BESTIE

營業中

休息中

今日在屯門工作，偶然經過翠寧花園，見到一間新開冇幾耐的西餐廳 Bestie，門面及很吸引，又多人幫襯， 覺得好人氣的餐廳， 於是外買大蝦闊條麵和粟米湯，回家需時一小時，打開食物盒， 仍然香噴噴，存有濃郁鮮蝦和粟米鲜湯味， 嘩！真係正！大蝦闊條麵： 原來是虎蝦好有蝦味和爽口， 闊條麵加入濃郁醬汁，令口感層次提升，入囗也同時帶蝦的鮮味，非常高質。粟米湯： 粟米非常鮮甜清新， 又滑口。外賣質素咁好， 下次真係要坐低入去食， 相信堂食更加美味， 一定要約返三五知己丶家人去食下， 性價比又高， 真係叫做平靚正👍

屋企附近開左一間西餐，平時收工路過都見到都好熱鬧，坐滿人，尋晚仲見佢排晒隊添，搞到我都心郁郁好想試下。今日難得啊媽冇煮飯，就同佢一齊落去探店😁，原來晏晝係冇牛扒食嘅，咁就叫左兩個飯，一個係：香燒蜜糖芥末煙肉雞扒配飯及時菜$58另外一個係：香燒蜜糖芥末豬扒配飯及時菜$52，兩杯凍檸茶，啊媽超鐘意食個黃姜飯😂仲鐘好鍾意餐枱上嘅的小鮮花💐係咁影相。其實屋苑餐廳嚟講呢，呢間真心唔錯，價錢合理，味道OK，環境舒服👍🏻下次會再帶啊媽食，試下佢地的扒餐

好日都唔入一次屯門，估唔到屯門有驚喜！！！話說今日入屯門見客，講起屯門有乜嘢美食推介，客人就話係屯門友群組見到翠寧新開左間西餐唔錯，價錢OK唔算貴，食物無論係擺盤還是味道都絕對會另你愛上佢😅講到咁誇張，真係唔試都唔得啦。去到見到環境算OK，因為的一個人就淨係叫左份燒烤手撕豬漢堡，上菜都幾快，前菜有得揀例湯或者沙律，聽見佢D湯係每日新鮮打，唔係罐頭，所以我叫左湯，唔知係咪我眼花，見到個餐湯畫左個心❤️大廚有心了哈哈哈😆不過講真，個湯係OK嘅，起碼好過茶記個D先啦仲有餐包添👍🏻主菜果然不負期待😚擺盤OK，影相唔係要P圖都好靚😍，大大啖咬落去超級滿足，漢堡包正常發揮，最正係個手撕豬，好多汁中間有生菜同埋蕃茄增加口感，喂喂喂，你地D肉唔使錢㗎😂咁多嘅，客人食得好滿足吖睇黎下次要帶多D人一齊去食，咁先可以試到更多大廚的美食

朋友介紹 佢屋企附近開咗間西餐廳 話質素唔錯 咁我地就找日去try try 啦～ 地點係屯門兆麟站 出站後2分鐘就到 西餐我平時係唔會選擇春雞的，不過朋友仔站想食就識吓～ 再加個廚師漢堡！個Dinner set 有湯或者沙律再加個餐飲～噢～仲有個餐包佢一來個餐包 拎上手就覺得呢間餐廳有啲誠意喎～餐包係暖的 ☺️仲有安佳牛油（屋邨餐廳唔容易有架）當日係南瓜湯 個湯夠熱 味道都ok ! 沙律係凱撒沙律仲有片雞肉～ 非常Good la主菜來到喇 ～ 隻雞比我預期之中好太多了（芥末蜜糖烤慢煮半隻雞配扒菜及黑松露薯蓉）可能真係慢煮啲肉唔會咁「鞋」我食咗大半隻🤭 ; 個漢堡都非常出色，有煮過的洋蔥.酸瓜.芝士 ～ 真心呢間餐廳唔錯喎如果唔係開係屋邨內 呢個價錢真係食唔到😜

