BB雞蛋仔

營業中

休息中

曲奇雪糕格仔餅 $26個雪糕真係成本字典咁厚🍦。格仔餅攞上手仲暖笠笠🧇，唔會因為雪糕整到淋哂，都幾有蛋香味🥚。加埋凍冰冰嘅雪糕～冰火體驗，正。店員仲會好貼心問你要唔要切一半，方便食用。附近要行一段距離先會有商場🌞，夏天食就得要食快手啲，雪糕太大份好易溶，唔好整到自己污糟哂。

見到網上有好多推介，經過柴灣專登慕名試吓，去到都見到幾個人排隊等緊.曲奇雪糕格仔餅 $28有超多款唔同味雪糕揀，第一次試揀個穩陣嘅曲奇雪糕味，因為驚食唔晒，所以同朋友一人一半（下圖為一半份量），佢哋可以提供幫手預先切一半，仲分開兩個紙袋裝，非常貼心👍🏻.味道方面，其實冇咩驚喜，只係格仔餅配雪糕，因為雪糕好大份，蓋過咗格仔餅嘅味，食唔到網上介紹話格仔餅烤得好香嘅味，不過格仔餅食落都鬆軟，雪糕就真係一般曲奇雪糕，不過呢個價錢呢個份量，其實都算抵食，仲好飽添😆

身處柴灣，揾到間BB雞蛋仔嘅食評機會，勁興奮! 🥳 今次試咗佢哋嘅金沙格仔餅，出爐時，啲蛋香氣直撲鼻，真係勁惹味！啖啖咬落，外脆內軟，啲格仔鏘晒嗲，啲金莎內餡超級滑溜，甜度啱哂口，朱古力控一定要嚟試下！🍫另外，啱啱喺等巴士時，隔籬檔口湧咗一班人流過嚟拎曲奇雪糕格仔餅，份量嘅霸氣，睇見就知要幾個鐘頭先消得嗮，但係啲餅好快就整好，品質流得水。👌分享落嚟，啲雪糕格仔餅揾到嘅係最啱食嘅糖水時間。並且，原味雞蛋仔都唔差，雖然蛋香可以再濃啲，但整體嚟講，呢度嘅小食令人心情好晴朗！會繼續支持，萬勿錯過！😋👍

超乎意料地榴槤雪糕味比想像中重 未食已經聞到好香 即刻整嘅格仔餅皮薄而且脆身 同普通格仔餅嘅餅皮唔同 雖然佢冇落牛油同埋冇蛋香 但勁有咬口 配上澎湃嘅雪糕 呢件格仔餅最少有3球雪糕 格仔餅放涼左令到雪糕唔會溶得好快

呢間小食店主打雪糕格仔餅，喺柴灣屹立多年，價錢由2016年嘅$20有找食到2023年都仲係$30有找，不過份量竟然仲多咗🤣—————特別雪糕格仔餅所謂嘅特別，其實係特別口味嘅雪糕～港🐷揀咗海鹽焦糖曲奇雪糕🍨 格仔餅唔厚，蛋味唔算香，不過食落都幾脆！雪糕份量超多，我諗都有3-4大球，但天氣太熱雪糕都好快融🫠 記得食快啲呀🤣-P.S. 如果同朋友一齊share，落單時可以同店員講分兩分，咁就可以食得乾淨啲🤣-普通雪糕格仔餅 ( $28 )雲呢拿、朱古力大王、芒果、綠茶、曲奇特別雪糕格仔餅 ( $32 )金枕頭榴槤、卻冧酒提子、海鹽焦糖曲奇、士多啤梨

