Bingo & Cook (港匯廣場)

營業中

休息中

佢隱身係港匯廣場一楝大廈地面樓層入面，穿過巷仔就變左另一遍天～有趣有趣😁是晚我點左：✨韓國生菜包肉 豬腩肉會用連煲一邊加熱保溫，非常貼心，而且份量超多，豬腩肉食調味簡簡單單，又唔會好咸，有韮菜墊底，再配埋沙律菜、辣豆瓣醬 同辣泡菜包住黎食，好滋味～✨海鮮煎餅 賣相好靚嘅海鮮煎餅，裏面有很多蝦和魷魚粒、大量韭菜，食落唔會好厚粉或者好油膩，表面煎得好香脆惹味。青椒絲同洋蔥絲令口感更加清爽，魚露可蘸可不蘸～✨原味炸雞（一份）配芝士球份量好多，外皮炸得好香脆，唔會好厚粉，脆漿薄身，皮都炸到無脂肪😍而且入面肉仲好嫩有汁；芝士球入面似免治雞肉拌芝士，好濃味有芝士🧀好有鹹香✨石頭鍋拌飯材料滿滿，有齊牛肉、大豆芽、翠玉瓜、菇類等等。必要放辣醬攪拌，底有飯焦好脆調味啱啱好，仲有一隻雞蛋係面頭，好滿足✨吞拿魚紫菜包飯飯卷放滿調左味吞拿魚、雞蛋、甘筍、青瓜等餡料，材料好豐富，真係好好味～原來依度慶生好特別，熄晒燈之餘，店員會唱生日歌，全場拍手氣氛好熱鬧

Bingo&cook完全就係韓劇食堂風，霓虹燈牌，不鏽鋼桌，真係好似去咗韓國咁！依家仲要做緊1小時醬油蟹放題，真係一定要去試！！平時食一碟醬油蟹都係呢個價錢！依家竟然可以任食！本身都擔心任食醬油蟹，佢嘅質量會唔會冇咁好，點知新鮮度係滿分💯蟹肉晶瑩透亮，膏體飽滿無黑斑！膏黃多到溢出來！橙紅色蟹膏像冰淇淋般綿密，鹹鮮帶甜，熱飯+蟹膏+海苔融為一體後吃，超級幸福🥰蟹肉是果凍口感，生醃醬汁滲透肌理，啜一口滑溜如布丁，零腥味！！韓式年糕魚糕係韓國嗰隻酸辣醬炒，非常惹味，年糕同魚糕都好煙靭！炸雞拼盤入面除咗炸雞之外，仲有炸年糕同炸腸仔，勁熱辣辣，超級香脆，最重要係全部任食！套餐包任點汽水，芬達、可樂、忌廉、雪碧、樂天牛奶汽水和氣泡水，全部都是任叫，汽水加炸雞醬油蟹，完全冇得輸！！

講到最鍾意食嘅韓國料理，一定非醬油蟹莫屬！雖然價錢唔平，仲要唔係周圍有得食，每次我都要等飛過韓國先至可以食到！卒之！竟然！俾我喺香港搵到一間正宗韓國料理店，仲要有我最鍾意食嘅醬油蟹，仲要竟然俾我見到係一個價錢任食！真心癲！於是我立即衝去試吓！原來呢度用一個放題價錢，就可以60分鐘無限任食高質醬油蟹，任食套餐仲有紫菜飯、炸雞、甜辣年糕、炸年糕腸仔串等等美食可以encore，保證飽肚仔㗎！鍾意食多膏嘅可以選擇蟹乸，價錢只係多幾十蚊，真係每一件都有勁多膏，我就最鍾意將軟綿綿嘅蟹肉唧岀來吃，方便之餘仲有啖啖肉口感！老公就鍾意將啲飯放落蟹蓋度一齊食，咁樣食起嚟特別香口！refill嘅蟹全部都係蟹公，所以蟹身特別大隻，食落啲肉可以feel到嗰種鮮甜，真係勁正！諗起都流晒口水！跟餐嘅炸雞都非常香脆有水準，而且全部冇骨啖啖肉，就咁食或者點醬一樣咁好食！另外甜辣年糕Exactly就係韓國食嗰啲味道，炸年糕腸仔煙煙韌韌又夠鹹香，老公就最鍾意！平民價錢，韓國級旅遊享受，唔怪得知呢度一到七點就爆曬場，想食記得提早訂位啊！