作為屯門人，平時除咗鍾意去市中心搵食之外，亦會嘗試到附近不同既小店。因為不時都會發現一啲小店，質素都不會輸給連鎖食肆，還會帶來不少驚喜。今次這間西餐新開張冇耐，位於居住屋苑附近。除左因為鄰近屋住屋苑之外，我亦一直鐘意睇openrice食評，從而選擇去嘗試。留意到之前的評論，以新開張嚟講，這間餐廳的評價唔錯，開張不到一個月，很快已經有連續既好評，難得。今次係中午去到，食晏時間客人唔多，一共有3台客人。餐廳面積唔大，台與台之間比較近。侍應都幾快手，一坐低就拿杯水及餐牌嚟。Set lunch一共有8,9樣食物選擇。有意粉，飯，炸魚，薯條等等。點左個蜜糖芥末豬扒飯加時菜。加5蚊可以有西湯，價錢平，所以就加左個西湯。上菜快，5分鐘左右就上西湯。老實講，加5蚊西湯，唔係話平價一定唔好，亦好明白價錢相對質素，所以對西湯要求唔高，只要ok就可以，但西湯味道似罐頭湯，比罐頭湯味淡，只有一些唔甜既粟米味😥。餐湯唔係主菜，5蚊值唔值就見仁見智。之前提及，這間西餐廳係operice的食評唔錯，評論中無論對食物質素，味道，份量等等都讚賞，所以我對主菜亦有所期待。主菜份量方面，有飯同兩件半塊的煙肉，配上一塊雞扒。

最近從朋友口中得知，翠寧花園果邊開左間餐廳，大廚以前響Ritz-Carlton做過，所以專程過黎食下。一行六人，分別試左：溫泉蛋Carbonara - 難得佢真係有隻溫泉蛋，平時普通餐廳好多時根本唔會俾你撈，意粉好有咬口大蝦寬麵 -呢個最有驚喜，佢地話個sause係vodka cream，我就唔識分，但好香口，最惹味係呢個香煎三文魚 -三文魚下面有塊脆炸麵包之類嘅野，索左上面嘅三文魚油，超正燒豬肋骨 -不過不失，特別在佢跟餐嘅係炸蕃薯條，而唔係一般地方配嘅薯條，感覺幾fresh最後不得不提，個餐湯都好出色 -今次自己帶左一兩枝酒去同班frd開心聚下，以呢個價錢黎講，性價比算好高，區內真心少見

今日同朋友食飯慶祝生日，黎到Bestie，店內外都風格簡約，感覺令人舒服！座位亦非常舒服，枱亦夠寬敞，餐俱同環境都非常衛生整潔。叫左4個set + 小食拼盤，先講下小食盤，薯條熱辣辣超好味，仲好多黑松露，雞粒酥炸到外脆內嫩，孜然味更覺滋味。漢堡勁厚又足料塊漢堡又入味又多汁！而安格斯煙燻牛排仲連蓋出，揭開滲出煙香，仲有陣果香味！慢煮春雞雖然最遲出，但非常嫩滑！總括成晚都無令人失望，食物水準高級，食材用料新鮮，可以話係酒店級水準！

今晚又黎試呢間新餐廳，屯門隱世好味既西餐廳，環境舒服，好多人都話個廚師👨‍🍳好有heart。點解咁講？每晚都有不同款既餐湯，今晚我飲到既係蕃茄湯，個湯睇得出黎係新鮮打出黎，而唔係罐頭湯。另外個餐就叫埋個雞肉凱撒沙律試吓，啲沙律菜一啲都唔揸流攤雞肉嫩滑加埋少許煙肉粒，口感非常好。主菜我地叫左廚師漢堡同埋大蝦寬麵你睇下個Burger既高度，個包面同底係烤到好crispy ，入面夾住塊芝士、酸瓜、炒到好甜既洋蔥絲🧅、蕃茄🍅、生菜，最後係非常juicy既漢堡牛肉。😍😍😍😍😍 薯條本來係黑松露薯條，但本人唔喜歡黑松露特別order走黑松露，薯條係粗身薯條，新鮮炸出黎，所以味道非常好，成個餐食哂好滿足Tiger prawnsssss fettuccine with vodka cream sause 一睇就知足料，完全冇欺場大蝦食極都仲有，爽口彈牙。真係成碟清哂是完全冇問題👍🏻。

