Be Leaf (已結業)

🍽️ "BE LEAF" - 位於九龍灣敬業街皇廷廣場地下🍃 這家餐廳無疑是一間時尚優雅的休閒打卡Cafe,為食客帶來精緻的用餐體驗。🍲 推薦套餐($240),包括香濃可口的"蘑菇忌廉湯"、美味可口的"炭烤豬肋骨拌墨西哥莎莎配炸薯條",以及必點的自家製"焦糖脆餅咖啡"。🍣 另外,還有精緻的"香煎北海道刺身帶子蝦乾蝦子魚湯意大利飯"($138),濃郁的海鮮香味令人欲罷不能。🍹 不容錯過的還有"Grapefruit summer soda"($46),這款飲品清新怡人,深懂女性味蕾的喜好。🎨 餐廳裝潢雅致簡約,配合精緻用餐氛圍,無疑是都會白領的理想休憩之地。💰 雖然價格略高,但考慮到餐點新鮮美味、環境優雅舒適,性價比仍頗高。🌟 BE LEAF絕對是附近值得一訪的時尚打卡Cafe。

又一間靚裝打卡西餐廳好去處😍餐廳裝修別具心思，室外有竹籐座位，好似置身係峇里海邊一樣好chill好relax🏖️大門有乾花拱門，行入去見到左手邊有個花海竹籐吊椅的打卡靚景😍餐廳周圍都用左好多乾花同竹籐裝飾，超靚峇里風情👍🏻🍝香煎大蝦手拆蟹肉黑松露意大利麵一上枱超香黑松露味，醬汁超creamy, 意大利麵好掛汁，每一啖都食到黑松露味同蟹肉的滋味😍大蝦煎得好香，新鮮彈牙👍🏻🐷炭燒豬肋骨拌墨西哥莎莎配炸薯條有四大條豬肋骨條😍豬肋骨本身燒得好香好腍，輕輕一切就骨肉分離，肉味嫩滑好juicy🤤面頭鋪滿莎莎醬，多左份墨西哥風情😆加$68可以升級套餐，有餐湯餐包同飲品餐湯係黑松露湯👍🏻另外泰式奶茶好滑好順口😋🥐黑糖麻薯泰奶茶牛角包窩夫賣相超靚，兩大塊熱辣辣脆身的牛角包窩夫。泰奶茶cream好滑好香濃，中間夾住黑糖麻薯，煙煙韌韌超正😋🍹Ocean paradise 散叫了杯特飲，打卡一流，好似海洋咁🏖️清清甜甜荔枝口味😋總括嚟講，一流打卡西餐廳，一定要預早book位，經常爆滿😁

餐廳外的佈置好吸引，餐廳內佈置清新，好細心設置多個打卡位，是一個與朋友相聚傾計食飯的好地方。特別喜歡這裏的香蔥鴨肉芝士墨西哥薄餅，惹味鴨肉配上鬆軟芝士再配合香脆墨西哥餅，多層口感，而且味道好正，CP值高，份量好充足。水牛芝士巴馬火腿無花果沙律，無花果非常清甜，配上鹹香的巴馬火腿，還有沙律菜，點綴橄欖油醬汁，開胃清新。值得一讚係法式焦糖卡士達梳乎厘班戟，上菜時有一份震撼，幾足料，梳乎厘班戟非常鬆軟，口感一流，配上焦糖奶蓋，好正👍🏻👍🏻減肥都好難忍口。特飲清新，味道不錯，打卡賣相一流。

一來係佢個店名，二來係靚靚的裝修，我對觀塘呢間餐廳印象很好，記憶好深。勝在佢靜地又坐得好舒適。門口還有唔少影相打卡位，帶有峇里風的佈置。🔸泰式鮮柚子三文魚刺身亞支竹沙律有著微妙的植物味道的雅支竹，常見於法國/意大利餐，配合泰國金柚及日式三文魚刺身。加上顏色繽紛食用花。口感豐富，味道融合， 美味又成功的Fusion菜。🔸白酒牛油忌廉汁煮澳洲新鲜藍青口經典的法國菜。用上新鮮的活藍青口， 特別的鮮甜軟滑，熟度火喉也剛剛好。醬汁滑順醇厚，加上洋蔥香甜，食到停唔到口🔸BBQ熱溶芝士醬烤豬肋骨配薯條豬肋條經過慢煮再烤， 肉質軟淋。骨頭能完全的抽出。豬肋排 在BBQ醬及香濃芝士醬加持下，啖啖肉，啖啖享受。物有所值。🔸鹽漬櫻花柚子梳打飲品顏色分層，粉紅 白 黃，打卡很漂亮，是少女的顏色。甜甜地的柚子蜜，輕輕咸味的鹽漬櫻花，配上氣泡梳打，飲落更有層次及變化。🔸聖誕好夠薑~ 薑味鮮奶 精緻嘅裝飾點綴，入口薑味辛香十足，奶味濃郁，瞬間暖身健胃，手腳女士經期前後的恩物。 有配一個小小嘅薑餅人在匙羹上，好cute. 餐廳會按季節和新鮮食材，推出不同及變化款式fusion菜。 相信我和豬先生下次黎的時候，時，

