影片
電話號碼
28912236
開飯介紹
予人感覺輕鬆的酒吧餐廳，是和朋友聚餐的好地方。以意大利近地中海省份的菜式為靈感，供應傳統和新派口味的意式料理。
繼續閱讀
營業時間
今日營業
11:30 - 22:00
星期一至五
11:30 - 22:00
星期六至日
08:00 - 22:00
公眾假期
08:00 - 22:00
公眾假期前夕
08:00 - 22:00
以上資料只供參考, 請與餐廳確認詳情
-
網上訂座服務暫停
影片
相片
Spaghetti Alle Vongole
+305
+14
相關文章
今日同男朋友嚟到跑馬地 試吓呢一間意大利餐廳 就喺電車站總站一落車就見到 間餐廳嘅環境都好靚，感覺好chill 通常間餐廳如果有tasting Menu 嘅話都一定會叫嚟試吓間餐廳嘅嘢食 今次都唔例外首先佢先黎餐包 係兩款唔同嘅意大利麵包 好鬆軟香脆 完全唔會硬到𠝹口 配埋黑松露醬好有風味 好好食🥹🥹前菜就揀咗意大利凍肉同芝士拼盤 同埋白酒炒蜆配香辣檸檬白酒糕湯同埋意大利香草包 芝士口感好香軟，亦都食得出有奶味而凍肉就有三款唔同嘅 每一款個口感同香味都好正 特別鍾意佢個辣肉腸 而白酒炒蜆佢個醬汁勁香濃，蜆肉又好肥美完全冇沙，仲要份量好多 個麵包同個醬汁好夾！主菜就揀咗大蝦蘆筍意大利Risotto ，佢個飯好香蕃茄味唔同嘅配菜同香草，而佢嘅大蝦煎得好香，個殼都煎到脆埋好正🙌🏻另外一個就揀咗意式烤乳豬配薯蓉同蘑菇汁 第一次食嘅烤乳豬，估唔到係咁出色，佢嘅乳豬部位揀咗類似五花腩咁樣，肉質係比較結實，而果皮又烤到好香脆 食落唔會好油膩 蒜蓉好Creamy配埋個蘑菇醬汁好食💖甜品揀咗Tiramisu同埋Panna cotta 本身想揀cheese cake但係啱啱賣晒啦🥹唯有下次黎試 佢嘅Tiramisu都幾出色，好香咖啡味同埋好Creamy 而panna cotta 好rich 好香奶味，推薦！Overall 呢個tasting menu 好抵食又食到好飽🤣下次會試埋其他同埋特別想讚吓佢呢度啲Staff服務態度好好 好nice 全程面帶笑容👍🏻🫰🏻
繼續閱讀
餐廳：Ask For Alonzo地點：跑馬地黃泥涌道菜式：意大利近地中海省份的菜式餐牌：Tasting Menu包前菜4選1，主菜6選1，同甜品3選1或者餐後甜酒/咖啡/茶，價錢$288加一。某些菜式要加錢。麵包每人有兩款各一片，烤得外脆內鬆軟，配自家製松露加巴馬臣芝士醬，食落又滑又香。麵包每人有兩款各一片，分別加有麥片果仁乾同果乾，烤得外脆內鬆軟，熱辣辣上枱，配自家製松露加巴馬臣芝士醬，食落又滑又香。Selection of Cold Cuts & Cheese精選意大利凍肉及芝士拼盤精選意大利凍肉及芝士拼盤用木板上，有三款凍肉，分別係salami，parma ham，同火腿，都好大塊。伴有鹹軟藍芝士同淡少少既軟芝士兩款，任君選擇。再加番茄乾，酸洋蔥圈，橄欖，同酸瓜等，可以平衡鹹味。Sauteed Clams白酒炒蜆配香辣檸檬白酒高湯及香脆意大利香草包 加$48 另加一連殼蜆大概有10幾隻，非常鮮嫩多汁，飽滿鮮美。個汁味道唔錯，只係微辣，酒味唔濃，加左好多蒜片同辣椒。配有兩片脆口多士，可以點汁食。另上兜比你放殼。Spaghetti Alle Vongole白酒蜆肉意粉蒜蓉白酒檸檬汁炒蜆肉意粉伴意大利香芹 白酒蜆肉意粉用大大隻兜上枱，幼身spaghetti好al dente，橄欖油味濃，灑上香草，我叫左走辣。下底原來有8隻連殼蜆，同前菜白酒炒蜆一樣咁飽滿同鮮美。調味料有蒜片，本身個意粉海鮮味已經好香。Roasted Italian Suckling Pig意式烤乳豬配薯蓉及蘑菇汁 加$58 另加一意式烤乳豬賣相出色，燒得皮脆肉爽既一大塊放係薯蓉上面，外圍係豐富加有雜菌既蘑菇汁，食落啖啖脂肪，帶有滑溜醬汁同薯蓉，不過唔會乾，好邪惡。Cheesecake芝士蛋糕配士多啤梨醬大大件芝士蛋糕面頭加上士多啤梨醬，外圍再加上紅莓醬同灑上糖霜。滑溜芝士蛋糕好滑，加上脆脆餅底同莓醬好美味，唔會太膩，口感似布丁。鮮蘋果汁，鮮橙汁 各$48 另加一鮮橙汁有好多果肉，飲得出係新鮮。蘋果汁味道清甜。今餐食物唔錯，意式烤乳豬特別有特色，蜆非常肥美鮮甜。餐廳環境半開放式，感覺好有外國feel，好多人收工黎happy hour。外籍服務員態度友善。
