Bohdan

營業中

休息中

餐牌寫烤雞柚子田園沙律，食物來到發現碟上完全冇柚子，只係得生菜粟米，2個侍應答唔到點解柚子沙律冇柚子。出動阿姐，阿姐話係「柚子汁」，冇柚子肉的。仲同我講餐牌上面個「和風沙律」都冇個「汁」字啦，又知係和風汁，教我中文。睇返英文餐牌有個sauce字，受教。我話應該寫返柚子汁在餐牌上，阿姐話唔鍾意可叫過另一樣食物，但我趕時間，結果照食。但食落去完全冇柚子汁，只係普通沙律醋，貨不對辦。烤雞一啲味道都冇，似白烚。

荔枝角本身返工人數都唔少。 拍得住觀塘老母。 係呢個炎炎夏日入邊真係唔想特登出去同人排餐死。 所以今日特登叫過外賣送上嚟Office慢慢嘆。 香煎澳洲12安士T骨牛扒配黑椒汁 （74 配熱飲） 外賣西餐廳有成12安士牛扒真係比較少見。 啱晒我呢啲大胃王。一開盒見到塊牛扒仲大過個盒🥰 呢間西餐廳主平時做開晚市。果然有返一定質素。 牛扒煎得生熟程度啱啱好。接近五六成。 亦都保存到肉汁喺入面。 我叫咗白飯底。 除咗煩之前佢亦都有配菜。 等成件事唔會太寡。亦都健康啲。 汁亦可以另上。 唯一要彈嘅就係廚師雖然煮得好。 但係牛扒本身質素麻麻地。 感覺上有少少浪費咗廚師嘅精心炮製。 另外值得一提。 雖然佢價錢$74感覺食外賣好似有啲貴。 但係其實已佢咁大塊牛扒。 仲有餐湯。同埋嘢飲。 其實性價比算高。 相信如果堂食會更加好。 各位荔枝角返工嘅朋友如果有機會可以一試

食開年下午茶，一打開餐牌，竟然有29款，都唔知點揀。因為年初四，啲人未返工，餐廳只有兩三台客，員工仍然殷勤招呼，不停叫我哋慢慢睇慢慢揀。因為寒冷天氣，最後我與朋友揀了熱蘑菇蕃茄湯意粉，三文魚，炒蛋，牛角包。比茶餐廳出色的茶餐，食物也是性價比高的 ！餐廳昏了兩個部份，有入面的室內咁，也有外面的開陽咁，外面仲有梳化坐，感覺有如高級cafe, 正！之前最繁忙的午餐時候經過，坐得滿滿的，就有一種壓迫感，今天卻有一種悠閒感！

我未寫過食評，呢間令到我寫都真係難食到太過份。早前經過呢間嘢，見個環境都幾好，好似cafe咁，於是入去食過一次早餐，公仔麵都覺得ok嘅，所以今次經過再去試下，叫咗份西冷牛扒麵餐，加$4轉出前一丁（麻油味），塊牛扒冇咩問題，都幾厚下，唔韌，但個出前一丁真係可以話差到一個點，唔識煮食嘅人，煮嘅一丁都好過佢，就好似以前去長洲船上食嘅即食麵一樣，只用滚水浸淋就比人食，仲要加$4轉，我都費時叫換了，唔會再有下一次。

讚1.夠平，五十幾銀包埋嘢飲彈1.食物水準好普通，咖喱牛腩飯係大碗同上檯快，但味道淡，牛腩柴口，飯夾生，個汁係得好薄既咖喱辣味，雖然係抵食但都真係麻麻2.其實環境唔差，但食午餐時果種衝鋒法真係大壓力

依間野幫襯過自已拎外賣幾次，味道唔差。但今日打電話叫佢送黎，完全受氣。打電話時已講明$500找錢，佢送到黎張外賣單都有寫$500找，但個阿伯態度極差，佢話無拎找錢，無得找，叫我自己唱。我話無散紙。佢黑口黑面話爭住我$100先，轉頭拎黎。半個鐘後拎番$100黎仲繼續鬧，話我應該自備散紙，好過份，已Backlist,叫外賣仲要受氣，唔會再幫襯

