Brass Spoon

營業中

休息中

環境：舖面雖然比較小,但環境簡潔光亮,俾人一種好舒服既感覺。職員服務態度好好，滿臉笑容著，點菜同上菜既態度亦十分友善，抵讚。叫咗個極品生肉湯河，春卷同青檸梳打。先講個牛肉河，首先一黎飲咗啖牛油湯試吓味先，湯底濃淡適中，肥而不膩，唔會食完勁口渴果隻，飲得出係真材實料熬製。特別要讚下個河粉，好晶瑩剔透，食落去好煙韌順滑,，出邊好少有，牛肉亦都好香好嫩口，厚度岩岩好，配埋個湯一齊食十分之完美。春卷都炸得幾好，個皮好脆同鬆化,餡料亦都好足，夾住生菜食，真係一流。至於個青檸梳打，就普普通通，沒咩特別。

盡量造訪及回訪各米其林餐廳，也嘗試準米其林及衝擊米其林的餐廳，以米其林給人的感受去品嚐。星級：不適用。訂位：不設訂位。下單：自選點餐紙。上菜：快速。用餐環境：稍微擁擠。洗手間：一般。門口長期有人龍，不想等位的人士，最好錯開高峰時間光顧。湯底，十分鮮甜，牛味重，少遇見。特級生牛肉鮮嫩，牛筋軟滑。品嘗過後，能感受到越南的味道，其中未必太地道粗獷，但來得細緻。2人光顧，點餐如下：Premium Raw Beef Pho (Omasum, beef ball)Spring RollPreserved Lime Honey WaterPremium Raw Beef Pho (Tendon)Preserved Lime Soda加一後，合共HK$399。

平心而論，佢嘅牛肉河粉湯底係正嘅，牛肉同配料都係上乘，不過就稍嫌分量少啲，價錢偏高但係唔會食得飽。最大問題係佢個舖位本身都唔係大，座位密質質，全部唯一一張長枱嘅枱尾四尺半位竟然擺咗兩個位。加埋左右兩個位，四個人頭堆埋一齊食嘢都幾令人感到不安。我留意之前都係擺一個位，估唔到依家疫情嚴重，好多食肆都擺疏啲位，佢竟然反其道而行！我問其中一個職員可唔可以攞走一個位，佢一口拒絕，仲話佢地都要做生意㗎！唉！君子歛財，取之有道! 賺錢都要顧及顧客嘅安全同感受啊！尤其係佢嘅門口已經長期有人龍，少一個位，做好啲服務得唔得?！

Brass Spoon呢間越南餐廳可以連續幾年喺香港米芝蓮指南度出現就知唔簡單啦 不設訂座嘅餐廳 我哋選擇午飯時間去食 排隊等到12:05pm開門嘅時候就入座 一張張點餐紙已經預備好 mark好晒座位編號 放喺張枱上面 由於座位有限 喺呢間餐廳要搭枱食飯係一件常見嘅事 準備功夫做到足係好嘅⠀⠀▫️生熟牛肉粉(HKD86)追加牛丸(HKD14) - 越式牛肉湯河整體係唔錯 河粉滑啫啫 又夠煙靭 麵條做到掛湯嘅效果 非常入味 湯底清澈而不混濁 味道好清 我想相信湯底係冇落味精嘅 牛丸幾爽口 我覺得可以一試 ⠀⠀呢間餐廳嘅越南河粉 配料係自選嘅 洋蔥 蔥 芫茜 牛湯油可以揀多 少 正常或全走㗎⠀⠀▫️飲品: 鹹青檸蜜梳打 (HKD30)⠀⠀知道午飯時間多人 食完嗱嗱聲起身走㗎啦 J先生行咗出去俾錢先 而我就想飲埋杯飲品 戴好個口罩先走 J先生一起身 侍應立刻衝埋嚟收埋碗筷 OK冇問題 動作仲比快餐店嘅職員快添 呢啲員工抵讚呀 最令我反感就係佢拎住一支漂白水味勁重嘅噴霧想向住張枱噴 而我杯飲品重喺張枱度㗎🤬 我立刻拎起杯飲品 再瞄一瞄嗰位侍應🤬🤬佢應該留意到我啤緊佢 所以立刻將支清潔噴霧壓低 近

