BuBu燒麻辣燙

營業中

休息中

油塘中心雖然舊，不過有好多食肆。話說之前有間新餐廳係賣台灣嘢，但話咁快就易咗手🙈。呢日去開家興入貨，就試吓新店「BuBu燒麻辣燙」。舖頭用個BB頭像做招牌👶🏻🍼，好得意呀。估計小店係由一家人經營。女店主好友善，同我傾偈，叫我下次再嚟幫襯。小店賣嘅食物種類唔算多，不過係大路嘢，例如有麻辣燙、串燒、炸物同涼拌小食等，價錢大眾化👍。食物即叫即整，大約需時十分鐘，等嘅期間可以喺户外啲枱櫈坐吓。BuBu麻辣燙($50起)，呢個係乾拌款式🥢，餸料選擇有廿幾款，分兩個價位$13及$9，同時亦可揀主食$10。我要咗米線，基本上你可以當佢係正餐，大大碗，夠晒飽。麻辣燙口味火辣辣🔥，辣度唔講得笑，建議大家唔好一次過撈晒啲辣椒，逐啲逐啲嚟。佢另外仲有蔥同芫荽等，食落好鬼惹味。墨魚頭($13)，屋企兩老好鍾意食墨魚🦑，但好多時都好硬、咬唔開。不過呢度嘅出品相反，爽得嚟一啲都唔韌，幾正。但佢個樣就衰少少，有啲似雞子🤣。魚肉春卷($13)，🍢春卷有兩大條，腐皮包裹彈牙魚肉，好食過普通魚蛋，佢有啲似南記招牌。豬頸肉($13)，🐷即使豬頸肉唔係泰式燒烤咁香口，不過味道都OK，肉質唔嚡，亦無過多肥膏，個人認為好過五花腩

午市燙燙餐 （$45）餸就叫左肥牛，午餐肉，芝士腸，豆卜。面底就叫左薯粉。個湯底夠辣，好過癮！有小小麻麻地既感覺，好正。薯粉爽口彈牙。餸方面份量好足，肥牛都幾爽口，唔錯！香脆豬扒飯 配腸仔 配黑椒汁 （$45）豬扒好大塊，個皮都好脆，肉質都滑。個黑椒汁幾香幾惹味，唔錯。👍🏻45蚊黎講份量都真係幾大份。Bubu串燒串燒我地叫左幾款，分别係雞中翼, 雞軟骨, 韭菜, 牛舌, 一口牛。全部調味都做得好好，好過癮，而且燒得好香。雞軟骨好食，牛有牛味，咁既價錢真係幾抵食。👏🏻Bubu涼伴皮蛋 小辣 ($20)皮蛋味重，有小小流心感覺，個味道都做得好好，小小辣好過癮。$20黎講真係可以食多幾次！豆漿 （跟餐+$3）味道都唔錯。冬瓜檸檬 （跟餐+$8）呢個佢地自家製，好解渴好好飲，必須一試！