Baan Phadthai (已結業)

如題，食肉碎煎蛋飯出事平時我極少肚痾食完呢餐第二日痾咗3次我同先生全餐飯都share食唯獨佢冇食蛋冇肚痾所以我覺得係關個煎蛋事流心蛋黃要確保隻蛋個質素係可以for生食一係就要適當溫度儲存d蛋滋生細菌食痾人一係就間餐廳唔衛生計我話 就算幾好食 食到人肚痾 都真係不了仲話米芝連？ 搞笑

今日推介嘅呢間泰國菜係我心目中嘅🥇No.1，最大嘅優點就係超值，食物又整得好好食🤤每次嚟到我必定會叫呢個船河，上面配料有🐮牛肉，牛腩，牛丸，面同配料嘅份量都好多，特別鍾意食佢手打牛丸非常彈牙兼好有肉味，真係好味到不得了🤤🤤🤤🤤呢度嘅燒🐖豬頸肉炒金邊粉，豬頸肉燒得外層焦香帶微脆，🍝炒金邊粉好正宗地道，鋪係面嘅配料都很多，正‼️食物優質味道亦都做得好正宗，呢度食品選擇都好多，除咗食物有質素外，呢度既招呼都好好，👄落單時都會推介下其他食物，所以我都經常會來❤️

東港城竟然有米芝蓮二星嘅泰國餐廳，反正去開差電就試下。不過食完嘅總結係大失所望😰，除左價錢貴啲之外，完全唔明同米芝蓮有咩關係，真係期望越大失望越大😓！🦀生拆蟹肉炒飯🍚啲飯係粒粒分明，不過只好普通嘅炒飯，蟹肉唔係好覺眼，都唔係好食得出😅，不過上面鋪左啲蟹子補數😆。朋友嘅評價係”nothing special. Just another fried rice”🫥🐥燒雞炒金邊粉🍝金邊粉炒得okay，夠味，唔油膩👌。可惜燒雞嘅份量少🙄，似唔係即刻煮又無反熱，食落凍冰冰🥶，唯有收埋係金邊粉入面嘗試整暖少少，仲有雞肉都幾乾，幾嚡熠熠🥴，我唔係幾識欣賞🫢。

今日朋友聚會喺將軍澳去左呢間食泰國菜，未入店係外面已經見到全店滿座八九成，好在有早小小到🤨🤨🔷燒虎蝦炒金邊粉🔹賣相唔錯，虎蝦爽口彈牙，金邊粉炒得夠乾身一啲都唔油膩，口感煙韌🔶沙嗲雞串🔸串燒我哋選擇咗雞，肉質嫩滑仲好惹味，配上自家製泰式沙嗲醬💯滿分🔷青咖哩雞🔹咖喱香味好濃郁清爽，而且咖喱汁濃杰度啱啱好，非常好味🔶芒果斑蘭葉糯米飯🔸班蘭葉提升椰汁嘅香味，配合香甜芒果果肉味道特別之夾呢度食物出色感覺到👨🏻‍🍳廚師的用心製作，一啲都唔馬虎，所以我哋都有一致認為下次想食泰國菜都會揀Baan Phadthai👍👍

難得今日唔洗OT，Lunch即刻走人。自己係公司附近食野先走，所有食物都好滿意。果然成個體驗都沒令我失望💯。船河（牛肉，牛腩，牛丸）呢個係最令我印象深刻，超級多送，牛肉夠肉味，牛腩又淋又入味，牛丸非常彈牙，惹味鹹香。河粉好滑好入味，入口即溶，口感豐富。因為吸收所有食物精華嘅關係味道好出色，又不會太油膩，👍🏻泰式奶茶呢個係我去泰國旅行一定叫既飲品，奶茶茶香滿載，茶色夠，茶味唔會太濃但係好香，真係食任何食物都要飲一啖。同事們都好鍾意呢度既裝修風格，好放鬆、食物都唔錯，個個食得舔舔利😌

一見到呢度開多間米芝蓮泰國餐廳就好開心，放工即刻嚟試食。其實都開業咗一段時間，所以都唔使點等位，座位都闊落舒適，不過食物嘅選擇好偏少咗啲，味道都可以，不過無驚喜。燒豬頸肉炒金邊粉，豬頸肉同金邊粉我都好鐘意食，但係呢個太辣，餐牌又無寫明，完全食唔到。無骨海南雞飯，雞肉都幾好，飯嘅油香味同軟硬度適中。泰式豬手一隻，軟淋入面，唔錯。

