影片
港鐵觀塘站 B2 出口, 步行約9分鐘
繼續閱讀
開飯介紹
主打峇里風情的人氣西式Cafe，其乾花拱門、戶外的藤椅座位等設計，打卡一流。Cafe更提供寵物餐單，讓你和愛寵共享受休閒的時光。
繼續閱讀
營業時間
星期一至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
相關文章
餐廳：Be Leaf (觀塘)地址：觀塘敬業街55號皇廷廣場地下2號舖Be Leaf原來唔經唔覺已經喺觀塘皇廷廣場開咗三年，每次行經呢間Cafe都會比佢充滿峇里島風情嘅精緻佈置而吸引🤩，加上Pet friendly可以帶埋毛孩過嚟Chill🐶，絕對喺一個悠閑relax可以消磨時間嘅好地方，當然唔少得佢哋出色嘅Fusion菜式同特色甜品啦😋入到餐廳每個角落都比到人寫意嘅感覺，我諗更重要嘅喺因為佢哋有唔少植物裝飾🌴。lunch time有十幾款主食比你揀，價錢同份量都算合理，最平嘅蒜香麻辣滕椒雞配日本珍珠飯只喺$82，而最貴就喺$168嘅香煎紐西蘭特級肉眼扒🥩，加$18可以升級埋做套餐，有是日餐湯、餐包，同伯爵茶/洛神花茶/冰紅茶一杯，亦可以加錢叫其他飲品☕️，例如有睇頭帶有焦糖香嘅自家制焦糖餅咖啡(+$28)，同養身排毒降血壓血脂嘅陳皮洛神花茶(+$15)，拎住佢哋喺餐廳任何一個角落都喺咁適合打卡📸✝️香辣白酒牛油炒手拆蟹肉珍珠柱貝意大利麵 $118呢個足料嘅海鮮意大利麵🍝，除咗有份量唔少嘅手拆蟹肉同珍珠柱貝之外，仲有毛豆做配塔，雖然個人唔喺覺得好夾，但又真喺添加咗啲色水同埋食落違和感唔大，最重要意大利麵用咗香辣白酒同牛油炒香🍶，整體味道微辣惹味幾開胃🌶️✝️甜酸醬烤焗16小時慢煮美國豬肋骨配炸薯條 $158用咗16個鐘頭去慢煮烤焗🔥，先做到豬肋骨嘅肉質超級軟嫩，6條肋骨依附咗唔少豬肉，甜酸醬嘅香味令豬肉嘅滋味提升，同時做到唔會太濃味，底下仲有炸薯條，不過可能放咗喺豬肋骨底下蘸咗少少醬汁🤏，食落就唔算太脆口✝️經典提拉米蘇梳乎厘班戟 $128(半價$64)甜品控要留意👀，只要提前book位，叫一份午餐仲可以用半價優惠叫餐廳所有甜品🍰，仲要無上限㗎😍。今次叫咗佢哋嘅招牌Tiramisu梳乎厘班戟🥞，因為喺由甜品師即叫即整嘅關係，叫完都真喺需要啲時間同埋賣晒就無。濃郁嘅Tiramisu醬加上勁多嘅朱古力片同可可粉鋪喺兩層厚厚嘅pancake上面，好似瀑布湧泉咁澎湃😆，pancake充滿蛋香，airy得嚟又不失軟綿口感🤤埋完單唔好丟張單住‼️因為單據同時亦喺優惠券🎊，14日內再幫襯就可以憑單免費換泰式斑斕巴斯克烤微焦芝士蛋糕🍰，或者焙茶軟心巴斯克烤微焦芝士蛋糕是但一款😚
繼續閱讀
Be Leaf呢間餐廳之前開就覺得好靚好啱打卡門口outdoor就已經係打卡位！入面裝修都幾有feel，而且都幾大唔會覺得逼窗邊位望下街景都幾舒服😌今次終於黎到順便食佢嘅Lunch ✨飯，輕食主食，意粉都有甜酸醬烤焗16小時慢煮美國豬肋骨配炸薯條 $158十分大份！而且仲有湯，係蘑菇湯滑得黎有少少creamy但唔會漏👍🏻沙律菜好新鮮而且有少少醋食落唔酸！薯條炸得都好脆好好食主角豬肋骨好淋🤤醬汁甜甜酸酸整體食落去都好夾-香煎帆立貝日式咖哩意大利飯 $102一樣有配湯，隔離嘅係麵包粒點下d湯一齊食好好味好吸湯🤤麵包都好軟熟唔係平時法包嗰d👍🏻咖喱味濃郁之外意大利飯亦唔硬😙唔係平時嘅龍蝦汁/忌廉汁但同帆立貝嘅呢個配搭都唔錯🤣-飲品係西柚梳打同焦糖餅咖啡兩杯都唔好好甜、好適合依家消暑解渴！-最後仲有甜品！法式焦糖卡士達梳乎厘班戟 $64蛋味好濃郁好香🥹🥹配埋啲cream一齊食都唔會膩唔會覺得太甜甜度足夠之餘呢個價錢咁大份真係好抵食🥹2:30～5:30仲會有tea set都幾抵！下次可以再試下🤤
