Ben Ben 廚房 (已結業)

Ben Ben 廚房@benben.kitchen大埔南盛街16號南盛大廈地下1號舖今日黎到一間大埔區好重人情味嘅小店「Ben Ben廚房」！我唔係吹奏佢，係因為佢會定期派飯比老人家同提供義剪的，值得讚賞。之前都有外賣過佢d炒粉面，又真心幾好食，所以今次就黎試下佢d晚市野食。今次叫左蒜香骨、海鮮豆腐煲同埋煎蠔餅。1.蒜香骨炸蒜十足，d骨入味，整得夠晒香口，食落啖啖肉，唔會只係得骨！如果唔係要返工，我一定叫支啤酒黎送🤤🤤2.海鮮豆腐煲材料十足！蝦同魷魚火喉控制得宜，絕對冇over cook!味道岩岩好，唔會話大濃味遮左食物本身味道。收汁都收得好好，d汁掛到係食身本身上面，煲底唔會話水汪汪。不過d菇就有少少苦澀味。3.煎蠔餅好耐冇食過煎蠔餅，對上一次已經係d走鬼檔到食！坊間好多蠔餅都係炸到好似入面冇野咁，蠔又細，個d我只能叫炸粉漿！但依到嘅做法就應該係做半煎炸，所以先做到真係有「餅」嘅效果，而且d蠔又大粒d又唔會腥！不過如果可以厚多少少，口感真會更加fit了😋整體黎講，食物質素良好，環境企理乾淨，坐都舒服！係一間值得一去嘅小店。#大埔美食 #香港美食 #hkfood #港式 #人情味

知道呢間餐廳的存在已經有一段時間，但由於在社交平台的地區group內很經常的有人講佢讚佢，感覺係promotion,覺得好煩，反而唔想去。不過由於近日有人講佢個湯，我又好鍾意飲湯，所以咪去試吓。八九十蚊一個蒸飯加湯set,喺大埔黎講，係偏貴的。但試完就知佢絕對對得住呢個價。先講個湯，份量超級足，兩個人都夠。湯料好足，粗略數有：數塊烏雞，兩隻雞腳，一塊大一塊小的一字豬骨。呢個燉湯，真係大滿足！到個蒸飯，大埔有不少店有蒸飯，但呢度個蒸飯質素真係好，飯香，不太亁也不太濕，雞有雞味，佢係貴過人地，但質素真係比人地高喎！好高興有間提供有質素食物的茶餐廳；畢竟大埔已經有很多不太貴但不太好食的茶餐廳了，不用再有更多。有一些地方是希望改善的：椅子很焗，未到夏天，已覺得很焗有點熱；音樂也有點太大聲了。

經過見到佢個裝修已經好吸引，用好靚嘅霓虹燈做裝飾❤️原來係新開就入去食下啦！勁多款式，搞到我都有選擇困難症🤣老闆推介食個蒸飯配燉湯！雲耳蒸雞飯，雞肉夠香嫩，醃得好香👍🏻蝦醬蒸肉片飯，超級香呀，撈飯超正燉湯好味到唔記得影相，入面勁足料💯

我都唔想做Ben Ben 打手（foxd歷史上應該只有兩間餐廳試過岀3個post 或以上），但我次次黎親都有驚喜，加上呢排又無乜機會岀去食飯，唔幫你寫多2個post 都唔得啦吓話~話說Ben Ben 有龍蝦食唔係今日先知，幾日前黎到諗住食個快lunch 繼續番屋企扮工，就畀隔離枱碟龍蝦吸引左，心諗有無咁痴線呀？茶記lunch 有芝士龍蝦伊麵食？😆🦞開邊波士頓龍蝦(芝士伊麵底) $➊➎➑聞名不如見面，叫碟黎食吓最實際。148蚊一隻開邊波士頓龍蝦都幾好肉喎，鮮味爽口仲帶微微黃油👍🏻龍蝦鉗都扑開左完全唔洗用手就食到。芝士伊麵夠哂香濃同大份，1個人食就太heavy，2個人嗌一碟再搭多份下午茶share 就剛剛好。係今時今日嘅香港，咩娛樂都無，想食餐好都咁難，畀你搵到間畀到咁多surprise 客人嘅茶餐廳，2個人畀百幾蚊可以食到龍蝦午餐仲要咁好食，真係加倍珍惜呀大家😌📍Ben Ben 廚房大埔南盛街16號南盛大廈地下1號舖

🙇🏻‍♂️真心配服BEN 哥，搞呢間Ben Ben 廚房真係可以用「出色」2個字黎形容。短短一個月幫襯左三次，三次都食到我地讚不絕口。稱你地為成個大埔區，又或者係全港搞得最有心嘅一間小廚都不為過！野食種類又多選擇，中式西式海鮮甚至燉湯都有，可以話係大埔人嘅新飯堂，抵我連續幫你岀2個post 😉頭2次黎食過🥣羅宋湯牛腩通粉同埋🐥雞扒早餐都係超水準發揮，今次午餐黎試下佢嘅焗飯，又係堅掂㗎喎！啲野好唔好食，好睇間餐廳有無心機去煮。碟碟都即叫即製又肯畀心機去預備食材/用最好嘅食材，食客自然會感受得到👍🏻🍛鴛鴦焗飯 $➏➑食呢個焗飯預左要等翻15分鐘，因為即叫即焗，上枱兜飯嘅汁仲好似熔岩咁爆緊🌋鴛鴦姐係一邊肉醬茄汁，一邊係港式黃咖哩，兩隻汁都係自己調製濃味並非人工化螢光汁😂豬扒薄薄一大片夠鬆夠腍唔洗刻意用刀叉都輕鬆食得到。飯底乾身完全唔會濕同一pat pat，仲可以做到燶邊有飯焦😍好似食煲仔飯咁。舖面一隻太陽蛋令佢更加生色，絕對係驚艷之作。順帶一提，呢度嘅熱奶茶同熱咖啡都係好飲😋📍Ben Ben 廚房大埔南盛街16號南盛大廈地下1號舖

