Bold Italic (已結業)

觀塘食晏時候, 好多人都會去工廠大廈啲食肆搵食, 其中駱駝漆大廈應該都有好多人試過。 尋日去咗一間食西餐嘅餐廳食晏, 呢間餐廳喺駱駝漆大廈3座三樓, 呢間餐廳裝修好舒服, 食晏時候唔算多人。一個人靜靜地坐喺度食都好舒服! 今日我叫咗個照燒汁雞扒配薯蓉 ( 你可以配飯,意粉或者沙律菜) 又一個餐湯 一件小牛油多士, 仲有糖水, 同飲品。我叫咗個粟米湯, (或者三魚湯) 粟米湯都ok, 佢應該用新鮮粟米打溶, 飲起上嚟好清甜。照燒汁雞扒配薯蓉, 雞扒煎得好香脆, 薯蓉有少少鹹但係唔夠creamy, 賣相一般。檸檬茶冇乜特別食完仲有一個雪耳糖水送。其實已呢個價錢嚟講, 可能係話食佢嘅裝修 , 環境, 但係呢啲食物質素好似仲比起茶餐廳嗰啲差不多。

第一次試呢間 叫左雜扒餐（雞扒/豬肋骨/司華力腸）+黑椒汁；上菜算快；冇諗過個醬汁煮法咁特別，冇平時出街食個啲咁油豬肋骨又整得岩岩好；雖然份量唔係好大，但都夠食。Overall 黎講有surprise

觀塘工廈其實有唔少隱世良心店今次呢間睇OpenRice 唔算hit 本身諗住試伏 點知食落覺得唔差當然仲有進步空間 但應該比之前改善咗重點係價錢夠平民 Dinner 大概$70-90Lunch & Tea 仲要$40幾 如果想食西餐又唔想下下百幾蚊嘅打工仔💸可以嘗試懲罰下呢間！-📌分類#couple_fooddiary_西餐#couple_food💛觀塘-🍖Bold 雜扒 配薯蓉$88香煎雞扒·司華力腸·豬肋骨·配芥末燒汁·要讚佢個雞扒煎得非常香脆 (˶‾᷄ ⁻̫ ‾᷅˵)做到外脆內軟 入面Juicy 豬肋骨炆得淋 且入味 司華力腸反而比較細 同埋乾柴薯蓉雖然冇出邊西餐廳做到咁滑食到有粒粒薯仔嗰種 但幾重薯味最後悔係點咗個芥末燒汁 完全搞砸左件事芥末嗰種味係熱狗嗰隻 酸得嚟唔太夾(´･_･`)呢點真係咁扣咗少少分

【#肥波西餐系列】🎈觀塘媽媽其實真係好多正野，淨係駱駝漆三座已經可以分幾次食😂🎈呢間位於工廠大廈嘅西餐廳，裝修好舒服，星期日下午茶時段唔多人（可能因為唔算係超平嗰種），可以靜靜地兩公婆傾下計💛🎈今次叫左嘅係白汁蟹柳意粉🍝減肥都要食下碳水化合物架，不過就要食啲好少少嘅😛我自己飯嗰啲就盡量少少啲食～意粉索左啲汁好香，餸唔算好多，不過不失。你可能會覺得隻碟好大意粉好少咁，但其實唔係架，我食完呢碟都好飽😂夜晚淨係食左一碗烚菜就算～📍Bold Italic @bolditalichk 📍觀塘開源道60號駱駝漆大廈3座3樓P室

第一次去，因慢煮等了約10多20分鐘。這個慢煮日式咖哩豬扒飯，咖哩汁不像一般的咖哩飯，只是一個點綴，粉量剛好不多不辣。豬扒已切好，入口軟熟有口感， 肉汁豐富，入口並不乾澀。 感覺清新， 沒有油膩感覺，值得推介。加38蚊多個set，有沙律、多士、 咖啡或茶。 咖啡非常淡口， 多士只有餅乾的大小、餐湯非常淡口，除了沙律黑醋比較清甜可選，其他比較失望。服務員態度十分友善， 餐廳環境都算不錯。慢煮日式咖哩豬扒咖啡餐湯沙律