隱藏於尖沙咀嘅一間韓式小店，入口比較難搵，要喺一個細商場入去，經過走廊先搵到餐廳正門嘅一間餐廳裝修好有韓式風格，餐廳入面播住韓文歌同埋韓國MV我哋叫咗一個韓式海鮮鍋，同埋烤五花腩海鮮鍋真係好長，要兩個煤氣爐先可以hold住，入面好豐富，有帶子，好多貝殼類，鮑魚，蟹，蝦，青口，魷魚同八爪魚…個海鮮湯充滿鮮味，唔算太辣，其實淨係叫一個鍋都已經夠飽。另外仲有燒肉，好大份，佢哋有專人幫手燒，燒咗出嚟都好好味。

朋友極力推薦嘅醬蟹放題！任食醬油蟹，套餐每位$298就可以任食醬油蟹，年糕，炸雞，飲品任飲，雄蟹同䧳蟹任揀，即刻扑鎚去試！果然冇介紹錯，重點講吓主角醬蟹先雄蟹肉厚，啖啖海水鮮味，手掌咁大隻，上枱時而經拆好，食得好方便，入口黏嘴得嚟帶甜！連蟹腳啲肉都好飽滿，醬油醃得夠味但唔死鹹，反而帶出蟹肉嘅鮮甜，撈飯食簡直無敵！䧳蟹爆膏甘香，一啖啜落去勁正，尤其係個蟹蓋嘅膏！撈埋飯一流，難怪韓國人話係偷飯賊！其他嘢食都唔差！韓式炸雞脆皮多汁，辣炒年糕夠煙韌，仲有汽水任飲。不過建議留肚主攻醬蟹！總結： 抵食CP值超高！平時單點一隻醬蟹都百幾二百，呢度任食仲要有其他嘢，蟹迷必試！當晚平日都幾full下，記得訂位！

我同朋友一齊衝去尖沙咀Bingo & Cook，準備開戰任食醬油蟹放題！因為知道佢做緊優惠價$298蟹公/ $348 蟹乸 任食醬油蟹餐， 一坐低就有爆膏韓國藍蟹上枱，蟹肉鮮甜，蟹膏混埋醬油香，鹹中帶甜，撈埋紫菜飯一啖落肚～食到手都唔停得，仲有炸雞、炒年糕任食，1小時內大家狂掃蟹腳！ 你叫佢就俾你！ 呢個任食餐單真係邪惡到爆！醬油蟹鮮甜鹹香，蟹膏黏住飯一齊食超正；烏冬炒年糕煙韌惹味，炸雞外脆內嫩，年糕香腸串鹹香彈牙，食完再飲罐裝飲品！

自己本身都係好鍾意食醬油蟹同埋韓式炸雞～剛好早排得知Bingo & Cook為咗慶祝10周年推出「60分鐘醬油蟹🦀無限任食」套餐，講緊都係三百幾蚊，平時叫一碟兩隻都差唔多呢個數，梗係即刻約埋班friend一齊去擦餐飽🤩醬油蟹任食方面都有得揀雌蟹或者雄蟹，兩者都係差$50，我哋就叫咗雌蟹，安排上第一碟會有蟹蓋，再追加就會無蟹蓋。我哋每人都encore咗幾隻，就咁食同撈飯食都有另一番滋味，絕對值回票價。套餐除咗任食醬油蟹之外，仲有任食炸雞🐓、烏冬炒年糕、年糕香腸串同埋紫菜飯🍚。炸雞真係好脆同埋好Juicy。嘢飲方面亦都係任飲，有可樂、雪碧、忌廉鮮奶等等😃 雖然60分鐘唔係話好長，但係落單上菜時時間都好快，我哋都食唔停口，真係大滿足😌Bingo & Cook地址：尖沙咀麼地道37-41號港匯廣場地下17-20 & 31-34號舖

在尖沙咀隱蔽的小巷中，有一家獨特的韓國餐廳，專注於傳統韓國美食。這裡的招牌菜包括香氣四溢的燒肉、色香味俱全的韓式小食，以及暖心的韓式湯品，還有外脆內嫩的韓式炸雞和美味的紫菜飯，讓每位食客都能享受到地道的韓國風味。目前，餐廳推出了令人垂涎的醬油蟹任食，只係$298/$348，就讓你可以無限量添加新鮮的醬油蟹，保證每一口都鮮美無比。除了醬油蟹，任食還包括各式小食，如酥脆的炸雞和Q彈的韓式年糕，讓你在品嚐美食的同時，體驗韓國的飲食文化。任食套餐還包含飲品任飲，讓你在享受美味的同時，隨心所欲地搭配。這家餐廳為韓國美食愛好者提供了一個絕佳的聚會場所，無論是與朋友聚餐或是家庭聚會，都是理想的選擇。

