BBQ 7080yo (已結業)

韓燒可能十間有九間差唔多！所以，我會將focus放係其他位。呢間的涼豆腐同木耳係我覺得最應該放大的。朋友一入去就已經order左個set。叫set 就包左個前菜，就係豆腐啦！個豆腐好好食啊！平時我唔多鍾意豆腐，一來係有時豆腐的質感好奇怪，二來怕豆腐會冇咩味！但我可以食完呢個豆腐，佢的質感比一般豆腐硬，最好食係甜甜的泮汁店員好窩心，本身想叫佢加木耳，後來佢挪碟蘿蔔絲黎，話「唔好意思，冇曬木耳」。隔左一陣，佢又挪碟木耳黎，話「啱啱整好，即刻挪比你先」好滾動哦！其他燒肉都好好食，經過店主醃製，味道會更濃！

上星期食完新麻蒲感覺麻麻，今晚試試新嘢。餐廳地點優越，太子地鐵站E出口向深水埗方向步行1-2分鐘就到達。餐廳門面都頗大，都多人等位。前菜一定係最先到，種類還算多。主菜第一樣先嚟辣豆腐湯，色水睇落唔錯但唔夠辣，感覺有點兒似飲蕃茄湯咁。跟住要彈彈嗰份燒牛肉，牛味沒有反而雪氣十足，我相信應該啱啱喺冰櫃攞出嚟，所以解凍唔切。燒牛肉唔得反而牛仔骨有驚喜喎，牛仔骨調味唔錯，燒完後入口尚算淋，同燒牛肉對比完全係兩件事。五花腩大大舊，一塊可分幾舊食，肥瘦尚且平均，燒後肥肉少少脆會令人想再夾多舊。韓燒嚟講BBQ7080係唔差嘅，應該有機會Encore~

咁耐因為韓國的興起於是我便對炸雞也產生了一種莫名其妙的興趣 剛好 近排開了一間專賣炸雞的店 於是我便吃了柚子炸雞 十分好吃和新鮮 香噴噴的有子和脆脆的雞雞十分吸引我繼續吃

入冬除咗打邊爐，第二就係bbq今日黎bbq7080yo大燒特燒前菜有我最愛的凍豆腐 豆香又滑，source唔會太濃韓式Bbq必叫一定係牛同豬皮牛無乜根，唔會話好難咬咁好嫩滑豬皮真係我的最愛，外面脆bokbok,入面勁滑勁正呢度仲要勁好服務，幫我地剪埋又教我地點先燒得好d咁凍緊係要飲反個泡菜湯夠熱夠辣！豆腐勁正 完全係完美的配搭 金菇都好好味個湯一飲暖曬胃我地仲叫咗個白飯，粒粒皆分明！ 配牛肉豬皮勁滿足今次黎太子ge 7080都係覺得咁正

基本上每星期都梗會有一餐係食韓國菜，辣得嚟老婆又食到，選擇又多（指韓燒又得，唔韓燒又得）。今日LUNCH就試咗LEE間，環境尚算OK，舖內都寬敞位多，係暗咗小小。但食物方面真係有D失望，其實賣相都真係唔錯，不過…　就係食完好口乾同想飲水，宜家係香港食飯都好少會係咁，所以忍唔住咁講。前菜同一般韓國菜舖頭一樣，有泡菜，芽菜，白菜仔，都係好味道就唔多講喇！午餐時段，仲包飲品，講到價錢大眾化算抵食嘅。牛肋骨湯：可能唔係時令食材，白蘿蔔有D乾，唔夠清甜，但佢比咗好多舊，牛肋骨普普通通，有D靱，不過牛肋肉一般都係咁，個湯底就有D鹹，清清地咁啦！海鮮純豆腐辣湯：真係比較遜色，可能係一分錢一分貨吧！辣但唔夠惹味，一般食開嗰D都會忍唔住飲埋D湯，但今次LEE個就真係唔會，可能係佢個泡菜唔係我喜好嗰種，材料感覺上差小小，湯底無咩鮮味。

