Bread and Bistro (已結業)

◊ #throwback一大朝早約咗班朋友去海洋公園，點知遇著朋友遲大到無計，唯有食個早餐食飽先入場💁‍♀️黃竹坑站距離海洋公園離只係一站之隔呢區餐廳實在係少，喺無咩選擇嘅情況下就揀咗食呢間「Bread and Bistro」◌ 環境呢間餐廳環境係坐得闊落舒服，樓底高，喺度食嘢係幾chill◌ 食物．飲品食物價錢稍爲貴咗少少，不過呢區都係差唔多呢啲價All day breakfast 都ok，炒蛋幾滑，其他就不過不失，$148來講就有啲貴另外都加咗個吉列魚柳，都係普普通通啦～呢間最值得食係梳乎厘Pancake即叫即整，等好耐等咗30幾分鐘Pancake有3舊，蛋香濃好鬆軟大大份仲有焦糖香蕉🍌 價錢$128我覺得都抵食咖啡就無咩特別◌ 服務唔錯，店員幾nice有禮貌

呢間餐廳都bookmark 咗一段時間，咁終於有機會試。之前有想過食佢個沖繩塔可飯，但因為個日太凍，所以食咗其他暖胃的飯😆照燒雞扒野菜 鰹魚湯泡飯 $128一開始先試佢的湯底，湯睇落好清澈，飲到鰹魚的香味同鮮味，呢個湯底的確唔錯👍🏻白飯混合咗少少糙米，湯本身都有d 蔬菜粒粒，湯同飯mix埋後食落好有口感。照燒雞扒的照燒汁味好濃郁，表面仲落咗飯素，就咁食會有d鹹，但同湯飯食就啱啱好，食到照燒汁的味道又唔會太鹹，都幾好食😋成個湯飯食完個胃暖笠笠，啱哂冬天食☺️生姜鮮奶 $48飲落似甜甜哋的奶，薑味唔濃，淡淡的薑味令鮮奶的味道更突出，唔錯👍🏻飲到底仲會飲到少少薑粒，但食落無薑的辣味，可能係因為浸係鮮奶度太耐🤔️Menu上的梳乎厘pancake好似都唔錯，但食完個飯都已經飽哂，唯有留返下次😌Bread and Bistro (黃竹坑)黃竹坑香葉道2號One Island South地下G06號舖*上述文章只供參考及以當時價格為準

喺黃竹坑嘅Bread & Bistro嗌了一餐真係令人目不轉睛！👀 首先上嚟嘅海鹽焦糖鬆餅，嘩嘩嘩！香甜焦糖同微咸海鹽交織出咁一個絕妙味覺旅程，解困囉。跟住嚟嘅香濃燉牛肋條飯簡直啱晒，牛肋條腍到化，醬汁濃郁上飯絕配，正！🍚壽喜燒烏冬配安格斯牛肉，可能鹹咗嗰滴水，不過個牛肉夠腍夠汁，烏冬爽滑得嚟，口感丰富。🍜 日式咖哩就嚟得香濃，而嗰吉列豬炒蛋真係煎得啱啱好，脆皮同軟心唔知邊個抵死。諗住食健康嘅蕃薯藜麥沙律，點知嗰啲香脆蕃薯加上薯仔，傾計撻住食完晒，幾罪惡嘅誘惑呀！甜品方面，巴斯克芝士蛋糕真係有咖菠蘿包咁結實，忌廉芝味十足，個布丁燒又滑溜得黎香甜，食完之後，真係令人心情大好！今次嘅食評會嗌完美收場，下次再黎！ 😋🍰🥗

Boxing Day 去南朗山行山本來打算去熟食中心食泰菜點知冇開，唯有去附近搵食。打開OpenRice睇到Bread and Bistro 排頭位又多好評，以為隱陣點知原來係中伏🙄環境不過不失，價錢貴都算以為起碼會有simplylife 質素，點知連ASAP都不如仲冇跟餐飲，CP值極低，5個人每人點一款，除Tuna Taco (生食唔洗煮）外冇一款得，食材都係一般賣單700幾😓，早知去Pizza Express好過。當時失望到連一幅食物相都冇影，不堪入目。又一次教訓食評未必可靠，如果唔係覺得咁伏唔想啲人學我咁滿懷期待去食點知仲衰過唔食，我都唔會花時間寫評價。

今日嚟黃竹坑嘅Bread and Bistro食午飯。餐廳唔算大，午飯時間餐廳都差唔多滿坐，不過唔使等位，我去到時仲有兩張枱冇人。餐廳提供好多唔同類型嘅食物，有拉麵、咖喱、意粉等等今次係星期六嚟，有假日餐牌我就叫咗餐牌有星星即係廚師推介嘅拉麵—自家製豬骨濃湯 配日式叉燒拉麵🍜。賣相一般般，有少少失望。日式叉燒有5mm咁厚，食落味道同口感都好唔錯。不過拉麵同蛋食落都係一般般。唔算難食但都唔係好好食。個人覺得呢個質素，唔值加一前$128呢個價錢。可能午飯時間太繁忙啦，碗麵多幾條烏冬同一小塊牛柏葉😅叫主菜嘅話可以加$78多一份朱古力心太軟蛋糕配一球雪糕。雪糕係雲呢拿味，味道似係自家製，都幾好味。心太軟我個人覺得有少少過甜，唔太推薦。餐廳內部裝修唔錯值得一讚嘅係，餐廳員工服務態度好好。即使係午市繁忙時間，個個都好有禮貌同友善☺️