繼續閱讀
跑馬地電車總站旁🚊呢間西餐已經好有聖誕氣氛🌲員工態度非常好。而且$288已經有Dinner set: 前菜+主菜+甜品/餐酒/飲品🤩👍🏻呢個價錢喺第2間可能只得一個主菜咋😋前菜：Roman meatball 勁香肉味，鮮茄加拉絲芝士味道好吸引呀🍅Sauteed clams 啲湯汁有蜆嘅鮮味，啲蜆剛好熟，係爆汁嘅texture👍🏻出色主菜：乳豬一舊肥一舊瘦balance翻，啲汁係蘑菇味，加落薯蓉都幾襯。蜆肉意粉超多😚意粉al dente🫰🏻甜品🍰：Cheesecake 係creamy嘅texturePanna Cotta 都好綿密，朱古力同紅莓味超夾我地飲咗lemonade同juice幾好飲，同場其他枱枱都有飲酒睇落都好正🥂🍷🍸呢間值得支持，有唔同分店大家約朋友真係可以去⭐️📍Ask for Alonzo
繼續閱讀
入到黎跑馬地，都可以食到$288位既意大利tasting menu！真係聽到都興奮，食落就更Happy！𝗪𝗛𝗔𝗧 𝗪𝗘 𝗢𝗥𝗗𝗘𝗥Ask For Alonzo Tasting Menu $288 per personStarter✨ Tomato Bruschetta上面舖滿左大量鮮紅又鮮甜既蕃茄碎粒，麵包脆口又有香味，夾埋味道一流舖係底既火箭菜顏色翠綠，靚過市面見到既火箭菜好多呀！💕食落都食，非常香甜，就算食菜前，個種香味都沾左係麵包上面 😝✨ Roman Meatballs (+$38)三大粒，茄汁由新鮮蕃茄製作而成，每一粒上面仲舖左烤過既芝士，芝士味濃又香😉Main✨ Prawn & Asparagus Risotto (+$28)湯汁好豐厚既意大利飯，飯底軟硬適中，味道香甜，有龍蝦湯汁既味道✨ Nduja Salami Spiralotti香辣味道好重既醬汁，食落好開胃螺絲粉軟硬適中，廚師真係處理得好好！Dessert✨ Cheesecake口感好軟滑既Cheesecake！意大利意芝既味道！唔係個種帶d硬身感覺既cheesecake，依個軟滑得好似cream咁既feel ~ 個餅底都唔馬虎 👍🏻✨ White Chocolate Panna Cotta意式白朱古力奶凍其實唔會好似佢個名咁太甜，反而係似牛奶味好濃郁既牛奶布甸🍹Italian Lemonade $38🍹Cousin Vinny Espresso Martini $88一間性價比咁高嘅意大利餐廳，質素又唔差。地址都容易reach到，一落電車就係。店員又nice 😉 ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ
繼續閱讀
最近試咗一間意大利餐廳，真係好有驚喜！佢哋嘅菜式都幾精緻。首先上嚟係精選意大利凍肉及芝士拼盤，多款肉類同芝士搭配。芝士香濃，口感層次分明，特別啱做開胃小食！接住就係羅馬肉丸配蕃茄醬及巴馬臣芝士，肉丸煮得剛好，好juicy，配上濃郁的蕃茄醬，再加上巴馬臣芝士，好正。再來係卡邦尼意粉配風乾豬面頰肉，意粉煮得啱啱好，醬汁濃郁，風乾豬面頰肉鹹香四溢。然後試咗大蝦蘆筍意大利燉飯。飯煮得軟滑，配上新鮮的大蝦同蘆筍，龍蝦忌廉湯醬香濃，口感一流！最後，當然唔可以錯過佢哋的招牌提拉米蘇，層次分明，奶香味十足，咖啡味適中，甜度剛好。另外仲試咗芝士蛋糕配士多啤梨醬。芝士蛋糕滑溜，酸酸甜甜的士多啤梨醬令味道更加清新。
繼續閱讀