Asiri

營業中

休息中

中秋節放假，想找一間稍微清靜地方吃飯，行經asiri呢間，諗起幾年前食過，就再去試吓。結果有驚喜，從餐湯、薯仔沙律起到湯咖喱及米飯全部在水准之上⋯⋯值得再去。可惜住得遠😅有機會一定再去。

點左個雞髀湯咖喱飯lunch set，有湯有沙律有飲品湯同沙律都幾好，合格以上主菜咖哩雞髀就好微妙，配菜比如西蘭花茄子之類就非常入味幾好食，不過咖哩湯就唔算好突出，香味亦係一般水平。雞髀就浸得太淋離曬骨，好似煲湯雞咁老晒，體驗一般。服務方面好榮幸可以體驗到油尖旺式暴力上菜，都算係有趣體驗PS 有一個侍應幾好笑容，但另一個就好暴力，所以又未至於好差嘅價錢方面 $140算係偏貴，相比起同類型咖哩店，140有更多更好選擇

味道普通份量離譜嘅湯咖喱，手指咁大嚿炸魚柳係多謝晒😡💢・・・・・・・・・・・・・・・・・・・・🍔 炸魚柳湯咖哩套餐 HK$118・味道：個炸魚柳其實唔錯嘅，唔係急凍魚柳係炸鱈魚。湯咖喱第一次食，好多蔬菜蓉同香料，甜甜辣辣咁，唔係好似平時認知嘅咖喱，但幾好食嘅。一大敗筆係，呢個份量真係太細喇⋯⋯大佬118得兩舊手指咁大嘅魚柳，只係靠湯咖喱啲蔬菜塞飽自己，真心唔掂-_- 另外湯咖喱啲蔬菜調味唔平均，有一兩個好鹹好重味🥵・口感：炸皮都幾厚，加上魚肉好細好少好孤寒，裝飯碟好細，所以睇落魚柳size正常，但其實好唔正常！個碟係裝骨碟啲size嚟咋-_-・・・・・・・・・・・・・・・・・・・・🤰性價比：低～🤰9衝度：不了～🤰結論：市道差唔代表要撳住市民個荷包搶嘅⋯⋯大佬HK$118你畀兩嚿手指大嘅魚柳我，講唔講得通呀😑・・・・・・・・・・・・・・・・・・・・

今日去咗鰂魚涌搵野食 經過見到餐廳環境唔錯，同埋有好多位就入去試吓！點知入到去 問個後生女樓面 「唔該請問可唔可以坐嗰度」 因為見到嗰陣成間舖得一台客 其他全部吉位 點知佢黑面態度極之唔友善話 咁你想坐邊度啊？ 全部都有人留位！真係O晒嘴！ 直接講句有人留左位！其實我好理解！唔明點解佢要咁串「咁你想坐邊度啊」但又講話有人留哂位！格主個口罩都fee到佢返工等放工嘅心態！啲嘢食就冇乜問題 係啲串燒硬咗啲 好難咬 ，但唔難食 環境都唔錯 不過對客嘅態度 真係完全feel唔到友善！

湯咖哩是好吃 已光顧了多次 但服務卻越來越差 樓面兩位小姐全程口黑面黑 仲衰過澳牛 入座後fing張紙喺檯面 講句"QR Code" 就彈開 埋單時另一位亦完全黑面懶得睬你 基本的禮貌完全沒有 估計不會再來了

出去太古搵foodie朋友食飯，當然係搵地膽決定食咩啦😀結果真係冇信錯人，去咗呢間估你唔到咁好食嘅日式咖喱餐廳 🍛😚。入去嘅時候，見到門口放咗特別餐牌，同熟人食飯就可以食墨魚汁🫢希望冇嚇親對面嗰個🤣結果個嘴都唔會好黑，放心！🌟墨魚汁魷魚black湯咖喱（$128）（+$3凍飲）（+$0蜜桃茶）（加一服務費）仲要係幾好食！味道夠，又有甜甜咖喱味，好多魷魚，仲有唔同種類嘅菜喺入面，分別有：西蘭花，茄子，等等，本來以為咖喱會好重香料，竟然我完全唔覺得多味精，反而幾養生😂😂😂平時我都冇食咁多菜。總括嚟講冇令我失望！會回頭的💓*並沒有享用餐廳任何優惠，不是試食活動。

