Bove (已結業)

行過買左雞蛋仔同疏乎喱pancake等左比較耐，雞蛋仔大概十分鐘，pancake大概二十分鐘店內衛生情況見到都ok，食小食最緊要餐廳乾淨✌原味雞蛋仔價錢其實都幾貴🙈值唔值就見仁見智。蛋香味重，面頭脆，內裏亦有餡，唔會食落空心😂而且味道唔太甜整體係幾好既，個蛋味真係好出。 pancake有好多款不同口味，今次揀原味食番佢既「真味」😂😂賣相真係好吸引，但味道就一般，雖然氣味好香，但佢實在太過泡沫，入口溶化，如同空氣😂😂個人就唔太鐘意個質感，但口味就每人都唔同既😳

又食在元朗喇，日本疏芙厘大流行，銅鑼灣先後開左幾間日本過剛龍，真係每次都要排隊，我都排過成粒鐘嫁，不過真係排得有道理，貴得有價值，因為真係好好食，又重蛋味又多鬆軟，其實元朗都有間食疏芙厘仲有報導過，所以今日都去試下，價錢街坊價比較親民，$30/2件點了伯爵茶口味，等了二十多分鐘就有，賣相都幾吸引，仲要大大件，搖下距都見到好鬆既感覺，可惜食落口又是另一回事，茶粒太大，好似食緊茶渣，蛋味吾夠，所以吾夠香，另外一個我覺得比較緊要既係無cream ，有cream同無cream食落又差一半，日本開既仲會自加制cream，比較有豐富既口感雖然係同日本開既店差d，不過價格係平三分二，有時口癮起又近近地都係一個吾錯既選擇

近年四圍都有哂各式各樣嘅雞蛋仔鋪，款式五花八門，但係咪間間都好食我就有啲保留。今次試嘅係bove 位於元朗嘅分店，鋪頭位置喺俗稱元朗食街嘅又新街隔離。所以週未時間去買都會見到門口有條短短嘅人龍。鋪頭有雞蛋仔、夾餅、梳乎厘等等嘅甜品。每種小食又再有唔同嘅味道去揀，第一眼落都覺得幾花多眼亂。咁今次就試咗一個平平地$18嘅班蘭味雞蛋仔。估唔到都幾有驚喜，由於底雞蛋仔喺整完之後，店員會搵風扇吹一陣，令到雞蛋仔嘅表面非常脆，而入面係做到實心又鬆軟。唔似有時喺街邊食到嘅空心雞蛋仔，似食雞蛋餅多過雞蛋仔。配合埋淡淡嘅班蘭香，為正宗嘅外脆內軟雞蛋仔加上創新嘅味道。不過等候都要啲時間，通常要等10分鐘左右，而且職員嘅態度都唔算好友善。

之前都係葵廣食過bove幾次，但上星期去左幫襯元朗間bove嘅宇治抹茶pancake,出泥嘅成品眼見已經‘散修修’，一拮開佢 d 泡就化開，食落去仲係凍的，係唔熟嘅粉漿泥😢😢😢於是同個店員講，佢仲唔耐煩咁話：「呢個係我地可以接受嘅standard泥嫁喎」咁😡😡😡，食多兩啖堆泡愈稀愈凍，最後佢先好唔情願咁退返其中一件嘅錢,但明明兩件食落去都係凍同泡狀，只能講冇水準又差態度🤦🏻‍♀🤦🏻‍♀🤦🏻‍♀

驚喜嘅爆醬·梳乎厘班戟被香氣吸引，今日試呢個《瀑布花生醬梳乎厘班戟》～梳乎厘班戟上面淋上超多花生醬，一入口班戟帶住滿滿嘅花生醬，唔會太甜，好好味，實在好滿足味蕾啊♥️

而家嘅雞蛋仔越嚟越多唔同嘅味道，款式亦有所不同，雞蛋仔嘅味道有甜味或者鹹味嘅選擇，不過我從來都係食甜味嘅雞蛋仔，所以今次都係揀番甜味嘅雞蛋仔🤣🤣今次最吸引我嘅就係抹茶麻糬雞蛋仔，最近見到有好多人食，朋友都推薦我食呢款，因為佢入面藏有白雪雪嘅麻糬🤩🤩 雞蛋仔即叫即整，所以拎上手熱辣辣，當我食第一粒嘅時候入面竟然冇麻糬，幸好我之後食既每一粒，入面都藏有着非常吸引嘅麻糬😗😗💕抹茶味道都算合格，但味道唔算太特出

某日經過元朗， 見到新開左間食雞蛋仔同疏乎厘專門店就即刻入左去試！點左個蛋黃味疏乎厘，因為係即叫即整，所以要等3個字到，向附近行左陣番黎 就食得啦⋯⋯ 熱騰騰既疏乎厘外表平凡睇唔出有蛋黃， 但份量十足，口感唔會食完好似得一陣風，仲好有蛋香味，甜度適中，食到中間終於有流心既蛋黃醬啦！總括黎講 性價比高，抵食！之後再叫埋個鳳梨味雞蛋仔，唔洗等好耐就食得啦，不過呢個蛋雞仔就有點兒失望。甜度過高，食唔到鳳梨嘅香味，質感偏硬！下次再試其他口味吧！

