Ben哥米線

營業中

休息中

頭先叫左個外賣--->肥牛金菇芽菜米線番茄湯底走芫荽，番到屋企先發現佢比左碗冬菇芽菜米線番茄湯底（仲要冇走芫荽）搞到我要好辛苦挑走D芫荽，挑挑下發現原來連肥牛都無比！金菇聽錯冬菇都算，而家連肥牛都冇塊！錢就收齊！貨不對板！員工態度又差！貼錢買難受！激到我一肚氣！同埋我叫左杯冷檸樂，佢就咁比罐可樂我就算，好彩我發現得早，佢即時換左比我！！！！諗住打電話去間鋪同佢講，點知電話無人聽！以後唔會再幫襯！！！！！！！！！！！

應該再找不到有這麼難吃的米線鋪了，酸菜可以食出甜味，也是技術厲害。服務態度差，將買單牌好大力丟你張檯，好像白吃不用給錢，沒有最差，只有更差，浪費我的時間。。。。

經常去美孚都冇留意到呢間米線，今次朋友帶我黎首次嘗試，地方好細，只有幾張檯，最多可以容納20-25人左右，排隊需要係門外面等，買外賣會更好。晚上6點左右去，唔算太多人，係門外等左5分鐘左右就有位啦，朋友推介墨魚🦑頭，另外再叫左個酸辣五穀米線五穀米線🍜有五隻色幾特別，米線較軟身，份量好多，普通米線轉做五穀米線仲唔駛加錢，可以一試，酸辣個湯底有得揀6種唔同程度既辣，好貼心，唔食得辣既仲有普通小鍋米線選擇試埋個墨魚頭非常掂呀，冷盤，咬落去爽口唔黏牙，配左少少既辣醬，美味非常

落order時要客人係個位到叫出去，行出去叫又叫返人坐底，我黎食飯唔係黎唱山歌，點解要客人禁樣叫出去?對上一次叫酸菜都可分上，今日叫就話唔得，明明上次都可以點解今次唔得，原因係師傅唔可能令酸菜分開？？？？？？？？上次師傅又分得開禁勁！明明係叫墨魚頭，但係就比墨魚腳？

自從美孚開咗Ben哥米線，試過推介既墨魚頭後就好鍾意食，一個月食2、3次。但最近發現味道唔同咗，食開麻辣小小辣但湯底淡咗無乜麻味而變咗食小辣，墨魚頭無咁爽口仲無乜味。今晚再次幫襯，原本想堂食但個地好滑感覺有啲污糟就改為外賣。叫咗麻辣墨魚頭魚腐米線小辣（走韮菜、芽菜）。等咗15分鐘先有，其間有問過個亞姐咁耐既，純粹驚漏單，但個亞姐目無表情答「未得喎」。返家一打開😱點解同平時唔同樣既，啲肉碎唔見晒，收成$10一個餸既墨魚頭居然得6小粒😩味道已經無咁好食，連啲餸都咁少，收成$43（麻辣米線$31+2餸$17外賣9折）完全唔值。

Ben哥米線下午茶時段好抵食，蕃茄米線加兩個7蚊嘅餸，送熱飲，只係38蚊！蕃茄湯底好香濃，有好多茄肉，加埋大量肉碎，好惹味叫咗蘿蔔、魚腐同雞翼，要加多10蚊。蘿蔔有時比較多渣，魚腐好淋身，雞翼都煮得好入味！

I ordered a mid-spicy noodles with kale, pigs ears and tofu skin for take-away. 10 minutes after I finished the noodles, my stomach started hurting and I threw up twice! It was horrible. I had a breakfast and didn't eat all day until I got this noodles from you guys. Please take good care of your ingredients, its very dirty. 

今日傍晚去 美孚ben哥食米線，剛剛好趕得切 食下午茶餐 因為六點半前套餐連嘢飲$ 42蚊，但有時ben哥都好有人情味， 因為有一次我剛好六點半去到，沒有位入座， 男侍應幫我照落單下午茶套餐，等有人走我才入座， 好好人，我估這個男侍應就是ben哥今日我點了小窩米線豬耳加豬肚，豬耳肉好淋， 中層根好爽， 豬肚夠哂入味， 芽菜鮮好甜， 蔥花芫茜好香口， 我個人鍾意小鍋湯底 ， 清清哋不會太鹹.我點了飲品 : 凍檸茶少甜小冰， 茶味比一般茶餐廳濃.

