剛剛好❤️🍋檸檬草南姜飲除左泰式飲料🥤泰奶、咸檸七之外，仲有養生選擇🤭我地都揀咗檸檬草南姜飲，南姜嘅姜味係較溫和順口，依家天氣涼涼地飲完就暖哂

呢間泰式食店入面裝修簡單而有特色，充滿泰國風情。首先試咗泰式清湯金邊粉，入面有牛柏葉、牛肚、牛肉同牛丸。湯底清甜，牛味濃郁，配上彈牙嘅金邊粉，食落去好暖胃。牛柏葉同牛肚都煮得啱啱好，唔會太韌，牛丸亦都好彈牙。泰北豬頸肉金麵撈面都係必試之選，豬頸肉夠香口，烤得剛剛好，肉質嫩滑。金麵撈得夠乾身，配埋特製醬汁，味道一流。泰式生蝦同薄脆蝦餅都係小食佳品。生蝦好新鮮，配埋少少辣醬，鮮味十足。薄脆蝦餅外脆內嫩，蝦味濃郁，食完一件又想再食。泰北清湯生菜伴馬拉盞醬，清新爽口，生菜脆口，配埋馬拉盞醬，鹹香惹味。飲品方面，檸檬草南姜熱飲好特別，暖身又有香草香氣。凍嘅泰式奶茶就係經典，甜度適中，茶味香濃，唔會太膩。

係太子花墟行完街, 同朋友決定係附近食個lunch. 👅朋友好鐘意食泰國野, search到呢間, 見到佢既金麵同生蝦超吸引, 就決定試下!!🌻泰式清湯-慢煮水門雞湯粉個雞冇骨 仲要好嫩滑 加埋個泰式海南雞飯醬 唔錯泰式清湯係用左大量豬骨同雞架淆製 口味偏甜 加少少魚露同埋醋 隻溏心蛋仲要好出色🤤🌻泰北安格斯牛肋條金麵泰北金麵本身醬汁已經充滿住濃濃奶香 香港黎講 咁香濃嘅金麵真係好少有配上已經好入味嘅安格斯牛肋條 唔單止口感豐富 味道仲好濃郁🌻小食拼盤拼盤包含咗魚餅 蝦餅 泰式腸 炸豬皮 同 炸雞件我本身都勁鍾意食蝦 所以有時食到粉味多過蝦味嘅蝦餅都會覺得失望 幸好呢度嘅蝦餅未至於大大舊 但相反地蝦味濃厚 同佢嘅外表成強烈反差 值得一試魚餅味道上有少少似但口感完全唔同 至於炸雞件我認為屬於出色 主要都係外脆內juicy 基本上好似日式炸雞口感 完全擺脫泰式好多小食偏向炸後較乾身嘅缺點最後炸豬皮方面 脆得來乾身唔油膩 怪不得見到佢係其他麵都會配上🌻泰式生蝦每次食泰國野我都一定會叫泰式生蝦呢度既生蝦都相當唔錯生蝦一上枱擺盤好有心思 每一隻都已經配好左一款蒜片 辣椒同

💦今日天氣好熱 咁岩同同事係附近開完會 想食番D辣野開下胃 見到呢間泰國嘢都接近滿座 就決定試下呢間餐廳最出名就係泰式麵 唔單止係金麵 仲有湯粉同乾撈 同同事身為食麵愛好者 決定同同事一人一碗try try佢✨烤豬頸肉冬陰功乾撈麵烤豬頸肉配上乾撈冬陰功麵 豬頸肉塊塊都好厚切 而且仲有溏心蛋結合咗豬肉嘅濃郁煙熏味同埋冬陰功嘅酸辣風味食落去同平時食時嘅冬陰功好唔同 而且好好味!✨泰北安格斯牛金麵拎過黎個陣已經聞到好香 金醬個味類似咖喱咁 不過再香好多 有濃郁既椰漿味同香草味仲會配埋偏甜既酸菜 估唔到係咁夾 完全唔覺得Heavy 當中嘅酸菜唔似平時出面食嘅咁重酸味 係帶有甜味嘅個牛肉好嫩 加埋蛋麵同炸到脆卜卜既蛋麵波波 撈埋一齊食 真係唔錯✨泰北清湯生菜半馬拉盞醬食左金面之後 想叫埋D清爽D的配菜 所以就同朋友嗌左碟菜呢碟生菜配上清爽嘅泰北清湯再加埋佢本身附上嘅馬拉盞醬 清淡得黎又食到湯本身嗁鮮美口感✨香茅炸雞翼呢碟雞翼炸到熱辣辣 脆卜卜 但又唔會柴加埋隔離個泰式醬汁真係一百分鐘意食雞翼嘅朋友一定唔可以錯過✨青檸梳打lunch加野飲特價$14估唔到一上枱咁大杯 酸酸甜甜清爽 天氣咁