難得去到黃竹坑, 就上open rice睇下呢區有咩推介啦一見到呢間menu有梳乎厘就心心眼!!只係可惜原來已經冇出啦個職員既回應係：以後都冇架啦到底係weekday冇定真係冇呢…不過主食同小食都好高質, 所以都算係值得推薦既1. 蕃茄忌廉烤雞意粉, 蟹肉海鮮堅魚湯泡飯個意粉非常creamy! 口感一流!!雞肉都算滑泡飯都令人好滿意, 材料十足! 堅魚湯有鮮味! 紅蘿蔔同菇令湯有少少甜味, 呢個配搭幾好! 另外兩杯飲品係凍奶茶同熱朱古力都係水準一流! 2. 水牛城雞翼蜜糖芥末醬呢個值得一讚!!首先, 我哋堅係人地last order之後問有冇機會加個小食, 廚房超好話可以!熱辣辣juicy雞翼加埋超香蜜糖芥末醬!正呀!

🧭獨特體驗：黃竹坑高檔cafe。因為去海洋公園，所以打算入園之前食餐飽d既。難得黎到果頭，就去黃竹坑站醫肚。呢區消費原來好高...一個lunch人頭費要到200蚊。因為佢地lunch係唔送餐飲的🍳食物質素：普通。如果價錢係130~150蚊我覺得還好。200蚊絕對係over左。我埋單係人頭費210元。我叫的係佢菜單上面第一同第二個食物。係小龍蝦泡飯同小龍蝦意粉?然而佢貌似係用左內地的說法，實際上係「大蝦米」泡飯非常之唔得。同朋友share食，極為狼狽。放係碟食...食到一半，上面d汁搞到好似廚餘咁，影響體驗。意粉普通到無理由放係菜單第一頁。叫左兩杯野飲，一杯係果茶黎，朋友話偏甜；我的coffee tonic，上枱的時候已經溝成可口可樂咁，呃....🍴推薦搭配：我睇左佢社交平台，佢地似乎係對梳乎里有信心既。隔離枱叫的鰻魚飯都好靚，有個芝士炸雞又係好靚。我估我係叫左伏野。🪑環境座位：光猛，都幾大。🚗交通：黃竹坑站A出口行2分鐘

估吾到周末入黎南區睇戲，搵到依間優閒既西餐咖啡店。店內裝修頗美觀，又可以睇到出面運動場，不過可能系星期日人太多所以要坐得迫少少。 叫左個 all day breakfast 同咖哩飯，味道都ok,下次會再黎過

同屋企人去開黃竹坑買嘢，順便趁星期六好天就去附近食晏，今次再encore 呢間bread & bistro, 不過今次就唔見班戟，因為早餐實在食得太飽😅我哋叫咗：蟹肉小龍蝦意粉配龍蝦汁，全日早餐配漢堡扒蟹肉小龍蝦意粉配龍蝦汁：龍蝦汁好香濃，蟹肉同小龍蝦肉都頗多，淡淡海鮮精華，加上意粉煮得彈牙，亦好掛汁。除咗車厘茄之外，仲有菠菜令呢碟意粉層次增加，而且更有益，抵讚全日早餐：炒蛋好香滑，好多菇菌，啱晒鍾意食菇類嘅屋企人口味，重點推介漢堡扒，厚厚的，但好鬆軟，味道香口有肉汁，有別於一般快餐店嘅咸咸乾乾漢堡扒。另外香腸，煙肉不過不失

香港南區一向係港島後花園，天文台話嚟緊幾日會打風，我就趁週末仲係好好天氣朝早就同朋友去南區逛逛，我地啱啱過咗中午時段經過呢間Bread and Bistro餐廳，感覺好似好chill，而附近餐廳黎講唯獨呢間食客人數特別多，睇嚟食物應該唔錯，所以入去食個late lunch😌餐廳weekend有特別嘅lunch Menu，選擇非常多，而價錢亦唔算貴，有pasta有pizza食都有pancake，呢排因為食到好飽才食清啲，所以我決定響Menu間咗個signature 吞拿魚沙律($158),而朋友就要一個蟹肉小龍蝦意粉配龍蝦汁（$148)，朋友在加配一個熱情果芒果冰茶($55)😋首先黎左熱情果芒果冰茶，我試左一淡，佢個熱情果芒果味道非常濃郁，店員加埋冰一齊去打，成杯冰茶飲落去好透心涼，唔會太甜😋跟住到我嗰吞拿魚沙律，嚟到睇落去顏色同蔬菜種類非常豐富同新鮮，吞拿魚數目非常多，而沙律嘅特別之處係佢側邊仲加配了一啲新鮮炸起嘅薯角，最欣賞個沙律係用咗簡單嘅沙律柚子汁，夠晒清新，自己再加啲檸檬汁落去已經足夠味道，好green冇負擔🫶🏻而朋友食嗰個蟹肉小龍蝦意粉，首先意粉分量充足，顏色鮮艷，配以檸檬吊