今日我同我班同事一齊叫下午茶，呢間餐廳講明下晝2:30開始下午茶，我同事就準時2:30叫咗四個下午茶餐，足足等咗去到下晝3:26都未到，親自打電話去問餐廳職員，佢只係話外賣送左出嚟跟住舖頭，之後30分再打去，同佢講：你個下午茶足足要等足一個鐘，究竟可以點樣處理啦？之後仲要等多5分鐘先送到，漏單情況非常之嚴重。喺度只係想反映下貴公司等外賣服務態度同埋跟單情況都非常之非常之令人失望😞，可以點樣改善到呢一個問題呢？等一個鐘頭嘅外賣我相信真係冇人想食。

之前食過幾次堂食ok ，但自從上次幫襯呢間嘢外賣走單而且態度惡劣後 ， 已經好耐冇再叫呢間外賣， 難得佢兩個餐就送， 時間算快嘅12.35落單,一點前就送到。因為星期三有成日賣曬嘅軟殼蟹意粉,所以兩個餐都係叫咗軟殼蟹意粉。一打開係超級香嘅, 而且 啟德到有隻軟殼蟹嘅外型喺意粉上面感覺係好吸引。但係食落就麻麻地，軟殼蟹係脆嘅好食嘅，但係個意粉食個汁夠， 但係唔好食; 平時係一定食曬唔曬嘢嘅今次真係吃不下去;飲品兩杯都係叫咗熱奶茶 ，都係非常難飲，睇個色就覺得係完全唔夠奶

平時有打開電話先落order，然後自取。聽電話果位老闆(疑似)不嬲都講電話冇尾音，更加唔好講佢會講"唔該""多謝"之類。。。只想你快D講完快D收線唔好阻住我做生意(我不是俾生意你做嗎?)我先道歉，我今天取外賣時，一見到有一份寫住"豬手缧絲粉"，即取了然後付款離開。後來發現我要的是餐湯不是咖啡，即3分鍾內折返。回去舖頭，我說我取錯了，然後放下我誤取的，再望下有冇我果份餐。果位疑似老闆用相當不友善而且颇為大聲的語氣說:你話俾我聽你果個係乜野餐!我答他。然後我向他道歉。我說我取錯餐是我對，但你也不用這樣態度!打電話落order時巳侮氣，不友善。。。過，我再想想，现在食肆處於水深火熱，貴餐廳仍有大量外賣及人流，你可以再惡D都得!Btw我會再俾機會你，睇下你聽電話的態度有冇改善，我不欺善怕惡的，希望你也不是，祝生意興隆!

搬咗新公司之後疫情就開始嚴重😷，所以好少落街食飯，除非喺做嘢做到好心煩意亂🤯，頂唔順，先會落街食個飯唞吓🤭，散吓心。.間唔中經過呢間餐廳都見到有啲人流，加上餐廳環境感覺光鮮💡，餐廳裏面亦有一兩幅Q版繪圖🖼，就好似Q版蒙羅麗莎咁，幾有趣。.📍泰式青咖喱茄子燴牛肋條配飯（$52）Beef rib with eggplant in Thai green curry青咖喱冇青咖喱味😤，雖然有椰香味🥥，不過好可惜冇一般泰式嘅香料同香草👉🏻👈🏻，味道偏淡🥺。🐃牛肋條大概有五至六嚿，份量夠慷慨夠大件🤤，肉質軟霖，咬落有肉又有筋，好味😋。💁🏻‍♀️老實講，🥩牛肉真係幾好食，但係作為主角嘅青咖喱就有好大嘅進步空間，🌚希望下次佢哋改善下呢個問題啦。.📍蒜香野菌鮮茄燒汁燴豬扒配薯菜（$52）Pork chop with garlic, mushroom tomato sauce📋呢個餐可以配飯/意粉/螺絲粉/薯菜，👧🏻草根妹妹就揀咗配最唔健康嘅薯菜🥔，諗住可以食熱辣辣又脆卜卜嘅炸薯角，😫點知啲薯角好淋呀！🥺一啲都唔脆，應該係一早就炸好，☹️好失望呀！另外，🐷豬扒有兩大塊，肉類份量十足。🙈🙊不過兩塊肉嘅肉質有差異