嘩！香港居然有醬油蟹放題啊！好中意食醬油蟹嘅我率先食吓睇吓點先！餐廳鄰近尖東站N1出口 不過有啲難揾大家要比足眼力！👀👀個套餐包羅萬有！咩都任飲任食！大癲！最緊要教大家！一定要揀 蟹乸 Set!!!! 多啲蟹膏 MM7 ！！之後refill都只會係蟹公！同埋無得refill蟹殼！🥲 啲醬油蟹超鮮甜多肉！餐廳比嘅份量都唔算少！建議大家一開始狂點醬油蟹拌飯食一流！🤤年糕香腸串配特製甜醬食好yum 👀 炸雞炸粉唔算厚、食落唔乾柴算多雞肉食！👍🏻大家放心！食完唔會肚瀉🤣🤣🤣🤣我腸胃咁敏感食完都無事就好合格！🥹👍🏻任食醬油蟹餐內容📌📌（$298蟹公/ $348 蟹乸）1. 醬油蟹2. 烏冬炒年糕3. 炸雞4. 年糕香腸串5. 紫菜飯6. 罐裝飲品

今次揀左間人氣♨️韓國料理，餐廳設有室內同外空間，播着韓國既流行曲🎶充滿住韓國地道風味，平時飛✈️去🇰🇷韓國旅行🧳都會試醬油蟹，呢個1小時醬油蟹任食放題All You Can Eat岩哂我，叫左$348雌蟹任食套餐，另加一服務費，真係好抵食性價比高。🔥 任食套餐包括：無限添加醬油公蟹，炸香腸，烏冬炒年糕，炸雞，紫菜飯同罐裝飲料 (可樂 、雪碧、梳打水)，追加左醬油鮑魚。🌟醬油蟹🦀醬油鮑魚🦪醬油蟹🦀好新鮮，大小適中爆哂膏😍，蟹膏同蟹肉都係非常鮮甜，醬油唔咸帶少少甜同微辣，完全無腥味，將蟹膏伴紫菜飯食超正，好似海膽撈飯既味道，醬油鮑魚🦪大大隻爽口好滿足。😋 🌟蒜香醬油炸雞🐥炸香腸炒年糕🍻炸雞外皮薄好香脆，雞肉嫩滑有肉汁💦蒜香醬油醬帶點甜味，炸香腸熱辣辣，辣醬烏冬炒年糕煙煙韌韌超好食，有驚喜配韓國真露燒酒一流🍺。 📍Bingo & Cook   @bingoncook_tst尖沙咀麼地道37-41號港匯廣場地下17-20 & 31-34號舖

俗稱白飯小偷嘅醬油蟹 唔使飛韓國 都食到啦！仲要係 高質醬油蟹任食！！！Bingo & Cook 為慶祝十週年，最近推出一個價錢，無限任食醬油蟹 及多款韓國🇰🇷小食包括 炒年糕，炸雞🍗拼盤小食、紫菜飯飲品都係任添㗎！首先一人食一隻爆膏 雌蟹先啦🤤🤤肉質鮮甜，一啲都唔會咸，好似啫喱嘅口感！拌飯一流👍🏻👍🏻任食嘅公蟹，唔好睇size細細，但一口一啖肉，都好滿足㗎！任食食到夠！而炸雞🍗亦新鮮即炸，熱辣辣脆卜卜

