144
14
1
港鐵上環站 A2 出口, 步行約3分鐘
繼續閱讀
電話號碼
61358882
開飯介紹
適合放鬆的高質咖啡店,木系裝修簡約舒服,很受附近的上班族歡迎。供應不少異國美食,如北非香辣番茄焗蛋配酸種包及黑松露忌廉貓耳朵都很有特色。
繼續閱讀
營業時間
今日營業
09:00 - 21:00
星期一至日
09:00 - 21:00
以上資料只供參考, 請與餐廳確認詳情
有關獎賞計劃
Brewed係上環一間人氣咖啡小店,我好耐之前食過一次,後來裝修兼搬咗地方,最近再去就再次愛上🥰 食完一次隔日又忍唔住再去😆環境雖然唔係好大,但舒服🧡 食物質素高,尤其係佢嘅酸種麵包🍞 試過兩款brunch都好正💖 整體非常推介❤️ 不過呢間咖啡店都真係幾人氣,最近去都要排隊,大家預少少時間💕𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁 ☰ ᴍᴇɴᴜ 𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁•𝗚𝗿𝗶𝗹𝗹𝗲𝗱 𝗖𝗵𝗶𝗰𝗸𝗲𝗻 𝗧𝗼𝗮𝘀𝘁 香烤雞肉多士• $𝟭𝟬𝟴特別推介【香烤雞肉多士】🍗 雞腿肉嫩滑多汁,配上外脆內軟嘅酸種多士,配上紅鷹嘴豆泥、菲達芝士🧀、青芝麻醬,非常惹味🌟•𝗦𝗵𝗮𝗸𝘀𝗵𝘂𝗸𝗮 北非香辣番茄焗蛋配酸種包• $𝟵𝟴𝘚𝘮𝘢𝘭𝘭 (1-2 𝘱𝘦𝘰𝘱𝘭𝘦)本來係衝住佢嘅Shakshuka去,但味道比較辣同香料重,唔係我最愛嗰款,但都好滿足🌶️🍳•𝗕𝗮𝗻𝗮𝗻𝗮 𝗕𝗿𝗲𝗮𝗱 香蕉麵包• $𝟯𝟱另外Banana Bread都幾好🍌🍞 帶香蕉自然甜味,翻熱後暖暖地好comfort food💛•𝗢𝗮𝘁 𝗟𝗮𝘁𝘁𝗲• $𝟰𝟱•𝗗𝗮𝗿𝗸 𝗖𝗵𝗼𝗰𝗼𝗹𝗮𝘁𝗲• $𝟰𝟱咖啡方面,我最鍾意佢嘅Oat Latte☕️ 順滑香濃。男朋友試咗Dark Chocolate就覺得還好☕️🍫⋆ ⋆ ⋆ ⋆ ⋆🐽 Overall : 9/10🐽 Revisit : Yes!
繼續閱讀
一向對有窗嘅Cafe情有獨鍾 假期去開上環遊走 係街頭被佢哋嘅窗邊吧枱位吸引咗我~餐廳門面係灰色水泥風 而裡面則係已木系枱凳配合柔和燈光 感覺都幾唔同🤓意大利辣肉醬貓耳朵 $128貓耳朵軟硬適中 食落Q彈有咬口 意粉醬汁香濃🥰 creamy帶微辣 又唔會太膩 不過辣肉醬有啲太鹹 但醬汁配耳朵粉已經好好食😋Grilled Chicken (Add-On) +$40一入門口就俾佢盤雞扒香氣吸引住 為食貓想試多樣嘢食 另外加咗雞扒 雞扒厚肉外皮帶微脆 鋪滿大量嘅孜然味 手撕豬肉多士 $108面頭有靚仔嘅太陽蛋🍳手撕豬肉唔會太嚡 配上Greek yogurt, Feta cheese🧀, 中東芝麻醬食落更有層次白桃茉莉🍑 $48入面有大量嘅白桃肉🥰 甜度適中 飲落嘅refreshing 🍃Hojicha Chocolate $45焙茶同朱古力味雖然未算非常濃郁 但兩個味道平衡得宜 帶少少甜味 適合我哩啲小朋友口味👧🏻今次揀咗白酒 Casalforte Pinot Grigio🥂好啱女仔飲 易入口 啱哂食意粉. 餐廳有多款紅白酒供應🍷 仲有free flow添
繼續閱讀
今日專登帶先生去上環街頭一間小小嘅咖啡店,位置唔算當眼,地方唔大,冇咩浮誇裝潢,卻用心做好每一份食物。3點去到一樣熱鬧滿座,氣氛又輕鬆又溫馨,好有歐洲街角咖啡店嘅感覺。餐牌唔算多選擇,反而簡單得嚟夠專注。主打係幾款多士同埋意粉,但每一道都見心機,質素非常之高,食過一次就會記得。🏅手撕豬肉多士**($108),兩塊酸種麵包烘得外脆內軟,旁邊堆滿咗香口嘅豬肉絲、流心太陽蛋、濃濃嘅希臘乳酪同Feta芝士,仲有啲脆卜卜合桃、青瓜粒、紅莓乾,加埋中東芝麻醬同harissa辣椒醬,層次豐富,食落口感精彩,好滿足。🏅濃蝦汁蟹肉扁意粉**($148)。嗰個蝦汁真係不得了,一入口就係蝦鮮味爆發,濃得嚟唔膩,配上滿滿嘅蟹肉同彈牙嘅扁意粉,非常美味。另外有傳統英式🏅Scone**($30/1個),外脆內鬆,配埋果醬同奶油一齊食,簡單但好正宗。點了杯Cappuccino**($40),啱晒坐低慢慢嘆,拉花靚到唔捨得飲,味道又香又滑,成個下午可以hea足。
