Bello Dining

營業中

休息中

Ordered a pepperoni pizza and a pasta and it was a disaster. The pizza is strangely crispy as it is as thin as a sheet of paper. The toppings are over flavoured. The pasta is too soft and tasteless.

🍻 啤酒🐷食評 🍖 ‖ Bello Dining ‖ #beerpig天水圍 #beerpig西式 #Beerpig良心小店 成日都覺得天水圍冇乜特別野食咁，黎黎去去都係啲大集團既餐廳，食到都有啲悶🙈今日係個比較少行既天一商場搵食，發現到呢間 #良心小店 ，門口仲有都幾多人排隊下🤭就揀你啦餐廳環境方面就正正常常，座位都舒適，唔會同隔離台唔會貼到好埋，員工都幾有禮貌，反應都快🙈今次同朋友慶生，唔小心吹水吹耐左都冇人趕走，成餐飯都好開心🥳—#🍻🍖 質素：🥘是日餐湯｜粟米忌廉湯粟米忌廉湯味道正常，幾creamy，同平時飲既忌廉湯差唔多✨評分：5.5 / 10 分🍛香煎帶子南瓜意大利飯｜$84經朋友推薦點左呢款意大利飯🤭味道幾好，食落有陣南瓜香仲帶點甜味，飯粒既硬度偏硬少少，控制得幾好唔會煮到爛patpat，比較接近傳統既意大利飯🤤帶子煎得幾香同好厚肉✨評分：8 / 10 分🍝忌廉明太子帶子意粉｜$82明太子醬加意粉幾惹味，醬汁creamy，而明太子咸咸地，食落就冇咁易覺得膩，意粉同樣係軟硬度控制得幾好😋✨評分：7.5 / 10 分🥩香煎紐西蘭牛柳｜$128小編點左5成熟既牛柳，而牛柳好厚

真係失望!!!見大家Comment話係黃店想支持下，但食到一半有女員工係門口拆淘寶先知係偽黃！我食過兩次第一次食係6月我食青醬意粉已經覺得有青醬味得忌廉既味，好難食！唔知以為係白汁意粉，連意粉個樣都睇唔出係青醬……成個粉個樣係白色既，basil好貴咩？咁我住天水圍諗住比多次機會試下佢既晚餐，咁我去食第二次我食香蒜蜆肉意粉，得一陣油味，好似食緊油煮意粉咁，一點蒜味都有，成個意粉好油，蜆肉都唔多，完全唔掂。我叫干島海鮮pizza啦，pizza大係大呀但個邊好濃，咁燶都出比客人，都真係好笑從有個pizza太多干島醬了。我從叫左豬鞍啦，都唔熟既，豬唔熟叫人點食😑到底廚房係咪真係識煮野食？基本要熟要唔燶都做唔到，反曬白眼。環境就好嘈，聽到廚房個邊好嘈，因為佢地廚房有門既，成日聽到廚房係咁嗌，食餐飯都嘈到頭痛。總結食左呢兩次，佢價錢唔係貴，見咁多人排隊我都好期待，但食落質素真係差。唔明點解咁多人排隊食，要排咁耐食呢間野，所以呢間既質素真係唔值要排咁耐去食，d人應該都係跟風排隊去食。

食過2-3次呢間餐廳，由細舖食到搬咗變大舖，性價比高，當然唔係每樣食物都突出，但綜合價錢計算，在天水圍城不錯的😋推介pizza🍕🍕✅✅✅🍕千島海鮮薄餅12吋大，上菜時見到咁大都嚇一嚇，因為落單時唔係太想象到實際大小😆批底夠薄夠脆（相片可以睇到😝），見到好似係即叫即焗的，拎上手影相超熱🥵餡料好足，主要係蝦同魷魚圈，不過係有菠蘿🍍😂夠芝士，有拉絲，2個人食唔會食得晒，最後有半個要打包走。🍝香辣蒜蓉蜆肉意粉偏辣，蜆肉不算多。🍟脆炸粗薯條配蜜糖芥末醬、黑松露醬、蕃茄醬，夠脆，蕃茄醬味道有陣膠味🧐🐓玫瑰蜜糖 / 香辣鷄翼有6隻，可以兩款味道各半，咁就試勻晒，香辣雞翼一般，不太喜歡個香辣醬，相信本來雞翼嘅味道兩款口味應該沒有分別，玫瑰蜜糖同香辣醬係後加，玫瑰蜜糖較稀身，但同雞翼較夾。

