Bored Garden (已結業)

ෆ⃛ Bored Gardenෆ⃛係中環新開咗間好特別主打burger嘅餐廳，仲係全亞洲第一間嘅 Bored Ape 「無聊猿」NTF主題嘅餐廳X加密貨幣找換店，門口已經同普通餐廳與眾不同🍔好有未來感嘅感覺🛸而且店員都好nice 會熱情咁樣介紹有啲咩款式✨♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡ 莞荽芝心牛肉漢堡 $125 +$18set♪ 唔食芫荽嘅人見到應該都好驚🤣🤣 芫荽嘅份量好多，好似係炸過嘅感覺，更加帶出芫荽嘅香味，比較乾身唔會整到個漢堡濕晒💧裏面嘅牛肉漢堡扒煎得非常香口，食到中間仲會有芝士🧀成個非常大份女仔一啖應該咬唔晒(´▽｀) 因為芫荽係炸過嘅原因，所以食落都會有啲油膩，建議可以share食ᕙ ᕗᗦ↞︎◃︎ 值quota指數: ✿✿✿.75 / 5 特大原條鰻魚熱狗 $85 +$18set♪ 除咗有原條鰻魚下面仲有脆皮熱狗腸，鰻魚上邊有啲燒汁調味，整體食落係甜甜地，鹹鹹甜甜可以一啖接一啖(´▽｀) ᗦ↞︎◃︎ 值quota指數: ✿✿✿.5 / 5 薯條（小食）  單骨雞翼（小食）✎ 總括：係一間好特別

今日朋友帶我去尼間NFT 猿人主題BURGER餐廳食burger, 一到步，已經比間餐廳嘅Decorations吸引咗!餐廳雖然唔大、 但做潮流餐廳真係無錯！係地下點完餐之後， 就上一樓等叫號碼， 應該用藍牙叫飛， 叫個下 笑左😂好潮丫尼條樓梯上樓上裝修特別漢堡 😋😋😋鴨肝牛肉漢堡$118 +$18 炸雞翼配汽水大過隻手的burger, 食落啖啖肉， 鴨肝味超香濃， 勁正！ 炸雞翼 一定要食， 啱啱炸起， 熱辣辣， 外面香脆，內嫩口！想食多幾隻😋😋無聊園經典漢堡$80 +$18 洋蔥圈 烏龍茶叫左個經典漢堡。牛肉份量十足配埋新鮮蔬菜， 尼個價錢 係中環真係抵食！ 炸洋蔥圈 炸得好香， 炸粉唔多， 所以食到洋蔥香味！ 係中環食到尼間漢堡， 真心抵食！ 鐘意食牛肉漢堡的我。覺得滿足！ 要再幫襯😋😋大過隻手的burger😛😛😋我見門口仲有午餐都係$40-$50！ 好抵食！

亞洲首間無聊猿餐廳🐒以NFT同加密貨幣做主題 餐廳有兩層 地面點餐之後可以上樓用餐出餐嘅時候Staff 會開咪通知你😆成間店都充滿玩味 好繽紛歡樂vibe 打卡一流😆👍🏻📸🍔鴨肝牛肉漢堡 $118 好巨型好夠份量嘅漢堡😍有三片鴨肝 表面煎至微焦 其油脂香滑惹味 夾層有紫洋蔥同蕃茄 底層就係芝士、牛肉、生菜牛肉用上USDA品質 厚身肉嫩又juicy 牛味極濃！更值得一讚個麵包係法包質地 好香脆就算掛住影相打卡遲咗食 都唔會變淋塗有甜甜地嘅柚子醬又幾好味尼個漢堡真係好好味 我俾足100分滿分！🍔日式芥末炸雞漢堡 $75巨大塊炸雞！鍾意食雞肉嘅朋友必點！雞肉一樣嫩滑 juicy豐富嘅芥茉醬同生菜 啖啖滋味😋 +$18 轉套餐有小食同汽水 揀咗單骨雞翼同薯條都好好食！同Staff 講起雞翼真係好好食 單骨都好多肉又炸得好原來係自己醃制唔係訂現成來貨㗎👍🏻份量又十足！超抵！真係一定要加套餐啊！尼度最人氣嘅漢堡必定係❤️‍🔥芫荽芝心牛肉漢堡❤️‍🔥我嚟到嘅時候已經 Sold outStaff 話冇晒芫荽我少sad 🥹下次請早！軟殼蟹牛肉漢堡我都好想試 睇落勁吸引呢素食者嚟到仲可以揀牛油果大啡菇漢堡咁有