係觀塘做完野肚仔餓要搵野食，記得之前係呢間cafe食過晚飯，野食同環境都好靚，就同朋友黎多次食個豐富brunch。店員貫徹始終咁友善好客，very good。炭烤豬肋骨拌墨西哥莎莎配炸薯條$240套餐跟餐湯、麵包同沙律菜，好豐富。南瓜湯好creamy幼滑，麵包細細件岩岩好。豬肋骨好大件，有4條骨，同朋友一齊食都夠，肉質軟嫩入味，肥瘦均勻，一切就開，醬汁係酸酸甜甜，更帶微辣，同三色椒洋蔥一齊食，惹味開胃。Ocean Paradise係一杯薄荷乳酸梳打飲品，靚到唔捨得飲，夠哂清新，夏天一流。【特別限定】黑糖麻薯泰奶茶牛角包窩夫$78.0上次食過疏乎厘已經好滿足，今次就一於試呢個特別限定牛角包窩夫，泰奶cream甜度岩岩好，奶味濃郁，兩層窩夫中間夾住煙韌黑糖麻薯，窩夫焗得香，一齊入口口感好豐富，就算幾飽都食到停唔到口。📌Be Leaf (觀塘)地址：觀塘敬業街55號皇廷廣場地下2號舖評語環境優美，打卡一流食物高質精緻店員友善好客🐵推介🍌🍌🍌🍌🍌（5🍌為滿分）

星期六冇嘢做，諗住搵間靚靚哋嘅cafe食吓。上OpenRice見到呢間啲甜點好似都幾好所以就揀咗佢。當日下午2點幾先上去OpenRice訂枱都可以訂到3點。兩個人準時去到餐廳，餐廳內好多吉枱，大半以上都係吉嘅，唔明點解店員係都要安排門口張枱俾我哋，仲同我哋講用餐時間得80分鐘，我見佢張訂位紙都無幾多訂座，真係要安排埋啲咁嘅位俾我哋，同咁想我哋快啲走咩？心諗如果嘢食好食都算。結果用QR code一掃Menu，呢樣又冇嗰樣又冇。明明經OpenRice訂座話泰式奶茶牛角窩夫可以有半價，但佢竟然係售罄。正常下午茶時間，客人會叫窩夫之類嘅甜點係正常不過，但佢竟然多款甜點都售罄。你又要限人用餐時間，咁即係你覺得自己好多客啦，咁點解備料備得咁少呢？完全不能理解…睇到個Menu咁，再加埋門口開開合合俾啲風吹下吹下已經無咩心情，但我又真係肚餓，咁就嗌最簡單嘅主食就算喇，嘢飲都唔想嗌，唔想俾佢賺多我一蚊。叫咗一個大蝦手拆蟹肉意大利粉同帶子蝦籽意大利飯。意粉食唔出有蟹肉味，cream sauce唔滑，松露味又冇乜，未至於好難食，但我覺得其他普通西餐廳煮得好食過佢。個意大利飯，明明見到蝦籽，但食落又係冇乜蝦籽

觀塘有間靚靚Cafe好出名，裝修超級有少女風💖水牛芝士巴馬火腿無花果沙律🥗沙律菜好新鮮，配上大大嚿嘅水牛芝士，仲有無花果，色彩繽紛香煎牛小排紅咖哩意大利飯🍛牛小排油花紋路好靚，紅咖喱飯好特別，一啲都唔辣經典提拉米蘇梳乎厘班戟🥞班戟即叫即制，所以要預早最少半個鐘同職員落單，呢度嘅pancake係偏空氣咁比較重個款，超級香Ocean paradise杯嘢飲超級適合打卡，顏色好靚，配上梳打水，好清