來到大埔梗係要幫襯黃店啦一間真正金黃黃金嘅黃店 一定係這一間半隻雞啖啖肉雞有雞味未一個餐非常抵食淨係睇張相都已經夠晒看頭啦 真係勁真係冇得頂㗎福建炒飯非常足料有晒鑊氣鍾意食風味餐館嘅朋友一定唔可以錯過呢度仲有各式各樣唔同配搭嘅餐粉面飯都有大埔人有幾多個新落腳嘅地方啊見到呢一度個裝修都知道一定係自己友啦係唔係先嚟到依度一定唔怕搵唔到舖頭因為行到街頭已經聽到老細把聲夠晒熱鬧香港人最鍾意熱鬧自己人一齊食餐飯先至開心㗎嘛真香港人一定要來幫襯嘅真香港人地方BEN BEN BEN

大埔開左間新餐廳，食物高水準員工有禮貌老細落力，梗係要大肆宣揚啦💛餐廳大大個霓虹燈牌寫住「我真係好撚鍾意大埔」，作為大埔人去食野都寧舍親切㗎！🥣羅宋湯牛腩通粉早餐今次一黎黎到其實係慕名黎試佢呢個落足料嘅羅宋牛腩湯，用呢個落重料粒粒牛腩煮岀黎嘅通粉真係好濃味。飲落完全唔覺有味精，成碗飲哂之後完全唔口渴😆呢餐有個牛沖餐包，搽均左牛油再焗翻熱，食落仲幾軟熟。任揀2款配搭，夾埋餐肉同炒蛋係麵包中間食，就更和味啦。去得茶餐廳，佢杯奶茶都係質素嘅指標，飲落滑口唔苦澀，茶嘅濃度亦都適中，唔錯唔錯👍🏻我朝早10點幾黎到仲唔洗排隊，食完11點左右門口已人山人海。想食嘅你地真係要撞岩時間先唔洗排咁耐隊啦🤣📍Ben Ben 廚房大埔南盛街16號南盛大廈地下1號舖

地理位置：作為一個路癡，餐廳的位置十分之方便，而且很容易搵到，Google地圖指示明確，大埔墟地鐵站a出口，步行10min就可以到達. 菜式：港式茶餐廳經典菜式，也有自家特色款式口味：之前沒有在其他茶餐廳見過有沙嗲热狗🌭️，所以今次尝试. 牛肉非常入味，同包的结合完全不会奇怪. 包很酥软，外皮都够crunchy… 如果觉得食面热量太高，可以尝试..五颗星推荐👍第二款尝试了怀旧多士. 多士中间有结合花生酱，不会太油腻. 结合个人口味都会搭配糖浆.都是强烈五星推荐👍期待下次尝试的菜式：软脚蟹热狗，流心多士…

大埔開左間新餐廳，食物高水準員工有禮貌老細落力，梗係要大肆宣揚啦💛餐廳大大個霓虹燈牌寫住「我真係好撚鍾意大埔」，作為大埔人去食野都寧舍親切㗎！🥣羅宋湯牛腩通粉早餐今次一黎黎到其實係慕名黎試佢呢個落足料嘅羅宋牛腩湯，用呢個落重料粒粒牛腩煮岀黎嘅通粉真係好濃味。飲落完全唔覺有味精，成碗飲哂之後完全唔口渴😆呢餐有個牛沖餐包，搽均左牛油再焗翻熱，食落仲幾軟熟。任揀2款配搭，夾埋餐肉同炒蛋係麵包中間食，就更和味啦。去得茶餐廳，佢杯奶茶都係質素嘅指標，飲落滑口唔苦澀，茶嘅濃度亦都適中，唔錯唔錯👍🏻我朝早10點幾黎到仲唔洗排隊，食完11點左右門口已人山人海。想食嘅你地真係要撞岩時間先唔洗排咁耐隊啦🤣📍Ben Ben 廚房大埔南盛街16號南盛大廈地下1號舖

開張幾日，已經食左兩次。初頭見新開張，裝修幾靚就入去試下。試左兩次個炖湯，好正好足料，好滋補養生。特別推介小菜咕嚕，肉爽脆香口，兩次都有叫，朋友都話有米之蓮級數。另外叫左個牛仔骨，都好惹味，叉燒炒蛋亦好有鍋氣。😋 食物質素非常高，價錢又唔貴，性價比好高。最後一定要提嘅係呢間鋪好有人情味，老闆同員工都好積極了解我哋嘅意見，成間餐廳都氣氛好歡樂。聽老闆講鋪頭黎緊會積極加推新菜式，期待農曆新年會有特色應節菜式。