是日放假, 又係出去獨食好嘢嘅時候喇! 😜 近日喜食pho, 兩點幾鐘呢啲時間唔三唔四咁, 有啲餐廳午市後休息, 發現星街呢間成個晏晝都開, 就過咗嚟 😋 好幾年前嚟食過一次, 當時佢應該啱啱開冇幾耐, 印象中覺得一般般, 反而後來好多食評都大讃, 仲攞埋米芝蓮推介🤔... 好! 就俾多次機會佢試真啲, 可能當年唔識食! 🙊呢啲時候餐廳唔多客, 有外國人有內地客, 我行咗埋張大枱度搭枱... 叫咗個生牛肉pho my favorite! 首先飲咗啖湯試吓味先, 湯底幾清澈飲得出係真材實料熬製, 不過好似偏鹹咗少少, 個河粉好味彈牙, 質感幾好, 牛肉味道亦好, 呢碗pho 嘅分數合格有餘, 只係略嫌冇乜驚喜, 未至於稱得上香港最好食嘅 pho

Brass spoon is always the place I will go to when I want a pho !!! I personally love their soup base, it’s not oily but with a rich beef stock flavor. Especially i can always add extra onions and scallions!!! Lemongrass chicken cold vermicelli, is always about the sauce!! I will always soak my noodles in a lot of the fish sauce ! Chicken was tender and juicy and nicely grilled !

同事們說剛發薪金，星期五出外吃午餐吧！同事介紹不如去試月街有間小店吃越南粉，聽聞很好味的。幸好我們一行六人去到只是等了一會兒就安排到座位，還可以坐在一起 - Brass Spoon 簡單的餐單；只買牛肉粉及撈檬粉。每人一張自助填寫；這是我的餐單越南菜的精髓魚露醬汁生丶熟牛肉粉配料洋蔥丶蔥丶芫茜丶牛湯油而我這碗很清吧！喝了一口湯底濃濃的牛湯，生牛肉片嫩，熟牛肉有嚼口而軟腍，河粉頗滑口同事K話：河粉滑，湯底好飲怪不得旁邊的食客把湯底喝清光了！燒豬肉檬配上炸乾蔥丶花生丶芫茜丶蔥油同事們說：豬肉好味同事M說：春卷炸得幾好味！檬粉已掛上魚露汁，好好味同事Y説：雞肉整得好滑同事M説：梳打水加了荔枝我們叫的飲品，沒有特別，一般！我也試了一口檬粉，魚露汁沒有一般的咸；而是偏甜帶微微的一點辣味。(基本上不能吃辣的我也可以吃到的程度）Brass Spoon 總結：值得一試！

聽聞Brass Spoon噶湯牛河系出了名噶好食，今日去灣仔附近食lunch，經過哩間店就入去食個湯牛河。其實哩間店系主打越南菜噶餐廳來噶，越南噶春捲都幾出名噶，不過今次我就單點左個湯牛河，牛骨湯好香濃啊，味道好正，牛丸雖然沒有潮汕噶牛肉丸甘彈牙，但系都好有口感，一碗對於我來講都夠塞飽啦。

這家越南牛河店經過不下十次，每次都大排長龍，令人卻步。今日中午難得想一個人孤獨午餐，就排一下，果然立即有位。選了生熟牛河加牛丸，大大碗，賣相很像樣。呷一口湯，清、香、淳~很讚! 很熟悉! 好像回到越南會安的一家聞名小店一樣，灰色的心情立即亮了一半。牛丸彈牙(雖然不及潮州牛丸牛味濃)，熟牛是雲石牛𦟌(比較易散)和厚切牛片(吃不出是甚麼部位但脂肪較多)，生牛無懈可擊! (入口即溶)。之後坐對面的OL應是常客，入店即點特級生牛河，上桌時真的嘩一聲，我下次都要點呢個~最後把湯喝光光以示我對師傅的尊重!! 這家店放進口袋名單~A very authentic pho that make my day! like other famous eateries, their seats are not very comfortable and you need to line up a bit, but their pho resemble those you could only find in Vietnam. Definitely worth a visit and a short wait.