🍴觀塘黃店-平價下午茶📍秘製西冷肉番茄酸辣湯意大利粉 $43📍凍檸茶 （跟餐加$3）下午茶都有8件西冷肉，而且大約煮至7-8成熟，保持了肉質的鮮嫩度，值得一讚。湯意粉保持爽彈，不會因為浸在湯內變糊口。湯底是番茄酸辣湯，有點像辣版的羅宋湯，由於茄味足，更多了一份清甜感，配合配菜粟米和椰菜，非常開胃。🔸小總結：超值- 下午茶時段不用收加一服務費❣️以$46包凍飲的價格來說，份量和味道都不錯，性價比高，大家不妨到駱駝漆閒逛後來一頓下午茶吧！👅 味道：4/5💰CP值：4.3/5🕴🏻服務：4.3/5🔰餐廳環境：4.3/5👀回頭率：4.2/5🍽 餐廳：Bold 🌐地址: 觀塘開源道60號駱駝漆大廈3座3樓P座

下午茶時間叫咗個酸辣湯意粉，以為係西式，點知似中式。牛肉肉質還好，但放落湯度唔夾，有d浪費。咖啡又唔好飲，整體味道麻麻。另外，枱有點髒。亦上唔到網，用其wifi又連不上，看來衹有兩至三個人可連上，而且是員工。

今日行觀塘同牛頭角，行到累，去呢間餐廳食，我好耐之前食過一次tea都ok見tea menu寫明平日免加一😲😲😲😲我問短髮中年女職員「平日蛋糕set嘅伯爵茶味，是否海棉蛋糕？」佢完全敷衍：「ummm...唔係海棉蛋糕wo」佢完全無意思幫客人問廚房，係用咩蛋糕黎整所以我叫左煙三文魚炒蛋，厚多士配沙律$49沙律比想像中少，炒蛋嘅煙三文魚無味，好重油味，厚多士有兩件，比想像中多友人叫忌廉湯雞扒湯通心粉$39但落完單過左8分鐘左右話無通粉，要轉意粉，都可以的雞扒好硬，唔夠juicy,湯底平平無奇，同茶記一樣咁附近一枱情侶食晒個tea,飲品未到，催個職點解食晒野都仲未到。（佢地最後都超過5:30先走，同我地同一命運要焗住加一🤢🤢）我地5:33埋單，友人幫手比錢，年輕啲嘅女職員收錢，見張單比預期$88多左成$9，要$97，佢無即時問職員我地一齊在店外menu睇完，果然係收多左加一wo入去問返，年輕女職員理直氣壯咁話「你地過左5:30先埋單丫麻，個系統會自動收加一服務費架」真係激唔激死人呢？我地話「點會唔係計入座時間5:30前就唔駛加一呀？呢啲細節又唔寫埋在menu上面？😡😡😡😡」我地都蠢左，唔記得同

夜晚好肚餓行駱駝漆 搵咗好耐見到呢間個樣OK又有位就中伏了 落完單之後先講冇晒薯蓉同香草飯冇晒唔識一開始就講？叫黑椒汁 點知嚟咗一盤透明汁液係有少少黑椒味 但係同時都好甜 仲有個芥末燒汁老實講味道都還好但個賣相真係一篤油漆 完全唔得個牛扒都係正常發揮叫5成 嚟到應該八九成左右 入邊有部電視會播食物嘅宣傳片睇咗十二次舊西冷都未咬完喺扒入邊雜扒係最正常雜扒入邊條香腸仲好食過肉眼份量又少 男仔食一定食唔飽 唯一正常係杯水🤦🏻‍♀️

食物麻麻，個羊叫左5成熟，黎到乾到舊柴咁。 問佢仲話羊唔可以5成熟，仲好理所當然咁，係咪當顧客係傻仔？仲要態度好差，一講完就走左去。唔想換咪出聲咯，咁樣走左去係咩意思？ 連對人最基本既尊重都無，呢啲服務態度仲想收加一？108蚊食碟咁既嘢，簡直係搶錢。服務態度好差，叫左兩次埋單都唔黎，要我親自去cashier逼佢埋，佢先肯做嘢。破壞左我個weekend，食到成肚氣，寧願食茶記好過。奉勸各位如果遠道而來就唔好專程去試，包你會失望。

來到叫咗兩個餐，其中雞扒表現正常，但係羊架配西冷真係中哂伏！西冷望落去都唔似一塊扒，夾硬切到細細舊，收108蚊，份量少都算，落單時候問我哋要幾多成熟，答左佢5成，原來只係指羊架，所謂嘅西冷柴到不得了石頭咁硬。咁我哋就問吓店員，乜唔係五成熟咩？佢話西冷要全熟，係咁架。我地再話，真係好柴喎，佢無理，之後急急腳走開😰聽完西冷要全熟真係黑人問號，服務真係不予置評，意見又唔聽，成個感覺都好差，呢個價錢我寧願食茶記，好食好多，仲有得找！