Bove在香港多區設分店，除了售賣人氣爆標的梳孚厘班戟✨，更有受港式美食，雞蛋仔和格仔餠哦懂我的人也知道，我很喜歡吃飽肚的甜品😂，雞蛋仔，格仔餠，班戟，窩夫，麵包勻是我喜歡的食物♥️，曾經我更有想過買設一間雞蛋仔店😂，你就知我有多愛吃了吧抹茶麻糬雞蛋仔 $28曾光顧過Bove一次，品嚐過它家的流心蜂蜜雞蛋仔，這次就嚐試新口味💕：抹茶麻糬雞蛋仔吧深綠色的抹茶雞蛋仔，茶的濃度剛剛好，是大眾能接受的程度，不會過濃不會過淡，外層烤至脆硬，內裡蛋心勁度十足，煙煙靱靱，放入麻糬後，嚼度更高，我喜歡哦……………………👧 葵芳葵涌廣場3樓Top世界3069-T20號舖👧 九龍灣牛頭角道77號淘大商場地下G128號舖👧 旺角旺角花園街174A號地舖👧 天水圍天靖街3號天盛苑天盛商場地下M417號舖👧 元朗又新街38號恆富大廈地下15號舖

每一次行過都想試新味，點知次次又叫返芝士味，今日係門口見到有綠茶麻糬，忍唔住要試一試粒粒都有麻糬，好好𡁻好食！不過以為綠茶會好似伯爵茶味苦苦地，不過相比綠茶就甜左少少，食到最後有啲膩。

每次經過都會被店舖的人流吸引，原來買的是創意雞蛋仔，夾餅及梳乎厘班戟，趁着今天經過，人流不算太多就馬上來幫襯一下！橙色配上白色字的logo標誌，色彩鮮艷的相片，十分搶途人眼球～～由於鎖定了今次要試雞蛋仔，最後揀咗宇治金時雞蛋仔，盛惠$25～雞蛋仔黎講價錢真係唔算平，真係要試過先知值唔值得！由Order完就企係門口等7-8分鐘就有新鮮的雞蛋仔出爐！抹茶x紅豆的宇治金時外脆內軟，仲有啖啖的紅豆蓉，有少少甜，但烤得不錯夠香口，忍不住一口接一個，不消一會兒已經消滅了一底雞蛋仔！

之前已試過bove的招牌梳乎厘，今日除了買原味梳乎厘外，再試一試流心雞蛋仔。蜂蜜流心雞蛋仔：比個名吸引了去買，滿心期待一咬開會有熱辣辣的蜂蜜流出來，一試第一粒，都叫外脆內軟，但個流心令我失望，只係放了蜂蜜爆珠，要做到流心就要一咬就咬中個爆珠，咁先可能會整到流心，無下次。原味梳乎厘：鬆軟，唔會過甜，不錯之選。味道：3/5抵食：2/5回頭率：2/5

再一次鹹蛋一見到有鹹蛋加入食材都想試下。經過依間食梳乎厘，門面寫住有鹹蛋味。都毫不猶豫入去叫份試下。但等3個字。。。本以為係得面頭既醬係有鹹蛋味，點知原來唔係。。。梳乎厘夾心係鹹蛋，喜出望外。放落梳乎厘都幾夾，梳乎厘夠鬆軟。

今次試左呢個新推出既款式 叫歌劇院梳乎厘梳乎厘上面淋上朱古力醬 再加埋cream同餅 唔會太甜 好好食！店員都好耐心去整 內面仲有咖啡味同埋 買梳乎厘可以買飲品半價 飲多多仲可以再平😍

鳳🍐酥雞蛋仔好多選擇今次首選鳯梨酥👍🏻👍🏻👍🏻👍🏻等待咗一陣熱辣辣脆卜卜非常吸引真係好味道其他味道同甜食要再幫襯慢慢試食食過翻尋味的甜品🍮內餡有鳯梨酥餡本身鍾有獨中不妨一試喔

繼雞蛋仔愈黎愈多款之後，呢排就好興梳乎厘，自己係香港好少食，但依家愈黎愈多小店可以食到，本身諗住去另一間店食卷蛋，點知賣哂，求其行過見到呢間店幾吸引咁，好即興地就入左去有好多款都好吸引！雞蛋仔啲味好特別，但又想試下梳乎厘揀左勁耐，最後揀左呢個咸蛋黃梳乎厘班戟  $45(雙件)第一啖食好重好蛋味，以為外層個白色醬係咸蛋黃醬，原來唔係，咸蛋黃係匿埋左係入面，但份量比較少，梳乎厘都好高身！軟綿綿，口感唔會太空氣低又唔會好實，我覺得岩岩好，不過個醬冇咩特別，咸蛋黃味唔夠出，假如外層個醬係咸蛋黃味，入面咸蛋黃再多一倍，會好好多