繼續閱讀
.上環原來有好多靚cafe 今次試呢間木系裝修而食物有中東色彩嘅cafe都有啲驚喜❣️.🌟 香烤雞肉多士 Grilled chicken toast $108烤雞經過香料的醃製🐔 表面呈現輕微焦香咬下去能感受到外皮的酥脆與內部多汁的肉質雞肉🍗同toast上的feta cheese🧀 + green tahini dressing完美融合,少少🤏奶香吐司🍞係用sourdough 邊緣比較硬但內裡柔軟 平衡整體的油膩感整體口感幾香口幾有層次.🌟 濃蝦汁蟹肉扁意粉 Prawn sauce crab meat Linguine🍝 $148呢個係店內signature蝦汁是以新鮮大蝦熬煮而成 🦐 帶有濃厚的蝦膏香氣👃 混雜著蒜頭和白酒的提味 蟹肉份量不少 🦀 扁意粉🍝吸附了豐富的醬汁每一口都口感彈牙好味🤤搭配 🌟green tea latte 🍵 的清新口感幾舒服🫶🏼🫶🏼.🌟香蕉麵包 🍌🍞 $35估唔到外表普通,但其實真係好好食☺️☺️成熟香蕉的天然甜味是核心 🍌 烘烤後散發出濃郁的焦糖香外皮微焦的口感與內部濕潤柔軟的質地形成鮮明對比咬下去能感受到香蕉的濃郁🤍🤍👍🏿 .唔係話你知😌呢度每一日都有happy hour下午五點到七點👍🏿每杯價錢$38至$68超抵‼️飲杯酒嘆個tea 感覺真係好悠閒🫶🏼.📍上環禧利街27號富輝商業中心地下E號舖.
繼續閱讀
。O小姐。發掘港島西-Brewed 紅與白。日常。繼續發掘港島西,繼續周圍遊走,上環地鐵站附近其實都有好多餐廳,以前食過越南嘢啦、又食過墨西哥嘢啦,咁多選擇,都唔知揀乜嘢好。行過見到呢一間好似幾簡約,灰色水泥面,跟住將啲餐牌貼晒喺門口,清晰,我鍾意,睇完,又好似唔係好貴,兼且仲見到佢有happy hour,咁就唔好諗啦!入門口係需要上幾層樓梯嘅,happy hour佢都見到有七成滿,當然我哋入座咗之後直程滿晒啦。我哋被安排咗坐喺近門口,對住個廚房,同bar 枱位,open kitchen嚟嘅,可以睇住佢哋整嘢食🤭店員推介我哋Happy hour 飲酒,因為好抵,咁我哋叫咗一紅一白,白嘅係德國Riseling - 起初仲以為佢好甜,但係飲落又唔係喎,易入口,啱晒我哋呢啲小白~紅酒方面就叫咗支意大利嘅,都係易入口嘅,又唔係話好dry,對得起個價錢啦。同埋原來其實佢百幾蚊可以任飲,如果有得任飲嘅話,一大班朋友嚟好似又OK喎,依家酒吧都唔止呢個價啦吓嘛主食方面,叫咗- 濃蝦汁蟹肉扁意粉 - 佢係有少少偏辣嘅,啲汁比較多,蟹肉方面佢都幾多,起初仲以為得嗰少少,但對於我嚟講就偏辣咗少少啦,但同朋友人就覺得好啱佢胃口- 手撕豬肉配多士 - 估唔到佢上枱嘅時候有隻蛋喺面度😳即刻有一種好似食緊東南亞嘢嘅感覺,手撕豬肉又唔會話太嚡,撈埋啲蛋一齊夾埋個多士一齊食,有問過店員,店員話佢哋特登唔放落個漢堡包入面嘅,因為驚個包太腍,所以佢哋就用咗多士放喺側邊,等啲客人想食包嘅時候又有包啦,夾埋食又得- 由於係happy hour嘅時間,所以我哋都係飲吓嘢食少少,再配返個甜品 - 我哋都有問過店員,佢哋主力都唔係甜品,咁但係佢哋都有推介我哋食佢哋嘅提拉米蘇 - 估唔到佢個Tiramisu係用杯上😳 佢個味唔會話太甜,配Riesling 嘅話係OK嘅,酒味都唔會話太重總括嚟講, happy hour係抵嘅,如果下次我嚟可能我會想試下食佢嘅鬆餅,跟住再配杯咖啡,仲要再早少少嚟,因為食嘢嘅時候見到有位靚女坐咗喺吧枱一路睇書一路飲咖啡,生活好寫意😀
繼續閱讀