呢間餐廳之前都食過幾次，無論假期定平日，餐廳都係好多人幫襯。餐廳佈置好有心思，主打波米利亞風格，好似去咗渡假咁，好適合同朋友收工聚會。咁岩朋友喺附近收工，就轉登帶佢去試下呢間餐廳。🍆明太子炭烤荷蘭茄子伴三文魚他他一開頭見到呢個組合覺得好有趣，加上想食得健康啲，就簡咗呢個菜式; 菜式嘅賣相好精緻，估唔到茄子同三文魚都好夾，再配埋明太子同南瓜醬，味道更豐富。🥩 香煎牛小排紅咖哩意大利飯 配是日餐湯及自家製香草面包雖然意大利飯係配紅咖哩醬汁，但味道一啲都唔辣，愈食愈開胃，而意大利飯嘅硬度亦都岩岩好，值得一讚嘅係牛小排充滿肉汁，肉質好嫩滑。而是日餐湯係蘑菇湯，味道香濃，好適合點面包一齊食。🧇 黑糖麻糬泰奶茶牛角包窩夫牛角包窩夫外脆內軟，上層鋪上泰式奶茶味嘅忌廉，平時泰式奶茶都好甜，但呢個忌廉唔算好甜之餘，又會食到淡淡嘅茶味; 而黑糖麻糬都有三大件，非常煙韌。🍹 飲品 (Ocean Paradise Soda & Chocolate)飲品嘅賣相都好吸引，Chocolate味道非常香濃，上層鋪上忌廉，非常邪惡! Ocean Paradise Soda 充滿海洋氣息，味道好似飲緊乳酸飲品咁，好解渴。

今次我地去一間觀塘既打卡cafe，呢間餐廳可以話係特登走黎食，朋友介紹話呢度既焦糖咖啡好正，叫我黎試，所以我地特登黎食餐飯，順便relax下😌香蔥鴨肉芝士墨西哥薄餅（$98）呢個薄餅都幾有特色，裡面既芝士鴨肉薄薄一層，有d似pizza既拉芝feel，每人兩件食下都夠食🥙是日餐湯&任選飲品（跟餐+$88）呢度嗌主食可以加$88轉餐，有湯同件麵包，另外再可以自選飲品，而我當日飲既就係忌廉磨菇湯，件麵包要黎點d湯食就最好🫕🥖香煎牛小排紅咖哩意大利飯（$188）呢個意大利飯既牛小排煎得唔錯，外面熟，裡面紅，口感岩岩好，佢個咖哩同我地食中式既味道感覺唔同，佢似係喇沙味，飯唔算太硬，岩我地食🥩法式焦糖卡士達梳乎厘班戟（$88跟餐可以半價加甜品）（半價後$64）呢個梳乎厘size真係超大份，拎黎既時候好香，個醬一d都唔‘漏’🥞Dalgona Honeycomb Coffee Latte（$88跟餐已包）杯咖啡係呢度最特別既飲品，有幾塊焦糖放面，慢慢溶入咖啡裡面，溶完甜度岩岩好☕️Grapefruit Summer Soda（$46）呢杯梳打好岩依家既夏日天氣，好清新既味道，帶有d柚子味🍹呢間餐廳環境同

觀塘塔離島風情Cafe真係好正啊，而且整體感覺都好舒服😍甜酸醬烤焗16小時慢煮美國豬肋骨配炸薯條 - 呢道豬肋骨真係煮得好耐,肉質超級軟爛,加埋甜酸醬汁調味,真係好味!配埋炸薯條,又鹹又脆,好正!Grapefruit Summer Soda - 呢杯葡萄柚汽水又香又甜爽口,好適合夏日飲!香辣自酒牛油炒手折蟹肉珍珠柱貝意大利麵自家制 - 呢道自家製意粉好入味,蟹肉跟珍珠柱貝新鮮味甜,加上牛油跟香辣調味,真係好過癮!焦糖餅咖啡 - 呢塊焦糖餅好軟滑香甜,跟濃郁香滑嘅咖啡真係絕配!呢D特色小吃大家都值得試下,好正好好味呀打卡又好味的餐廳～

終於都去到呢間喺觀塘嘅人氣打卡Cafe到食個休閒午餐，餐廳設計充滿波希米亞風，環境漾溢住一種輕鬆嘅渡假氣氛，又有啲靚靚嘅打卡位，整體感覺彷彿置身於峇里島渡緊假咁啊～✨香煎北海道刺身帶子蝦乾蝦籽魚湯燴意大利飯帶子經微微煎完之後鮮甜得來帶有少少焦香味！第一次食用濃郁魚湯熬製而成嘅意大利飯，仲有少少蝦乾同埋蝦籽做襯托，味道鮮甜，成個意大利飯比人感覺好創新，味道好有驚喜～✨手撕雞牛油果醬酸種麵包配炸薯條手撕雞簡單用咗千島醬去調味，同牛油果醬好夾！酸種麵包亦好出色，有外脆內軟啲效果！另外仲有沙律菜同青瓜，全部食材夾埋一齊食，口感更豐富，層次更分明～✨(凍) 自家製焦糖餅咖啡焦糖餅就咁食就係脆卜卜嘅口感，等啲焦糖餅慢慢溶咗之後，整杯咖啡嘅甜度恰到好處，係焦糖控必叫嘅飲品～✨(熱)陳皮洛神花茶賣相相當之精緻，味道酸酸甜甜，有消滯開胃嘅功效～總括來講，餐廳唔單止環境靚食物好，連對食物擺盤都極之講究，儀式感爆燈🌟～

