BELLY BOYS (已結業)

一入到去已經無人serve，舉手揾人成堆Staff企晒喺角落頭都冇人理，問佢攞Menu佢先俾咗份code我哋，食burger收10%服務費😅。食到咁上下真係好熱，好似冇冷氣咁，仲要有烏蠅，唔止一隻，有成兩三隻。好心個環境咁惡劣就唔好長期開住成棟大門😅又熱又多烏蠅，啲烏蠅長期喺度飛嚟飛去。有個staff係坐喺度用緊電腦，我望住隻烏蠅飛去佢嗰邊摟住佢，佢郁都唔郁，你唔會係老細嚟掛😅咁都扮睇唔到。你啲嘢幾好食但係個環境真係惡劣得滯，冇人食真係抵死😅我係見你新開，又行過幾次都見到你哋喺門口摟人入去先嚟試，點知原來係咁嘅質素，仲好意思收10%服務費，快啲執咗佢畀返個舖位出嚟好過，冇人食抵死你遲早執😅😅有得揀嘅話環境衞生直接0星

Belly Boys係灣仔舊鋪既時候已經食過至少二十次，食到老闆都認得我🤣新鋪搬左黎銅鑼灣，環境比以前更舒服，招牌Smash Burger水準依舊，新出既鱈魚柳漢堡同薯寶都值得一試晚市套餐$118有包、小食同飲品，大部分食物都要額外加錢雙層芝士牛肉漢堡(+$20), 三重芝士牛肉漢堡(+$40)牛肉漢堡係必食，我最鐘意係三重，三塊牛肉一齊食既口感同味道係最好，只係食完會好飽，所以有時會揀雙層😂另外建議同店員講肉煎燶啲，牛肉本身味道唔算好濃郁，所以煎燶而散發既焦香味就變得好重要我食過唔少既漢堡包店，如果單單睇牛肉既質素，Big Bite同Diplomat係更好，但前者麵包麻麻，後者價錢太進取，$180一個包唔會經常食🙈Honbo既漢堡同呢間幾似，但自從Belly Boys開左之後我就冇再去，份量大，價錢平啲，麵包烘得更加香脆，只要我想食漢堡就會過黎😝鱈魚柳漢堡(+$10)估唔到呢個包咁好食，鱈魚柳材料靚又厚身，炸粉薄，炸既時間啱啱好，每啖都好嫩滑，麵包、莎莎醬同魚柳非常夾，值得一試😝薯寶配煙肉芝士醬(+$18), 卡津辣味蕃薯條 (+$5), 炸雞翼 (+$8)薯寶絕對係最出色既小食，炸

【‼️Like & Comment即有全單85折🙌🏻】高質足料burger小店！之前係灣仔細鋪，最近擴充搬咗去登龍街大鋪，環境坐得舒服好多估唔到佢地多咗人識之後質素冇跌反升，keep到水準，喺銅鑼灣呢個價錢食到咁嘅質素CP值好高🤪-👍🏻三重芝士牛肉漢堡(85折後) $98招牌主打item，用上三層SMASH USDA Prime Beef Patty，每日新鮮製成，以少量黑椒調味，保持牛肉原有味道SMASH牛肉壓成薄身，燶邊焦脆，唔算勁多肉汁，但牛味香濃，焦香同牛味混和🤤再加上火炙燒至半溶嘅三層芝士，鹹香突出，肉量十足😈配搭特製醬汁、生菜、洋蔥、酸瓜，麵包鬆軟挺身，好香牛油味整體厚身足料大大個，呢個性價比喺銅鑼灣地段真係唔錯-👍🏻威士忌黑胡椒醬漢堡(85折後) $85新店新出嘅主打口味，之前灣仔細鋪冇同樣係USDA PRIME牛肉，但厚度比起三重芝士漢堡更厚身鬆軟，更多肉汁，牛味仲濃啲🤤配搭自家特製威士忌黑胡椒醬，黑椒味濃，加上大量爽甜嘅焦糖洋蔥同蘑菇片麵包就算沾滿醬汁仍然挺身，牛油香味明顯整體味道豐富有層次，但較多醬汁 ，食起上嚟有啲呢Hea🤣-👍🏻鱈魚柳漢堡(85折後) $72鱈魚柳

今晚本來想食燒肉，可惜周圍都無位，經過見到登龍街新開左間漢堡店，又剛好有位，就入去試下。晚市$128一個餐，有漢堡薯條同野飲，銅鑼灣黎講算好抵食。Burger黎到熱辣辣，牛肉唔乾，但可以厚多少少就更好。薯條第一轉唔脆，幸好店員知道之後即刻炸過一碟比我地，第二碟夠乾身同脆，正。最好食係個煙肉芝士薯堡🥰店員服務態度好好，可以再encore.

一早就聽講過呢間由澳洲回流廚師主理漢堡店，而家喺銅鑼灣開咗新分店，地方近就腳，就快快嚟試試佢！😬••••••••••••••••••••••••🍔Belly’s Smash 雙層芝士牛肉漢堡（$95）兩層唔算太厚嘅漢堡扒夾住流心芝士🧀️仲有生菜、酸瓜、蕃茄等較清爽嘅配料🥬好岩我口味🤣牛肉味好香，帶微微焦脆邊肉汁唔算多，但厚薄適中😼麵包食得出係岩岩煎香，外脆再軟，而且散發住牛油香🧈••••••••••••••••••••••••🐣韓式辣炸雞漢堡（$80）包體同上面一樣，但呢個更有驚喜韓式辣醬，辣中帶酸，食落開胃🤣漢堡仲加咗生菜沙律增加口感🥗重點！雞扒煎得好香脆，食落比牛肉更juicy😆如果喜歡雞嘅朋友，要試試這個~🍟松露蛋黃醬薯寶（$48）發揮正常，配上醬料都好夾，唯一美中不足係有點太鹹