高質素的西餐廳 (訂座)係疫情下，美食都是一種舒壓前菜餐湯美味伴有略強胡椒粉味多士香脆但略嫌細份 (扣分)主菜照燒汁香煎雞扒配意式香草飯配得上個名☝🏼真係好香既雞扒🤗份量配得上價錢，味道上流，回頭選擇👍主菜澳洲肉眼伴芥末燒汁配薯蓉平時淨係食well done，有驚喜😳居然唔煙韌，廚師👨‍🍳掌握得好好比同區更加貴既餐廳更好吃🧐都係回頭選擇之一👍飲品淨係叫平時普通野飲，正常無咩特別🤣平日光顧免加一，包前菜，值得一贊😊👍🏼

收工去阿叔泰買嘢， 見到同座有呢間西餐廳， 就去試吓~ 人唔多， 靜靜地， 可以慢慢食~佢都幾多嘢揀， 我地揀咗Bold雜扒同黑醋汁羊扒拼羊西冷， 兩個都揀咗薯蓉~ 我地仲加咗佢個set, 有湯， 沙律， 多士同嘢飲。 個湯都有兩款俾你揀， 有粟米湯同蕃茄三文魚頭湯， 好好飲~ 好夠味！！ 個多士好好食， 超軟細細塊， 好好食~ 沙律都唔錯， 酸酸地， 好開胃！！佢d嘢都嚟得幾快， 但係都會等人食完一樣先再上， 唔會放到成枱都係. 個羊西冷都幾好食， 開頭仲驚太酥， 但係又ok喎， 唔錯唔錯~ 全部都好好味我地仲加錢叫咗黑牛， 正~ 呢間又坐得舒服， 唔趕， 可以悠閒咁慢慢食。 返工已經樣樣嘢好趕， 收工慢活吓都得卦

店外黑色型格的店面，內裡卻像花園般把乾花掛在天花，再加上霓虹燈作點綴，讓人有置身異國的錯覺。有很多午餐套餐都缺貨，所以有點失落感。餐湯和多士栗米湯有點稀身，沒有栗米粒，熱水沖粉的餐湯。牛油多士有自家製風味，但有點太細Bold 雜扒（香煎雞扒、司華力腸、豬肋條）配薯蓉伴照燒汁雞扒和豬肋骨都煎得香脆，但稍稍乾身。司華力腸沒什麼特別之處，味道也正常。伴菜也有5種選擇，包括一般飯、沙律、意粉、薯蓉，另外還有比較特別的意式香草飯。照燒汁香煎雞扒配意式香草飯意式香草飯比一般白飯有多一陣清香，入口後會充滿香味和牛油香味，讓人想一口接一口地食。這塊雞扒比雜扒的較為軟身。香煎豬扒白飯配日式咖哩（轉意式香草飯）香煎豬扒有驚喜，外層香脆，加上日式咖哩汁，減塊熱氣的感覺，能多吃幾口。

觀塘真係掃黃天地，尤其駱駝漆大廈，幾乎每一層至少都有一間黃店餐廳！仲有好多名單未發掘😭依間餐廳標榜屬香港人的扒餐，老實講其實質素並不是非常出色，但如果想晏就鋸扒或歎返個西餐不妨一試，尤其琴日晏就最旺嘅午飯時間12點幫襯時唔太見有其他食客😖⭐️ig @bolditalichk 有條bio link 㩒入去有menu一欄，雖然食物價錢和款式唔太updated，不過都差唔多可以一望作參考。.Lunch Set-奉送是日餐湯伴多士、飲品、小甜品一個▶️蕃茄魚湯，魚味很重不過蕃茄味唔算好濃郁。▶️粟米湯，不是太濃郁和加了忌廉creamy那種，有少少粟米粒渣可以加強口感，並有黑胡椒調味。▶️牛油多士，自家製麵包煙韌但稍為太細塊。▶️最後竟然送上一細碗椰汁西米露，味道唔算太甜，雖然甜品份量唔算好多亦唔算非常好食但為成餐加咗好多分。.👓Bold雜扒(香煎雞扒、司華力腸、豬肋骨)配薯蓉伴照燒汁 $88豬肋骨嗰邊煎得香脆亦都有肉地，但稍為乾身唔夠juicy。雞扒大塊香脆，不過同司華力腸一樣純粹係塊雞扒同條腸冇乜太大特別。伴菜可以隨意轉做意式香草飯、白飯、意大利粉、薯蓉或沙律菜。選了香草飯比白飯多了一陣香氣。仲有少許