Aroma Truffle (已結業)

繼咸蛋魚皮之後，另新加坡人氣薯片品牌Aroma Truffle都來香港插旗。Aroma Truffle有3隻口味，分別係原味，Parmesan Cheese 同蜜糖芥末，3隻口味都係$69 一包。Original 原味 (大推)一打開包裝，陣陣松露的香氣湧出來，微鹹, 連本身不愛黑松露既人， 都大讃好食。Parmesan Cheese巴馬臣芝士加入parmesan cheese 令味道層次豐富了，而且每一塊都有厚厚cheese包住‧更濃更惹味。Honey Dijon蜜糖芥末帶有點蜜糖嘅甜味，同松露撞埋一齊，異常地夾。上網睇先知原來Aroma既黑松露係來自意大利Spoleto農場，採摘後挑選出最佳貨品並加工保鮮，然後空運至新加坡作烹製及製作。100%手工烹製，100%新加坡製作。怪唔得知啲松露咁濃咁香。

作為一間黑松露專賣店，佢嘅黑松露薯片有保證，包到脹卜卜，一打開個袋已經陣陣黑松露味飄出黎，勁香勁濃！意大利頂級黑松露埋呢嘅厚薄度啱啱好嘅波浪薯片，口感一流，係呢排足不出戶嘅零食首選！------------------------------🥔◖Original 原味◗ $69原味係招牌產品，亦係最鍾意嘅口味，黑松露味香濃，食落一啲都唔假亦冇陣油臆味，微鹹已經好好食！ 🍯◖Honey Dijon 蜂蜜芥末◗ $69呢款味道帶有啲啲蜜糖嘅甜味，同黑松露亦好夾！ 🧀◖Parmesan Cheese 巴馬臣芝士◗ $69話就係芝士味，其實芝士味唔出，可能黑松露味太濃蓋過咗陣芝士味，但整體都好食！------------------------------每一塊薯片上面都有粒粒黑松露碎，高質又足料，個袋係ziplock袋，食唔曬都可以封返口佢慢慢食，唔會走氣淋曬！佢有網店同門市，想食隨時都買到啦！

之前同事介紹AROMA黑松露味薯片， 係新年之前買咗兩包試下，一包原味，一包蜜糖芥末黑松露味。 買完之後都唔得閒食，終於農曆新年有時間食啦。打開兩包脹卜卜嘅薯片， 就會聞到超濃郁嘅黑松露味。薯片係波浪紋嘅薯片，令到更加多嘅松露可以沾上薯片， 非常入味味道唔會太鹹。 至於蜜糖芥末味，除咗有松露香味還有蜜糖嘅淡淡甜味。

平時都會試好多唔同牌子唔同味道既薯片一直覺得熱浪先係王道咁啱行過附近望下食評又咁多人讚姑且又買包試試啦!佢係用真既意大利黑松露製作黑松露自意大利Spoleto農場，採摘後挑選出最佳貨品並加工保鮮，然後空運至新加坡烹製100%手工烹製，100%新加坡製作佢都有好多味選擇因為係第一次試，就揀左原味先一打開就聞到好香濃既黑松露味薯片本身又唔會太厚又脆、又香比起新加坡另外出名既各個牌子鹹蛋黃薯片我覺得呢個Aroma Truffle 薯片，更勝一籌!

一直都係Aroma Truffle嘅fans 😍,早排經過銅鑼灣先知道開咗實體店，原來仲係第一間海外分店添。作為小粉絲嘅我梗係掃咗兩包返屋企啦！今次揀咗原味同埋蜜糖芥末味，價錢一樣都係$69。一打開已經好濃郁嘅香味，意大利頂級黑松露配合口感酥脆嘅波浪形薯片，正！一食落去成個口腔都滿佈濃濃嘅黑松露味。完全食到停唔到口。至於蜜糖芥末味都好有驚喜，估唔到原來同黑松露係咁夾。而家開左實體店真係方便咗好多，下次一定要試埋其他口味啊。

