影片
電話號碼
36188180
營業時間
今日營業
11:00 - 21:45
星期一至日
11:00 - 21:45
以上資料只供參考, 請與餐廳確認詳情
影片
相片
泰式菠蘿刨冰、青檸梳打
泰式船湯河
+4K
+230
食家推介
上次嚟iSquare睇戲，就見到呢間泰國餐，人氣幾旺，事後都再上網睇睇，風評確喺唔錯喎，價位又唔高，所以，趁朋友約食飯，選址尖沙咀，就建議嚟呢度食食泰茶。餐廳採開放式設計，基本上喺鋪面已睇到成間餐廳嘅格局，的確好旺，座無虛席，幸好我哋都喺等咗5min就有位。摺頁式餐牌，印刷幾精美，有唔少圖片做參考，而類別大致分為小食、湯品、沙律、麵飯、肉類、咖喱、甜品及飲品，以尖沙咀區而言，都算喺實惠。泰式菠蘿刨冰 $38、青檸梳打 $38泰式嘢都喺偏濃味，所以，小弟就揀咗杯菠蘿刨冰，而老友就揀咗杯青檸梳打嚟爽一爽。我杯刨冰其實即喺常叫嘅沙冰，大大杯，打得幾綿密，唔會有好多碎冰粒，裡面仲暈有少少菠蘿果肉，越飲越醒神。泰式鮮蝦碌柚沙律 $88呢道沙律嘅賣點就喺啲柚肉，有相你睇，啲柚肉拆到大大件，唔使自己郁手，就可以大啖大啖咁食，夠晒爽啦；而且，啲柚肉清甜爆晒汁，的確好食，而大蝦亦都爽口鮮甜，再加埋少少辣椒碎、椰子乾、花生粒，令到口感都豐富晒。泰式船湯河 $78餐廳鋪面亦特別標示船河，而從餐牌所見，亦喺推介菜式，當然要叫番一客試試，餐牌亦標明有牛肉片、牛丸同炸豬皮。湯河份量十足，啲河粉比港式嘅窄身少少，但同樣滑溜，而湯頭好香濃，牛肉嫩滑，牛丸好爽口，夾埋啲炸豬皮，真心唔錯。鮮菠蘿海鮮炒飯 $88講到明鮮菠蘿就真喺成件連皮嘅燒菠蘿放埋一齊上碟，夠誠意，而件燒菠蘿香甜多汁，燒過暖暖哋可以留到最後當甜品食。講番個炒飯，炒得爽身，飯粒分明，裡面混有蝦肉、魷魚、菠蘿粒、蠟肉、提子乾，再撈埋啲腰果同肉鬆，味道豐富，食味一流。試過之後就明白點解咁旺場，雖然話依家好多食肆結業，但有質素嘅自然有捧場客。溫馨提示一吓，餐廳有用餐時限1.5小時，基本上食餐飯就夠晒喇，但如果無客等位，都由得你坐嘅。既然見出面仲有咁多人等位，我哋都旋風式食完就讓啲位俾人。
繼續閱讀
好久沒有在 ɪsǫᴜᴀʀᴇ 用餐了高層位置的餐廳好像更新不少其中親民的泰菜 ʙᴏᴀᴛ ᴛʜᴀɪ 好評不斷呢位於長電梯入口的當眼位置半開放式的空間 以深木系打造滿滿東南亞風情面積不算太大 位置略嫌有點擠迫在晚餐時段還是需要少侯位 蠻有人氣的餐點主打各式泰式美食 其中招牌的有船麵還有菠蘿炒飯 燒豬頸肉等香港人愛吃的菜式粉麵類的主菜落在 ʜᴋᴅ 𝟾𝟶-𝟿𝟶 左右 價錢都蠻親民𓋪 泰式南京椰汁雞湯每次吃冬蔭公 今次轉口味一上桌充滿椰香味道 湯頭帶香茅香料跟微辣風味雞肉份量不少 但肉質有點乾身 有點小可惜𓋪 泰式炸蝦餅在雞翼跟蝦餅中掙紮很久三件炸蝦餅會分成一半 方便一口享用蝦餅香脆彈牙 趁熱吃好涮嘴如果喜歡吃香茅的朋友 不妨點香茅雞翼𓋪 鮮菠蘿海鮮炒飯炒飯材料有點豐富啊有蝦 菠蘿 魷魚等 面頭鋪上肉鬆增加少許鹹香旁邊還有一排微烤過的香甜菠蘿 不錯吃如果能用菠蘿盛載著 賣相一定超加分𓋪 芒果糯米飯糯米飯包括軟糯糯米飯跟紫米兩種紫米比較有嚼勁 口感提升不少 芒果顏色看起來淡 但吃起來一點都不酸𓎺 泰式檸檬茶𓎺 龍眼冰泰式檸檬茶比港式的多了一份香茅味道少許甘澀口味也很不錯