泰國過江龍Baan PhadThai 最近喺將軍澳開左，自2018年起連續6年獲「米芝蓮必比登美食推介」，今日經過冇理由唔來試吓😬呢度裝修充滿民族風情，木材擺設配上復古裝飾，好有置身泰國嘅感覺😌🐔招牌無骨海南雞飯聽講佢哋嘅無骨海南雞飯其選用三黃雞🐣，用秘製滷水同雞湯自家浸雞，雞肉嫩滑，油飯以泰國香米加入多款香料烹煮，油香芬芳😋配上暖暖雞湯，三種醬料畀你揀，包括黑醬油、自家製薑蓉及辣醬組成三色醬，值得一試👍

𝗣𝗹𝗲𝗮𝘀𝗲 𝗳𝗼𝗹𝗹𝗼𝘄 𝗺𝘆 𝗼𝗽𝗲𝗻𝗿𝗶𝗰𝗲 𝗮𝗻𝗱 𝗶𝗻𝘀𝘁𝗮𝗴𝗿𝗮𝗺 @𝗺𝗶𝗰𝗵𝗲𝗹𝗹𝗲𝗳𝗼𝗼𝗱𝗳𝗶𝘁 ❤️連續五年獲得米芝蓮推薦嘅泰國餐廳 泰式肉碎沙律 即係生菜包 😂 屬於小辣程度 如果冇咁咸會好食啲 沙爹豬肉串 燒至微微焦香 配上醬汁幾好食 清炒通菜 點左蒜頭炒 正常水準鮮菠蘿炒飯 帶有薑黃味 飯粒分明 有d腰果增加口感 燒豬頸肉炒金邊粉 豬頸肉燒到幾香口 好足料可惜金邊粉食到一半真係太……油喇🥴 芒果斑斕糯米飯 椰奶雪糕斑斕糯米飯呢兩款糯米飯我強烈建議大家都必定要試下 斑斕飯熱辣辣軟糯適中 有好香濃斑斕香氣 加埋清甜多汁既芒果同棷汁 簡直係絕配 而椰奶雪糕仲有絲絲棷肉 非常有水準 我會形容餐廳兩款甜品比其他菜色更加出色👍

📍專程嚟呢間泰國餐廳食青咖喱雞，因為上網見好多人都有介紹，決定過嚟一是真偽。📌燒虎蝦炒金邊粉，金邊粉炒到好鬆散唔會痴埋一齊好清爽，酸度岩岩好，撈埋花生碎一齊食好好味。📌沙嗲豬肉串，見外面燒到好香焦好乾身，估唔到入面咬開係甘粉嫩同好juicy，豬肉嘅油香經熱力迫左出來，好香。📌青咖哩雞，青咖喱味道香濃而且非常細滑，椰奶味較重，雞肉浸沉放青咖喱中，好入味，咖哩汁好食到唔想浪費無一滴。❤️❤️味道一流，環境舒適。❤️❤️

Weedend下午唔駛等太耐，今日同好友👫黎東港城食Baan Phadthai。兩個人叫左各一碗主食，叫左個船河同埋冬陰功湯河。先講講我簡既船河，我鍾意呢間餐廳係因為佢哋嘅湯底真係好足料之餘好似泰國湯底，成個感覺個船湯底夠哂甜💕正宗正宗！另外，我幾鍾意佢加左炸豬皮，可以索少少湯咁食。配料方面有牛肉、牛腩、牛丸，✅最推薦✅個牛腩都超淋超入味😋冬陰功湯河🍜既冬陰功的味唔算非常之刺激，但夠哂泰式風味呀, 雖然唔會成碗都係香料，但係味道勁豐富！青檸梳打🍸入口酸酸甜甜，又清涼，可以一解冬陰功湯河既辣整體黎講，呢間中午食都價錢合理，而且選擇多，味道出色 💯下次黎試埋其他款🙋🏻‍♀️