經過見到聽講呢間餐廳都幾出名下所以見唔係要排好耐隊所以試下今次係第一次食我就order咗佢地都應該係最多人會order嘅湯雞腿咖哩飯lunch set會有咁飲品、湯同沙律本身都好期待因為香港要食湯咖哩都唔係好多舖頭有得食佢地個湯食落都幾濃咖哩味而且入面嘅蔬菜都好甜各款都有一塊雞腿肉煮得好滑不過就似係同湯咖哩係分開煮食得出唔入味薯仔沙律就正常發揮la不過係個湯有點唔太襯似係薑味嘅雞湯感覺有點怪不過整體係唔錯

話說喺鰂魚涌返工，唔細心留意都唔覺，原來呢條街有一間專食北海道湯咖喱既小店！自從以前喺北海道試過呢種料理之後，感覺上香港都好少搵得返🥲今次就入去Asiri試試佢🚩雞髀湯咖喱飯 套餐 $121前菜有薯菜沙律同雞湯，餐湯幾特別，沙律都好食！到個主餐，湯咖喱份量十分足夠，一堆雜菜+一隻大雞髀，咖喱唔辣都冇偏甜，送飯一流！不過雞髀略嫌唔夠入味，有啲可惜小店環境好有特色，牆上面都寫咗札幌嘅裝飾，有一種真係去咗日本嘅感覺𝗕𝗲𝗲’𝘀 𝗖𝗼𝗺𝗺𝗲𝗻𝘁📝美中不足嘅係午飯時間好多人，但係店員肉眼可見得兩個，上凍飲嘅時候連問佢拎飲管都要等好耐😵‍💫同埋價錢上面真係有啲貴未必會成日食，但係想食湯咖喱一定諗起佢𝗜𝗻𝗳𝗼▍ Asiri (鰂魚涌)📍鰂魚涌海光街11號漢威大廈地下1A號

因為係星期六去食，所以位處太古嘅依間餐廳嘅人流唔算多，一入門口就見餐廳有張bar 枱係到,餐廳個裝修好有日本風格客人可以邊食邊。首先想讚一讚依間餐廳嘅服務好好，老細會主動過黎介紹個menu有咩好食。..依間餐廳出名嘅食物係湯咖哩，咁我地分別叫咗雞髀湯咖哩同埋豚肉湯咖哩。前菜係一個薯仔沙律,係薯蓉加少少薯粒，好有口感，而且仲有一杯加咗薑蓉既雞湯。..上菜嘅速度好快，食完個前菜同個湯之後主菜就啱啱好上到。大約10分鐘左右。湯咖哩味道非常之好，濃度係比你感受到個咖哩嘅辛香，但又控制到個湯咖哩唔會太濃,入口柔順非。雞髀肉非常之嫩滑，豚肉份量極多，可以講係一個人好難食曬。湯咖哩配菜嘅味道亦都好好，南瓜茄子有炸過，但唔會覺得好油膩。食食下老闆拎咗D七味粉比我地,同我地講加少少係個湯咖哩到會令到成個味道昇華。..

雜菜湯咖哩(溫泉蛋)，蜜桃茶(凍，少甜）$121【5月限定】沖繩豚角煮湯咖哩(溫泉蛋)，蘋果茶(凍，少甜）$151薯仔沙律好食, 再配個熱湯湯咖哩如果辣一點會再好食D溫泉蛋必食!!!唔應該少甜

.🔺Asiri返左5日工，終於迎接3日假期🤭假期第1日黎到鰂魚涌Arte M睇展覽😼順便過黎食bookmark左好耐嘅湯咖哩飯😽.午市套餐包括餐湯、薯仔沙律、主食、餐飲🫶🏻主食試左雞脾湯咖喱&豚肉湯咖喱🍛黎到先飲一啖咖喱湯，清清甜甜唔算好辣，仲帶有香料味～然後拌上白飯👍🏻建議加些少辣粉會更濃味😽第一次食湯咖喱嘅體驗非常唔錯🤓老闆係日本人超級nice👍🏻可惜位置對小編黎講好遠，想再食都唔係咁容易😢