繼續閱讀
最近暑假檔期特別多好戲睇，來到尖沙咀 iSQUARE 國際廣場 睇戲之前，例牌要食個靚dinner 。6樓的 Boat Thai 主打泰國菜，由泰國人廚師主理，食到地道正宗的泰味道。室內裝修簡約，有一點泰國地攤的風味。泰北牛肉沙律超級鍾意食牛肉的我們，很少吃泰北風味的牛肉沙律，果然有驚喜！賣相幾靚，餡料十足，牛肉味道濃郁，而且嫩滑。配搭上泰式沙律醬汁，酸辣好開胃。泰式船湯河泰式船湯河湯底濃郁滿分，忍唔住飲多兩啖。船湯河份量都幾多，河粉幼滑吸湯汁度高，好味！而且材料非常豐富，牛肉、牛丸、炸豬皮，值得推介！泰式鳳尾蝦炒金邊粉泰式鳳尾蝦炒金邊粉夠穫氣，正宗有辣粉、花生碎，配大隻鳳尾蝦，蝦肉新鮮爽口。金邊粉彈牙，炒得有點濕潤，灑上青檸汁，感覺清新。撈起金邊粉食，酸酸甜甜，辣粉真係勁辣，好惹味。泰式椰子刨冰椰汁味香濃，甜度啱啱好，冰凍口感，夏天飲都唔錯，可以一試。芒果糯米飯好鍾意甜品有糯米飯，味道偏甜，芒果好甜，入口嫩滑，賣相吸引，打卡一流。
繼續閱讀
🔹海南雞(半隻)嫩滑海南雞半隻份量都好多!兩個人開心SHARE就岩哂～皮薄爽滑、雞味香濃，去骨方便享受，啖啖肉滑嫩又多汁！🔹泰式燒鮮魷魚即叫即燒，新鮮魷魚食落零舍鮮甜彈牙，口感柔軟而不韌，令人越嚼越香！🔹泰式燒豬頸肉好友大愛既泰式小食！豬頸肉又稱豬面青，脂肪比例高，肉質軟滑爽彈，燒至惹味帶點焦香～🔹香茅炸雞翼香茅＋檸檬葉充滿泰式風味～炸雞翼外層金黃香脆，皮脆肉嫩，甘香脆口好JUICY！🔹炸蝦餅色澤金黃既炸蝦餅外脆內軟，鮮香可口，爽彈得黎香氣四溢，令人百吃不厭！🔹泰式鮮蝦碌柚沙律份量十足既沙律大大碟，新鮮彈牙大蝦配香甜碌柚，淋上酸甜醬汁，鹹香醒胃，清新又健康～🔹泰式南京椰汁雞湯加入大量椰奶，充滿檸檬葉香，夾雜香甜椰奶，奶白色湯頭濃郁開胃，啖啖無骨雞肉亦夠嫩滑。🔹泰式乾炒豬肉片河粉河粉炒得好有鑊氣，口感滑溜，配爽口豬肉片，炒得惹味夠乾身！🔹泰式檸檬茶/棷青好友揀咗泰式檸檬茶清新味蕾，我就揀最愛既棷青，冰涼解渴，夏日首選～Boat Thai✨📍尖沙咀彌敦道63號iSQUARE國際廣場6樓601號舖
繼續閱讀
黎到尖沙咀經過iSQUARE覓食😎見到呢間泰國餐廳咁多人食當然我地都要try try✨呢到都好多選擇嫁🫶🏻泰式太陽蛋香葉炒肉碎飯好耐冇食過泰式肉碎飯了🥺香爽多味嘅肉碎配埋飯一齊食味道口感夠豐富加埋脆邊嘅太陽蛋白飯沾埋香香嘅蛋汁😎👍🏻 夠哂滿足❤️泰式鳳尾蝦炒金邊粉🦐香爽嘅鳳尾蝦 配上調得夠開胃味道嘅炒金邊粉再加上金邊粉食落夠彈牙仲有埋多種香爽嘅配料成個食落豐富又香口泰式蝦膠皮蛋件件都好有份量嘅蝦膠皮蛋外皮炸得香脆 而且蝦味夠香咬落夠爽口 再加埋皮蛋嘅香味 口感夠哂豐富✨泰式街頭椰子粟米雪糕🍦小妹最掛住就係呢個粟米雪糕🍦椰子味雪糕 好香濃配料豐富 有粟米 椰子肉🥥花生椰子雪糕底下係糯米飯 非常之足料 泰式菠蘿刨冰菠蘿🍍香味係哂成杯刨冰到✨每啖都充滿香香嘅菠蘿味而且飲落夠冰涼爽快😎👍🏻泰式奶茶飲得好香滑 茶味都好夠濃
繼續閱讀