係中環收工經過 見到呢間bling bling既店 一開始仲以為係飲酒 原來係食burger🍔 價錢仲幾親民 即刻入去試下😆叫左兩個set 包+小食+飲品軟殼蟹牛肉漢堡🦀🍔-脆脆蟹肉配上juicy牛肉 口感一流🤩 就算有醬汁同肉汁都完全冇影響蟹既脆包 食到最後都脆既 而且炸物處理好好 冇油味唔油膩 必叫之一芫荽芝心牛肉漢堡🌱🍔-香荽配burger 新奇又好食 炸脆左既芫荽別有一返風味 意外地同牛肉burger配合 牛肉都係非常多汁 岩晒愛荽之人💚蕃薯條🍠-外脆內軟 蕃薯非常軟熟香甜 炸脆之後配上茄汁 清爽冇油膩感 即刻停唔到手單骨雞翼🐥-調味適中 炸粉裹滿雞翼又唔會過厚 又香又脆 仲可以配個泰式辣醬 非常惹味飲品有烏龍茶同汽水-邪惡汽水gur下又得 清爽解膩又得

最近中環新開左間burger店🍔裝修有特色, 有好多霓虹燈💡⚡️ 玩味十足🤪見佢有得食芫荽burger, 芫荽控既我, 梗係仆去食啦🤣🤣🍔芫荽芝心牛肉漢堡 ($125) (套餐+$18)芫荽炸到好脆😍 仲要有好多, 每一啖都係荽味🍀牛肉漢堡好juicy, 而且係芝心既🤤所以口感都幾豐富😆 不過麵包皮無乜烘過, 唔夠熱, 有d扣分🥺🍔無聊園經典漢堡 ($80) (套餐 +$18)即係牛肉芝士漢堡🥩 牛味幾重幾juicy, 同埋都幾大個😯食埋個洋蔥圈真係好飽😂😂😂同樣地, 麵包皮唔夠熱🥺🥺價錢偏貴, 不過份量幾大, 飽左成個下午😯芫荽味幾香幾特別, 試一次都ok😌評分: 🍀🍀🍀

今日偶然路過中環，遇上呢間burger小店，畀佢門外大大隻最近非常流行嘅馬騮公仔吸引咗我眼球，於是就入咗去望下XD~~原來呢間鋪頭係以NFT 同虛擬貨幣做主題，喺餐廳落單位可以睇到報價同埋交易，果然好潮呀佢睇落鋪仔細細，點知原來樓上雅座先係真正用餐嘅地方最過癮嘅係，喺餐枱隔來竟然放左幾部iPad畀你食住burger交易虛擬貨幣，夠晒chill，分分鐘食食下bruger已經賺返幾十個餐返黎我自己同朋友就分別叫咗兩個餐，上圖配洋蔥圈呢個係鴨肝牛肉burger，一啖咬落去口感好豐富，有鴨肝嘅香溝埋牛嘅肉汁。由於實在太豐富所以嘴細細嘅女仔一啖咬晒所有料就可能有啲吃力喇洋蔥圈食落都十分脆口，食得出係新鮮製作另外仲叫咗一個無聊園經典burger配雞翼，呢個burger食得出係用自己手打牛製成，重點係！一食落去肉汁四濺﹑好香牛味，完全對得住呢個價錢另外雞翼因為係單骨，食落好方便，我鐘意佢雞翼唔會太厚粉，但又保持到好香好脆總括來講今日呢餐都好滿意，有機會一定會再來！

玩味風格漢堡店✨裝修環境好Eye catching 無聊園經典漢堡$80 牛肉用上USDA 品質 牛肉雖然唔係好厚 但食落肉味好濃 中間夾左洋蔥蕃茄生菜醃青瓜 加埋沙律醬酸酸甜甜😉咬落會好juicy☺️其實都好大份😆 食完會好滿足 特大原條鰻魚熱狗$85 條鰻魚真係好大 食落好肥美 仲有半溶嘅芝士 原來仲有成條熱狗腸係入面😙呢幾樣嘢原來都幾夾🤪份量真係好多 絕對唔會差過漢堡🥹套餐（小食加飲品）$18 叫咗單骨雞翼 單骨食落會方便好多 肉質夠嫩炸薯條冇諗過係份量係咁多 而且呢種薯條係扭扭薯條嗰個味 好中意呢隻炸薯條😚飲品點左烏龍茶 冰茶清新解膩唔錯💦