今日同朋友仔約左係天水圍見面，對於一個九龍仔黎講，天水圍我就唔係好熟悉，好彩有朋友帶路，最後我地就決定左去天一商場的Bello Dining. 一去到已經見到好多學生排緊隊，咁我地都馬上去攞位啦。等左10分鐘左右，就有店員安排入座，感覺都幾快手。 睇完餐牌，朋友就話之前黎食過，蕃茄雞扒扁意粉唔錯。咁我就照叫左一份，而朋友就叫左一個蕃茄忌廉墨魚仔意粉。跟餐有一杯野飲，可以跟沙律或湯。 沙律都係一個正正常常的胡麻醬沙律，胡麻醬落得一啲都唔輕手，絕對唔會話食食下唔夠醬。 沙律差唔多食哂，個扁意粉就到啦。老實講，個意粉其實就係一個正常的蕃茄雞扒扁意粉，意粉的粉量適中，男仔都夠食。而扁意粉烚的時間都ok, 有啲咬口。蕃茄汁唔會好酸， 可以食到一啲新鮮得蕃茄粒。而煎雞扒就一塊完整上，就唔會走哂啲肉汁啦，食落都嫩滑香口。其實各方面都唔算突出，但有時正正常常就已經好好。 相信朋友係呢度已經揀左一間算係咁嘅餐廳。午餐五十零蚊，經過可以一試。

🍟脆烤粗薯條💵38🍀🍀🍀🍀🍀🍀🍀🍀🍀薯條🍟又熱又脆，配埋3個醬，分別有茄汁、蜜糖芥末同黑松露醬，醬方面就無乜特別～🍝黑松露野菌忌廉扁意粉💵76🍀🍀🍀🍀🍀🍀🍀🍀🍀🍀依個汁煮得幾好，個汁係杰身既，所以口感較濃稠，唔算重黑松露味但重忌廉奶味，食幾啖都好飽，啲菇數量都多～🍝香辣蒜蓉蜆肉意粉💵76🍀🍀🍀🍀🍀🍀🍀🍀🍀🍀意粉勁多，食唔晒🤪蜆肉都多，不過意粉煮得比較硬身，味道有啲淡但帶少許辣，但較普通～🍕夏威夷風情薄餅12吋💵84🍀🍀🍀🍀🍀🍀🍀🍀🍀 原來12吋係咁大😂因為小朋友既要求，就嗌左夏威夷味，我覺得薄批比厚批好食，會脆脆既，面頭好多芝士🧀，面頭甜甜地，因為有菠蘿🍍既關係，亦有啲火腿係面，增加口感～🍵抹茶奶綠💵32🍀🍀🍀🍀🍀🍀🍀🍀🍀 即使攪渾左但飲落都好似仲有好多粉係口中，飲飲下好甜同質感較水🥲對抹茶控黎講，唔好飲～☀️整體而言，價錢我覺得ok既，份量都好多，因為都多人食，所以等候時間都耐，食物質素不錯，但又未到超好食😬

外賣叫咗兩個pizza拎走，其實佢份量好大，而且價：錢又唔算太貴，真係cp值爆登！pizza係薄批，但係經過20分鐘翻屋企，個邊仲好脆吖！千島海鮮pizza，上面鋪滿咗海鮮，原全唔會偷工減料，令你由頭食到尾，每一啖pizza都有海鮮喺入面！而且pizza上面個醬都非常好食！另一個係菠蘿烤雞pizza，上面係滿滿嘅菠蘿同雞肉，鋪到滿曬，正吖！呢兩個pizza都好高質，佢堂食多人排隊到喊，打電話叫外賣翻屋企食就一流！

🎈Bello Dining>>>>>>>>>餐廳環境好簡潔，而且座位都算好闊落！店員服務幾好，算好有禮貌！>>>>>>>>>食物方面叫咗一份卡幫你意粉，呢個卡幫你意粉好香濃，而且意粉煮得啱啱好，軟硬適中！加上卡幫你嘅汁好香！