由於韓風嘅關係，而家韓國料理已經開到通街都係，每個地區都總有一間韓國料理餐廳喺附近，由以前任食韓國燒烤到現在變成單點韓國BBQ ,其實在香港的韓國風以及韓國料理的食物以及質素真的增長不少，今日本來約咗人去太子酒吧街飲嘢，但由於早到咗所以先決定食個韓國BBQ先如果喜歡牛的朋友，記得要叫以上的拼盤味道的確比以前任食韓國燒烤更要好，而且有一位韓國的姨姨很有心地幫我們燒烤以及解釋各種食物最好的食法，服務非常好最後當然來個熟食，Seafood pancake，味道不過不失沒有想像中好一般這家餐廳都不用等位，但是如果人多敬請預留位置

以前翻工成日都會食7080做lunch ，轉左工之後就反而冇點食過，今日行過太子見佢多左野食就入去食個晏啦！首先揀左個lunch set 502,係豬肉石頭鍋飯($58),上到嚟吱吱聲🤗 好大碗，上面配菜亦好多，要快快手撈下佢唔係會太痴底！豬肉偏肥🙆🏻‍♂️ 好多雜菜夾翻好似冇咁罪惡深重😀😆🙏🏻之後再點左set 512.海鮮豆腐湯飯($58)🤡 小小辣，好多海鮮，豆腐好滑，撈飯食一流！如果冇咁咸就好啦💁🏻💁🏻 仲點左個炒年糕($45),都幾辣，偏甜，魚糕都幾多塊😝😝小食好味道👀每個餐都跟野飲😋

聽同事多次介紹呢間餐廳，每次都聽得我心癢癢，今次的起心肝約埋個韓國達人朋友一齊去食餐好既！我地平日去，而且時間較早，所以唔算多人，不過晏小小，一路燒就愈黎愈多人啦，大家最好BOOK定位先呀。黎食韓國燒肉，每次都會有一大堆前菜，今次都唔例外啦，呢到只係其中一部份，因為太為食既關係，未影哂我已經急不及待開動啦。烤牛肉(調味)我個人比較懶，燒肉最鍾意就係叫薄既牛肉，貪佢快熟，好快有得食。今次叫左呢個夠哂薄，而且已調味，燒完就算唔點醬汁都夠惹味呀。呢種牛燒左兩三分鐘到，變哂色就可以用生菜包黎食啦。值得一提既係呢到既生菜係免費的，食完可以再叫，我曾經食過一Ｄ韓國餐廳生菜係要收費的，每兜咁計呀～所以係呢到免費食得特別開心 烤牛五花肉(調味)繼續都係搵D薄既牛肉黎燒，簡直係快靚正呀！呢個個賣相同肥牛好似，比之前個款多D脂肪，多Ｄ口感。依然係調左味的，夠哂入味呀！牛肉腌漬胸叉肉最後，再黎多個牛，都係薄薄的，今次呢個無乜調味，不過可能我地自己燒耐左，所以食落有Ｄ un。請教完店員之後，再調整返時間技巧，得左！即時好味左勁多，夠哂腍，岩我口味呀！兩個人仔食左三碟肉，都真係好夠啦。份量唔少，多幾個人黎食就可

最近運動多左，個人都輕左幾磅，為左獎勵自己, 今晚決定去放肆一下，走去大吃肉一場，就揀左早排不斷穫好評的7080，試一試佢的龍與鳳。雖然話放肆，但都要識可而止，小揀左兩個肉就算...先黎一個特級護心肉 (調味)，因為係豬的橫隔膜同肝之間既肉，所以係每隻豬都只係得小部分，味道濃郁，極具咬口，實在是我此等食肉獸之佳音。之後再黎一個牛肉腌滇胸叉肉，其實屬牛肚脯肉的前半截，一層肉一層油，肥油帶肉，所以來得特別香甜味美。食燒肉又點可以唔啤啤，叫左個韓國Hite啤酒，比平時來得甘，唔錯。而最開心既係d生菜會不停refill，同埋夠哂新鮮乾淨，我地都唔知食左幾多兜啦。食完一ｄ油煙味都無tim～因為未飄到出黎已經吸走哂，勁！好滿足的一晚，但享受過後聽日再去跑步還債先。