喺中環呢個地段要搵一間平又好食嘅餐廳都唔容易，好好彩無意之中搵到呢間burger，行過見到佢嘅門口幾特別俾佢吸引咗，見好耐冇食burger就一於試下。平時唔係成日食burger，呢間餐廳係暫時食過最好食嘅一間😍我哋點咗個經典漢堡配雞肉沙律同埋鴨肝牛肉漢堡配薯條+2杯Coke Zero。喺樓下點完餐就可以上樓上慢慢坐低等拿，呢度嘅裝飾真係幾特別，攞餐亦都好搞鬼，整好店員就會喇叭開咪叫你落去攞🤣經典漢堡加雞肉沙律漢堡影落去好似好細個咁，但係食落其實超大個勁足料。個包一咬落去就勁Juicy好fresh，牛肉整得好好，好結實同埋真係重牛味。包底唔會太硬，軟軟地配埋配料好香，賣相同味道都好高質。加配既雞肉沙律亦都有成五六塊雞，係滿足食肉獸既一餐🤣鴨肝牛肉漢堡加薯條第一次食鴨肝，味道都幾香濃幾特別，配埋牛肉又幾match🫶入面有兩塊鴨肝，可以兩個人分一個漢堡黎食啱啱好🤤兩款漢堡如果真係隔硬要二選一既話會揀呢個🙆‍♀️薯條好脆口表面仲有一粒粒顆粒感，食落唔會好油膩膩，點埋茄汁醬好味🤤特別想一提佢嘅汽水，唔係就咁比一罐就算數，而係好有心咁整做一杯再加冰，所以就算係Coke Zero都好夠氣好冰涼啱曬夏天

今日同女朋友嚟到位於中環嘅bored garden 食漢堡包，佢嘅裝修好有特色，門口放咗好大隻猿人嘅模型公仔，成間鋪望落去好chill，裝修嘅設計好貼近年青人，好多款唔同嘅burger可以揀我哋就揀咗經典同埋鴨肝牛肉，而佢成個套餐仲有小食同飲品，都好抵食。叫完之後可以上樓上坐低等，樓上嘅座位唔多但都好舒服而且環境亦都好衛生，有唔少位置都好適合用嚟打卡。講吓食物，經典漢堡嘅汁調得好好，唔會搶咗牛肉嘅味道，而且漢堡亦都大細適中唔會令到食嘅時候好辛苦。之後到鴨肝牛肉，鵝肝都好出色，味道好夾，而分別叫咗薯條同沙律，薯條炸得好脆，而沙律亦都好大份。整體而言，餐廳嘅氣氛真係好舒服而且食物亦都唔錯好適合去放鬆一下

放左工想快啲填飽個肚仔再係附近行下無聊賴經過威爾頓街 就發現呢間新開嘅無聊猿漢堡餐廳😳前排NFT就成日講啦～ 都真係第一次見咁有「Cyberpunk」嘅餐廳👍🏻唔講唔知以為係無聊猿museum 🤣餐廳設有樓上雅座 打卡一流🤪未到聖誕節就已經可以欣賞到五彩繽紛嘅燈飾🌈主打牛肉burger🐮必食推介有無聊園經典漢堡、軟殼蟹牛肉漢堡、鴨肝牛肉漢堡+$18 就有SET 配小食同汽水我地點左無聊園經典漢堡同軟殼蟹牛肉漢堡set 野食ready 時餐廳staff就會開mic（好似DJ咁）喊號碼叫你落去拎餐🥢無聊園經典漢堡 配單骨雞翼有cheese, 牛肉排, 洋蔥, 蕃茄, 菜, 酸黃瓜食落好有層次鬆軟又有牛肉香好足料juicy😮配上單骨雞翼都有好多件係現成咁炸出嚟～🥢軟殼蟹牛肉漢堡 配炸洋蔥圈呢款軟殼蟹漢堡同經典漢堡嘅配料基本上一樣係加咗個超大舊嘅軟殼蟹🤣足料爆餡🦀炸到金黃酥脆識落唔會硬同油膩～味道岩岩好👍🏻而炸洋蔥圈都係熱辣辣咁現成炸出嚟好滿足🥰總括嚟講呢間餐廳裝修得好有心思雖然嘢食價錢唔算平（其實以中環價位嚟講係正常）但漢堡真係好足料好Juicy係現成咁整出嚟唔會hea同埋仲有其他唔同嘅小食

位於中環的漢堡包店，裝潢有特色，猿人卡通主題，全部都是霓虹燈，玩味十足，適合打卡。一共兩層，地下一層是點餐處，沿著粉紅色的走廊，拾級而上，上層就是枱及座椅。食物方面，供應漢堡、熱狗、意粉、窩夫、沙律及小食。漢堡包：鴨肝牛肉漢堡特色的手工漢堡，醬汁加了草莓果醬，甜甜的。入面有鴨肝、牛肉漢堡扒、蕃茄、洋蔥、沙律醬、生菜。漢堡包印壓了餐廳的代表猿人公仔圖案。肉汁豐富，牛肉味香濃；鴨肝煎得焦香，充滿油香。套餐加配小食：單骨雞翼雞翼炸得很乾身，而且醃得很入味。飲品：烏龍茶除了汽水外，還有冰凍的烏龍茶，解油膩，消滯。漢堡包：日式芥末炸雞漢堡澎湃的漢堡包，中間夾著炸雞，很大一塊，新鮮即炸，金黃脆口，外脆內軟嫩，而且咬下去依然是熱呼呼的。雞扒厚肉，充滿肉汁。餡料還有蕃茄、洋蔥、生菜及沙律醬。套餐加配小食：雞肉田園沙律健康之選的沙律，雞肉烤得香口，蠻多塊，味道惹味，底下則是沙律菜。