如果朋友叫我介紹一間天水圍味道又好，環境又好嘅西餐廳，我一定係介紹呢一間由佢細舖搬大鋪，食物質素都冇咩點變，一樣係咁好味😋最愛佢嘅薯條拼盤，隻隻醬都係咁好味。同埋佢啲意粉都非常出色，尤其鍾意食佢嘅忌廉長通粉，價錢唔貴特飲都非常精緻好飲，推介大家來試試

大衆化價格, 可以品嚐美式及意式美食！比如牛角包、雞翼薯條、各式意粉及pizza, 裝修好貼地, 算干淨衛生. 食物味質素可以,味道就見仁見智了.但在天水圍這個不毛之地,猶如股清泉.怪不得12點開門11點半已經有大媽在排隊了！

🔸️第二次介紹天水圍呢間性價比高既西餐廳❗⭐ 香辣蒜蓉蜆肉意粉（套餐）＄98🔸️今次我哋叫咗套餐，加＄22🔸️包餐湯／沙律 同飲品🔸️ 每次嚟都會叫呢個意粉😍香香辣辣真係好好味 👍蒜味濃郁亦唔會太油膩意粉份量適中推薦指數：⭐⭐⭐⭐⭐⭐ 香煎大虎蝦墨汁意大利飯 ＄88🔸️ 虎蝦新鮮 爽口彈牙👅墨汁唔會太咸 調味適中👍意大利飯有咬口 係大粒長新嗰種米飯推薦指數：⭐⭐⭐⭐📍總括而言，食物味道好好，價錢亦唔會好貴，可惜暫時只得天水圍店，不過 如果你嚟開天水圍，可以試呢間黃店❗Bello Dining天水圍天秀路8號天一商城2樓2011-2013號舖

今次介紹一間天水圍嘅高質西餐廳💓性價比超高 仲係橫掂嚟㗎👍🤗⭐ 香辣蒜蓉意大利粉 ＄76香辣和蒜味好夠🌟雖然蜆肉唔算多但係意粉嘅汁咁好q彈👍每次我同朋友食到停唔到口😋推薦指數：⭐⭐⭐⭐⭐⭐ 黑松露大啡菇意大利飯 ＄82大啡菇好juicy 🌟意大利肉飯嘅質感好好米飯係偏硬身嗰種黑松露味好香咁嘅價格食到咁好味嘅意大利燴飯真心正👍推薦指數：⭐⭐⭐⭐⭐⭐ 芝士焗薯皮 ＄42薯皮香口 芝士唔會太膩 啱啱焗起熱辣辣🥰推薦指數：⭐⭐⭐⭐Bello Dining天水圍天秀路8號天一商城2樓2011-2013號舖

天水圍好少有西餐食 呢間仲要性價比超高 真係唔食唔得啊～野食都唔話得 意粉種類唔少 價錢都好親民 第一次同朋友食 嗌咗一份意粉同pizza 食好飽兩份野上到嚟都熱辣辣 因為pizza要即整 上到嚟即食 真係好滿足 野飲方面我就嗌朱古力 個人就覺得太甜好漏

上OpenRice 睇呢間餐廳好多好評 一於去食食味道比期望更好呢！不過服務可以好多少少當時明明有好多空枱但服務生帶左好近隔離既位~btw 呢個茶餐廳價錢味道好好 食物都好夠熱！好評👍🏻

今次再黎幫襯bello dining ，經過上次既好評之後，今次再試下啲新野！田螺焗黑松露薯蓉$45呢個田螺超正！唔好睇佢咁平，其實好大兜！啲田螺隻隻都好大隻嫁！唔野少！同埋啲薯蓉都幾滑，同奶既比例岩岩好！啲黑松露都幾香，但又唔會搶左薯仔既甜味！讚！蕃茄水牛芝士薄餅$60第二次食佢既pizza！我都係中意佢夠薄底！咬落脆卜卜！唔會話食包都食飽咁！佢既芝士超濃厚！厚厚一層真係超正！芝士愛好者必點！同埋都係包埋餐湯同飲品，又唔洗加一，好抵食呀！