Bravo Latata (旺角)

ahnui

等級2

新餐廳，中環搬來MK。以下數百字都係叫你試吓，似鱔稿；不過其實真係唔係。你試過唔掂，俾個劣評，佢就玩完。點解要幫襯：1) 旺角冇好的法國菜。有要求，唔想食雞亦、意粉；你話我聽去邊？2)平。只係中環1/3價錢，散點四道菜每位 $1503)免開瓶費。邊個識食唔識飲酒？自由帶酒多好。我食左乜？煙鱔，蕃茄湯，洋蔥湯，鴨腿，魚扒，焗猪扒飯，焦糖布甸，茶。酒自來，portugal pink port 馬莎有售，唔駛一舊。超水準。不過而家香港地，乜都要講左壞處先，以下壞處有：1)得一個waiter，就係『阿妹』，佢好忙：飲湯連麵包都冇俾我。2)碟頭細，如果閣下仲要發育，最好去其他飯店俾5蚊叫人幫你加底，唔好黎呢度。3)冇檯布，夾檯細，真係似巴黎的小店4)燈太光，唔好做唔見得光嘅嘢。5)人少，無氣氛。6)黑布街，地點弱。但係唔黎試吓，你自已損失，佢應該係MK食French No.1

新餐廳，中環搬來MK。以下數百字都係叫你試吓，似鱔稿；不過其實真係唔係。你試過唔掂，俾個劣評，佢就玩完。
點解要幫襯：
1) 旺角冇好的法國菜。有要求，唔想食雞亦、意粉；你話我聽去邊？
2)平。只係中環1/3價錢，散點四道菜每位 $150
3)免開瓶費。邊個識食唔識飲酒？自由帶酒多好。
我食左乜？煙鱔，蕃茄湯，洋蔥湯，鴨腿，魚扒，焗猪扒飯，焦糖布甸，茶。酒自來，portugal pink port 馬莎有售，唔駛一舊。
超水準。
不過而家香港地，乜都要講左壞處先，以下壞處有：
1)得一個waiter，就係『阿妹』，佢好忙：飲湯連麵包都冇俾我。
2)碟頭細，如果閣下仲要發育，最好去其他飯店俾5蚊叫人幫你加底，唔好黎呢度。
3)冇檯布，夾檯細，真係似巴黎的小店
4)燈太光，唔好做唔見得光嘅嘢。
5)人少，無氣氛。
6)黑布街，地點弱。
但係唔黎試吓，你自已損失，佢應該係MK食French No.1

(以上食評乃用戶個人意見 , 並不代表OpenRice之觀點。)

分享
推介

已推介
檢舉

張貼

評分

用餐日期

2010-02-01

人均消費

$150 (晚餐)

推介美食

grace0721hk

等級4

770

知道呢度有間新既餐廳，特登搵個下午黎試下。大概 12:30去到，一個客人都無，我似乎係第一個喎。佢地好似未太ready咁，大部分都幾慢下。不過服務幾好既，服務員感覺都唔係年青人，所以好口d同埋會同你傾下計咁。set lunch幾平下，由$28-$58不等，有湯底者沙律，主菜，仲有一杯茶或咖啡。主菜我開頭話要白酒青口天使麵，點知黎左個焗豬扒飯，佢話以為我轉左 =o=，跟住我話無轉過，佢又話原來無哂青口，真係無奈。最後佢都整左豬扒飯啦，廢事浪費，就要返個豬扒飯啦。不過其實味道係唔錯既，唔好睇佢細細兜咁，其實份量好大下，炒飯係底好乾身，而且有蛋香。豬扒份量多不到得了，我好似食極都食唔完咁.... D豬扒幾好食，肥瘦適中，而且整得好淋好入味，咁既價錢真係唔錯。不過我覺得太多茄汁，不過係我本身唔係咁鍾意茄汁姐。講返沙律，其實無咩特別，不過感覺唔係好新鮮喎，食落去有D味道有少少怪。仲有杯咖啡真係麻麻地，好淡，無咖啡香，得少少苦味，真係唔太得。原來呢間餐廳係同D房租酒店有關係，係佢地既住客有 8 折，睇黎似係FOR自由行既朋友多D喎。ANYWAY，都可以一試既，因為其實唔係好貴。我都唔知佢本身係中環

知道呢度有間新既餐廳，特登搵個下午黎試下。大概 12:30去到，一個客人都無，我似乎係第一個喎。佢地好似未太ready咁，大部分都幾慢下。不過服務幾好既，服務員感覺都唔係年青人，所以好口d同埋會同你傾下計咁。

set lunch幾平下，由$28-$58不等，有湯底者沙律，主菜，仲有一杯茶或咖啡。主菜我開頭話要白酒青口天使麵，點知黎左個焗豬扒飯，佢話以為我轉左 =o=，跟住我話無轉過，佢又話原來無哂青口，真係無奈。最後佢都整左豬扒飯啦，廢事浪費，就要返個豬扒飯啦。

不過其實味道係唔錯既，唔好睇佢細細兜咁，其實份量好大下，炒飯係底好乾身，而且有蛋香。豬扒份量多不到得了，我好似食極都食唔完咁.... D豬扒幾好食，肥瘦適中，而且整得好淋好入味，咁既價錢真係唔錯。不過我覺得太多茄汁，不過係我本身唔係咁鍾意茄汁姐。

講返沙律，其實無咩特別，不過感覺唔係好新鮮喎，食落去有D味道有少少怪。仲有杯咖啡真係麻麻地，好淡，無咖啡香，得少少苦味，真係唔太得。

原來呢間餐廳係同D房租酒店有關係，係佢地既住客有 8 折，睇黎似係FOR自由行既朋友多D喎。ANYWAY，都可以一試既，因為其實唔係好貴。

我都唔知佢本身係中環有，唔知大家有無食過好唔好食架呢？