亞洲首間無聊猿餐廳 X 加密貨幣找換店 識NFT或者加密貨幣嘅人一定知道無聊猿而亞洲首間無聊猿餐廳 就開左係中環一入門口就大大隻無聊猿企係到，個樣勁串嘴🫢而食物選擇都好多，而且有啲得意例如會有鰻魚熱狗同鴨肝漢堡😂😂我就普通啲，叫左個經典漢堡（$88）再加18蚊有小食同汽水漢堡嘅味道唔錯，牛肉漢堡扒配上酸青瓜令人覺得好開胃，即使有唔少芝士同醬都唔會覺得膩。小食有薯條，洋蔥圈或者雞翼簡，我就叫左雞翼同烏龍茶畢竟係出邊食雞翼都幾貴下，所以有得叫雞翼做餐嘅小食，我覺得幾抵食。🤤雖然就咁食我依個餐都要98蚊，但如果持有JPC幣，就即場可以成為VIP，係8月21號到27號都有35% off，所以我依個餐先63.7。主題餐廳嚟講，依個價抵到爛。而且如果對買幣有興趣嘅話，8月26號到27號可以用VIP去買幣，USDT匯率係7.75，都幾抵玩架！🥰🥰

今日同阿媽去中環,行下重建既中環街市。行完中環街市,去附近搵地方醫肚。畀一隻牛牛吸引住。一於入去捧下場試下佢啲漢堡。入到去,睇住個menu點完餐。要經嗰個粉紅色嘅走廊,上樓梯去二樓用膳。私隱度都幾高。我哋分別叫咗兩個漢堡套餐加一個芝士雞扒意粉。芝士軟殼蟹牛肉漢堡:喺牛肉漢堡上面,加咗軟殼蟹.蕃茄.洋蔥.芝士同埋蛋黃醬。軟殼蟹炸到好鬆脆,而入邊仲保持到軟熟。 香脆既軟殼蟹配埋香滑既蛋黃醬再加埋 肉汁豐富既牛肉漢堡,真係一食就好滿足。草莓醬鴨肝漢堡:喺牛肉漢堡上面加咗鴨肝.蕃茄.洋蔥.芝士同埋果醬。 原本以為呢個配搭會好油膩,但卻出乎意料咁夾。鵝肝嘅油香加上嗰將再配合埋牛肉漢堡既肉汁,令到原本香濃嘅肉味更加提升。扭紋薯條同單骨雞翼:兩樣都係即時現炸, 所以食落口,好香脆。完勝一般連鎖店。芝士雞扒意粉:意粉就一般般 但佢勝在芝士醬夠多 雞扒亦都 嫩滑 而且喺芝士上面 加咗香料,都幾好食。

今次試咗中環依間burger餐廳,分咗兩層,上層for食客坐,裝飾燈都可以打卡今次試咗軟殼蟹漢堡同鴨肝漢堡,小食揀咗蕃薯條同雞翼,軟殼蟹好大件,但係唔會硬都易咬,唔會食得好辛苦鴨肝味都好濃,如果鍾意嘅人都值得一試而小食方面,蕃薯條係超級推介,你除咗蕃薯味濃,仲會有啲蜜糖味甜甜地,加埋茄汁食會幾開胃小食雞翼店員話係人手一手一腳調味醃製,唔係出現買嘅現成貨所以依份心機都值得去支持下！飲品除咗有汽水都有烏龍茶揀~無咁熱氣整體食品都唔錯,值得去試下,如果有埋啡菇牛肉漢堡就更好啦

經過呢間新開burger店，門面好似一間roller場😂好多打卡post ig位😂😂😂野食方面 選擇都唔少叫左呢幾樣單骨雞翼雞肉田園沙律無聊園經典Burger芫茜芝心牛肉Burger每樣野食都好好味👍👍👍👍👍👍👍😋😋😋係有心做的有個建議 如果個包可以煎一煎熱d就完美😊😊味道方面完勝我之前食另一間連鎖店五個男人附近番工 想食burger既真心推薦要試試😙😙😙😙😙😙