Azooms

營業中

休息中

讚1.飯卷餡料同飯都幾好，蔬菜粗幼切得均勻，飯軟熟，麻油味香；魚糕都入味；辣年糕既醬都開囧；整體係有水準彈1.飯卷係唔夠實，明明見佢新鮮包既，但返到屋，用手拿都有一半係散晒，搞唔掂呢2.速度的確係慢，宜家其實客人唔多，去買時都係得四五個人，但都要等四個字

味道：⭐️⭐️⭐️⭐️天氣又凍，晚市又冇得堂食🤢日日係到煩買咩外賣🍽 做香港人真係攰🥱今次發現呢間高質外賣自取小店！揀外賣又多一個選擇啦🥰❶紫菜飯捲 $45揀咗原味嘅紫菜飯捲🍙飯軟硬適中 帶有好香既麻油味當中配料非常非常豐富😍雖然有啲醃製品本身唔係太鐘意食🤣但係擺埋一齊之後食落嘅口感好爽口 又幾正👍🏻呢間算係我係香港食過最好味既紫菜飯捲😈仲食到以前係韓國食既味道🇰🇷❷辣炒年糕（大）$50用一個紙碗裝住 睇落份量偏小😣兩個女仔share教只係勉強算夠既🥱食落除左有主角年糕之外仲有魚糕！！🐟 而且份量都算多😽食落甜甜辣辣好惹味而且好煙un🦷真係食到停唔到👻

Azoom曾經在OpenRice也是榜上有名了一段時間。她只是一間小小的外賣店，但卻永遠吸引住一條打蛇餅的隊伍。當日到荃灣行街，順便去呢間餐廳打個卡。店舖內的服務員全部是韓國的阿豬媽，他們馬不停蹄的正在包飯卷，炒年糕和粉絲。價值$50的飯卷略嫌有點貴，但當你食第一啖嘅時候，味蕾好似去咗韓國旅行咁樣，麻油和芝麻味10分搶喉，後而有切得十分均勻的蘿蔔絲、青瓜絲、蛋絲等。牛肉份量絕不吝嗇，而且肉味亦相當特出（事前有醃製過）每件飯卷有如拳頭一般大，食哂已經相當飽肚。

好耐沒到訪韓國，心思思想食韓式飯食物，上個月行完山3點多剛經過想買來一試，點知原來這店都有下午休場時間今星期再嘗試去買，今次選擇專程去買，到達時間約1點左右，可能熱潮過了，沒有人排隊，只有少部份人在等候食物，只需10分鐘左右就取到食物。飯卷是即叫即做，見職員個個密密手在做，保持食物新鮮。Order了一個原味紫菜飯捲（$45）及豬肉紫菜飯捲（$50），豬肉比較好味，微辣，有可能因為豬肉有調味及醃過， 故有少許醬汁，加上比較乾身的飯，豬肉比較吸引。而原味飯倦只蛋絲， 蘿蔔絲等等都是乾身食材，故口感乾身及淡味。

該店專做外賣，紫菜包飯由幾位韓國阿珠媽👩🏻即叫即製😋，食物賣曬就收鋪的啦， 所以想試就要早少少來排隊啦🙈👉 芝士紫菜飯捲飯捲味道同韓國🇰🇷在地食到差唔多（好耐冇去旅行😫）材料有齊黄瓜、蘿蔔、雞蛋絲再加上芝士🧀， 但略為太齋同飯比較乾身， 唯一就係大件同性價比都算唔錯🙊👉 特選紫菜飯捲不推薦俾大家😣 飯同樣有以上的問題較乾， 加上裡面放左偏苦的火箭菜?🤔同炸左好耐的炸蝦🍤， 味道就可想而知🥶 下次都係買返普通豬/牛肉可能比較好🙃

之前一早人氣高企嘅韓式飯卷店主要都係阿朱媽經營今日假期日子起初擔心人多都買唔到點知12:00pm左右到店都無人龍出現排隊等待5分鐘左右就買到伴菜款式都有好幾款選擇價錢都好相宜$20-$70不等飯卷只有六款，價錢由$45-$60左右🌯份量都好合適，一條切起，大概有九件左右，不多飯餡料好豐富，蛋絲佔嘅比較最多，蘿蔔絲好爽脆，味道好清爽可口，唔膩，🥕🥚健康之選另外有兩三款炒嘅熟食，炒粉絲及炒魚糕🍢，還是即炒年糕及炒飯