這間喺新加坡開來香港嘅薯片店喺銅鑼灣同尖沙咀都有分店，主打一系列嘅黑松露薯片。咁我上星期就買咗一個原味試下。一打開，一陣好濃烈嘅黑松露香味就會飄出來，因為我個人其實對黑松露嘅味道本身並唔係特別鍾意，所以我講吓唔會覺得好吸引，但如果好鍾意黑松露嘅人就應該會覺得好醒神。薯片比較厚身驚波浪型薯片，所以咬落非常有口感。同埋除咗黑松露味，我亦都食到香草，咁食落去多一個層次，同埋Flash啲。值得一讚嘅係包裝有一個zip位俾食唔晒嘅人可以放着，等下一次食。

［零食新品—新加坡直送 黑松露薯片］Aromatruffle | 新加坡黑松露既粉絲有好消息啦，製作高質零食國新加坡又有新品！今次係厚切波浪薯片加黑松露口味！包裝一樣有優雅高級的風格，最中意撕開之後有得密封返，隨時都可以食返一開封的品質！今次一口氣買左兩包，因為一家五口都係薯片迷🥰 ..1️⃣「黑松露-原味」如果會買兩款口味，推介大家先試原味，打開包裝松露的香氣濃郁四溢！立即吸引到坐係沙發的媽媽衝過黎試，佢一向好怕市面好假的人工黑松露油！食完大家都大讚，薯片厚切薯味香濃，波浪切法能夠把松露粒同調味鎖住！每一塊都平均調味！後勁帶有不膩但香氣濃郁的松露味！ .2️⃣「黑松露巴馬臣芝士」加入parmesan cheese 令層次更豐富，而且芝士份量超多，每一塊都比厚厚cheese包住！更濃味，完全停不到口呀！ $69 一包，但絕對係會再入購的高質零食..想食既可以入佢官網就可以購買————————-#hkfoodplanet #香港 #香港美食 #香港火鍋 #hkig #hkfoodie #foodporn #foodphotography #likeforlikes #followforfollo

疫情前我家人成日飛新加坡開頭成日買埋晒啲班蘭蛋糕同鹹蛋魚皮番嚟都食到有啲厭後尾有次買咗呢隻黑松露薯片話係新手信 嘩！一試難忘之後每次佢去新加坡出trip我都會叫佢買返兩三包返嚟但自從疫情之後我就冇得再食呢隻薯片喇就係早排行街經過銅鑼灣發覺原來呢度有分店好少過海嘅我都唔知添仲要做緊特價 原本69一包買六包變咗59 即掃啦！其實佢有3款味原味 芝士 蜜糖芥末不過因為原味嘅黑松露太搶其他味其實都唔係好食得出所以我推介大家鍾意黑松露都係買返原味就夠 最好食！

Aroma Truffle前幾日行開銅鑼灣，經過一間專賣薯片嘅舖頭，原來佢係由新加坡過嚟嘅！佢間舖頭綠色背景已經好吸引，原來入面嘅薯片主要係黑松露味！令我忍唔住買咗兩包😆要咗一包原味同埋一包蜜糖芥茉一返咗屋企，就即刻開嚟試吓啦，一開個包裝黑松露味已經湧出嚟！佢嘅包裝仲有位可以zip住，食唔晒都可以留返下次食，夠方便👍🏻👍🏻蜜糖芥末個包，又有黑松露味，又有蜜糖味，2樣加埋又幾ok！黑松露原味就更加唔使講啦，係濃濃嘅黑松露味！雖然一包都要60幾蚊，不過真係令人食完都想繼續食！

其實買薯片嘅毛利率到底有幾高呢？高度可以開一間專門店只係買薯片，而佢只有三款產品，仲少過鹹蛋魚皮嗰間Irvings。三款產品包括原味夏松露薯片、松露蜜糖芥末薯片同埋松露芝士薯片。店員俾我試過晒三隻，我就覺得本身松露味已經好突出，加芝士甚至蜜糖芥茉反而有啲畫蛇添足。所以最後只買咗一包原味。$68一包薯片雖然有啲貴，但買返一包來獎賞一下自己一個星期嘅努力，我覺得好滿足。話時話，Aroma同Irvings都係星加坡公司，都係會開專門店買單一產品，marketing同包裝物料都有啲似，到底兩個牌子其實有冇關係？