觀塘 Be Leaf 🍃香煎帆立貝日式咖喱意大利飯😋是一道非常美味的主食。這道菜選用新鮮的帆立貝，經過香煎後口感鮮嫩多汁，搭配日式咖喱和意大利飯，口感層次豐富，味道濃郁。自家制焦糖餅咖啡✌️🏻✌️🏻一道非常獨特的飲品，焦糖餅烤制後搭配濃郁的咖啡，甜而不膩，口感醇厚。黑松露手拆蟹肉滑蛋厚多士😀這道菜可以說是美食中的經典之作。黑松露是一種珍貴的食材，帶有濃郁的香氣，與蟹肉滑蛋相結合，口感細膩鮮美。厚多士則是一道口感豐富的甜點，搭配黑松露蟹肉滑蛋，口感酥脆，味道香甜。

《Be Leaf》觀塘充滿峇里風情的打卡cafe🍴🍴🍴🍴🍴 。香煎帆立貝日式咖哩意大利飯 ($153) - 好香濃的咖哩意大利飯，意大利飯食到粒粒口感，香煎帆立貝夠鮮夠嫩，整體唔錯。 。甜酸醬烤焗16小時慢煮美國豬肋骨配炸薯條 ($209) - 豬肋骨好大份，肉質夠嫩，輕輕一切已經切開，薯條香脆，非常美味。 。焦糖餅咖啡 (套餐) - 咖啡本身好香亦同時好有奶香，當焦糖餅溶咗落咖啡，帶出點點焦糖香氣更加好味。 。Grapefruit Summer Soda (套餐) - 酸酸甜甜又清爽的夏日莎打，打卡一流。 。套餐跟了南瓜湯及自家製面包仔，南瓜湯都夠濃稠，點埋鬆熟面包更好食。

Bali風cafe~ 自由慵懶、有大自然元素🌿係到食午餐，有種渡假🏖的感覺😛香煎帆立貝日式咖哩意大利飯日式x意式的fusion 菜式。淡淡的温柔版咖喱🍛完全不辣，配上意大利飯，再加上3⃣️大粒的帆立貝，還有幾片紫菜碎，柔和順口，充滿異國風味~甜酸醬烤焗16小時慢煮美國豬肋骨配炸薯條以慢煮的方式處理，口感特別細嫩，鬆軟多汁，塗滿甜酸醬後味道濃郁，開胃怡人。薯條雖然墊在肉底，依然炸得香脆～Grapefruit Summer Soda夏天飲呢杯就最適合，酸中帶甜的冰涼滋味◆焦糖控必選♥自家制焦糖餅咖啡 想飲咖啡但又怕苦，可以試吓呢杯加咗焦糖嘅咖啡！咖啡帶甜，同焦糖餅乾一齊食係double Sweetness法式焦糖卡士達梳乎厘班戟我同朋友生日，都想要一個特別嘅生日蛋糕☺️班戟有兩層，疊起來就同蛋糕冇分別🎂，但係就充滿新鮮感。外層淋上卡士達，內裏係空氣感十足、入口綿密的梳乎厘。

好友介紹個靚靚打卡餐廳，今日終於來朝聖啦！我約同好友去位於觀塘敬業街皇廷廣場地下2號舖的 Be Leaf 餐廳食晚餐，環境舒適開揚，裝修清雅又富有渡假氣息！ 我點左個 香煎牛小排紅咖哩意大利飯套餐 $340，有是日餐湯配自家製香草麵包，經典提拉米蘇梳乎厘班戟，及餐飲係自家製焦糖餅咖啡（凍）；好友點左個 水牛芝士巴馬火腿無花果沙律 $138，及熱陳皮洛神花茶（消滯開胃）$45。香煎牛小排的牛味香濃，肉質嫩滑好食，意大利飯軟綿，紅咖哩味香微辣，好有特色；水牛芝士巴馬火腿無花果沙律賣相吸引，材料新鮮及豐富；經典提拉米蘇梳乎厘班戟好軟綿，自家新鮮製作需時20分鐘，待食完主菜才製作；自家製焦糖餅咖啡好好味，熱陳皮洛神花茶好甘香清爽。