呢間舖都算新開，見網上好多人好評佢又排哂長龍咁，真係想試試佢。難得星期日晚經過冇人排隊，我都懷疑佢係咪賣晒，於是即刻入去問佢飯捲仲有冇😹。.見收銀隔離有預先整好左既一盒盒飯捲，就知道未賣哂😆即刻嗌個牛肉飯捲黎試試佢先啦！！呢條牛肉飯捲$50，一打開見到面頭有層油，應該係麻油，但又冇乜香味。好啦，試一舊先，errr都冇乜味。有啲青瓜味同蘿蔔味，但就冇乜牛肉味⋯😭即使好比心機去試，終於有啲牛肉味，但都係普通既牛肉，有啲失望。以為係好重牛味，好juicy。唔知豬會唔會好味啲，但真係冇乜興趣再試第二次。$50黎講性價比都幾低🙁🙁

見到社交平台有介紹，之前又無晚市好有晚餐外賣需要，就即刻去買，因為見到佢寫夜晚八點就閂門，我嗰下已經19:45，驚佢已經收咗工，所以打電話去問一問先，一個韓國阿豬媽聽電話，佢就話仲未閂門，可以電話落單先！好彩有打電話去落order先，因為如果喺門口等要等超耐...叫咗一個吞拿魚紫菜包飯$50，韓式炒粉絲$30(小）同埋辣豬肉飯$55。紫菜包飯好足料，口味正宗，因為真係由幾個阿豬媽整嘅。呢個值得再買！雜錦炒粉絲就普通啦，可能因為已經成盒凍咗（唔通係凍食嘅？！），辣炒豬肉飯都OK，唔會太辣有啲泡菜咁。如果下次再食嘅話就淨係買紫菜包飯就夠，其他嘢唔使試了～

荃灣嚟左阿豬媽🤩🤩 冇錯！就係有間新開人氣韓式小食外賣店🥳有阿豬媽親手整嘅紫菜飯捲 仲有涼拌小食Kimchi、Bean Sprouts等等😚.店舖開放時間12:00-13:30 & 18:00-19:00)平日17:30去到 前面已經有10個人排緊隊😂😂我等到大約18:20排到去小食店門口 等多15mins就可以落order再拎野食了～.👉🏻芝士飯捲 $50一盒有9件飯捲 每件size都有番咁上下份量都幾足夠 最後我食唔晒做早餐🤭配料有雞蛋絲、蘿蔔絲、青瓜同埋芝士超級豐富 佔嘅份量係壽司嘅2/3🤪壽司飯就佔少量 稍嫌飯粒口感較硬.👉🏻辣炒年糕(小) $30我叫左個small size年糕 但佢個份量係足夠兩個人share醬汁好濃 仲要越食越辣😳口感有啲煙韌 軟硬度適中

終於可以搵到一間韓國餐廳嘅紫菜飯卷 唔係油笠笠整定晒架啦❤️好好食呀～第一次試左牛肉同原味🌯🌯👍🏻👍🏻正 好足料 （留意到阿豬媽 切啲蘿蔔絲 蛋絲 青瓜絲 都切得好靚 每一條差唔多粗度 靚靚✨炒年糕完全係韓國市場食到嗰啲咁 唔係平時其他餐廳甜嗰隻至於炒粉絲 望落去隻色同平時嗰啲係淺色啲 但係食落去 好好食㗎😋唔多油 👍🏻絕對會再幫襯😋

依家疫情關係無得周圍飛周圍去，見荃灣開左間韓食店，一於試下🙈今次係第二次幫襯喇👍🏻第一次我同我男朋友由5:40pm排隊（6pm開門），個陣我地前面已經8/9個人等緊排隊，個次正係買左原味飯卷 + 大既辣年糕，一試之下，正呀！係韓國呀豬媽既味！一定要再encore😊今次我一起身刷完牙就飛奔落去排隊，11:50am到（12noon開門），我排第六個😙，等左無一兩分鐘條人龍愈黎愈長😧難怪之前有人話中午1點幾去已經比人折龍，仲要好多野賣曬🤔，所以想試既你地記得係佢開鋪前排隊，禁先買到心頭好😂😂😂因為真係好多人...後面係排到打蛇餅......今次我叫左2條原味 @$45同 1條牛肉飯卷@$50個人比較鐘意原味👍🏻牛肉既我厭有陣牛so味😂但我男朋友話幾好食都🤪佢材料好多 飯比例上少一盒9舊對於一個普通女仔黎講應該都夠曬飽😂然後試埋炒魚糕 同 粉絲（細）@各$30炒魚糕：我覺得偏咸 同 比較硬身 整體一般炒絲：我屋企人話比較淡，但我就覺得岩岩好😂，幾好味😋辣炒年糕：今次我買細既 拎返屋企已經吾夠熱，所以d年糕都偏硬。但上次我買大既年糕望住佢即炒，返到屋企熱辣辣，超正！辣味好夠 好香 軟硬適中 😙👍