公司儲左1大堆外賣menu📋見到呢間西餐既賣相同埋價錢好吸引就揀黎食下😁第1時間已經俾佢A餐吸引住😍🧀🦞🥩🍝芝士焗半邊波士頓龍蝦拼西冷牛扒意粉Lunch menu價錢係$67包餐飲，好抵食賣相💯份量好大盒，就黎裝爆個外賣盒意粉醬汁係茄汁底，茶記茄汁既味道(如果佢個汁係龍蝦汁應該會更出色🦞)西冷牛扒都係平時茶餐廳牛扒飯既貨色，普普通通啦焗龍蝦係整得唔錯既，一層厚厚既芝士汁再焗😋😋好食和風燒牛肉玉子野菜沙律🥗跟餐配有南瓜湯🎃好健康燒牛肉有少少煙燻味同重黑椒味而配上和風汁幾refreshing不過個青瓜好苦，麻麻地心目中期望既玉子係流心蛋可惜出到黎係熟蛋😟整體黎講，食物質素同賣相有d落差，但味道係正常野都好食既，同以呢個lunch價錢食到龍蝦CP值都高既👍🏻👍🏻下次再叫其他款色試下😊

夏天熱辣辣胃口未必好，加上要keep fit著下背心短裙，呢個時候我就會揀有沙律食嘅西餐廳。烤雞凱撒沙律🐣🥬🥖🧀只需32蚊，套餐36蚊跟熱飲。成個沙律唔算太大碟，加上咁平，大家不妨加錢要杯特飲-咖啡/朱古力/紅豆冰/果汁牛奶乳酪獎勵下自己。舖頭用嘅沙律菜都幾新鮮，唔會話有好多灰灰黑黑嘅斑點，切嘅大細都適中，容易入口。沙律醬嘅份量亦都啱啱好，啲菜唔會好似喺隻碟到游水咁🏊🏻‍♂️。雞肉有3大塊，全部有輕輕烤過，面頭金金黃黃。加埋芝士片同有麥香嘅麵包粒，食落都唔會太寡，係唔錯嘅瘦身選擇呢！

平時起工商區搵食黎黎去去都係茶餐廳同快餐。但估吾到呢度地方細細，發現左間西餐廳好食得黎仲要係茶餐廳既價錢！當然吾可以話佢好高質，但至少你會覺得50蚊既Lunch 仲可以食到呢 d 你會嘩左一聲。每次都要排隊排好耐。疫情下搵位變得易左，但都要等一陣先有位。今次因為呢個德國豬手，所以試完就好想Happy sharing.肉厚得黎吾算太乾，只係咸左少少～總的來說Ok 既包一杯熱飲（我應該叫凍檸茶先岩lol)

係工廠區依個價錢高質素高CP值！德國黑椒蜜汁豬手(配飯/意粉/螺絲粉/薯角）仲送餐湯或熱飲.（$50）餐湯-南瓜湯：好濃郁嘅南瓜味，完全冇偷工減料.不過南瓜湯有些少草青味！但還可以接受！原本仲以為$50嘅價錢豬手份量唔會多. 點知原來豬手有一隻仲要去埋骨！非常方便食！豬手一開四煎後加上蜜汁.煎嗰面會有些少乾但入面肉質係嫩.豬皮唔會油膩.而且豬皮會有少少煙韌口感.黑椒汁另上.可以方便點豬手或撈意粉/螺絲粉.見隔離檯叫薯角份量都好多.完全夠飽肚.

今日lunch經過見到呢間平時堆滿人等位嘅餐廳竟然有位 即刻入去坐底食今日星期五就食返個德國黑椒蜜糖豬手配意粉加南瓜餐湯個湯係南瓜蓉煲嘅 飲落去好似食緊南瓜咁但係都有陣陣嘅草青味 所以個湯麻麻地豬手方面都有幾舊大嘅 都焗得幾淋蜜糖都落得好夠唯一係邊位嘅肉有點乾同鞋會攝牙罅黑椒汁好濃味 好足料 食食下有d辣意粉軟硬適中 配菜就冇乜味坐位方面我地兩個人坐二人枱就迫左少少餐廳店面都幾乾淨總括黎講佢一般般 下次如果唔洗等位的話都會再食