影片
營業時間
今日營業
12:00 - 21:00
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
以上資料只供參考, 請與餐廳確認詳情
有關獎賞計劃
食晏時間行左去西環，隨意簡左哩間食扒嘅餐廳試下。當時舖内已經冇位，諗住走嘅時候，職員話隔離嘅肉舖都係佢哋嘅，於是就安排我哋坐响肉舖出面個bench 度坐。對住條街食，感覺幾得意。Set lunch 包side dish，main 同野飲。我哋分別order左佢個rib eye同Sirloin。佢哋啲肉都係即時响佢哋個肉檔切出黎，唔知係指定動作定係職員順路行過俾我哋過目一下啲生扒，再拎去煮。先嚟side dish 炸甜薯， 佢哋炸得好好食，甜薯外層炸得好乾身，但入邊仲好濕潤，而且蕃薯非常甜，食到停唔倒口。 牛排一上已經香氣撲鼻，分量好足，食落牛味非常濃郁，雖然我哋order medium rare 而佢係有啲overcooked，但係肉質依然好腍，要挑剔嘅只係有啲筋。我哋覺得SIRLOIN係好食過RIB EYE。
繼續閱讀
好正嘅漢堡。Patty煎出焦褐感，好香好多肉汁流到成手都係，勁濃肉味，私心認為香港最高質嘅patty之一，芝士幼滑鹹香，應該用咗酸瓜醬同煙熏bbq嘅調和醬，好好，係我心頭好。不過價格略貴，而且太油食完會滯。
繼續閱讀
下午與友人經過這間餐廳，店外更有一隻假「大豬」相當吸引人的眼球！友人之前曾到龍用餐，所以她叫我都試試！這一天，我們點了一個「Rump cap steak 」及一個當日special set (燒雞），有一隻雞髀，及雞胸雞翼。兩個神餐都配湯和薯條🍟。不過，個湯便有點辛辣，都可以接受。但職員很好，再補送我們沙律🥗。首先個牛扒，幾好味！廚師推介食4成熟，我怕生，所以話5成熟。但上台是用鐵板上，所以見到個牛，不似5成。變左6成多。不過，都是好食！至於個雞，好食！連雞胸位置都整得不乾！都好好食！雞樣好簿，不肥，醃得不錯！
繼續閱讀
Restaurant is very small. If you have a slightly bigger group (more than 4 people) don’t go there. They set the table right in front of the main entrance and the person sitting by the door got up at least 5 times to let other people in and out in less than an hour. Terrible dining experience!
繼續閱讀
睇youtuber介紹西營盤「bones & blades」的炸五花腩，好似幾好食，就被吸引而來。去到目的地會見到兩間同名店，餐廳喺右邊，左邊係肉店，餐廳供應的所有肉類菜式會直接去肉店攞，質素有保證。肉類有牛、豬、羊選擇，仲有好多唔同部位，啱晒食肉獸。炸五花腩（$68）係此行主打項目，但反而最普通，唔係唔好食，調味簡單但有肉香，但瘦肉部分有點鞋，肥膏頗多，垂直切的話肥膏會從兩邊唧出來，就算平時食嘢幾唔健康，見到都要切走一啲。旁邊係少少辣的醬，都可以中和下肥膩感。不過以價錢來說，一碟有7大件算幾抵，人多分享會冇咁飽滯。招牌牛柳（$119/100g），牛扒類最少要點200g，大約等於7oz，足夠一個女仔食。上枱用鐵板上，賣相毫不花巧，就一件扒加一撮鹽。採用里脊肉，要求medium rare，表面煎得微微焦脆，切開肉係粉紅色，但唔會有血水，火候拿捏得好好。雖然外表平平無奇，但一咬就知質素好高，肉味甚濃，而且嫩滑，冇筋，雖然旁邊有鹽，侍應亦提供左芥末醬，但咩都唔點已經超級美味，呢個質素放喺扒房最少要double價錢。少肥薯條（$55），又係外表普通但有驚喜之作，薯條條條飽滿，炸得熟度剛好唔會燶，質感粉嫩，鹹度適中。不過亮點其實係茄汁，因為係自家用鮮茄肉製作，誠意十足，而且唔會好酸，且帶甜味，好食到用左三分一支茄汁嚟食薯條。所以為咗佢的茄汁，薯條係必點的。呢度整體菜式質素都高，而且唔貴，好值得再來。星期一至五有提供set lunch，有扒、漢堡包等等配薯條，平均百幾蚊，更加抵食。除咗西營盤，仲有元朗、西貢、愉景灣分店，多點選擇。
繼續閱讀