Ben哥米線的前身是景村雲南米線， 感覺上是轉了店名而已，餐牌上的食物似乎大致相同。晚市點了豬軟骨、蘿蔔、墨魚頭酸辣米線中小辣。酸辣米線附有肉碎、芽菜、韮菜、莞茜、蔥。酸辣湯底酸味足，酸辣比例剛好，十分開胃。豬軟骨-有兩大塊，滷煮得夠冧夠入味。墨魚頭-份量不少，爽脆可口 蘿蔔煮得夠冧，但感覺上是清水煮的，味淡，亦欠缺蘿蔔本身應有的香甜味。晚市點選兩餸或以上米線送飲品 ，點了凍檸茶少冰少甜，個人覺得茶味偏淡。總體而言，小店的米線價錢合理，味道不錯，值得光顧。

食咗幾年景村，轉咗名之後本身話同一班底，但樓面同廚房原班底呢幾個月都走咗大半。咁到底呢間仲算唔算係景村？食物方面，必嗌係墨魚頭，夠新鮮。有啲餸轉咗名之後都有改變，但有啲改咗都唔一定係好咗。豬軟骨以前係豬硬骨，而家炆耐咗就易入口好多且味道都keep到，不過份量明顯少咗。蘿蔔以前都係比較"爽脆"，而家炆淋咗。但小弟覺到過咗火，有啲似湯渣，無曬蘿蔔味。至於其他人講咗味道飄忽我都認同。不過呢個係景村時就有了。食唔食到一碗好米線就要睇運數啦

今天突然好想食米線，之前有同學講過Ben哥米缐幾好味，就叫咗個下午茶米缐餐，由於太肚餓，所以無影食物相，但麻辣米幾好味，尤其個墨魚咀好好味，唔差，但由於有肉碎就比較油。

半個月冇食了，食完覺得難食左。質素時好時壞，上兩個月明明都好食，琴日一食，湯冇哂味，辣又吾辣。以前小辣都會覺得辣，依家直頭冇味，仲吾辣過bb辣喎。小辣以前係好香好辣下的。令我感覺最差就係佢地員工的對話！我同一位員工反映吾辣，可不可以加辣（麻辣）佢同廚房講述返，我聽到廚房話：「出面咪有辣油囉，俾出面個d佢咪得囉」我就答佢：可以加返湯底既辣嗎？同辣油吾一樣員工再陳述返。之後廚房：「你話一樣咪得囉！」其實.... 我聽到哂啦........仲點會覺得係一樣呢...以前好中意依景村，轉左手都有一排吾好食，再變得好食過。依家... 係咪轉左廚師...Btw,次次食完墨魚頭都會肚痛.... 有次痛到以為要入院... 第2到食吾會咁嚴重.. 搞到吾敢再食.. 希望吾會再咁

呢間米線之前都有食過，前一排應該轉咗手改咗名，前幾日去咗食，味道雖然比以前有分別，不過整體嚟講都唔錯，幾好食👍🏼米線我叫咗番茄酸辣湯底，配豬耳大腸，份量都幾多下。個番茄酸辣湯底之前冇，原來係新嘅。配料有好多肉碎😍米線比一般米線鋪嘅幼，個人食開譚仔，所以口感唔太慣。餸方面都唔錯，豬耳夠爽，份量都夠。另外我再叫咗墨魚頭小食，價錢少少貴，不過個墨魚頭辣辣地而且好爽口，份量都OK，值得一試👍🏼👍🏼整體嚟講，味道都唔錯，價錢比一般米線鋪貴少少，值得一試。ps原來佢有送野飲優惠

Ben哥米線 (美孚)本想吃三哥，但男友說附近有家頗多人光顧的米線店，便去試試看😯。-星期六晚上20:00，店內的顧客也不少，剛巧有空位😍。-一坐下便聞到有一陣怪怪的臭味，像一條洗不乾淨的毛巾傳來的臭味😷。•麻辣米線$29 + 腩肉$10 + 豬肚 $10送一杯飲品，冷熱皆可。點了少少辣。湯底只辣不麻。但一點也不要看輕它的辣，少少辣也辣得我流鼻水🥵。-👍 腩肉很美味。肉很薄，肥膏與肉的比例是1:1。-豬肚也很爽口。-邊吃邊聞到那陣怪怪的臭味。經我仔細研究後，那怪味是從我正在使用的湯匙🥄來😨。-雖然這家店的米線味道不錯，但礙於那陣怪味，令我對它的衛生存疑😖。而且它的米線比起三哥、譚仔貴🤑。•回頭指數：0/10

ben哥米線前名景村米線，幫親左好耐，最鐘意佢酸辣米線，湯底好好味，好多肉碎。大腸好入味，整得好出色。墨魚頭幾好咬口。裝修完後，環境好左，位置多返d,坐得比以前舒服。