CP值極高既屯門隱世西餐廳，今次已經係二訪，忍唔住要出番個post讚一讚。食過兩次煙燻牛扒高質高汁，見到個presentation已經忍唔住「嘩」一聲😍，牛肉我order左5成熟，熟度岩岩好，肉質非常嫰，加埋啲醬汁簡直係錦上添花。呢個價錢來講真心抵食，推介推介👍🏻 另外都點左pork ribs, 一嚟到嚇親🥹兩塊豬肋骨再加蕃薯條同洋蔥圈非常大份抵食。夜晚仲要包埋自家製餐湯甜餐包（出面食唔到呢隻包仔☺️想要食多粒）仲包埋野飲。飽住個肚走。果然係高質⭐️⭐️⭐️

早前係社交平台 屯門友嘅Post見到都已經想去試🤤今日終於有時間可以試吓個手撕豬漢堡🍔件量黎講薯條同漢堡嘅比例剛剛好，薯條吾會太多影響到Burger食吾哂或者食完Burger食吾哂薯條，而Burger嘅大細亦剛好，吾會令人食得十分辛苦，令到雙手十分污糟👍🏻最大驚喜莫過於手撕豬👏🏻👏🏻係煎過之後脆口得黎吾會太乾，食落亦好Juicy，配埋爽口生菜達到十分爽脆嘅口感。Ps:最後離開嘅時候見到隔離點左個All day beakfast😎哩個亦都值得一提，量份滿滿，賣相吸引，可惜只有自己一個，未能影埋相🙈🙈

見屋企樓下開左間新西餐諗著入去食個意粉試下點知餐廳個個枱面都一大碟豬肋骨😯咁多人嗌應該唔會伏得去邊😂上菜都好快有餐湯有餐包 ( 太肚餓唔記得影🤪 )南瓜湯幾好飲 餐包仲熱，值得一讚👍🏻👍🏻👍🏻主菜豬助骨來喇~成碟有兩大塊，按呢個價錢論份量真係無得輸味道真係幾好，一咬落去好多汁🤤🤤🤤成碟豬肋骨大到差d食唔晒，如果兩個人嗌多碟意粉share應該岩岩好但個人略嫌唔夠淋身 ( 鍾意有咬口嘅朋友仔一定好鍾意 )整體來講真係算好高質👍🏻👍🏻👍🏻百零蚊有呢個份量，價錢，味道，邊有得輸😵上菜快得來又唔係hea做，值得推薦👍🏻👍🏻👍🏻下次試埋意粉同其他主菜，希望其他野一樣咁高質對於一間新開餐廳來講，可以做到咁真係好唔錯希望keep住呢個質素做落去，加油💪🏻💪🏻💪🏻

岩岩經過兆麟站 (翠寧花園)發覺之前芝味屋個位轉左手，依家開左間叫Bestie. 走左去試下都幾高質。個肉醬意粉唔係一般茶計/連鎖level. 真係有芝士碎碎，同埋d肉醬夠撈哂成碗，唔會好似其他檔甘，只係得少少。雖然幾大份，但我都食哂甘制。 個漢堡都好surprise. 「手撕豬」漢堡？！我仲以為會硬，但又冇喎！好鬆軟，試得過！薯條仲要有d黑松露，開心。成碟睇落都好高質！甘樣兩份around $150-160左右。可加錢連埋野飲 （我冇影到）、湯！ 湯上仲有忌廉拉左幾下同香草，真係有誠意！覺得值得一試，性價比很高👍🏻👍🏻