之前成日都見到人哋推薦呢間BB雞蛋仔食雪糕格仔餅，所以一直都好想去試，今次係專程嚟到柴灣去一嚐佢嘅風味餐廳細細地但都有好多選擇，而且啲雪糕口味都幾特別，有榴槤或者冧酒提子呢啲都係高級雪糕先有嘅口味格仔餅嘅餅皮係比較脆個款，但係個雪糕真係好大嚿好好味店內職員好好禮貌，雖然見到佢哋都幾有名氣，牆上面都貼晒唔同嘅報道同埋相，但係職員姐姐係落單嘅時候好溫柔，而且又幫我哋分開一半，方便我哋食嘢呢樣真係好難得

《雪糕格仔餅》超級抵食！一定要2個人分 因為食唔曬太飽 實在大件抵食大大個雪糕 仲要格仔餅係暖笠笠叫左海鹽焦糖雪糕勁正！ 山長水遠都要試一次 相信好多學生哥都會黎食期待下次試食其他味道

雞蛋仔是我最愛的街頭小食之一，這間小店頗有名氣，網上評價不錯，一直都深受街坊歡迎，這天剛好要去柴灣，一早計劃好必定要一試。除了雞蛋仔，雪糕格仔餅亦是他們的名物，雪糕更有超過10款口味選擇。雖然有4-5個人排隊，但等候的時間不算長。我買的是半底雞蛋仔雙球雪糕杯($26)，雪糕選海鹽焦糖曲奇、綠茶味。雞蛋仔新鮮熱辣辣，蛋味不算很香濃，但外皮香脆內裡鬆軟，很有質感，配上雪糕吃一冷一熱的口感更特別。✧ ˚ · . *:･ﾟ✧*:･ﾟ✧･ﾟ: *✧･ﾟ:* .· ˚ ✧🧇BB雞蛋仔📍柴灣柴灣道350號樂軒台地下413號舖✿ 味道 ♥ ♥ ♥ ♥ ♥ ♥ ♥ ♥ ♥ ♡✿ 服務 ♥ ♥ ♥ ♥ ♥ ♥ ♥ ♥ ♡ ♡✿ 環境 ♥ ♥ ♥ ♥ ♥ ♥ ♥ ♥ ♡ ♡✿ 價錢 ♥ ♥ ♥ ♥ ♥ ♥ ♥ ♥ ♡ ♡✿ 回頭率 ♥ ♥ ♥ ♥ ♥ ♥ ♥ ♥ ♡ ♡✧ ˚ · . *:･ﾟ✧*:･ﾟ✧･ﾟ: *✧･ﾟ:* .· ˚ ✧#foodiehk #hkfoodie #hkfood #hkrestaurant #hkcafe #hkfoodstagram #hkfoodblog #hkfoodb

今天到柴灣，試吓BB 雞蛋仔出名的雪糕格仔餅雪糕有多款口味，最後我們揀咗芒果雪糕格仔餅再加一份原味雞蛋仔，落order 時候，店員非常細心，主動問是否需要分開兩份，方便同朋友分享食。等咗一陣終於有得食。雪糕格仔餅格仔餅即叫即整，外面香脆內面煙韌，雪糕份量非常之多，填滿曬整個格仔餅，微暖的格仔餅加埋雪糕，一次過食到格仔餅同雪糕，口感好豐富。原味雞蛋仔新鮮熱辣辣，個皮香脆內裏鬆軟，不是空氣質感，蛋味唔算好香濃，不過整體食落都不錯個人比較喜歡雪糕格仔餅，配搭好吸引，食完好滿足。小店小食質素不錯，價錢又親民，下次會再幫襯

見到食評唔錯，又咁岩經過就試吓啦。同期望有啲出入，已經買完即刻食，希望外脆內軟但原來係軟林林，係粒與粒之間個邊有少少脆，而且味道比較淡，一次就夠了。都係去返筲箕灣食雞蛋仔好啲😬