Brass Spoon剛開張時, 説是香港最驚喜的Pho, 她的營業時間霸氣得連晚餐也不用做, 再經過米芝連的加持, 以及兩間分店的擴展, 她說是在Pho界中有一位置. 可惜今次再來, Pho的質素和我所認知的香港一樣, 有點回不了去的意味. 點了Premium牛肉的Pho, 河粉Texture不會黏成一塊, 算是最好的了; 牛肉的Premium不知去了哪裡, 碎得來脂肉分離得有點離普; 湯頭油份不多, 看上去清澈但味道也有點淡然. 說起上來, 蒸粉卷比Pho的味道, 層次更多元化就是.

Brass Spoon攞左好幾年米芝蓮車胎人美食推介 久仰大名 終於都有機會試啦成日去日月星街行逛都會經過Brass Spoon但每次都大排長龍於是次次都放棄等多一秒都嫌多嘅我今次好好 有朋友排定隊等我我先去試咋 哈哈真係要好多謝朋友嘅無私奉獻不過咁 要人齊先入得所以我都等左兩秒架 哈哈生牛肉粉+春卷佢嘅牛肉粉係我食過最滑嘅湯粉真係滑得好緊要然後個湯好牛骨味濃得黎好清甜一啲都唔好油膩 唔會食完好口渴嗰隻我朋友誇張到食完啲粉仲要飲埋個湯添呀牛肉都好軟腍至於春卷都唔錯個皮好香脆 唔會過一陣就腍左餡料都切得好幼細 令到口感更豐富包埋生菜食 口感層次又再昇華

$120一碗牛肉河，跟味道只可以說合格地相配，沒有半點難食，但也說不上感動。粉卷中上。環境有點像高級大排檔，因為有冷氣。 裝修比較簡單，坐不算太舒服，但機價錢也不太貴所以還可以接受。但要批評，不知道什麼原因，職員面黑黑。 客人笑著進店，客人亦笑著點菜，但完全不知道為什麼兩個男職員黑曬面！(反而 負責送上麵與執枱的女服務員態度卻很好友善。)衛生方面，廚房與用餐地方有蒼蠅，冷氣機不斷滴水，但職員絲毫不關心，盼改善。

又係夏日熱辣辣下午茶食碗清新既pho就最好不過。Brass spoon 應該都算係近年pho界名物，年年keep住米芝連推介，小店位於鬧市小山坡上既一個小社區，十分適合假日行下享受下懶洋洋嘅下午。對上一次幫襯都有一年幾前，今次放假黎到灣仔月街經過一定要再入去食返碗先！下晝三點幾人流都唔算多，唔洗排隊就最爽不過。店內乾淨企理，每個位巳擺好佢set招牌Brass spoon等您埋位。叫左個生牛肉河，湯底非常清澈，入口就知係無化學添加真材實料熬製既成品，非常鮮味。用上既河粉質地十分煙靭彈牙，掛上牛肉湯再滑住索入口既感覺係爽皮既！用上高質生牛肉，厚薄同肥瘦適中，肉味香濃，份量都十分充足。總結此店以$90一碗pho黎講，價錢係中上既，但配合埋食物質素同店內環境，絕對物有所值，仲有機會上癮架，一個字形容: 好食

話說今日午飯時候, 記起星街日街有一些美食小店. 行經這間當年很有名的餐廳, 有冇什麼人排隊, 便入內一試.記得當初剛聲名初起的時候, 亦排隊一試. 可是今天的越南粉麵質比較滑, 湯底仍是一貫的水平湯底不錯. 可是總體而言好像已比以往退步.

今日LUNCH 時間，我去了很多人去打卡的越南餐廳 - BRASS SPOON由於12:00時間同埋自己一條友食，好快入座一入座就每人一張點餐紙，好似你去日本拉麵店，你可以跟自己喜好選擇加減配料(炸乾蔥,花生,羌茜,蔥油)由於我係唔食牛，純屬慕名而來，所以我叫了香芽雞檬 ($80)雞肉燒脆肉嫩，桌色上有支撈檬汁，加埋檬粉和所有配料，清新好咬口，酸酸甜甜好開胃這間餐廳職員比較冷漠，不過定他們沒有加一，打和!