本身係一名薯片控，發現原來上官網都買到Aroma Truffle 既黑松露薯片，仲可以速遞上門，就決定買泥試下。Black Summer Truffle Potato Chips Honey Dijon 蜜糖芥末味黑松露配蜜糖芥末同少許薄荷葉，食落口感鹹中帶甜。薯片既大小岩岩好可以一啖放入口，再製作成波浪形同上面有坑紋，令薯片既味道更加突出。Original 原味一打開個包裝袋，就聞到好濃郁既黑松露香味。比起蜜糖芥末，原味既黑松露薯片味道更突出，但又唔會過咸。如果買泥同朋友開心share，都幾推介買口味大眾化啲既原味。

今次介紹既係Truffle愛好者不得不試既黑松露薯片🤩 今次我地就試左Original同Parmesan Cheese 2款口味既薯片🤤 一打開已經聞到非常香既Truffle味啦 薯片係波浪紋款式 特別香脆 原味薯片每一塊都沾滿左黑松露粉 真係食唔停口😂 Parmesan Cheese再多一重芝士鹹香味 真係一次食唔晒都唔緊要 包裝有zip袋設計 非常貼心 鍾意食黑松露嘅朋友一定要試吓🌟仲可以係網購架

薯片相信個個都由細食到大，但黎黎去去食既都係一啲番茄味，洋蔥味，燒烤味或者其他味道。而今次既黑松露味其實我想試好耐，難得經開呢間鋪頭，因為作為薯片愛好者點可以唔試下呢😋😋今次買左兩隻味黎試下，一隻係原味黑松露，另外一隻係Parmesan cheese 味，兩者既分別主要都係一隻加左芝士，一隻係原味黑松露。💗原味黑松露味一打開個包裝已經聞到濃烈既黑松露味，好似將成粒黑松露擺左落口甘，但係食得多又唔會話好濟好膩既感覺！💗Parmesan cheese 黑松露味雖然呢隻打開同原味聞到既差唔多，但係要擺落口咀嚼就可以食到濃濃既芝士味，但呢隻食得多會有小小濟，但係我都推薦大家買黎試下！

零食中，我最鐘意食既一定係薯片，又香又脆，每次開薯片食都會食唔停架，上星期出左銅鑼灣做野，經過銅鑼灣希慎廣場，見到有新加坡嚟嘅薯片， Aroma  Truffle, 佢地仲推出左一系列既黑松露薯片，有新野緊係試下好唔好味喇。買咗黑松露原味同黑松露芝士味黎試下，薯片厚身，口感唔似平時食開既薯片，有D似墨西哥片咁，加埋黑松露味又香又脆口。個薯片袋設計都要介紹一下，因為特設左個zip位，咁食唔晒就可以密封住，冇咁易漏氣，岩晒OL係公司做小食。黑松露原味薯片鍾意黑松露既人士一定要試，打開薯片袋後，就有一大陣黑松露香味飄出黎，食落又香又脆，味道仲好香濃，你地一定愛上。芝士味黑松露： 呢款還加左巴馬臣芝士，除左有黑松露味仲加埋芝士既鹹香味，2隻味道max埋一齊又出奇好味道

2020年10月10日 星期六又到左一個可以好好休息既週末，雖然都要繼續在家中做公司野，不過唔需要太大壓力係屋企做野一定唔可以少得既係零食，因為可以令到個人精神啲，keep住有動力工作，雖然係會養成一個大肚腩，但唯有之後做運動補救啦首先要試嘅係呢一款黑松露薯片，配巴馬臣芝士味道，完全冇諗過薯片都可以有黑松露，因為一直以來黑松露俾我嘅感覺都係好矜貴，就算食西餐見到，都只不過係好少份量。呢一款薯片一打開包裝嘅時候，已經不斷散發黑松露嘅香味，俾我嘅感覺係好似落左好多黑松露咁，咬落去黑松露同薯片嘅味道好夾，再加埋巴馬臣芝士嘅香味，簡直係食到停唔到口至於呢一款就係原味黑松露薯片，可以真真正正食到黑松露同薯片嘅味道，感覺好似比巴馬臣芝士味健康一啲，同埋冇咁膩兩款都各有各好處同優點，而且份量都好多，係家庭裝，最後我同老婆足足食咗兩日先食得晒