原來BB雞蛋仔在柴灣亦頗有名氣，今天終於有機會一試。-___________🏖餐廳狀況🏖___________ 外觀就是一間很家庭式的小店，主打雞蛋仔、雪糕、格仔餅、飲品……當日有不少捧場客，Order源源不絕，付款後大約等了10分鐘左右。- _____________🍽食物🍽_____________🐣 原味雞蛋仔 $20推介指數 ■■■■□雞蛋仔是熱辣辣的，隔着袋都感覺到有點燙手，粉漿是厚身型，吃下去比較有質感。外表微脆的，中間是一半粉漿一半空心，比例很好，絕對會令你一口接一口🤤蛋漿不算很甜膩，所以罪惡感低，但🌶📝覺得可以甜多一點。但可能配上雪糕的話，這個甜度應該就剛好。- _________🌶辣椒紙總結📝__________整體：🌶🌶🌶 環境：🌶🌶🌶員工：🌶🌶🌶食物：🌶🌶🌶🌶(滿分為五隻🌶) - 總括來說， 味道算不錯🤎有香味，但不會太甜太膩，中間位置比較厚身點，一個人吃一底應該會有飽肚感，＄20一份不算很便宜。下次有機會試的話，想試試很多人點的雪糕格仔餅，目測雪糕有成吋厚😋（順帶一提，今次🌶📝非常失敗🥲顧着放雞蛋仔入口，竟然忘記影相了）-____________________

知道呢間格仔餅店好耐，但因為好少去柴灣，來到當然要食喇，雖然天氣轉涼但無損大家雅興。食…🧇海鹽焦糖曲奇格仔餅$32呢個真係不可不食，個格仔餅新鮮整的，脆到無朋友，配埋冰凍嘅雪糕真係一絕。落單時記得叫姐姐切開，半份我都好夠食👍🏻，一定不可錯過🍫比利時朱古力雞蛋仔$26雞蛋仔係香港明物，大家都由細食到大。一餅整整齊齊未食已經好治癒，蛋香又脆，完全超班。怕太甜所以點了比利時朱古力比較無咁甜，咬開粒粒有點，好好食😋

去柴灣千祈唔好錯過雪糕格仔餅門面細細，但人流不絕，落完order都好快有得食真係要快食，唔好掛住影相否則會好快溶晒！我哋試咗 🍨海鹽焦糖味雪糕格仔餅店員姐姐好細心，格仔餅一開二，分兩份👍🏻雪糕好大舊，半份格仔餅夾住，都大舊過拳頭👊🏻 一個女仔食半份就已經好夠！記得搵朋友一齊share🤭 雪糕好好食，有驚喜！格仔餅唔會太過硬，外脆內煙韌，我諗齋食格仔餅都好好食，因為佢好有口感呢度性價比好高，可以再去食

柴灣人氣名物😙😙小店出名蛋糕格仔餅🧇大大舊雪糕好似字典咁厚 不過我就試左既雞蛋仔-原味雞蛋仔 即叫即整 熱辣辣 好脆口😝食到有蛋香味🥚 粒粒都烤到唔會淋😋 同埋每粒兩邊都係漲卜卜😍😍 唔會太甜😜

本身好少過海何況係柴灣呢咁今日就約咗朋友去柴灣旅行🧳啦朋友都推介左幾間美食俾我但係真係都食唔晒咁多間其中一間就係呢間《BB雞蛋仔》我本身非常之鍾意食雞蛋仔同夾餅基本上見一個我就要食一個所以我食過好多間都有少少要求今次叫咗個 海鹽焦糖曲奇雪糕夾餅雪糕份量係岀乎意料之外咁非常之多多到食完懷疑會心臟病發咁多真係好震驚！雪糕就係正常嘅海鹽焦糖曲奇雪糕啦唔需要特別介紹夾餅唔算太厚身但係都非常之脆脆的程度啱啱好並非好硬嘅脆 脆到會界損口脆得黎 入面又幾軟熟外脆內軟的對比做得唔錯！店員落單嘅時候都有細心留意我會同朋友會share嚟食主動問使唔使 將夾餅分開一半服務好好又細心要讚一讚！