先講優點 : (5星滿分佢有4.5星)1) 買左咁多樣野試最出色既係Special Gimbap, 一咬落去口感非常juice, 入面有沙律醬有菜有肉, 岩哂一啲唔食得辣 or 想食低卡路里少少既人 or 想當早餐或者tea time食都一流!! 👍🏻(我不確定Special 款會否每日相同??) 🤔2) 其次推薦既係Spicy Pork Gimbap, 佢個豬肉真心好入味, 味道係韓式辣辣地甜甜地個種, 仲有我特登近鏡影俾你地睇!!! 佢配料既比例係多過飯好多好多! 而且件件都係咁大舊! 最重要既一個point係呢間小店係即場購買即時整, 食物既質素夠新鮮! 包裝好細心啊豬媽會係每個盒上面貼返Azooms既Logo😳3) 佢夜晚開6pm, 我今日6:15pm到達小店排隊, 目測有30個人排係我前面, 差唔多排到我購買既時候已經8pm,(佢哋營業時間到8pm) 小店非常有Heart佢哋唔介意OT照做哂所有排緊隊既客人, 雖然我由排隊買到取貨等左3個鐘已經9:10pm, 我後面仲有10幾個客但小店仍然俾佢哋Order哂先cut order, 真的辛苦你們了!! ❤️小食 : (每個人的口味

外賣試新嘢 - 韓式紫菜飯捲 + 什錦炒粉絲左：芝士紫菜飯捲中：牛肉紫菜飯捲右：豬肉紫菜飯捲 🌶🥢紫菜飯捲 (Gimbap) 全部即整即包，亦都因為咁，所以排隊等好耐；但好足料👍🏻👍🏻 ，味道好味😋 而什錦炒粉絲 (Japchae) 就炒定嘅，我買個陣已經凍咗，如果想熱食嘅就要返屋企再炒炒佢，韓式粉絲好彈牙，入味嘅，但就無乜材料 🥢PS. 大家一定要經得起等待先得，我足足排隊等咗1小時🙃💡 佢地午市開 12nn (但2 點就差唔多賣晒,佢地賣晒就會關門）； 晚市再開係 6pm （但收8pm)食嘢都要加油啦大家 😂😂💪🏻💪🏻💪🏻💪🏻💪🏻🥢

❤️超推薦的外賣店❤️上網見到這間新開的韓國小店，在荃灣番工的我當然要試下😋在平日時候同事12:30到鋪已經好多人😱由於叫埋炒野關係，由排隊到取餐大約要1.5小時！🍴食物🍴1️⃣辣炒年糕（L)$50，醬汁好惹味，開頭覺得唔太辣，但後勁就越食越辣😝年糕份量都幾多👍🏻2️⃣泡菜炒飯（L)$55，炒得好香飯又夠乾身，泡菜好食😋整體好正，推薦👍🏻3️⃣GIMBAP紫菜飯捲$50（芝士），芝士將飯卷味道提升，夾埋靑瓜, 鷄蛋, 紅蘿蔔, 甜酸黄蘿蔔, 牛蒡超正😋💥服務💥5位也是韓國人，不過識少少中文，感覺去咗韓國一樣😂⚠️總結⚠️總括來講是我會再幫襯嘅小店✅（5❤️為滿）食物：❤️❤️❤️❤️服務：❤️❤️❤️環境：❤️❤️❤️

見ig有推介 星期六就去左買 5:50分去到見到佢閂左門話6點先再開 果陣條龍都好長 目測前面有30-40人 不過諗住佢開左門條龍就好快散 所以照排啦 點知最後真係8:45左右d食物先到手🤦🏻‍♀️🤦🏻‍♀️ 個收銀阿豬媽做野超慢 睇住佢每次pack野入膠袋都會好慢咁痴膠紙再將d盒入袋 重點係每次都會擺完入去又攞番出黎再執 pack過咁多次都唔知d盒應該點攞落膠袋咩 真係見到都忟🔥🔥 呢條30-40人既人龍 搞左2個幾鐘 終於到我order 好多小菜都己經冇哂 淨係要左個kimchi同菠菜做前菜 再要左個芝士gimbap同個special 同埋bibimbap with beef 落完order再等左半個鐘先有得攞🌚🌚 佢話收8點 我地8:45走果時條隊都仲有30人左右🌝🌝 大佬做野咁慢佢地都唔洗收工啦🤷🏻‍♀️🤷🏻‍♀️ 講真係好好食既 暫時香港黎講佢係好高質 外賣價黎講gimbap有少少貴不過都大件既 同埋真係韓國阿豬媽整 kimchi好好食好正宗唔死辣而係食到d甜味👍🏼👍🏼 但值唔值得等3個鐘係另一回事囉 佢只做外賣都可以咁慢 點搞🤦🏻‍♀️🤦🏻‍♀️