因為喺附近返工所以經常同啲同事過嚟食飯. 一直覺得呢間餐廳d食物同埋服務都正常. 但喺有一個身材矮小長頭髮嘅女員工態度極差, 每次serve 我地嘅態度都好晦氣. 有時唔係落錯單就係落漏嘢之後對唔住都冇聲呢啲都唔緊要. 次次嚟食飯好似得罪咗佢咁, 態度晦氣放親食物落枱次次都好大力好似發緊脾氣咁有幾次我同d同事都俾佢嚇親.但係之後見到佢同其他員工傾計又有講有笑,埋單嗰陣又多謝都冇句. 呀妹妹如果你咁憎啲客就唔好做呢行啦!

⏩️Souffle Pancake梳乎厘一上枱外觀已經非常迷人。梳乎厘質地鬆軟細密，口感非常柔軟，軟到幾乎可以融化在嘴裡。同時間好西利咁，餐廳可以製作到梳乎厘高而又挺身，唔會因溫度一降或放一陣就塌下來。食過不同梳乎厘餐廳比較之下，感覺佢哋用咗高質牛奶同雞蛋製成，加上細緻的糖漿同時令水果，令到整體蛋香味非常濃郁。十分驚喜喺黃竹坑cafe都食到呢個水準既梳乎厘，製作需時大約35分鐘，所以食緊主菜時可以提早落定order食。⏩️心太軟即制既朱古力心太軟熱辣辣出爐，流心既效果無得彈！巧克力糊和外皮的搭配非常完美。口感唔會太甜，保留左朱古力微微苦既濃度。配搭埋雲呢拿雪糕更加正，夏天想消暑，朱古力心太軟絕對是一個不錯的選擇。

Restaurant located next to the place where I play football every Sunday.It don’t look fancy but the food certainly surprise me and my friend.Menu was full of Japanese food with a hint of western in itI ordered Ochazuke Crab Meat & Seafood $148Not cheapest meal I eat after football. I think it’s worth it, rich in seafood flavour Tuna & Avocado cold udon $158My friend went for the healthier option and he said it’s the best food to eat after a hot morning of exercise.Cold udon at its best with tuna

📍Bread and Bistro 黃竹坑香葉道2號One Island South地下G06號舖梳乎厘Pancake好食！1️⃣ 時令水果梳乎厘班戟 Mixed Fruit Soufflé Pancake $128 🌕🌕🌕🌕🌗即叫即整，大概整咗35分鐘。好大份，一上菜嗰陣隔離兩枱都望到即刻加單😂。水果有士多啤梨、藍莓、奇異果，另配有楓糖漿。疏乎厘pancake好鬆軟，但係切開一半嗰陣望到佢入面嘅結構綿密👍🏻。我個人覺得唔落楓糖漿會好味啲，因為楓糖漿嘅味道有啲冚咗疏乎厘pancake嘅蛋味、奶味。2️⃣ 蟹肉牛油果冷烏冬 Crab Meat and Avocado Cold Udon $148 🌕🌕🌕🌗🌑天氣太熱啦，所以main揀冷烏冬試吓。可以揀和風芝麻醬或意式醋汁，我哋揀咗意式醋汁。成個配搭凍冰冰、酸酸地咁，好解暑❄️。蟹肉係拆好晒嘅，啖啖肉好滿足🤤。牛油果蓉都幾大嚿～3️⃣新鮮檸檬梳打 Fresh Lemon Soda $38三大片檸檬，似冇另外落syrup，所以味道好清新！另收加一南區真係好少好嘢食，呢間算係唔錯嘅選擇！會推薦疏乎厘pancake一份，其實夠兩條友share食💗

同朋友諗住去食梳乎厘pancake 去到先知原來平日係冇要weekend先供應pancake 仲要其他甜品都冇得個心太軟 呢下已經有D失望 但反正未食飯就食個lunch先啦 餐廳環境幾好 cafe feel嘅西日餐廳 lunch時間仲要上面寫字樓 都預左會人多嘈Dge 但最嘈ge唔係其他客人 而係餐廳個男侍應 不停大叫 仲要D聲線聲調好討厭lo多數去日本餐廳先會聽到果Dい→らっ↗しゃい↘ま→せ↗↗↗ge打招呼方式 個男侍應不停用呢D聲調講野仲要好大聲下 歡↗迎↗光→臨↗↗↗未↗有↘位↗↗↗要↗等→等↗↗三↗位↗呢→邊↘請↗↗坐↗↗有↗↗啲→咩↘幫↗↗到↗你↗↗ 嘩 成餐飯不停loop住聽到 聽到我反胃食物唔算好食 價格都有D貴 特飲50幾蚊都幾貴又唔算特別 冇得食pancake之餘仲要聽住個男侍應把死人聲 成餐飯食到好唔自在好唔高興lo