繼續閱讀
係觀塘工業區原來隱藏住一間人氣打卡cafe，餐廳以波希米亞風格裝修🤩，未入門已經見到打卡位，餐廳內有好多花花💐，好有渡假feel🥹。食物質素都好高，仲要係pet friendly‼️最近餐廳做緊lunch set 買三送一嘅優惠！性價比超高，快啲叫埋啲fd一齊試下啦✨-🔥必食Items ▫️ 水牛芝士帕馬火腿蕃茄法式三文治Buffalo Mozzarella, Ham, Tomatoes, French Sandwiches $88 ★★★★★呢款法式三文治份量非常大，夾心嘅火腿同芝士品質唔錯，加埋新鮮番茄，完全唔會覺得heavy🥰，加埋熱辣辣嘅薯條🍟，食完真係大滿足😚▫️ 手打櫻花蝦餅配溏心蛋自家製濃蝦湯烏冬 Hand Made Sakura Shrimp Cake,Soft Boiled Egg, Shrimp Bisque Udon $88 ★★★★☆手打櫻花蝦餅係驚喜！炸得靚又唔會太厚身，烏冬彈牙，搭配濃湯真係perfect match💯。湯嘅味道比起市面濃湯拉麵略淡，感覺用料幾健康👍🏻▫️ 鹽酥金菇小蕃茄鷹咀豆醬意大利麵 Salt Crispy Mushroom /w Cherry Tomato Hummus Spaghetti $82 ★★★★☆係素食朋友嘅好選擇！配菜豐富又香酥，搭配煮得恰到好處嘅義大利麵同醬料，算唔上驚艷但亦好好味😋
繼續閱讀
約咗朋友係觀塘試姊妹裙，試之前食個下午茶先😌預啲buffer比自己正日果日肥呀嘛🤪近近地就係樓下既cafe到食，本身都知係打卡系列既cafe嚟，估唔到食物質素都唔錯。門口左邊已經係大大個峇里風吊床，當年去峇里島旅行住既villa都有一張🥹勁舒服勁chill，搞到勁想再去旅行✈️下午茶有tea set優惠，包埋飲品最平都係$62，最緊要坐得舒服可以好好傾下計relax下甜品同飲品種類都唔少，好多特飲都好吸引🥰我未食lunch所以就叫咗個香煎帆立貝日式意大利飯，咖喱味幾濃郁，係偏甜口既咖哩，仲加咗好多我鍾意食嘅枝豆😍份量都唔少，當lunch絕對夠飽朋友就揀咗BBQ醬烤手撕牛肉厚多士，第一次食鹹嘅多士🤣感覺幾有趣，烤牛肉嘅份量好多，醬汁酸酸甜甜好開胃兩杯飲品味道都好唔錯！朋友嘅ocean paradise其實係lemonade，味道酸爽夠凍，好清新我嘅特濃朱古力夠濃郁，濃到有啲杰身，超正😝本身仲諗住食完有啲時間去觀塘行吓，點知我哋兩個都坐到唔捨得走，餐廳環境太舒服🤣以後去開觀塘都可以再嚟
繼續閱讀
網上尋得這餐廳, 不論餐廳外還是餐廳內, 均適合打卡。接近 16:00 來到, 顧客不多, 寧靜的環境予人悠閒之感。下午茶時段有 Tea Menu 和 Dessert Menu, 因還沒吃午餐, 便選了較為飽腹的咖喱意大利飯。Tea Menu1) 香煎帆立貝日式咖喱意大利飯 $852) 伯爵茶3) all + 10%香煎帆立貝日式咖喱意大利飯份量不少, 飯粒偏硬, 有咬口, 當中拌有枝豆和洋蔥, 增添口感, 略嫌咖喱醬汁味道較淡, 有點失色。帆立貝有3粒, 肉厚, 唯煎得不夠焦香, 入口略鹹。伯爵茶茶味濃, 味道不錯。
繼續閱讀