今日同老豆提前慶祝父親節，經琴日鄰居介紹去左一間新開無耐響翠寧嘅西餐廳。我地住碼頭果邊，坐幾個輕鐵站就到。間餐廳距離輕鐵站都好近，落車行過去都係兩分鐘左右。去到環境都算舒服，小店黎講算係咁上下。枱上有鮮花做擺設，睇得出餐廳都有誠意。我地叫左4碟款食物，佢地有welcome bread 同埋有餐湯或者沙律選擇。餐湯飲落似自己做，唔係罐頭湯。雞胸凱撒沙律都算正路。到左主菜有驚喜，我地叫左大蝦闊麵，BBQ汁嘅三文魚，豬排骨同埋煙燻西冷四個菜。三文魚配酸椰菜同埋酸麵包呢個組合真係唔錯，酸嘅味道配上三文魚雞肉味簡直一流夾！燒排骨正常發揮，最驚喜個番薯條，我阿媽好鍾意食。大蝦個寬面配上個汁好好食。食落去好易入口，好開胃，好多大牌子嘅西餐廳都食唔到呢一個汁水，好特別。最後個煙燻牛扒有驚喜，賣相好靚，出嚟嘅時候有煙燻嘅效果，打卡一流，味道都好好食。睇吓嘅甘筍蓉配上西冷頂嘅炸甘筍絲，食落去都好夾！食完嘅時候，有侍應問我哋嘅感覺如何，我哋都話好好食。我哋都有俾意見佢哋，睇得出佢哋都好有誠意，抵讚👍🏻

屯門時代，紅橋食到悶悶地，搵下Ig 見到新野正喇餐廳位置雖然係屋苑入面但好易搵因為佢個招牌大大個😂 一開波都係做足準備～嘟code 掃針量體溫我同朋友被安排座卡位，店員好快送上menu 第一次黎到店員都推介左餐廳招牌菜式甘我地就order 左2個main course Set dinner 包括左湯或沙律沙律睇得出有誠意，二個人就岩岩好試到湯同沙律。主菜 1.豬肋骨配蕃薯條 惹味估唔到同蕃薯條甘夾，又唔使吸收太多澱粉質。2.煙燻安格斯西冷 店員會細心問要幾成熟，我同朋友共識要5成🤣🤣上到枱有驚喜，估唔到有打卡位有chef 介紹叫你準備相機拍片影相，有齊儀式感味道同賣相一樣，有質素之餘仲有視覺享受總括來講第一次幫襯，有驚喜，環境座得舒服，食物質素令人會再回頭，服務態度感覺良好！雖然話小店但都可以充滿儀式感又可以打卡。平時想浪漫或者紀念日可以再黎幫襯。

近排發現兆麟區有一間新開嘅西餐廳，每次搭輕鐵都見到佢門口個LED燈招牌，十分吸引。咁啱撞正細佬生日，就一家人入去食飯慶祝，入到去發現個裝修風格都唔錯，我仲留意到每張枱都有鮮花擺件，講真宜家D小店點會咁重本用鮮花㗎，一間餐廳除左食物之外，環境的享受都好重要，呢個位細心位真係值得加分。第一次食，梗係先同佢地個侍應吹下水，了解下試乜嘢好，咁我就按佢地的廚師推介，叫左三個餸，分別就係煙燻美國安格斯西冷配紅酒黑醋汁、燒豬肋骨配炸薯條、大蝦寬麵配伏特加忌廉汁。大蝦寬條麵：個汁超正～我吖媽一個人霸住食唔停口😂燒豬肋骨：我想講，肉超級香又多汁，起初我仲擔心D肉會唔會好乾好「諧」但係唔會咯，足夠入味的同時又夠鮮嫩。薯條係蕃薯條，超正。煙燻美國安格斯：呢個我強力推薦必試的打卡菜，上菜的時候記得記得準備好你地的手機，超靚～～牛肉穿透一層一層嘅煙，慢慢呈現在眼前，除左味覺，視覺都有一番享受👍🏻牛扒我係叫5成熟，味道你試左就知，絕對對得住個價錢。最後總結，bestie呢間餐廳，係性價比好高的一間餐廳，亦係我第一次食完會想為佢寫食評的餐廳，真心推介俾大家。