朋友知道我學寫嘢，介紹咗呢間出名湯咖哩，成日匆匆行經過，今次施施然入到嚟，輕鬆食完先見到人龍。我哋全部叫同一樣🍗 雞脾湯咖哩套餐$118餐前薯菜沙律加雞薑蓉湯，餐湯幾特別，我以為係檸檬水湯咖哩多汁，材料十足，味道香濃唔辣，紅椒絲裝飾幾好睇，不過多黑椒食完口唇有啲熾熱白飯另上，增量要加錢青蘋果熱茶，不設添飲聽講老闆日本人，餐廳地方寬敞。牆上黑板教學正宗湯咖哩食法，先將飯放匙羹上，再放落湯碗浸濕，直接入口又得連配料一齊送口又得。職員知我新手抄唔切，耐心重複食材名稱加分。無論上次我一個食，或者今次同人食都幾唔錯。

本身想食湯咖喱加左口魚西京燒，然後雞脾又冇，左口魚又冇，其實本menu既野都係只供參考，有咩都係scan qr code 作準，但係個網又冇相參考，最後叫左三文魚西京燒同牛小腸鍋。個牛小錫鍋偏咸都算，牛小錫又碎又韌，好似橡筋咁，然後收我兩百幾蚊一個鍋。唔知係咪真既日本味係咁既呢？

喺香港冇乜點見過有賣札幌湯咖喱嘅餐廳，所以對呢間餐廳嘅第一印象係幾有特色🤩 今次喺午飯時間叫咗套餐🌟 套餐有包前菜沙律主食同埋嘢飲～我叫咗一個豚肉湯咖喱配白飯🍚雖然白飯嘅份量作為女仔嘅午飯係啱啱好，但係食完個飯仲有好多湯咖喱剩低 感覺有啲浪費😣而且湯咖喱太鹹 飲晒個湯不太可能😣所以覺得性價比不太高⋯因為即使係午飯套餐價錢都要過$100 仲要有加一服務費添 所以平日應該唔會再點去食😬另外湯咖喱冇乜辣味 覺得鹹味掩蓋左一切 關於舒適度方面：小店裏面嘅裝修好靚 但係高枱坐得有啲唔舒服 所以想坐耐啲嘅客人可以揀正常位

鰂魚涌呢間湯㗎。你之前食過都唔錯，今次嚟就試吓其他嘢不過都係湯咖喱好食啲😂午餐價錢都唔平百幾蚊一個套餐包一個湯，沙律，主食同埋嘢飲，另收加一。🍴餐湯 (7/10)雞，薑同埋鹽嘅湯，幾香雞味，微微薑同鹽嘅味道，幾清香，好飲嘅！🍴沙律 (7/10)麻醬沙律，沙律菜片乾身，都清爽嘅！🍴 吉列豬扒牛肉汁牛油飯 $128 (7/10) 另收加一用鐵板上，望落份量都比較少，個飯係珍珠米，軟硬適中，濕度剛好。牛肉汁勁少，食落有少少茄汁味？酸酸哋，但比較淡，帶有少少牛肉嘅香味，但冇乜特別，可能太淡了，仲完全撈唔到個飯嚟食😂吉列豬扒，炸得好香脆，個炸粉都比較薄，豬扒好鬆軟好厚身係幾好食嘅，蔬菜都清爽但有少少油膩，係個汁比較少，唔夠香，食飯湯咖喱會開心啲！或者食咖喱飯唔使試呢個牛肉汁🤣🤣☕️檸檬茶 (7/10)得兩片檸檬，正正常常。推薦指數: 7/10都係會推薦湯咖喱，呢個炸豬扒牛肉汁真係冇乜特別，但炸豬扒係好食嘅🤣不過價錢都比較偏貴，埋單要$130。