終於等到男朋友放假，見佢呢排做嘢咁辛苦。當然要同佢去食返餐好嘅慰勞下佢！今次我哋就去朋友推介嘅Baan Phadthai！🐔🍚無骨海南雞 配白飯/油飯 $78🐓🍚呢個海南雞雞真係不得了，肉質鮮嫩多汁，仲有好濃郁嘅雞味。廚師將全部嘅雞骨拆左！食落去啖啖肉，超滋味！🍲🦐冬蔭功湯🌶🥘驚喜十足嘅一個菜式，冬陰功湯大大煲。 但最窩心嘅係廚師會用係GAS爐將個湯保暖！所以飲嘅每一啖湯都係熱辣辣！除此之外，成個湯用左新鮮嘅食材去煲。所以非常鮮味！呢個嚟到一定要試！🍤🦐炸蝦餅🦐🍤蝦餅炸到好香酥。而且炸粉好薄。咬落去香脆彈牙。鮮蝦味好香好濃郁，一啲腥味都冇。完全食得出非常新鮮😍🐮🍲船河🐄🍜河粉有好香濃嘅牛肉味，但就一啲膻味都冇，有牛丸、牛腩、牛肉，牛腩煮到好腍，岩岩好，仲索晒牛肉湯嘅味道。 加埋又薄又滑嘅河粉，真係冇得輸！,

睇到好多好平嘅入去試下唔………都係咁但係老實講，佢嘅嘢食唔係差不過環境衛生就爭緊啲佢啲碟同碗餐具總係要有啲洗唔乾淨嘅漬係度張枱又用一條抹勻全間舖嘅布嚟抹，搞到張枱總係黐𥹉𥹉……其實啲嘢食又真係唔係難食……佢個泰式牛肉乾就好似炸過龍嘅牛肉咁佢個豬手飯就有啲難頂以上兩碟餸都有個配埋嘅辣醬，但都係唔夾嘅佢個肉碎生菜沙律（其實咪係生菜包）幾好其實最驚喜係佢個斑蘭椰汁芒果糯米飯佢個椰汁好好味，個飯好香，芒果多汁其實員工都幾好服務無乜想講

返工位於將軍澳，今日一放工即刻同同事一齊去左公司附近既Baan PhadThai 度食泰菜，我地個個食到流晒口水，讚不絕口！🥳🥳🥳✅船河牛腩大大件炆的非常入味，入口軟冧唔痴牙，而麵亦非常彈牙，每啖吸收晒湯底既精華，簡直正到無朋友！我同事連湯都飲晒😝✅燒虎蝦炒金邊粉金邊粉炒得夠晒鑊氣，所以入口非常惹味香口，而虎蝦大假亦彈牙，咬落去非常鮮甜，性價比非常高✅燒豬頸肉薄切既豬頸肉燒得非常香口，啖啖juicy 多汁，而且非常嫩滑煙韌，我地好快就食晒✅沙嗲雞串燒得唔燶之餘仲有陣陣炭燒同沙嗲香，雞肉大件，入口滑嘟嘟，點埋啲醬一齊食簡直絕配🤪✅沙嗲豬肉串豬肉唔鞋唔老身，同雞肉一樣嫩滑同充滿沙嗲味，加埋啲甜酸醬一齊食好開胃😙

我成日上網搵好嘢食，見到有人推介係東港城有間唔錯嘅泰式餐廳。而且comment好唔錯，所以趁今日得閒就去打卡食個LUNCH！😍<🐷泰式豬手飯 $68>豬手煮得好好食，咬開嘅時候仲有好香嘅滷水味係牙縫邊滲返岀黎😋。豬手口感比較淋，唔會覺得好硬！最開心嘅就係成個豬手都冇骨。啖啖肉，勁滋味！<🍹青檸梳打>食完濃味嘅豬手，當然要飲番杯嘢清下個口。青檸梳打一定係好選擇😋 ！勁多嘅青檸🍋係入面。味道酸酸甜甜，加埋梳打水一齊飲，非常開胃。而且仲有好清新嘅感覺！總括嚟講，呢間餐廳嘅食物質素好高，而且價錢重一啲都唔貴。餐廳嘅環境又靚又舒適。值得推薦俾朋友嚟食！

🕗OT完同同時去食餐好嘅慰勞下自己，咁岩經過見唔使點等位就決定食呢間。🍲冬蔭功湯太好味啦！首先湯好足料一啲都唔馬虎，甚至可以話味道好正宗。🐷另一樣燒豬頸肉炒金邊粉，豬頸肉真係好出色，份量都唔小，好細嫩。😋😋食唔停口既青咖哩雞🥘青咖喱係主角功勞不小，香氣四溢的咖喱味配埋滑嫩的雞肉正。椰青係食泰國菜不可缺少的東西，食左甘多重口味食物飲反個清甜的椰青。🥥超🈵️足🥰餐廳吸睛力好高，叧外服務員態度好好。🙌🏻 推薦大家嚟試下🤗