嘩❗️嘩‼️嘩❗️❗️❗️係唔係咁抵呀🤩 Bingo & Cook為左慶祝🔟周年🍾，推出新menu 醬油蟹任食套餐，人均$3xx就可以任食到平時幾百蚊先得個－、兩隻既醬油蟹🦀️真係勁吸引丫😍難得咁抵，我地呢d蟹痴邊有可能會走寶架😙一收工就即刻過去食😆等我簡單介紹吓個餐有咩食先：👇🏻頭盤要左🦀️蟹公、🦀️蟹乸各－隻蟹乸d膏好橙黃，多到瀉出嚟咁濟😍醬油d味道入晒去👍🏻醬香軟糯勁鮮甜，正到不得了🥰蟹公d肉又滑又多，唧出嚟完全係白飯神偷💯鮮到癲咗🤩紫菜飯嘅麻油香本身就好吸引🤩加啲蟹膏更多咗陣鮮味，食到停唔到口😋魚糕同年糕個汁辣中帶甜勁過癮，索滿晒汁超惹味丫😙炸雞亦都好滋味🍗乾爽得梨又唔油，出面脆卜卜，入面好juicy，連小妹呢啲唔鍾意食炸嘢嘅人都覺得勁好食🫶年糕香腸串嘅年糕有炸過，但完全無損佢軟糯煙韌嘅口感🥰，反而更加香口；香腸有啲脆皮又多汁，食多幾條都仲得😊飲品方面，包左既罐裝飲料都有好多款揀🫶🏻可樂、雪碧、芬達呢啲梗有啦，想健康啲嘅仲有梳打水添，真係好貼心❤️今餐又係滿足到黐線☺️，鍾意醬油蟹嘅你千其唔好錯過丫‼️🛑Bingo & Cook (尖沙咀)📍尖沙咀麼地道37-41號港匯廣場地下17-20 & 31-

😎在尖沙咀的一個角落裏，居然發掘到一間咁Chill的韓國餐廳⭐️真係估你唔到，醬油蟹控必須留意，居然仲有醬油蟹任食套餐，食到你happy happy🤩💓套餐仲可以食炸雞炸物，同朋友一齊捧住個肚離開餐廳。😉醬油蟹 🦀 非常新鮮，味道亦都剛剛好，不會過鹹，呢一點係非常不容易。👍🏻享受著美味的蟹膏，感覺到非常滿足。😋在尖沙咀的一個小小角落裏，居然可以過着一個寧靜舒服的晚上，免卻世間煩擾，是一件多麼好的事情。🩷餐廳環境舒服，一邊和朋友談天說地，一邊聽着背景的韓文歌，彷彿身於韓國中🥰 就讓我們一起陶醉於一個韓國的晚上吧！

今日去咗Bingo & Cook食醬油蟹，醬油蟹通常喺香港食都比較偏貴。但係今日啲餐就係醬油蟹任食放題。而且今日呢個餐廳比較多人，要預先約位。有啲人約咗位Walk in都冇得入去。今日我哋叫咗：—🦀 主打套餐：任食醬油蟹放題【套餐內容】✅ 無限任食醬油公蟹(首碟附蟹蓋，追加僅蟹身） ✅ 其他韓式料理 　- 烏冬炒年糕 　- 韓式炸雞　- 年糕香腸串 　佢呢個餐咗交咗炸雞年糕香腸串，烏冬炒年糕，同紫菜拌飯。 - 年糕香腸串:社交平台爆款打卡，甜辣醬裹焦脆年糕＋香腸。 - 烏冬炒年糕: 辣度可選，彈年糕配滑溜烏冬。- 醬油蟹醃漬入味，首碟蟹膏飽滿鮮甜。 - 炸雞外脆內嫩，調味正宗。 #必吃順序: 首碟醬油蟹 → 蟹膏拌飯 → 炸雞+年糕串 → 追加蟹身/其他菜品

[ Bingo & Cook ]為慶祝在港開業10周年，呢間韓式連鎖餐廳晚市推出任食醬油蟹🦀套餐，另外仲可以任食炒年糕、炸雞、紫菜飯等。✿ 醬油蟹無限任食 雄蟹$298/位、雌蟹$348/位、小童半價每日下午5:30開始供應，放題時間60分鐘。任食：醬油蟹、烏冬炒年糕、炸雞、年糕香腸串、紫菜飯第一碟醬油蟹可以選擇有蟹蓋蟹膏嘅雄蟹/雌蟹，味道咸香，搭配紫菜飯簡直絕配😋。第一碟後可無限追加公蟹，蟹身蟹腳啖啖肉，但無限追加嘅蟹就無蟹蓋蟹膏。烏冬炒年糕 辣中帶甜，年糕軟糯彈牙，烏冬吸飽醬汁超入味。韓式炸雞外皮酥脆，肉嫩多汁。香腸炸得焦香，外脆內軟。任飲：罐裝飲料，有韓式飲品、汽水等。總結🫦 雖然放題時間得60分鐘，但食物上菜速度快，而且份量充足，1小時足以食得好飽。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Bingo & Cook地址：尖沙咀麼地道37-41號港匯廣場地下17-20 & 31-34號舖電話：2152 0017✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