YOYO!!!!有老友請食飯, 仲要係我最鍾意既燒肉, 你話去邊到就邊到啦!哈哈! 7080個大名就一早聽過, 不過未食過, 估唔到今次機會黎啦~因為得兩條友仔, 所以唔叫得多野食~不嬲去食燒肉,都中意食牛肉多過豬肉,因為覺得肉質會嫩d。而呢個烤牛肉又真係幾好味,唔需要燒太耐,見到肉身冇乜紅色就岩岩好,燒得太耐反而會有d韌。調左味既牛肉特別好味,味道都幾香口,但又唔會太油膩的感覺,真係值得再叫~烤牛五花肉,味道同烤牛肉差唔多,而牛五花肉就比較薄身一片,但口感都幾好,五花肉係類似肥牛,但比肥牛厚,口感亦比肥牛好,唔會太肥。仲有好多前菜,不過唔記得影,淨係影左舊豆腐~哈哈~~~食完都飽左兩成~再加多呢兩碟肉真係夠哂lu~不得不讚,職員態度十分好,燒到咁上下,個燒盤濃濃地,唔洗我地講,職員已經即刻幫我地換左佢。呢間可以再試~!!

朋友好耐之前就話想食韓燒，但一直夾唔啱時間，所以就捱到今時今日先陪佢食。可惜最近自己啱啱病好，喉嚨仲有少少痛，但為咗唔好掃興，我哋就決定揀呢間又有得食燒肉，又有韓國小食嘅餐廳。同好多韓國餐廳一樣，餐廳提供咗兩款前菜，分別木耳同白菜泡菜，仲有得無限refill 。我個人就鐘意木耳多啲，食落有少少微酸，又幾爽口，好開胃。燒肉方面，我就偷偷試咗朋友嘅烤牛肉，牛肉泥自加拿大，牛肉薄切，兩面微微燒烤就食得，因為餐廳已經預先調味，所以燒完唔洗額外點醬汁都好夠味。而我就習慣用生菜包住泥食，食落清新啲，又冇咁熱氣。另外，仲叫多咗一個泡菜煎餅share 食，煎餅用嘅泡菜偏酸辣，兩面煎香，食落微脆，配埋偏甜嘅特製醬汁，酸酸甜甜，都幾開胃，圓形嘅煎餅一開四，好方便食。最後，驚唔夠食，仲叫多咗一碟韓國炒粉絲，粉絲份量都算多，韓國粉絲偏粗身，食落會比較有口感。

每次經過太子都好想來這間試，可惜每次都趕住有野做， 今天見佢開左門，又唔趕時間，所以決定來這間一試一入去見到好多枱客坐左係度，咁我又找個位先， 不過無職員俾菜單我，於是我便舉手問，職員回應未開舖， 正當我滿面疑惑地望向其他客人，都見他們呆坐中， 原來大家都等咁正好善用這個時間影、影、影， 這裡裝修得很有韓國特色，每一幅牆繪有韓國人民生活的畫，有如大象鼻的抽氣管，如油桶可儲物的椅終於開燈，職員放下餐牌，款式多，原來這間韓國連鎖店是源於一個為愛妻留港生根的韓國人故事花多眼亂，最後叫左韓國最地道的豬肉石頭鍋飯及蘋果汽水一位唔識講廣東話的阿朱媽送上前菜，有芽菜，泡菜，白豆接著，是豆腐海帶湯，極濃味蘋果汽水:同超級市場一樣等了15分鐘，主菜終於到, 感覺到係韓國食一樣，份量，用料都一樣，再配上阿朱媽送菜，以為自己去左韓國熱辣辣，有生雞蛋，豬肉粒，木耳絲，蘿蔔絲，紅蘿蔔絲，芽菜，紫菜絲將生雞蛋搞勻在熱辣辣的飯，立即變蛋包飯，滑哂,配埋辣椒醬，yummy還有因為個鍋熱量十足，所以勁多飯焦，是鍾意食飯焦的人嘅喜訊還有這裡都好似韓國要自己去櫃檯俾錢

<經濟實惠韓式lunch >Bbq 7080 夜晚就食過佢d韓燒 味道唔錯。 晏晝就第一次食 d lunch set 30 幾至60 蚊不等 而每個set 都送一杯飲品 仲有前菜 好似泡菜 蓮藕 芽菜等 都幾抵食 😃🍴韓式拉麵 38 蚊🍜豆腐湯 入面有椰菜 菇 豬肉等 味道偏濃 🍲 拉麵 其實就係韓式嗰d閣身d既公仔麵 上面加上兩塊午餐肉同 煎蛋 🥚味道正常 38 蚊 抵食 🙂🍴燒肉水冷麵 58 蚊🍜🐷 青瓜🥒 蘋果🍎 芝麻 加埋蛋🥚做配料 配上用冰浸住既水冷麵。食落去淡淡芝麻味 冷麵煙靭彈牙 配上兩舊韓燒燒肉🐷 以58 lunch黎講算唔錯🍴炒粉絲 38蚊🌶豬肉🐷蘿白絲🥕 菇 菜🍄🌿 大雜薈 連埋粉絲一齊炒 都幾香同爽滑既 .要趁熱食先好味 .配上豬肉湯🐷 湯有豆腐番茄菇等等 味道都係38 蚊貨🍴炒年糕 45 蚊😀韓國魚蛋🐟 蘿白絲 🥕一齊整既年糕 年糕口感煙靭 醬汁酸辣味高 加通軟滑既魚蛋都唔錯 👍🏻Score 平均分 <7/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻

之前食過佐敦嘅平昌7080，覺得幾好食，今次帶住期待嘅心情嚟到太子試呢間7080一嚟到連menu都未睇，佢哋就捧咗一大堆嘢嚟：有豆腐，魚糕，生菜，蒜頭青椒，豆瓣醬等等魚糕入面有三色椒同洋蔥，甜甜哋幾好食，而且佢係任添嘅，所以我哋都食咗兩碟因為幾肚餓所以先叫咗個炒粉絲，有洋蔥，紅蘿蔔絲，白芝麻同厚切豬腩肉粉絲質感好Q，但又唔會太煙韌咬唔斷，啱啱好熱辣辣食呢個真係好好味，值得推介重頭戲嘅戲肉嚟啦，呀豬媽出場！！！佢首先用唔咸唔淡嘅廣東話問話幫我哋燒好冇，我哋梗係唔會推卻，即刻話好啊唔該哂！佢首先燒嘅係雞肉，全部雞脾肉醃得好好食，甜甜哋好滑呀啲肉沾上豆瓣醬，再加埋蒜片同青椒碎，包埋生菜一齊食真係好夾一啲邪惡咁都冇XD基本上之後全程都係呀豬媽幫我哋燒，見佢周圍走，燒下呢張檯又燒下個張檯咁都幾辛苦架啲雞差唔多燒完嘅時候佢幫我哋落豬腩肉，豬腩肉係厚切嘅，燒到咁上下熟嘅時候就幫我哋剪好，令每一面都可以燒到脆卜卜加埋泡菜同芥末一齊食簡直係味蕾嘅沖擊！呀豬媽好親切咁一路燒，一路用佢啲廣東話同我哋傾計又好似個媽媽咁，同我哋講話食蒜頭同洋蔥對身體好，可以食多啲好鍾意呢個韓國嬸嬸體貼嘅服務呀走嘅時候去對面馬路

得閒冇事就會想食韓燒，今次行行下旺角嚟咗呢間個樣好正宗嘅舖頭舖頭好大有兩三檯人，但係我哋都坐得遠遠，費時啲煙太密集一嚟到坐低而且會有人端上前菜，有泡菜，芥末洋蔥同調味油，而且服務生會幫手斟茶泡菜用咗好多蔥嚟調味，比較鹹同酸因為燒嘢食需時，所以我哋首先叫咗個泡菜煎餅醫肚所用嘅泡菜應該係同一款，都幾酸，而且落咗幾條辣椒，但又出奇地唔算好辣，啱哂重口味嘅我哋叫咗個燒蔬菜嚟食，但佢一上檯用錫紙包住，搞到我哋唔知究竟佢係燒好咗定係要我哋自己燒充滿好奇心嘅我當然即刻打開嚟睇下，發現原來係未燒嘅，而且好方便成包放上爐度燒入面有西蘭花，玉米筍，蕃茄仔，薯仔，蕃薯，南瓜同娃娃菜款式好多又colourful，實有嘢啱食我哋叫咗好多牛肉嚟燒有烤牛肉片同牛肋肉烤牛肉片好薄身，易熟，燒兩三下就食得而且調味做得好出色，甜甜哋鹹鹹哋，食完仲想encore牛肋肉粉量好多，切咗粗條，燒嘅時間都唔耐，最好裡面仲係粉食，咁就唔會韌而且有時間食到幾舊較多脂肪，好肥美好食燒到咁上下店員有主動幫我哋換烤盤，唔使驚食到生cancer蔬菜燒得啱啱好，佢有俾一碟醬油你沾，不過食咗咁多肉之後都係想清淡啲，食返菜嘅原味